జాదవ్‌పూర్ విశ్వవిద్యాలయం

వికీపీడియా నుండి
ఇక్కడికి గెంతు: మార్గసూచీ, వెతుకు

Jadavpur University
যাদবপুর বিশ্ববিদ্যালয়

Jadavpur University Logo

స్థాపన 1955
తరహా Public
కులపతి H.E. The Governor of West Bengal
ఉప కులపతి Professor Pradip Narayan Ghosh
అధ్యాపక బృందం 850 (approx)
Undergraduates 5000 (approx)
పోస్టుగ్రాడ్యుయేట్లు 4000 (approx)
ప్రదేశం Kolkata, West Bengal, India
క్యాంపస్ Jadavpur (Urban; 58 acres) and Salt Lake (Suburban; 26 acres)
Nickname JU
వెబ్‌సైటు Jadavpur.edu

జాదవ్‌పూర్ విశ్వవిద్యాలయము (JU )(బెంగాళీ: যাদবপুর বিশ্ববিদ্যালয়[1] ) భారత దేశంలోని ఒక విద్య మరియు పరిశోధన సంస్థ. పశ్చిమ బెంగాల్ లోని కలకత్తా లో ఉన్న ఈ యూనివర్సిటీ కి రెండు క్యాంపస్ లు ఉన్నాయి- ప్రధాన క్యాంపస్ జాదవ్‌పూర్ లో ఉండగా రెండవది అయిన నూతన క్యాంపస్ సాల్ట్ లేక్ ప్రాంతంలో ఉన్నది. ఇండియన్ అసోసియేషన్ ఫర్ ది కల్టివేషన్ ఆఫ్ సైన్సు, ఇండియన్ ఇన్స్టిట్యూట్ ఆఫ్ కెమికల్ బయాలజీ మరియు సెంట్రల్ గ్లాస్ అండ్ సిరామిక్ రీసెర్చ్ ఇన్స్టిట్యూట్ వంటి ఎన్నో ప్రముఖ పరిశోధనా సంస్థలతో జాదవ్‌పూర్ విశ్వవిద్యాలయానికి సన్నిహిత సంబంధాలు ఉన్నాయి. భారతదేశంలోని అత్యున్నత ఇంజనీరింగ్ కళాశాలలలో ఈ సంస్థ ఒకటిగా ఉంది. "అత్యున్నత ప్రమాణాలు సాధించగలిగే సామర్ధ్యం" ఉన్నయూనివర్సిటీలలో ఒకటిగా ఇది యూనివర్సిటీ గ్రాంట్స్ కమిషన్ చే గుర్తింపు పొందింది. ఇంతే కాక జాదవ్‌పూర్ విశ్వవిద్యాలయం నేషనల్ అసెస్మెంట్ అండ్ అక్రిడిటేషన్ కౌన్సిల్ చే రెండు సందర్భాలలో ఫైవ్ స్టార్ యూనివర్సిటి గా గుర్తింపును కూడా పొందింది.

చరిత్ర[మార్చు]

దస్త్రం:Ju50.PNG
జాదవ్పూర్ విశ్వవిద్యాలయo యొక్క స్వర్ణోత్సవ చిహ్నం

1906లో జాతీయ స్థాయిలో సాహిత్య, శాస్త్రీయ మరియు సాంకేతిక విద్య ను అందించే ఉద్దేశ్యంతో నేషనల్ కౌన్సిల్ ఆఫ్ ఎడ్యుకేషన్ ను స్థాపించడం జరిగింది. అప్పటి గవర్నర్ జనరల్ లార్డ్ కర్జన్ ఆధ్వర్యంలో ఒకవైపు తూర్పు బెంగాల్ (ఇదే 1971 లో బంగ్లాదేశ్ గా మారింది)గా మరో వైపు పశ్చిమ బెంగాల్ మరియు ఒరిస్సా గా సంస్థానం విడిపోయిన ఈ సంవత్సరం బెంగాల్ చరిత్రలో ఎంతో కీలకమైన సంవత్సరం. ఇదే 1906 సంవత్సరంలో రబీoద్రనాథ్ టాగూర్, అరబిందో ఘోష్, రాజా సుబోధ్ చంద్ర ముల్లిక్ మరియు బ్రజేంద్ర కిషోర్ రాయ్ చౌదరి వంటి వారు "జాతీయ నియంత్రణలో జాతీయ పద్ధతులలో" పేదలకు విద్యను అందించే ఒక సంస్థ ను స్థాపించడం ద్వారా బెంగాల్ విభజనను వ్యతిరేకించాలని నిర్ణయించడం జరిగింది. రాష్ బీహారి ఘోష్ మొదటి అధ్యక్షుడుగా NCE సంస్థ ప్రారంభించబడింది.

