జూన్ 2008

వికీపీడియా నుండి

వర్తమాన ఘటనలు | 2008 ఘటనలు నెలవారీగా - | జనవరి | ఫిబ్రవరి | మార్చి | ఏప్రిల్ | మే | జూన్ | జూలై | ఆగష్టు | సెప్టెంబర్ | అక్టోబర్ | నవంబర్ | డిసెంబర్ | వికీపీడియా ఘటనలు | 2007 ఘటనలు

జూన్ 1, 2008 (2008-06-01) (ఆదివారము) మార్చు చరిత్ర వీక్షించు

ఆంధ్ర ప్రదేశ్ లో ఉపఎన్నికలు జరిగిన 18 శాసనసభ స్థానాలలో తెలంగాణ రాష్ట్ర సమితి 7, కాంగ్రెస్ పార్టీ 6, తెలుగుదేశం పార్టీ 5 స్థానాలలో విజయం సాధించాయి. 4 లోకసభ నియోజకవర్గాలలో తెరాస 2, తెలుగుదేశం, కాంగ్రెస్‌లు ఒకటి చొప్పున గెలిచాయి. ఇండియన్ ప్రీమియర్ లీగ్ ఫైనల్లో రాజస్థాన్ రాయల్స్ విజయం సాధించింది.

జూన్ 2, 2008 (2008-06-02) (సోమవారము) మార్చు చరిత్ర వీక్షించు

శ్రీలంకలో జరిగిన సంఘర్షణలలో 17 మంది ఎల్టీటీఈ తీవ్రవాదులు మరణించారు.

జూన్ 3, 2008 (2008-06-03) (మంగళవారము) మార్చు చరిత్ర వీక్షించు

తస్లీమా నస్రీన్ కు ఆశ్రయం ఇవ్వడానికి స్వీడన్ ఆహ్వానం పలికింది. బంగ్లాదేశ్ బహిష్కరించుటలో 1994 నుంచి నస్రీన్ విదేశాలలో ఆశ్రయం పొందుతున్నది. తెలంగాణ రాష్ట్ర సమితి వ్యవస్థాపక అద్యక్షుడు కె.చంద్రశేఖరరావు ఉపఎన్నికల ఫలితాలపై నైతికబాధ్యత వహిస్తూ పార్టీ అద్యక్షపదవికి రాజీనామా చేశాడు. విద్యుత్తును ఆదా చేయడానికి వీలుగా పాకిస్తాన్ లో అన్ని గడియారాలు ఒక గంట ముందుకు జరుపాలని ప్రభుత్వం ఆదేశించింది. శ్రీలంకలో కురిసిన భారీవర్షాల వల్ల అనేక ప్రాంతాలలో వరదలు సంభవించి 80వేలమంది నిరాశ్రయులయ్యారు. బీజింగ్ ఒలింపిక్ క్రీడలలో కలిసి ఆడేందుకు భారత టెన్నిస్ క్రీడాకారులు లియాండర్ పేస్, మహేష్ భూపతిలు అంగీకరించారు. ప్రాణాంతక సార్స్ వ్యాధి నిర్మూలనకై కృషిచేసిన ప్రవాస భారతీయురాలు షీలా బస్రూర్ కెనడాలో మృతి. మాదక ద్రవ్యాలను కలిగిఉన్నాడనే అనుమానంతో పాకిస్తాన్ క్రికెట్ క్రీడాకారుడు మహ్మద్ ఆసిఫ్ దుబాయ్ లో అరెస్ట్ అయ్యాడు.

జూన్ 4, 2008 (2008-06-04) (బుధవారము) మార్చు చరిత్ర వీక్షించు

డెమొక్రాటిక్ పార్టీ తరఫున అమెరికా అద్యక్ష ఎన్నికలలో పోటీచేయడానికి అవసరమైన 2118 డెలిగేట్ల మద్దతును బరాక్ ఒబామా సంపాదించాడు. దీనితో అమెరికా అద్యక్ష ఎన్నికలలో పోటీ పడనున్న తొలి నల్లజాతీయుడుగా రికార్డు సృష్టించనున్నాడు. నేపాల్ రాజు జ్ఞానేంద్రకు ఖాట్మండు సమీపంలోని నాగార్జున ప్యాలెస్‌లో ఉండటానికి ప్రభుత్వం అంగీకరించింది. తాజా ఫిఫా ర్యాంకింగ్‌లో అర్జెంటీనా ప్రథమస్థానంలో నిలించింది. బ్రెజిల్, ఇటలీలు తరువాతి స్థానాల్లో ఉండగా భారత్ ర్యాంకు 153కు దిగజారింది.

