ఇ.వి.వి.సత్యనారాయణ

వికీపీడియా నుండి
ఇక్కడికి గెంతు: మార్గసూచీ, వెతుకు
ఇ.వి.వి.సత్యనారాయణ
EVV-Satyanarayana.jpg
జననం ఈదర వీర వెంకట సత్యనారాయణ
(1958-06-10)జూన్ 10, 1958
India కోరుమామిడి, ఆంధ్రప్రదేశ్, ఇండియా
మరణం 2011(2011-01-21) (వయసు 54)
హైదరాబాదు
మరణ కారణము కాన్సర్
నివాస ప్రాంతం హైదరాబాదు,ఆంధ్రప్రదేశ్
ఇతర పేర్లు ఇ.వి.వి
వృత్తి సినిమా దర్శకుడు, నిర్మాత
పిల్లలు ఆర్యన్ రాజేష్,నరేష్

ఇ.వి.వి గా ప్రసిద్ధిచెందిన ఈదర వీర వెంకట సత్యనారాయణ (ఆంగ్లం: E. V. V. Satyanarayana) (జ. జూన్ 10, 1958 - మ. జనవరి 21, 2011)[1] తెలుగు సినిమా ప్రరిశ్రమలో ప్రసిద్ధ దర్శకుడు. తెలుగులో పలు విజయవంతమైన చిత్రాలు నిర్మించిన ఇతడు ప్రముఖ దర్శకుడు జంధ్యాల శిష్యుడు. ఈతడి మొదటి సినిమా రాజేంద్రప్రసాద్ కథానాయకుడిగా నిర్మింపబడిన చెవిలో పువ్వు. ఈ సినిమా అంతగా విజయవంతం కాలేదు. కొద్ది కాలంతర్వాత నిర్మాత రామానాయుడు 'ప్రేమఖైదీ' చిత్రంలో అవకాశమిచ్చారు. ఆ చిత్రం విజయవంతం కావటంతో పలు అవకాశాలు వచ్చాయి. జంధ్యాల వరవడిలో హస్యప్రధాన చిత్రాలు నిర్మించాడు. జంధ్యాల కంటే కొంతఘాటైన హస్యాన్ని చిత్రాల్లో ప్రవేశపెట్టారు. రాజేంద్ర ప్రసాద్ తో 'ఆ ఒక్కటి అడక్కు', 'అప్పుల అప్పారావు', 'ఆలీబాబా అరడజనుదొంగలు' వంటి చిత్రాలు మరియు నరేష్ తో 'జంబలకిడి పంబ' మొదలైన చిత్రాలు తీశారు. సీతారత్నంగారి అబ్బాయి, ఏవండీ ఆవిడ వచ్చింది (శోభన్ బాబు) లాంటి చిత్రాలతర్వాత ఆమె, తాళి వంటి మహిళాపరమైన చిత్రాలు తీశారు. అగ్రనటులైన చిరంజీవి, బాలకృష్ణ, నాగార్జున, వెంకటేష్ లతో చిత్రాలు తీశారు. కొద్ది విరామం తర్వాత కుమారులిద్దర్ని హీరోలుగా పరిచయంచేశారు.

తొలినాళ్ళు[మార్చు]