దాదాపుగా అదే రోజు దీనికి శత్రు సంస్థగా తారకనాద్ పాలిట్,[1]బెంగాల్ లో సొసైటీ ఫర్ ప్రమోషన్ ఆఫ్ టెక్నికల్ ఎడ్యుకేషన్ (SPTE) ను స్థాపించారు. దీని కింద 1906 జూలై 25 న బెంగాల్ టెక్నికల్ ఇన్‌స్టిట్యూట్ ఉనికి లోనికి వచ్చింది. 1910 లో SPTE, NCE తో కలిసి, బెంగాల్ టెక్నికల్ ఇన్స్టిట్యూట్ NCE ఆధీనం లోకి వచ్చే వరకూ ఈ రెండు సంస్థలూ కొన్ని సంవత్సరాల పాటు పోరాడుకుంటూనే ఉన్నాయి.

1921 లో భారతదేశంలో కెమికల్ ఇంజనీరింగ్ ను ఒక బోధనాంశంగా ప్రవేశపెట్టిన మొదటి సంస్థ ఈ సంస్థ గుర్తింపు పొందింది. 1940 వరకూ ఈ సంస్థ దాదాపు ఒక స్వతంత్ర విశ్వవిద్యాలయం గానే పనిచేసింది. 1947లో భారతదేశ స్వాతంత్రం తరువాత భారత ప్రభుత్వం యొక్క విధానాలకు అనుగుణంగా పశ్చిమ బెంగాల్ రాష్ట్ర శాసన సభ ఈ సంస్థను డిసెంబర్ 24, 1955 న పూర్తి స్వతంత్ర ప్రతిపత్తి గల జాదవ్‌పూర్ విశ్వవిద్యాలయంగా మార్చే ఉద్దేశ్యంతో జాదవ్‌పూర్ యూనివర్సిటీ చట్టం 1955ను చేయడం జరిగింది. అప్పటి నుండి ఈ రోజునే ఈ యూనివర్సిటీ స్నాతకోత్సవం జరపడం జరుగుతుంది.

విశ్వవిద్యాలయ చిహ్నము[మార్చు]

తామర రేకులతో ఆవరించబడి ఉన్న మూడు వత్తులతో వెలుగుతున్న దీపం ఈ విశ్వవిద్యాలయ చిహ్నంగా ఉన్నది. దీపం జ్ఞానానికి చిహ్నం. మూడు వత్తులూ మేధో శిక్షణ, భావోద్వేగాలు మరియు సృజనాత్మకత లను పెంపొందించడం, ఆధ్యాత్మిక అభివృద్ధి లను సూచిస్తాయి. చుట్టూ ఆవరించి ఉన్న తామర రేకులు కళలు మరియు సంస్కృతిని సూచిస్తాయి. రబీoద్రనాథ్ ఠాగూర్ యొక్క శాంతినికేతన్ లోని విశ్వభారతి యూనివర్సిటీలోని కళా భవన్ లో పనిచేసిన అతి గొప్ప గురువులలో ఒకరు మరియు బెంగాల్ స్కూల్ ఆఫ్ ఆర్ట్ లో ఒక కీలక సభ్యుడు అయిన దివంగత నందన్లాల్ బోస్ చే ఈ చిహ్నం రూపొందించబడింది. 2005 డిసెంబర్ 24 న జరిగిన యూనివర్సిటీ స్వర్ణోత్సవ వేడుకల సందర్భంగా 'తెలుసుకోవడం అంటే ఎదగడమే' అనే ఉద్దేశ్యంతో ఒక ప్రత్యేక చిహ్నాన్ని (పైన చూడవచ్చు) రూపొందించడం జరిగింది. ఇదే సంవత్సరం నేషనల్ కౌన్సిల్ ఆఫ్ ఎడ్యుకేషన్ శతాబ్ది కాలాన్ని కూడా పూర్తి చేసుకుంది.[2]

ఆవరణ[మార్చు]