జూన్ 5, 2008 (2008-06-05) (గురువారము) మార్చు చరిత్ర వీక్షించు

అంతర్జాతీయ క్రికెట్ కౌన్సిల్ (ఐసిసి) తాజా టెస్ట్ క్రికెట్ ర్యాంకింగ్‌లో బ్యాటింగ్‌లో ఆస్ట్రేలియాకు చెందిన రికీ పాంటింగ్, బౌలింగ్‌లో శ్రీలంకకు చెందిన ముత్తయ్య మురళీధరన్ లు ప్రథమస్థానంలో నిలిచారు. 3000 మీటర్ల పరుగులో సురేంద్రసింగ్ భారత జాతీయ రికార్డు సృష్టించాడు. 16 సంవత్సరాల బహదూర్ ప్రసాద్ రికార్డు ఛేధించబడింది. 5వ నెంబరు జాతీయ రహదారిపై చిలకలూరిపేట-విజయవాడ మద్య 6 వరుసల రహదారికై భారత జాతీయ రహదారుల సంస్థ అనుమతి.

జూన్ 6, 2008 (2008-06-06) (శుక్రవారము) మార్చు చరిత్ర వీక్షించు

తమ వర్గానికి ఎస్టీ హోదా కోరుతూ రాజస్థాన్ లో గుజ్జర్లు చేస్తున్న ఆందోళన ఉధృతం. రాష్ట్రం గుండా వెళ్ళే పలు రైళ్ళ దారి మళ్ళింపులు, 27 రైళ్ళు రద్దు. శ్రీలంక రాజధాని నగరం కొలంబోలో బాంబు పేలి 21 మంది మృతి. చైనా పర్యటనలో ఉన్న భారత విదేశాంగమంత్రి ప్రణబ్ ముఖర్జీ గ్వాంగ్‌డోంగ్ ప్రావిన్స్‌లోని గ్వాంజు నగరంలో భారత దౌత్యకార్యాలయాన్ని ప్రారంభించాడు. ఇంధన ధరల పెంపుపై ఆంధ్ర ప్రదేశ్ రాష్ట్రమంతటా ప్రతిపక్షాలు నిర్వహించిన బంద్ ప్రశాంతంగా ముగిసింది. మహిళా టెన్నిస్‌లో టాప్ ర్యాంకును సెర్బియాకు చెందిన అనా ఇవనోవిచ్ సాధించింది. కాలి గాయం వల్ల ఫ్రెంచ్ ఓపెన్ టెన్నిస్ మిక్స్‌డ్ డబుల్స్ సెమీస్ నుంచి మహేష్ భూపతి వైదొలిగినాడు. భారత ద్రవ్యోల్బణం మళ్ళీ 0.14% పెరిగి 8.24%కి చేరింది.

జూన్ 7, 2008 (2008-06-07) (శనివారము) మార్చు చరిత్ర వీక్షించు

అమెరికా అద్యక్ష ఎన్నికలలో డెమొక్రాటిక్ అభ్యర్థిత్వంపోటీనుంచి హిల్లరీ క్లింటన్ వైదొలిగి బరాక్ ఒబామాకు మద్దతు ప్రకటించింది. ఇటీవలి ఉపఎన్నికలలో కె.చంద్రశేఖరరావుపై కరీంనగర్ నుంచి కాంగ్రేస్ పార్టీ అభ్యర్థిగా పోటీచేసి 15వేల ఓట్ల తేడాతో ఓడిపోయిన జీవన్ రెడ్డి ఆంధ్ర ప్రదేశ్ రహదారుల మంత్రిగా మళ్ళీ నియమించబడ్డాడు. ఫ్రెంచ్ ఓపెన్ టెన్నిస్‌ మహిళల సింగిల్స్ టైటిల్‌ను అనా ఇవనోవిచ్ కైవసం చేసుకొంది.

