అరుణ్ గావ్లి

మూస:Infobox politician అరుణ్ గులాబ్ గావ్లి , అతని అనుచరులచే "డాడీ" అని పిలువబడతాడు, ఇతను ముంబై, భారతదేశంలో కరడు కట్టిన నేరస్తుడు, ప్రస్తుతం రాజకీయాలలో ఉన్నాడు. బైకుల్లా లోని దగ్డి చావ్ల్, సాత్ రాస్తా, ముంబై కేంద్రంగా ఆయన కార్యకలాపాలు నిర్వహిస్తున్నాడు. ముంబై చించ్ పోక్లి నియోజకవర్గం నుంచి అఖిల్ భారత సేన అభ్యర్ధిగా 2004లో MLAగా ఎన్నిక అయ్యారు.

గావ్లి ఎదుగుదల తొందరగా జరిగింది, అతను స్థానికుడు అవ్వడం ఇందుకు కారణం అవ్వచ్చు, ఇది మరాఠీ వారు కాని మిగతా డాన్ ల నుండి ఆయనను ప్రత్యేకంగా చూపింది. గావ్లి ఇంకో విషయంలో కూడా ప్రత్యేకత కలిగి ఉన్నారు, ఆయన హిందూ(ఆయన భార్య, ఆశతాయి [మహమ్మద్ షేక్ లాల్ ముజావర్ "నంహు భాయ్" పుత్రిక వాడగావున్-పాంచిపూర్, జిల్లాకు చెందిన వారు. పూణే] మమ్మీ అనే మారుపేరు కల ఆవిడ ఒక ముస్లిం) కాగా మిగతా డాన్లు ముస్లింలు. చాలా సందర్భాలలో గావ్లికి శివ సేన అధ్యక్షుడు అయిన బాల్ థాకరే మద్దత్తు ఇచ్చారు, కానీ గావ్లి మనుషులు శివ సేనకు చెందిన శాసన సభ సభ్యులను మరియు పార్టీ సభ్యులను విచక్షణా రహితంగా చంపడంతో, ఆయనకి మరియు శివ సేన బాల్ థాకరే మధ్యలో అగాధం ఏర్పడింది. అప్పటి దాకా భయం అంటే ఎరుగని శివ సేన సభ్యులు వారి సొంత భయ తంత్రాలకు బలి అయ్యారు. దావూద్ ఇబ్రహీం ముంబై నుంచి తరలిపోయినప్పుడు ఏర్పడ్డ ఖాళీలో గావ్లి ఎదేచ్చగా అపహరణాలు, భయ పెట్టి డబ్బులు వసూలు చేయడాలు కొనసాగించాడు. అతనికి పలుకుబడి ఉన్న రాజకీయ నాయకుల మరియు ప్రభుత్వ ఉద్యోగుల సహాయం ఉందని నమ్ముతారు. ఆయన తాను పట్టు కోల్పోతున్నానని అని గ్రహించి రాజకీయాలలోకి అడుగు పెట్టారు, ఫలితంగా ఆయన మార్గదర్శకులకు ఆయనకి మధ్య విరోధం ఏర్పడింది.

ప్రాబల్యం కలిగిన నేరస్తులు లేదా "గూండాలు"_అరుణ్ గావ్లి,రమ భాయ్ నాయక్, బాబు భాయ్ రేశిం, గురు సతం అథవా మామ,అశోక్ చౌదరి అథవా చోటా బాబు, అనిల్ భాయ్ పరబ్, తాన్య కోలి- వీరంతా 1970వ దశకంలో ముంబై కాట్టన్ మిల్లుల సమ్మెలోంచి పుట్టిన వారు, ఆ సమ్మె వల్ల లక్షల మంది మిల్లు కార్మికులు ఉపాధి కోల్పోయారు. పైన పేర్కొన్న అందరిలో గావ్లి మినహా అందరిని మాఫియా ప్రత్యర్ధులు దారుణంగా చంపారు. సమ్మె కారణంగా ఉపాధి కోల్పోయి ఆకలి దరిద్రాలను అనుభవిస్తున్న మిల్లు కార్మికుల పిల్లలు మెల్లగా చిన్న చిన్న నేరాలు చేయడం మొదలు పెట్టారు. దగ్ది చావల్ సిండికేట్ మొదట్లో డి-కంపనీతో కలిసి పని చేసేది కానీ తరువాతి కాలంలో వసూళ్ళ పంపకాల్లో వచ్చిన అంతర్గత గొడవల వల్ల విడిపోయింది. బైకుల్ల-మహలక్ష్మి-అగ్రిపడ-పరేల్/నయగావ్-చించ్ పోకిలి ప్రాంతాల్లో ఒక చిన్న చార్జ్ షీట్ కలిగిన గావ్లి, ప్రస్తుతం దగ్ది చావల్ ప్రాంతానికి తిరుగులేని నాయకుడు. అతని మాట దగ్ది చావల్ మరియు ముంబైలో చాలా ప్రాంతాల్లో ఒక శాసనంగా పరిగణిస్తారు.

గావ్లి, రమభాయ్ నాయక్ యొక్క అనుచరుడు. అతన్ని 1986లో సుపారి కింగ్ కరీం లాల మేనల్లుడు సమద్ ఖాన్ను కాల్చి చంపాడు. దాని వల్ల దావూద్ ఇబ్రహీం ముంబై నేర ప్రపంచాన్ని ఏలడానికి మార్గం సుగమం అయ్యింది. రామనాయక్ కూడా 1988లో నాగ్పడ ప్రాంత పోలీసు అధికారి రాజన్ కట్ధారే చేత ఎదురు కాల్పుల్లో చనిపోయాడు, ఈ పని దావూద్ ఇబ్రహీం చేయించాడని ఆరోపణలు ఉన్నాయి. రామనాయక్ ని గావ్లి మరియు అతని అనుచరులు ఇప్పటికి బైకుల్ల దగ్ది చావల్ ప్రాంతానికి అసలైన పితామహుడిగా కొలుస్తారు.

