చాట్రాయి

?చాట్రాయి మండలం కృష్ణా జిల్లా • ఆంధ్ర ప్రదేశ్
చాట్రాయి
కృష్ణా జిల్లా జిల్లా పటములో చాట్రాయి మండలం యొక్క స్థానము
అక్షాంశరేఖాంశాలు: 16.983166, 80.858946
కాలాంశం	భాప్రాకా (గ్రీ.కా+5:30)
ముఖ్య పట్టణము	చాట్రాయి
జిల్లా(లు)	కృష్ణా జిల్లా జిల్లా
గ్రామాలు	16
జనాభా • మగ • ఆడ • అక్షరాస్యత శాతం • మగ • ఆడ	51,558 (2001) • 26350 • 25208 • 56.63 • 62.38 • 50.61

చాట్రాయి, ఆంధ్ర ప్రదేశ్ రాష్ట్రములోని కృష్ణా జిల్లాకు చెందిన చాట్రాయి మండల కేంద్రం. చాట్రాయి మండలము లో 16 గ్రామాలు ఉన్నాయి. వ్యవసాయ ప్రధానమైన చాట్రాయి వరి,మొక్కజొన్న,చెరుకు,మిరప,పత్తి,పసుపు లాంటి పంటలకు ప్రసిద్ధి. చాట్రాయి గ్రామ తపాలా గుర్తింపు సంఖ్య 521214.

పేరు వెనుక చరిత్ర

మనిషి తన నివాసం కోసం కొత్తగా ఇళ్ళుకట్టుకోవడం ప్రారంభించిన రోజులవి! కొబ్బరాకులతో, తాటిఆకులతో ఇల్లు వేసుకునే మనిషి అనంతరం కొండరాళ్ళతో ఇల్లుకట్టుకోవడం ప్రారంభించాడు. ఇంటిలోపల గదినేల మట్టితో అలికేవాడు. ఇదిలా వుండగా కొండరాళ్ళు కొట్టుకునే ఓ వ్యక్తి రాళ్ళను నున్నగా చెక్కుకుని తన ఇంటిగదిలో చపటాగా పరచుకున్నాడు. ఆ రాళ్ళను బంకమన్ను సాయంతో కదలకుండా గట్టిచేయడంతో ఆవిధానం అందరికీ నచ్చేసింది. తమ ఇంట్లో కూడా చపటా రాయి పరవమంటూ అందరూ అడిగేవారు. ఇంటి గదుల్లో చపటారాయి పరచిన ప్రాంతం కాబట్టి... ఈ ప్రాంతాన్ని అందరూ ఇదే పేరుతో పిలువడం ప్రారంభించారు. మొదట్లో ‘చపటారాయి’గా ...‘చపట్రాయి’గా పిలువబడిన ఈ ప్రాంతాన్ని ఇప్పుడు ‘చాట్రాయి’గా వ్యవహరిస్తున్నారు.

భౌగోళికం:

ఖండం:ఆసియా, దేశం:భారతదేశం, రాష్ట్రం:ఆంధ్రప్రదేశ్

భౌగోళికంగా 16°59′ఉత్తర 80°52′తూర్పు అక్షాంశరేఖాంశాల లో ఉన్న ఈ ఊరు దక్షిణ భారత రాష్ట్రమైన ఆంధ్రప్రదేశ్ లోని కృష్ణా జిల్లా కు చెందిన ఒక గ్రామం. సమశీతోష్ణ మండలం లో ఉన్న చాట్రాయి లో వేసవి గరిష్ఠ ఉష్ణొగ్రతలు 45°సెల్సియస్, చలికాలం లో కనిష్ట ఉష్ణొగ్రతలు 17°సెల్సియస్ వరకు నమోదు అవుతాయి.