జాదవ్‌పూర్ విశ్వవిద్యాలయం రెండు పట్టణాలలో క్యాంపస్ లను కలిగి ఉండగా వీటిలో ఒకటి జాదవ్‌పూర్(58 ఎకరాలు) లోను మరిఒకటి సాల్ట్ లేక్ (26 ఎకరాలు) లోను ఉన్నాయి. జాదవ్పూర్ లో పని చేయకుండా ఉన్న నేషనల్ ఇన్స్త్రుమెంట్స్ అనే CSIR ను స్వాధీనం చేసుకోవడం ద్వారా దేశంలో ఈ విధంగా చేసిన మొదటి యూనివర్సిటీగా ఇది పేరు పొందింది. ప్రధాన క్యాంపస్ అయిన జాదవ్పూర్ లో జాదవ్పూర్ విశ్వవిద్యాలయ కేంద్ర లైబ్రరీ మరియు బ్లూ యర్త్ వర్క్ షాప్ తో పాటు ఇంజనీరింగ్, సైన్సు మరియు ఆర్ట్స్ కు సంబంధించిన చాలా వరకు శాఖలు ఉన్నాయి. ఐదు ఇంజనీరింగ్ విభాగాలు సాల్ట్ లేక్ క్యాంపస్ నుండి పని చేస్తాయి. సాల్ట్ లేక్ క్యాంపస్ లోని ప్రధాన మైదానాన్ని బెంగాల్ క్రికెట్ అసోసియేషన్ కు లీజు కు ఇవ్వడంతో ఇక్కడ అనేక రాష్ట్ర స్థాయి మరియు వివిధ రాష్ట్రాల మధ్య క్రికెట్ పోటీలు తరచుగా జరుగుతుంటాయి. కొత్తగా వచ్చిన నేషనల్ ఇన్స్త్రుమెంట్స్ క్యాంపస్ లో ఎలక్ట్రికల్, ఎలక్ట్రానిక్స్ మరియు టెలికమ్యునికేషన్ తో సహా వివిధ శాఖలకు కొత్తగా పరిశోధనాశాలలు నిర్మించే స్థలం సమకూరుతుoదని భావిస్తున్నారు.

జాదవ్పూర్ విశ్వవిద్యాలయానికి అనుబంధంగా ఉన్న ప్రత్యేక సంస్థలు[మార్చు]

శ్రేణీకరణలు[మార్చు]

ఐఐటి లు తప్ప చాలా వరకు భారత ఇంజనీరింగ్ కళాశాలలు దిగువపట్టభద్ర బోధన పై ప్రధానంగా దృష్టి పెడుతుండగా జాదవ్‌పూర్ విశ్వవిద్యాలయం మాత్రం తన పరిశోధనా కార్యక్రమాలకు పేరు పొందటమే కాక తన ఇంజనీరింగ్ విభాగం లోని పరిశోధనల ఫలితాలలో భారతదేశంలోనే 6వ స్థానంలో ఉంది.[3]

ఈ విశ్వవిద్యాలయం సాధించిన మరికొన్ని ర్యాంకులు ఇలా ఉన్నాయి.

  • జాదవ్‌పూర్ విశ్వవిద్యాలయo ఐఏఎస్ 2009 యొక్క 6వ ర్యాంకును సాధించింది. [1] or [2]
  • ఈ విశ్వవిద్యాలయం యొక్క ఇంజనీరింగ్ మరియు టెక్నాలజీ విభాగం 2009లో దేశంలోనే 10వ స్థానాన్ని పొందింది. (మింట్ సి-ఫోర్) [3]
  • ఈ విశ్వవిద్యాలయం యొక్క ఇంజనీరింగ్ మరియు టెక్నాలజీ విభాగం 2009 లో దేశంలోనే 12 వ స్థానాన్ని పొందింది. (అవుట్ లుక్) [4]
  • ఇంజనీరింగ్ మరియు టెక్నాలజీ విభాగం దేశంలోనే 11వ స్థానాన్ని (ఇండియాటుడే 2007) పొందింది. [5]
  • ఆర్ట్స్ విభాగము భారతదేశంలో 29వ స్థానాన్ని పొందింది. (ఇండియాటుడే 2008)
  • ఇంజనీరింగ్ మరియు టెక్నాలజీ విభాగం దేశంలోనే 11 వ స్థానాన్ని (ఇండియాటుడే 2007) పొందింది.[6]

ప్రముఖ అధ్యాపకులు[మార్చు]

