ఆకునూరు

ఆకునూరు
—  రెవిన్యూ గ్రామం  —
ఆకునూరు
అక్షాంశరేఖాంశాలు:
రాష్ట్రం	ఆంధ్రప్రదేశ్
జిల్లా	కృష్ణా
మండలం	ఉయ్యూరు
ప్రభుత్వం
- సర్పంచి
జనాభా (2011)
- మొత్తం	3,207
- పురుషులు	1,591
- స్త్రీలు	1,616
- గృహాల సంఖ్య	885
పిన్ కోడ్	521345
ఎస్.టి.డి కోడ్	08676

ఆకునూరు కృష్ణా జిల్లా ఉయ్యూరు మండలానికి చెందిన గ్రామం.ఇది మండల కేంద్రమైన వుయ్యూరు నుండి 5 కి. మీ. దూరం లోను, సమీప పట్టణమైన విజయవాడ నుండి 25 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 885 ఇళ్లతో, 3207 జనాభాతో 363 హెక్టార్లలో విస్తరించి ఉంది. గ్రామంలో మగవారి సంఖ్య 1591, ఆడవారి సంఖ్య 1616. షెడ్యూల్డ్ కులాల సంఖ్య 896 కాగా షెడ్యూల్డ్ తెగల సంఖ్య 74. గ్రామం యొక్క జనగణన లొకేషన్ కోడ్ 589561.సముద్రమట్టానికి 11 మీటర్ల ఎత్తులో ఉంది.వుయ్యూరు, మానికొండ నుండి రోడ్డురవాణా సౌకర్యం ఉంది. రైల్వేస్టేషన్: విజయవాడ 28 కి.మీ.దూరంలో ఉంది.ఇక్కడ చెరుకు, తమలపాకు ముఖ్యమైన పంటలు. పసుపు కూడా విరివిగా పండుతున్నది. పసుపును అంతర పంటగా పండిస్తారు.

గ్రామ పంచాయితీ

• ఆకునూరు గ్రామ పంచాయతీకి ఒక ప్రత్యేకత ఉంది. ఈ గ్రామంలో దివంగత కాకాని వెంకటరట్నం కుటుంబంలో ఇప్పటికే రెండు తరాలవారు గ్రామ పరిపాలన బాధ్యతలు నిర్వహించగా, 2013 జూలైలో జరుగు ఎన్నికలలో మూడవ తరం ప్రతినిధిగా కాకాని విజయకుమార్ గ్రామ పంచాయతీ సర్పంచి పదవికి పోటీలో ఉన్నారు. ప్రత్యేకాంధ్ర ఉద్యమంలో ఉక్కు కాకానిగా పేరుగాంచిన కాకాని వెంకటరత్నం, 1934 నుండి 1937 వరకూ ఆకునూరు గ్రామ పంచాయతీ సర్పంచిగా వ్యవహరించాడు. అనంతరం రాష్ట్ర మంత్రిగా, పీ.సీ.సీ అధ్యక్షులుగా పనిచేశాడు. ఆ తరువాత అతని కుమారుడు కాకాని రామమోహనరావు 1964-1970 మధ్య ఈ గ్రామ సర్పంచిగా పనిచేశాడ. తరువాత మండల వ్యవస్థ ప్రారంభం అయ్యాక, 1987లో ఆయన ఉయ్యూరు మండలాధ్యక్షులుగా ఎన్నికైనాడ. 2013 జూలైలో ఈ గ్రామంలో జరిగిన పంచాయతీ ఎన్నికలలో కాకాని రామమోహనరావు కాకాని విజయ కుమార్ సర్పంచి పదవికి పోటీ చేసి విజయం సాధించాడు.
• ఈ గ్రామానికి చెందిన మందాడి సత్యనారాయణ, విద్యుచ్ఛక్తి శాఖలో పదవీ విరమణ పొందిన సీనియర్ గణాంకాధికారి. ఇతను గ్రామంలోని ప్రజలందరికీ స్వచ్ఛమైన త్రాగునీరు అందించాలనే లక్ష్యంతో, రు. 13 లక్షలతో తన కుమారుడు శ్రీనివాస్ జ్ఞాపకార్ధం, గ్రామంలో సురక్షిత త్రాగునీటి పథకాన్ని నిర్మించి పలువురికి ఆదర్శంగా నిలిచారు. ఈ పథకం 2014, మార్చి-15న ప్రారంభించారు. ఈ పథకం నిర్వహణ బాధ్యతను పంచాయతీకి అప్పగించారు.

