ఆర్కాటు లక్ష్మణస్వామి మొదలియారు

వికీపీడియా నుండి
ఇక్కడికి గెంతు: మార్గసూచీ, వెతుకు
మద్రాసు విశ్వవిద్యాలయపు సెనెట్ హౌస్‌లో ఆర్కాటు లక్ష్మణస్వామి మొదలియారు విగ్రహం

ఆర్కాటు లక్ష్మణస్వామి మొదలియారు (Arcot Lakshmanaswami Mudaliar) (1887 - 1974) ప్రపంచ ప్రఖ్యాతిగాంచిన ప్రసూతి వైద్య నిపుణులు మరియు విద్యావేత్త. వీరు మద్రాసు విశ్వవిద్యాలయం లో అవిచ్చిన్నంగా 27 సంవత్సరాలు ఉప కులపతి గా పనిచేశారు. ఇతని కవల సోదరులు ఆర్కాటు రామస్వామి మొదలియారు కూడా విశేష ప్రతిభ కలవారు.

వీరు ఆంధ్రప్రదేశ్ లోని కర్నూలు లో జన్మించారు. అక్కడి మునిసిపల్ ఉన్నత పాఠశాల చదివేకాలంలో ప్రధానోపాధ్యాయుడైన కె.ఆర్. రఘునాథాచారి వీరి ఉన్నత భవిష్యత్తును ఊహించారు.

వీరు మద్రాసు క్రైస్తవ కళాశాలలో బి.ఎ. (తెలుగు) పూర్తిచేసి, తర్వాత మద్రాసు వైద్య కళాశాల నుండి 1922 లో వైద్యవిద్య నభ్యసించారు. 1934 లో మద్రాసు మెడికల్ కళాశాలలో ప్రసూతి వైద్య విభాగంలో ప్రొఫెసర్ పదవిని పొందారు. అనతికాలంలోనే ఆ కాలేజీకి ప్రిన్సిపాల్ గా పదవిని అధిష్టించిన తొలి భారతీయులుగా ఘనత పొందారు. ఆ కాలంలో ప్రపంచంలో విఖ్యాతిచెందిన ప్రసూతి నిపుణులలో మొదలియార్ ఒకరని ప్రసిద్ధి. వీరు 1938 లో వైద్య విద్యార్ధుల కోసం ప్రసూతి సంబంధమైన పుస్తకం రచించారు.

వీరు 1923లో మొదటిసారిగా మద్రాసు విశ్వవిద్యాలయంలో సెనేట్ సభ్యులుగా ఎన్నికయ్యారు. 1936 , 1940 లలో ఆక్టింగ్ వైస్ ఛాన్సలర్ అయి, అనంతరం 1942 నుండి 1969 వరకు 27 సంవత్సరాల పాటు, వరుసగా 9 సార్లు వైస్ ఛాన్సలర్ గా ఉన్నారు. ఈయన్ను అనేక విశ్వవిద్యాలయాలు గౌరవ డాక్టరేటుతో సత్కరించాయి. వీటిలో కొన్ని - సిలోన్ విశ్వవిద్యాలయం (1942), ఆంధ్రా, పాట్నా, లక్నో మరియు ఉత్కళ్ విశ్వవిద్యాలయాలు (1943- 1950) , ఆక్స్‌ఫర్డ్ విశ్వవిద్యాలయం (1948) మరియు గ్లాస్గో విశ్వవిద్యాలయం (1951)[1]

పాఠ్య పుస్తకాలు[మార్చు]

  • Clinical Obstetrics first edition 1938; later revised as Mudaliar and Menon, 10th edition, ISBN 81-250-2870-6

గౌరవాలు[మార్చు]

  • 1946లో బ్రిటిష్ ప్రభుత్వం 'సర్' బిరుదుతో సత్కరించింది.
  • 1948 లో ఆక్స్ ఫర్డ్ యూనివర్సిటీ వీరికి 'డాక్టర్ ఆఫ్ సివిల్ లాస్' గౌరవ పట్టా ప్రదానం చేసింది.
  • 1963 లో భారత ప్రభుత్వం పద్మ విభూషణ్ పురస్కారంతో సత్కరించింది.

మూలాలు[మార్చు]

బయటి లింకులు[మార్చు]