రాష్ట్ర రాజధాని హైదరాబాదు కు సుమారు 300కి.మీ.,విజయవాడ నగరానికి 80కి.మీ.దూరంలో పశ్చిమగోదావరి, మరియు ఖమ్మం జిల్లాల సరిహద్దుల్లో ఉంటుంది చాట్రాయి గ్రామం. ప్రధానంగా వ్యవసాయం మీద ఆధారపడిన ఈ గ్రామానికి కృష్ణానది కాలువ, వర్షపు నీరు ఆధారం.

రవాణా సౌకర్యాలు:

చాట్రాయి కి రావటానికి 1) నూజివీడు నుండి చింతలపూడి ( వయా విస్సన్నపేట, పోలవరము ) 2) నూజివీడు నుండి చీపురగూడెం ( వయా విస్సన్నపేట, చాట్రాయి ) 3) నూజివీడు నుండి చీపురగూడెం ( వయా చిత్తపూర్ , చాట్రాయి )

చాట్రాయి నుండి

• విస్సన్నపేట = 12 కి.మీ

• నూజివీడు = 32 కి.మీ
• సత్తుపల్లి = 35 కి.మీ
• తిరువూరు = 38 కి.మీ
• చింతలపూడి = 23 కి.మీ

దేవాలయాలు:

శివాలయం, రామాలయం, ముత్యాలమ్మ గుడి, కనకదుర్గమ్మ గుడి, ఆంజనేయ స్వామి గుడి, సాయి బాబా గుడి ఇక్కడి ప్రజలు తరుచూ దర్శించుకునే పుణ్యక్షేత్రాలు. శివరాత్రి తిరునాల, వినాయక చవితి ఉత్సవాలు మరియు శ్రీ రామ నవమి ఉత్సవాలు ఇక్కడ చాలా బాగా జరుగుతాయి. నూతనంగా శ్రీ శ్రీ శ్రీ దర్మశాస్తా అయ్యప్పస్వామి వారి దెవాలయము శంఖుస్తాపన జరిగి నిర్మాణం జరుగుతున్నది.

విద్యా రంగం:

విద్యా రంగంలో చాలా ముందంజలో వున్నది.

చాట్రాయి మండలము లోని గ్రామాలు

1. ఆరుగొలనుపేట
2. బూరుగుగూడెం
3. చనుబండ
4. చాట్రాయి
5. చిన్నంపేట
6. చిత్తపూర్
7. జనార్దనవరం
8. కొత్తపాడు
9. కొత్తగూడెం
10. కృష్ణారావుపాలెం
11. మంకొల్లు
12. పర్వతపురం
13. పోలవరం
14. పోతనపల్లి
15. సోమవరం
16. తుమ్మగూడెం
17. మర్లపాలెం

కింద చూపబడిన చిత్రంలో చాట్రాయి లోని ఒక అందమైన పంటపొలాన్ని చూడవచ్చు.

జనాభా

• 2011 జనాభా లెక్కల ప్రకారం మండలంలోని గ్రామాల జనాభా వివరాలు:

క్రమ సంఖ్య	ఊరి పేరు	గడపల సంఖ్య	మొత్తం జనాభా	పురుషులు	స్త్రీలు
1.	ఆరుగొలనుపేట	362	1,602	818	784
2.	బూరుగుగూడెం	422	1,784	905	879
3.	చనుబండ	2,154	8,902	4,514	4,388
4.	చాట్రాయి	1,091	4,512	2,329	2,183
5.	చిన్నంపేట	783	3,337	1,685	1,652
6.	చిత్తపూర్	835	3,776	1,920	1,856
7.	జనార్దనవరం	585	2,452	1,256	1,196
8.	కొత్తపాడు	1,233	5,325	2,738	2,587
9.	కొత్తగూడెం	453	1,807	943	864
10.	కృష్ణారావుపాలెం	243	1,074	528	546
11.	మంకొల్లు	144	577	292	285
12.	పర్వతపురం	244	1,039	524	515
13.	పోలవరం	1,080	4,637	2,355	2,282
14.	పోతనపల్లి	559	2,493	1,256	1,237
15.	సోమవరం	1,077	4,323	2,221	2,102
16.	తుమ్మగూడెం	916	3,918	2,066	1,852