సత్యనారాయణ పశ్చిమ గోదావరి జిల్లాలోని దొమ్మేరులో వ్యవసాయ కుటుంబంలో పుట్టాడు. నాన్న వెంకటరావు, అమ్మ వెంకటరత్నం. ఈయన కుటుంబానికి దొమ్మేరులో 70 ఎకరాల పొలం ఉండింది. బాల్యం నుండి సినిమాలంటే ఆసక్తితో కనీసం వారానికి రెండు సినిమాలైన చూసేవాడు. ఇంటర్మీడియట్ వరకు బుద్ధిగానే చదివినా, ఇంటర్‌కు నిడుదవోలు వెళ్ళిన సత్యనారాయణ కాలేజికి వెళ్ళకుండా రోజూ ఉదయం ఆట, మధ్యాహ్నం ఆట సినిమాలను చూడటంతో హాజరు తక్కువై ఇంటర్మీయడ్ తప్పాడు. అప్పుడు సత్యనారాయణ తండ్రి ఆయన్ను కాలేజీకి పంపించి లాభం లేదని నిశ్చయించి తండ్రితో పాటు పొలం పనులు చూసుకోవటానికి నియమించాడు. 19 యేళ్ళకే 1976లో సరస్వతి కుమారితో పెళ్ళైంది. ఆ వెంటనే సంవత్సరానికి ఒకరు చొప్పున ఇద్దరు కొడుకులు పుట్టారు. వీళ్ళకు రాజేష్, నరేష్ అని పేరు పెట్టారు. కొన్నాళ్ళకు వ్యవసాయంలో పెద్ద నష్టాలు రావడంతో పొలాలు అమ్మేయవలసిన పరిస్థితి కలిగింది. ఆ పరిస్థితుల్లో అక్కడ ఉండటానికి సత్యనారాయణ తెగ ఇబ్బంది పడి ఎక్కడికైనా మరో ఊరికి కొన్నాళ్ళు వెళ్ళిపోవాలనుకున్నాడు. ఇ.వి.వి స్నేహితుడు నిర్మాత నవతా కృష్ణంరాజు మేనల్లుడైన సుబ్బరాజును సంప్రదించి ఒక సిఫారుసు ఉత్తరం పట్టుకుని మొదటిసారి మద్రాసు వెళ్ళాడు. నవతా కృష్ణంరాజును కలిసి ఉత్తరం ఇవ్వగా ఆయన సినీరంగంలో జీవితం అనుకున్నంత సులభం కాదని, తిరిగి సొంత ఊరికి వెళ్ళిపొమ్మని హితవు చెప్పాడు. దాంతో పూర్తిగా నిరాశచెందిన సత్యనారాయణ, తిరిగి వెళ్ళినా చేసేదేమీ లేదనుకుని మద్రాసులోనే ఉండి వివిధ ప్రదేశాలు తిరుగుతుండేవాడు. పాండీబజారుకు వెళ్ళి అక్కడ సహాయదర్శకులు చెప్పుకునే మాటలు వినేవాడు. ప్రతి ఉదయం నవత కృష్ణంరాజు కార్యాలయం గేటు వద్ద నుంచుని ఉండేవాడు. ఒక నెలరోజుల తర్వాత కుర్రవాని పట్టుదలను చూసి ఏం చెయ్యగలవు అని అడిగాడు. సహాయ దర్శకున్ని అవుతానని చెప్పిన ఇ.వి.వి ని కనకాల దేవదాసు క్రింద ఓ ఇంటి భాగోతం సినిమాకు సహాయదర్శకునిగా అవకాశం ఇప్పించాడు.[2] .

పరిచయం చేసిన నటీనటులు[మార్చు]

చిత్రాలు[మార్చు]

  1. చెవిలో పువ్వు(1990)
  2. ప్రేమ ఖైదీ(1990)
  3. అప్పుల అప్పారావు(1991)
  4. సీతారత్నం గారి అబ్బాయి(1992)
  5. 420(1992)
  6. వారసుడు(1993)
  7. జంబలకడిపంబ(1993)
  8. ఆ ఒక్కటీ అడక్కు(1993)
  9. ఏవండీ ఆవిడ వచ్చింది(1994)
  10. హలో బ్రదర్(1994)
  11. ఆలీబాబా అరడజను దొంగలు(1994)
  12. అబ్బాయిగారు(1994)
  13. ఆమె(1994)
  14. ఆయనకి ఇద్దరు(1995)
  15. మగరాయుడు(1995)
  16. అల్లుడా మజాకా(1995)
  17. తెలుగు వీర లేవరా(1996)
  18. చిలక్కొట్టుడు(1996)
  19. వీడెవడండీ బాబు(1996)
  20. అక్కడ అమ్మాయి ఇక్కడ అబ్బాయి(1996)
  21. అదిరింది అల్లుడు(1996)
  22. తాళి(1997)
  23. ఇంట్లోఇల్లాలు వంటింట్లో ప్రియురాలు(1997)
  24. మా నాన్నకి పెళ్ళి(1997)
  25. మావిడాకులు(1998)
  26. నేను ప్రేమిస్తున్నాను(1998)
  27. ఆవిడా మా ఆవిడే(1998)
  28. కన్యాదానం(1998)
  29. నేటి గాంధీ(1999)
  30. సూర్యవంశం(1999)
  31. పిల్ల నచ్చింది(2000)
  32. చాలా బాగుంది(2000)
  33. గొప్పింటి అల్లుడు(2000)
  34. అమ్మో ఒకటో తారీఖు(2001)
  35. మా ఆవిడ మీద ఒట్టు మీ ఆవిడ చాలా మంచిది(2001)
  36. వీడెక్కడి మొగుడండి(2001)
  37. ధాంక్యూ సుబ్బారావ్(2001)
  38. హాయ్(2002)
  39. తొట్టిగ్యాంగ్(2002)
  40. ఆడంతే అదోటైపు(2003)
  41. మా అల్లుడు వెరీగుడ్డు(2003)
  42. ఆరుగురు పతివ్రతలు(2004)
  43. ఎవడి గోల వాడిది(2005)
  44. నువ్వంటే నాకిష్టం(2005)
  45. కితకితలు(2006)
  46. అత్తిలి సత్తిబాబు ఎల్ కెజి(2007)
  47. పెళ్ళైంది కానీ...(2007)
  48. ఫిట్టింగ్ మాస్టర్(2009)
  49. బెండు అప్పారావ్ ఆర్ఎంపి(2009)
  50. బురిడి(2010)
  51. కత్తికాంతారావు(2010)

మూలాలు[మార్చు]