జూన్ 8, 2008 (2008-06-08) (ఆదివారము) మార్చు చరిత్ర వీక్షించు

ఫ్రెంచ్ ఓపెన్ టెన్నిస్ పురుషుల సింగిల్స్ టైటిల్‌ను రఫెల్ నాదల్ వరుసగా 4వ సారి కైవసం చేసుకున్నాడు. ఫైనల్లో రాజర్ ఫెడరర్ పై 6-1, 6-3, 6-0 తేడాతో విజయం. నాదల్‌కు ఇది వరుసగా 4వ ఫ్రెంచ్ ఓపెన్ టైటిల్. మారుతి-సుజుకిచే కొత్త కారు మోడల్ ఎల్‌పీజీ ఎమ్800 డ్యుయో ఆవిష్కరణ. కెనెడియన్ గ్రాండ్‌ప్రిలో రాబర్ట్ క్యుబికా విజేతగా అవతరించాడు..

జూన్ 9, 2008 (2008-06-09) (సోమవారము) మార్చు చరిత్ర వీక్షించు

బిఎస్ఎన్ఎల్ ఎస్టీడీ చార్జీలను 40 నుంచి 50% తగ్గించింది. ఎస్టీ హోదా కోరుతూ ఆందోళన కొనసాగిస్తున్న గుజ్జర్లతో చర్చలకు రాజస్థాన్ ప్రభుత్వం ఇద్దరు మంత్రులకు బాధ్యత అప్పగించింది. అసోంలో పెట్రొ ధరల పెంపును నిరసిస్తూ ప్రతిపక్షాలు నిర్వహించిన బంద్ వల్ల విద్యా సంస్థలు, రవాణా మాధ్యమాల మూసివేతతో స్థంభించిన సామాన్య జనజీవనం. (సౌజన్యం: IndiaeNews.com)

జూన్ 10, 2008 (2008-06-10) (మంగళవారము) మార్చు చరిత్ర వీక్షించు

అంతరిక్ష ఆస్తులను పరిరక్షించుకొనుటకు సమీకృత అంతరిక్ష విభాగము ఏర్పాటు చేయనున్నట్లు భారత ప్రభుత్వం ప్రకటించింది. అణువ్యాప్తి నిరోధక ఒప్పందంపై సంతకం చేయనందున భారత్‌కు యురేనియం సరఫరా నిలిపివేతపై ఆలోచించనున్నట్లు ఆస్ట్రేలియా ప్రధానమంత్రి తెలిపాడు. ప్రపంచంలో అత్యంత వేగంగా పనిచేసే కంప్యూటర్‌ను అమెరికా శాస్త్రవేత్తలు తయారుచేశారు. దీని సామర్థ్యం సెకనుకు వెయ్యి ట్రిలియన్లు. ప్రపంచంలోని ప్రముఖ వాణిజ్యకేంద్రాల జాబితాలో భారత్‌కు చెందిన 3 నగరాలు ముంబాయి, ఢిల్లీ మరియు బెంగుళూరు స్థానం సంపాదించాయి.

జూన్ 11, 2008 (2008-06-11) (బుధవారము) మార్చు చరిత్ర వీక్షించు

అఫ్ఘనిస్తాన్ సరిహద్దులో పాకిస్తాన్ సైన్యంపై నాటో దాడిలొ 11 మంది సైనికులు, 10 మంది గిరిజనుల మృతి. భారతీయ ఔషధ రంగంలో ప్రముఖ కంపెనీ ర్యాన్‌బాక్సీని జపాన్ కు చెందిన దైకి శాంక్యో కొనుగోలు చేసింది.

జూన్ 12, 2008 (2008-06-12) (గురువారము) మార్చు చరిత్ర వీక్షించు

నేపాల్ రాజు జ్ఞానేంద్ర రాజభవనాన్ని ఖాళీచేసి ఖాట్మాండు సమీపంలోని నాగార్జున ప్యాలెస్‌కు నివాసం మార్చినాడు. వచ్చే అక్టోబర్ నెలలో చైనా "షెంజ్హౌ 7" పేరుతో రోదసీ యాత్రకు సన్నాహాలు చేస్తోంది.