ఆది జీవితం

ఈ మిల్లు కార్మికుని కొడుకు కర్మాగారంలో పని చేయడానికి ప్రయత్నించాడు కానీ అతనిలో ఓపిక సహనం లేవు. అతను దగ్ది చావల్ ప్రాంతంలోని తన నివాసాన్ని ఒక చిన్న కోట లాగా మార్చి దావూద్ ఇబ్రహీం మరియు చోటా రాజన్తో మెల్లగా సాన్నిహిత్యం పెంచుకున్నాడు. ఒకప్పుడు గావ్లి తండ్రి అతని భాగాస్వాములచే చంపబడిన తరువాత గావ్లి జట్టును తాయారు చేసాడు, ఈ జట్టు మూతపడుతున్న మిల్లుల ఆస్థి తగాదాలు మరియు కార్మిక సంఘాల పైన బతికేది. 1990 దశకంలో గావ్లి తన కారాగార కాలాన్ని పూర్తి చేసినప్పటికీ అతన్ని 1993 ముంబై పేలుళ్ళ సంఘటనలో ఉగ్రవాద మరియు శాంతి భంగాల చట్టం(నివారణ) పరిధిలోకి తీసుకొని అతనికి నాలుగు సంవత్సరాల కారాగార శిక్ష విధించారు-అతను మధ్య ముంబైను తన ఉక్కు పిడికిలిలో ఉంచాడు. ముంబై పేలుళ్ళ తరువాత అకస్మాత్తుగా శివ సేనకు గావ్లి ఒక్కడినే హిందూ నాయకునిగా స్వీకరించవలసిన అవసరం వచ్చింది. ఒక సందర్భంలో థాకరే ఇలా అన్నారు "వారికీ దావూద్ ఉంటే, మాకు గావ్లి ఉన్నాడు". 1997లో గావ్లిని విడుదల చేసారు. అతను శివ సేన నుంచి విడిపోయి అఖిల్ భారతీయ సేన పార్టీని నెలకొల్పాడు. 1997 నుంచి 2004 మధ్య కాలంలో గావ్లిని 15 పైగా నేరాలకు అదుపులోకి తీసుకున్నారు కానీ నిరూపించలేకపోయారు. మెల్లగా అతను నేర ప్రేవృత్తిని మానుకున్నాడు, కానీ ముంబైలో నివసించే ఏకైక నేర సామ్రాజ్య నాయకునిగా మిగిలాడు.

రాజకీయాలు మరియు కారాగార వాసం

"డాడీ"ని తరచుగా కారాగార౦లో పెట్టేవారు. అతను పది సంవత్సరాలు పైనే చట్టం అదుపులో ఉన్నారు కానీ ఎప్పుడు అతని నేరాలను నిరూపించలేకపోయారు. మొబైల్ ఫోన్, కారాగార అధికారులు మరియు పొలిసు అధికారుల సహకారంతో, అతని నేర సామ్రాజ్యంలో భాగమైన అపహరణలు, భయపెట్టి డబ్బు వసూళ్ళు, హత్యలు, నాశిక్ పూణే మరియు ఎరవాడ ప్రాంతాలలో మద్యం కేంద్రాలను నిరంకుశంగా మరియు సమర్ధంగా నిర్వహించాడు. ఇక్కడే అతని అఖిల్ భారతీయ సేన పక్షం పుట్టింది, ఈ రాజకీయ పక్షంలో నేరస్తులు మరియు ఇతర పక్షాల అసమ్మతి సభ్యులు చేరారు. దావూద్ ఇబ్రహీం/చోటా షకీల్ మరియు చోటా రాజన్ వంటి విరోధుల నుంచి రక్షణ పొందడానికి కారాగారం గావ్లికి స్వర్గసీమగా మారింది. రాజకీయాలలో చేరి మహారాష్ట్ర శాసన సభకు ఎన్నిక కావాలనే అతని నిర్ణయం, పొలిసు ఎదురు కాల్పుల నుంచి తప్పించుకోవచ్చు అనే ఉద్దేశ్యంతో తీసుకున్నదే.

గావ్లి, "మమ్మీ" అని పిలువబడే ఆశ గావ్లిని వివాహం చేసుకున్నాడు, వారికి ఇద్దరు పిల్లలు. గావ్లి రాజకీయ ఆశలకు అతని మేనల్లుడు సచిన్ బావు అహిర్ రూపంలో ఎదురు దెబ్బ తగిలింది, సచిన్ బాహాటంగానే గావ్లిని విమర్శించాడు మరియు శరద్ పవార్ యొక్క NCPలో చేరాడు, అంతే కుండా గావ్లి ప్రత్యర్ధిగా NCP అభ్యర్ధిగా లోక్ సభ ఎన్నికల్లో పోటి చేసాడు, ఇందువల్ల అక్కడి ప్రస్తుత సేన పార్లమెంట్ సభ్యుడు మోహన్ రావ్లె గెలుపు సులభం అయ్యింది. అతని కూతురు ఈ మధ్యనే బ్రిహన్ ముంబై పురపాలక సంఘంలో కార్పొరేటర్ గా ఎన్నిక అయ్యింది.

ఏ నేరాలు కూడా నిరూపించలేకపోవడంతో గావ్లిని విడుదల చేసారు, ప్రస్తుతం అతను స్వేచ్చ కలిగిన వ్యక్తి. కమలాకర్ జాంసండేకర్(శివ సేన) హత్య కేసులో గావ్లి కారాగారంలో ఉన్నాడు.