విద్యా సౌకర్యాలు

గ్రామంలో ప్రభుత్వ ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాలలు రెండు, ప్రభుత్వ మాధ్యమిక పాఠశాల ఒకటి ఉన్నాయి. ఒక ప్రభుత్వ జూనియర్ కళాశాల ఉంది.సమీప బాలబడి వుయ్యూరులో ఉంది.సమీప ప్రభుత్వ ఆర్ట్స్ / సైన్స్ డిగ్రీ కళాశాల వుయ్యూరులోను, ఇంజనీరింగ్ కళాశాల విజయవాడలోనూ ఉన్నాయి. సమీప వైద్య కళాశాల, మేనేజిమెంటు కళాశాల, పాలీటెక్నిక్ విజయవాడలో ఉన్నాయి.సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల విజయవాడలో ఉన్నాయి.

• ప్రభుత్వ జూనియర్ కళాశాల: ఈ కళాశాల వార్షికోత్సవం, 2016, జనవరి-29న నిర్వహించారు. [3]
• మండల పరిషత్తు (బి.సి) పాఠశాల:- ఈ పాఠశాల ప్రధానోపాధ్యాయులు ఉప్పాల ఫణీంద్రకుమార్ జాతీయస్థాయి ఉత్తమ ఉపాధ్యాయ పురస్కారానికి ఎంపికైనారు. 2015, సెప్టెంబరు-5వ తేదీనాడు, ఉపాధ్యా దినోత్సవం సందర్భంగా, కొత్తఢిల్లీలో జరిగిన కార్యక్రమంలో రాష్ట్రపతి ప్రణబ్ ముఖర్జీ చేతులమీదుగా వీరు ఈ పురస్కారం అందుకున్నారు. వీరు ఇంతకుమందు జిల్లా, రాష్ట్రస్థాయి ఉత్తమ ఉపాధ్యాయ పురస్కారాలు అందుకున్నారు.

వైద్య సౌకర్యం

ప్రభుత్వ వైద్య సౌకర్యం

ఆకునూరులో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు.సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉన్నాయి. డిస్పెన్సరీ, సంచార వైద్య శాల గ్రామం నుండి 5 నుండి 10 కి.మీ. దూరంలో ఉన్నాయి. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం

గ్రామంలో2 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు ఇద్దరు ఉన్నారు.

తాగు నీరు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది.

ఊర చెరువు:- మహత్మాగాంధీ జాతీయ ఉపాధి హామీ పథకంలో భాగంగా, గ్రామంలోని ఈ చెరువులో పూడీతీత పనులు జరుగుచున్నవి. చెరువును ఎండగట్టినారు. త్రవ్విన మట్టితో కట్టలను బలిష్టంచేస్తున్నారు.

పారిశుధ్యం

మురుగునీరు బహిరంగ కాలువల ద్వారా ప్రవహిస్తుంది. మురుగునీటిని శుద్ధి ప్లాంట్‌లోకి పంపిస్తున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

ఆకునూరులో పోస్టాఫీసు సౌకర్యం, సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం మొదలైన సౌకర్యాలు ఉన్నాయి. ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉంది.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.

రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు

గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు గ్రామం నుండి 5 నుండి 10 కి.మీ. దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉన్నాయి.