జూన్ 13, 2008 (2008-06-13) (శుక్రవారము) మార్చు చరిత్ర వీక్షించు

దేశంలో పర్యాటక రంగాన్ని అభివృద్ధి పర్చేందుకు భారతప్రభుత్వం ఎంపిక చేసిన 3 ప్రాంతాలలో ఆంధ్ర ప్రదేశ్ నుంచి తిరుపతి ఎంపికైంది. మిగితా రెండు ప్రాంతాలు ఒరిస్సా లోని చిలుకా సరస్సు, గుజరాత్ లోని ద్వారకలు. పురుషుల 110 మీతర్ల హార్డిల్స్ పరుగులో క్యూబాకు చెందిన డేరన్ రొబెల్స్ 12.87 సెకన్లలో పూర్తిచేసి ప్రపంచ రికార్డు సృష్టించాడు.

జూన్ 14, 2008 (2008-06-14) (శనివారము) మార్చు చరిత్ర వీక్షించు

ప్రముఖ కవి నాగబైరవ కోటేశ్వరరావు‎ కేన్సర్ వ్యాధితో మృతి. సముద్ర చట్టాల అంతర్జాతీయ ట్రిబ్యునల్ న్యాయమూర్తిగా పి.చంద్రశేఖరరావు మరోసారి ఎన్నికయ్యాడు. ఫెడరేషన్ ఆఫ్ ఆంధ్ర ప్రదేశ్ చాంబర్స్ ఆఫ్ కామర్స్ అండ్ ఇండస్ట్రీ అద్యక్షుడిగా సూరజ్ ప్రసాద్ అగర్వాల్ ఎన్నికైనాడు. అమెరికా అంతరిక్ష నౌక డిస్కవరి 14 రోజుల అంతరిక్షయాత్ర ముగించి [భూమి]]కి చేరింది. జాతీయ "బి" చెస్ చాంపియన్ షిప్‌ను ఇషా కార్వాడే కైవసం చేసుకొంది. పాకిస్తాన్ ఫాస్ట్ బౌలర్ షోయబ్ అక్తర్ నిషేధంను ఐదేళ్ళ నుంచి 18 నెలలకు తగ్గించబడింది.

జూన్ 15, 2008 (2008-06-15) (ఆదివారము) మార్చు చరిత్ర వీక్షించు

ఉపఎన్నికలలో పార్టీ ప్రయాజనాలను దెబ్బతీసినందుకు కాంగ్రెస్ పార్టీ సీనియర్ నాయకుడు, తెలంగాణా ప్రాంతీయ అభివృద్ధి మండలి చైర్మెన్ ఉప్పునూతల పురుషోత్తంరెడ్డికి పార్టీ అధిష్టానం తాఖీదు జారి చేసింది. శ్రీనగర్ లో జరిగిన సంతోష్ ట్రోఫి ఫైనల్లో పంజాబ్ జట్టు సర్వీసెస్‌పై విజయం సాధించి ట్రోఫీ కైవసం చేసుకుంది. బెర్లిన్ లో జరిగిన హాలె ఓపెన్ టెన్నిస్‌ను రోజర్ ఫెడరర్ ఐదవసారి కైవసం చేసుకున్నాడు.

జూన్ 16, 2008 (2008-06-16) (సోమవారము) మార్చు చరిత్ర వీక్షించు

స్టేట్ బ్యాంక్ ఆఫ్ హైదరాబాదు మేనేజింగ్ డైరెక్తర్‌గా రేణు చల్లు పదవీ బాధ్యతలు స్వీకరించింది. ఈమె ఎస్.బి.హెచ్‌కు తొలి మహిళా ఎం.డి. ఆంధ్ర ప్రదేశ్ పంవాయతీరాజ్ ఉద్యోగుల బదిలీల అధికారాన్ని జిల్లా పరిషత్తు చైర్మెన్‌లకు కల్పిస్తూ రాష్ట్ర ప్రభుత్వం ఉత్తర్వు జారీచేసింది.