  • స్వపన్ మజుందార్ (సమకాలీన సాహిత్యం)- శాంతినికేతన్ లోని రబీంద్ర భవన్ యొక్క పూర్వ అధ్యక్షులు
  • శిబాజి బందోపాధ్యాయ (సమకాలీన సాహిత్యం)- ప్రముఖ విమర్శకులు మరియు బెంగాలి సాహిత్య చరిత్రకారులు
  • కేటకి కుశారి డైసన్ (ఆంగ్లం)- విద్యావిషయక మరియు సృజనాత్మక రచయిత, ఆనంద పురస్కార గ్రహీత (రెండు సార్లు)
  • మాలిని భట్టాచార్య (ఆంగ్లం)- స్త్రీవాద కార్యకర్త మరియు పండితురాలు, గతంలో లోక్ సభ సభ్యురాలు, జాతీయ మహిళా కమిషన్ సభ్యురాలు
  • సుకాంత చౌధురి (ఆంగ్లం)- ప్రముఖ సాంస్కృతిక పునరుజ్జీవన పండితులు, టాగోర్ అనువాదకులు
  • సుప్రియా చౌధురి (ఆంగ్లం)- ప్రముఖ సాంస్కృతిక పునరుజ్జీవన పండితులు, టాగోర్ అనువాదకులు
  • స్వపన్ చక్రవర్తి (ఆంగ్లం)- భారత జాతీయ గ్రంధాలయ సంచాలకులు
  • ఆనంద దేబ్ ముఖర్జీ (జియాలజీ)- ప్రముఖ శాస్త్రవేత్త


ప్రముఖ పూర్వ విద్యార్ధులు[మార్చు]

సుబీర్ రాహ భారత ఆయిల్ రంగంలో ముఖ్యంగా ప్రభుత్వ రంగంలో తనదైన ముద్రను చూపించిన వ్యాపారవేత్త. గతంలో ఆయిల్ మరియు నాచురల్ గ్యాస్ కమిషన్ కు ఛైర్మన్ గా మరియు మేనేజింగ్ డైరెక్టర్ గా పనిచేసారు.

కబీర్ సుమన్ (గతంలో సుమన్ చటోపాధ్యాయ) వైవిద్య బెంగాలీ గాయకులు-స్వరకర్త- పాటల రచయిత, తృణమూల్ కాంగ్రెస్ నుండి లోక్ సభ కు ఎంపికైన పార్లమెంట్ సభ్యులు

ఋతుపర్ణ ఘోష్ అనేక జాతీయ అవార్డులు గెలుచుకున్న సినిమా దర్శకులు, మాటలు మరియు స్క్రీన్ ప్లే రచయిత

మౌషుమి భౌమిక్ బెంగాలీ గాయకులు-స్వరకర్త- పాటల రచయిత మరియు సాంప్రదాయ సంగీత విద్వాంసులు

సోహిని హల్దార్ ప్రముఖ బెంగాలీ నాటక నటి మరియు జాతీయ అవార్డు పొందిన సినిమా నటి.

పరమిత మండల్ యునైటెడ్ స్టేట్స్ ఆఫ్ అమెరికా లోని అర్బానా-చామ్పైన్ లో ఉన్న యూనివర్సిటీ ఆఫ్ ఇల్లినాయిస్ లో అసిస్టెంట్ ప్రొఫెసర్

కునాల్ బసు నవలా రచయిత మరియు సెడ్ బిజినెస్ స్కూల్ లో ప్రొఫెసర్

సిద్ధార్థ దత్త జాదవ్పూర్ విశ్వవిద్యాలయo ఉప కులపతి

చిరంజిబ్ భట్టాచార్జీ జాదవ్పూర్ విశ్వవిద్యాలయo లో కెమికల్ ఇంజనీరింగ్ విభాగంలో ప్రొఫెసర్

దేబాసిష్ సర్కార్ కలకత్తా విశ్వవిద్యాలయం కెమికల్ ఇంజనీరింగ్ విభాగంలో అధ్యాపకులు

పాయల్ సర్కార్ జాదవ్పూర్ విశ్వవిద్యాలయo చరిత్ర శాఖ నుండి పట్టభద్రురాలైన ఈమె ఒక బెంగాలీ నటి.

ఇది కూడా చూడండి[మార్చు]

వివరణ[మార్చు]

  1. హరిదాస్ ముఖర్జీ మరియు ఉమా ముఖర్జీ, జాతీయ విద్య ఉద్యమం యొక్క మూలాలు (కలకత్తా: నేషనల్ కౌన్సిల్ ఆఫ్ ఎడ్యుకేషన్, 1992)
  2. ఆనంద లాల్, రామ ప్రసాద్ డే, మరియు అమర్త్య సేన్,ది లాంప్ ఇన్ ది లోటస్: ఏ హిస్టరీ ఆఫ్ జాదవ్పూర్ యూనివర్సిటీ hj (కలకత్తా: జాదవ్పూర్ విశ్వవిద్యాలయo, 2005)
  3. http://www.ias.ac. in/currsci/aug102009/304.pdf

వెలుపలి లింకులు[మార్చు]

మూస:Kolkata topics మూస:Universities in West Bengal

మూస:Coord missing