ఎస్. ఎస్. రాజమౌళి

వికీపీడియా నుండి
ఇక్కడికి గెంతు: మార్గసూచీ, వెతుకు
ఎస్.ఎస్. రాజమౌళి
Ss-rajamouli.jpg
జననం (1973-10-10)అక్టోబరు 10, 1973
India రాయచూరు, కర్ణాటక, ఇండియా.
వృత్తి సినిమా దర్శకుడు,నిర్మాత
జీతం దాదాపు చిత్రానికి 10 కోట్లు
భార్య / భర్త రమా రాజమౌళి.
పిల్లలు కార్తికేయ/మయూశ
Website
ఈగ సినిమా

ఎస్. ఎస్. రాజమౌళి తెలుగు చలనచిత్ర దర్శకుడు. తెలుగు సినీ కథారచయిత కె. వి. విజయేంద్ర ప్రసాద్ కుమారుడు. ఇతని పూర్తిపేరు కోడూరి శ్రీశైల శ్రీ రాజమౌళి. రాఘవేంద్ర రావు శిష్యుడిగా స్టూడెంట్ నెం.1 చిత్రం ద్వారా సినీరంగ ప్రవేశం చేశాడు. సినిమా రంగానికి ముందు టీవీ ధారావాహికలకు పనిచేసాడు. తెలుగు సినీ పరిశ్రమలోని ప్రముఖ యువ దర్శకుల్లో ఒకడు. ఇప్పటి వరకూ ఒక్క పరాజయం కూడా చవిచూడకపోవడం ఇతని ప్రత్యేకత[1]. ఎన్.టి.ఆర్ (జూనియర్) తో ఇతను తీసిన మూడు చిత్రాలూ అఖండ విజయాన్ని సాధించాయి. ప్రముఖ సంగీత దర్శకుడు కీరవాణి ఇతనికి అన్నయ్య అవుతాడు.. తన ప్రతి చిత్రంలో చిత్ర విచిత్రమైన ఆయుధాలను నాయకుని చేత ధరింపజేస్తాడు. ఇతని భార్య రమా రాజమౌళి కూడా చిత్ర రంగంలో దుస్తుల రూపకర్తగా ఉంది.

రాజమౌళి చిత్రాలు[మార్చు]