ఆరోగ్యం, పోషణ, వినోద సౌకర్యాలు

గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. సమీకృత బాలల అభివృద్ధి పథకం, ఆటల మైదానం గ్రామం నుండి 5 నుండి 10 కి.మీ. దూరంలో ఉన్నాయి.

గ్రామ ప్రముఖులు

శ్రీ కాకాని వెంకటరత్నం స్మారకార్ధం ఆకునూరు గ్రామంలో నెలకొల్పిన విగ్రహం

• కాకాని వెంకటరత్నం

గ్రామ పంచాయతీ

ఆకునూరు గ్రామ పంచాయితీ కార్యాలయ భవనం

ఆకునూరు గ్రామ పంచాయతీకి ఒక ప్రత్యేకత ఉంది. ఈ గ్రామంలో దివంగత కాకాని వెంకటరట్నం కుటుంబంలో ఇప్పటికే రెండు తరాలవారు గ్రామ పరిపాలన బాధ్యతలు నిర్వహించగా 2013 జూలైలో జరుగు ఎన్నికలలో మూడవ తరం ప్రతినిధిగా శ్రీ కాకాని విజయకుమార్ గ్రామ పంచాయతీ సర్పంచి పదవికి ఎన్నికయ్యాడు. ప్రత్యేకాంధ్ర ఉద్యమంలో ఉక్కు కాకానిగా పేరుగాంచిన కాకాని వెంకటరత్నం, 1934 నుండి 1937 వరకూ ఆకునూరు గ్రామ పంచాయతీ సర్పంచిగా వ్యవహరించాడు. అనంతరం రాష్ట్ర మంత్రిగా, పీ.సీ.సీ అధ్యక్షులుగా పనిచేశాడు. ఆ తరువాత ఆయన కుమారుడు కాకాని రామమోహనరావు 1964-1970 మధ్య ఈ గ్రామ సర్పంచిగా పనిచేశాడు. తరువాత మండల వ్యవస్థ ప్రారంభం అయ్యాక, 1987 లో ఆయన ఉయ్యూరు మండలాధ్యక్షులుగా ఎన్నికైనాడు.

దర్శనీయ ప్రదేశాలు/దేవాలయాలు

శ్రీ రామలింగేశ్వరస్వామివారి ఆలయం

నూతనంగా నిర్మించిన ఈ ఆలయంలో విగ్రహప్రతిష్ఠా కార్యక్రమం, 2017, జూన్-14వతేదీ బుధవారం నుండి 16వతేదీ శుక్రవారం వరకు వైభవంగా నిర్వహించెదరు.

విద్యుత్తు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 8 గంటల పాటు వ్యవసాయానికి, 12 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం

ఆకునూరులో భూ వినియోగం కింది విధంగా ఉంది:

• వ్యవసాయేతర వినియోగంలో ఉన్న భూమి: 46 హెక్టార్లు

• శాశ్వత పచ్చిక ప్రాంతాలు, ఇతర మేత భూమి: 6 హెక్టార్లు
• తోటలు మొదలైనవి సాగవుతున్న భూమి: 1 హెక్టార్లు
• వ్యవసాయం చేయదగ్గ బంజరు భూమి: 1 హెక్టార్లు

• నికరంగా విత్తిన భూమి: 307 హెక్టార్లు

• వివిధ వనరుల నుండి సాగునీరు లభిస్తున్న భూమి: 307 హెక్టార్లు

నీటిపారుదల సౌకర్యాలు

ఆకునూరులో వ్యవసాయానికి నీటి సరఫరా కింది వనరుల ద్వారా జరుగుతోంది.

• కాలువలు: 282 హెక్టార్లు
• బావులు/బోరు బావులు: 25 హెక్టార్లు

ప్రధాన పంటలు

వరి, అపరాలు, కూరగాయలు, తమలపాకులు

ప్రధాన వృత్తులు

వ్యవసాయం