సంవత్సరం చిత్రం నటీనటులు కథాంశం ఇతర విశేషాలు
2001 స్టూడెంట్ నంబర్ 1 జూనియర్ ఎన్.టి.ఆర్.,
గజాలా,
రాజీవ్ కనకాల,
కోట శ్రీనివాసరావు
కొన్ని కారణాల వల్ల జైలుపాలైన ఒక వ్యక్తి చదువుకుని లాయరై తన తండ్రిని ఒక తప్పుడు కేసునుంచి తప్పించి తన తండ్రి ఆదరణను తిరిగి పొందుతాడు.
2003 సింహాద్రి జూనియర్ ఎన్.టి.ఆర్.,
భూమిక,
అంకిత,
నాజర్,
ముఖేష్ రిషి
తన ప్రాణాలను కాపాడిన ఆ ఊరి పెద్దను దేవుడిలా కొలిచే ఒక యువకుడు అనుకోని సంఘటనల వల్ల కేరళకు వెళ్ళి అక్కడ అన్యాయాన్ని ఎదిరిస్తాడు.ఆ తర్వాత తన జీవితంలో జరిగిన మార్పులే ఈ చిత్రం యొక్క కథాంశం.
2004 సై నితిన్,
జెనీలియా,
శశాంక్,
రాజీవ్ కనకాల,
ప్రదీప్ రావత్
ఒక కాలేజీలో ఆర్ట్స్ మరియూ సైన్స్ గ్రూప్ విద్యార్థులు రగ్బీ ఆట ద్వారా తగువులాడుతుంటారు. వారి కాలేజిని కబ్జా చేసిన ఒక గూండతో పోరాడటానికి ఇరువర్గాలూ కలిసి వాడి జట్టుని ఆటలో ఓడించి తమ కాలేజిని దక్కించుకుంటారు.
2005 ఛత్రపతి ప్రభాస్,
శ్రియా,
భానుప్రియ,
షఫీ,
ప్రదీప్ రావత్
శ్రీలంక నుంచి విశాఖకు చేరి తన తల్లికీ, తనపై ప్రేమ లేని తమ్ముడికీ దూరమైన ఒక కుర్రాడు పెద్దవాడయ్యాక అక్కడి అన్యాయాలను ఎదిరించి ఆ పేద ప్రజల నాయకుడౌతాడు. చివరిలో తన తల్లినీ, మారిన తన తమ్ముడినీ పొందుతాడు.
2006 విక్రమార్కుడు రవితేజ,
అనుష్క శెట్టి,
అజయ్,
వినీత్ కుమార్,
బ్రహ్మానందం
ఒక చిల్లర దొంగని ఒక పాప నాన్నా అని పిలుస్తుంటుంది. దీని వెనక ఉన్నది తెలిసాక ఆ పాప తండ్రి ఒక పోలీసనీ, ఆ పోలీసు హత్యచేయబడ్డాడని తెలుసుకుంటాడు. ఆ పోలీసు అచ్చం తనలాగే ఉండటంతో తనే ఆ ఊరికి వెళ్ళి అక్కడి సమస్యలను పరిష్కరించి ఆ పాపను పెంచుకుంటాడు.
2007 యమదొంగ జూనియర్ ఎన్.టి.ఆర్.,
ప్రియమణి,
మోహన్ బాబు,
మమతా మోహన్ దాస్,
బ్రహ్మానందం
ఒక దొంగ కొన్ని పరిస్తితులవల్ల యముడిని దూషిస్తాడు. ఆగ్రహించిన యముడు అతడి ఆయువు పూర్తవ్వక ముందే అతడిని నరకానికి రప్పిస్తాడు. ఇది తెలిసిన ఆ యువకుడికీ, యముడికీ మధ్య జరిగే సంఘర్షణలో ఆ యువకుడే గెలుస్తాడు.
2009 మగధీర రాం చరణ్ తేజ,
కాజల్ అగర్వాల్,
శ్రీహరి,
దేవ్ గిల్,
రావు రమేష్
17వ శతాబ్దంలో ఒక యువరాణి ఆ రాజ్యంలోని ఒక వీరసైనికుడిని ప్రేమించింది. కానీ వారి ప్రేమ ఆ యువరాణిపై కోరికతో ఉన్న తన బావ వల్ల ఓడిపోయి ఒకేసారి వారి మరణానికి దారి తీస్తుంది. 400 ఏళ్ళ తరువాత మళ్ళీ పుట్టాక అదే సమస్య వస్తుంది. కానీ ఈసారి వారి ప్రేమ గెలుస్తుంది.
2010 మర్యాద రామన్న సునీల్,
సలోని,
నాగినీడు,
సుప్రీత్,
వేణుగోపాల్
తన ఇంటిగడప దాటేంతవరకూ శత్రువుని సైతం చంపని ఒక పెద్దమనిషి ఇంటికి ఒక అమాయకుడు సహాయం కోసం వెళ్తాడు. కానీ తను వాళ్ళ శత్రువు కొడుకని తెలిసిన తరువాత ఆ ఇంటి నియమాన్ని వాడుకుని చివరికి బయటపడి తన శత్రుత్వానికి శాశ్వతంగా ముగింపు ఇచ్చి ఆ పెద్దమనిషి కూతురిని పెళ్ళాడుతాడు.
2011 రాజన్న అక్కినేని నాగార్జున,
స్నేహ,
బేబీ అన్నీ
నిజాం రజాకారులకు వ్యతిరేకంగా ఒక సమరయోధుని కూతురు మల్లమ్మ చేసిన పోరాటం ఈ చిత్రం యొక్క కథాంశం యాక్షన్ సీక్వెన్సులకు మాత్రమే దర్శకత్వం వహించారు
2012 ఈగ నాని,
సమంత,
సుదీప్
తనని చంపినవాడిపై పగ తీర్చుకోవాలని ఈగ జన్మెత్తిన ఒక వ్యక్తి ఆ హంతకుడినుంచి తన ప్రేయసిని కాపాడి ఆ అమ్మాయి సహాయంతో ఆ హంతకుడిని చంపుతాడు. ఆ క్రమంలో ఆ ఈగ కూడా చనిపోతుంది. మళ్ళీ ఈగలా పుట్టిన ఆ వ్యక్తి ఆ అమ్మాయిని కాపాడుతూ ఉంటాడు. తమిళంలో నాన్ ఈ పేరుతో ఏకకాలంలో నిర్మించబడింది
2013 బాహుబలి ప్రభాస్,
అనుష్క శెట్టి,
దగ్గుబాటి రానా
తెలుగు, తమిళ, హిందీ భాషల్లో ఏకకాలంలో నిర్మించబడుతున్నది

అవార్డులు మరియూ పురస్కారాలు[మార్చు]

  • జాతీయ పురస్కారాలు
    • ఉత్తమ తెలుగు చిత్రం - ఈగ
  • నంది పురస్కారాలు
  • దక్షిణ భారత ఫిలింఫేర్ అవార్డ్
    • ఉత్తమ తెలుగు దర్శకుడు - మగధీర
  • సినీ"మా" అవార్డ్
    • ఉత్తమ దర్శకుడు -మగధీర
  • ఇతర అవార్డులు
    • స్టార్ వరల్డ్ ఇండియా - ఉత్తమ చిత్రం - ఈగ

మూలాలు[మార్చు]

  1. http://www.telugumoviesnow.com/2013/05/27/s-s-rajamouli-name-of-success-in-tollywood/