జూన్ 17, 2008 (2008-06-17) (మంగళవారము) మార్చు చరిత్ర వీక్షించు

రాజస్థాన్ ప్రభుత్వంతో గుజ్జర్ల చర్చలు ఫలప్రదం. ఆంధ్రా రంజీ కెప్టెన్ ఎమ్మెస్కే ప్రసాద్ అంతర్జాతీయ, దేశవాళీ క్రికెట్ నుంచి రిటర్‌మెంట్ ప్రకటన. జమ్ము కాశ్మీర్ లో మంచుశివలింగాన్ని దర్శించుకునేందుకు అమర్‌నాథ్ యాత్ర ప్రారంభం.

జూన్ 18, 2008 (2008-06-18) (బుధవారము) మార్చు చరిత్ర వీక్షించు

ఆంధ్ర ప్రదేశ్ లోని 3 ప్రధాన రహదారులను 4లేన్ల రహదారులుగా మార్చడానికి కేంద్ర ప్రభుత్వం అంగీకరించింది. (హైదరాబాదు నుంచి రామగుండం రాజీవ్ రహదారి, నార్కెట్‌పల్లి నుమ్చి అద్దంకి రహదారి, పూతలపట్టు నుంచి తిరుపతి మీదుగా నాయుడుపేటరోడ్డు వరకు) వచ్చే అక్టోబర్ లో ప్రపంచ జూనియర్ ప్రపంచ చాంపియన్ బ్యాడ్మింటన్ పోటీలు మహారాష్ట్రలోని పూణెలో నిర్వహిస్తారు. 2009 జూలై 2 నుంచి తానా (ఉత్తర అమెరికా తెలుగు సంఘం) 17వ మహాసభలు ఇల్లినాయిస్‌లో నిర్వహిస్తారని తానా అద్యక్షుడు కాకర్ల ప్రభాకర్ చౌదరి ప్రకటించాడు.

జూన్ 19, 2008 (2008-06-19) (గురువారము) మార్చు చరిత్ర వీక్షించు

ప్రముఖ కవి గోపిని కరుణాకర్‌కు 2008 సంవత్సరపు కథాకోకిల పురస్కారం లభించింది. ప్రణాళిక సంఘం ఉపాద్యక్షుడు మాంటెక్ సింగ్ అహ్లువాలియాకు లండన్ లోని ఆక్స్‌ఫర్డ్ విశ్వవిద్యాలయం గౌరవ డాక్టరేటుతో సత్కరించింది. గుజ్జర్లకు 5% రిజర్వేషన్లు కల్పిస్తూ రాజస్థాన్ మంత్రిమండలి ఆమోదించింది. దీనితో రాజస్థాన్‌లో మొత్తం రిజర్వేషన్లు 68%కి పెరిగింది.

జూన్ 20, 2008 (2008-06-20) (శుక్రవారము) మార్చు చరిత్ర వీక్షించు

భారత ద్రవ్యోల్బణం 11.05%కి చేరింది. ఇది 13 సంవత్సరాలలో అత్యధికం.

జూన్ 21, 2008 (2008-06-21) (శనివారము) మార్చు చరిత్ర వీక్షించు

మన్మోహన్ సింగ్ నేతృత్వంలోని యుపిఏ సంకీర్ణ ప్రభుత్వానికి బహుజన్ సమాజ్ పార్టీ మద్దు ఉపసంహరిస్తున్నట్లు ఆ పార్టీ అధినాయకురాలు మాయావతి ప్రకటన. హైదరాబాదులో 13గం.7ని.15సెకన్ల పాటు సూర్యుడు కనిపించి 2008లోనే సుదీర్ఘమైన పగలుగా నమోదైంది. ఇస్లామాబాదు అంతర్జాతీయ విమానాశ్రయానికి బెనజీర్ భుట్టో పేరు పెట్టారు. నేపాల్ ఓపెన్ బ్యాడ్మింటన్ పురుషుల టైటిల్‌ను భారత్‌కు చెందిన చేతన్ ఆనంద్ చేజిక్కించుకున్నాడు. కెనడా ప్రభుత్వం క్రికెట్ ఆటను జాతీయ క్రీడ జాబితాలోకి చేర్చింది.

జూన్ 22, 2008 (2008-06-22) (ఆదివారము) మార్చు చరిత్ర వీక్షించు

అమెరికాలోని సిలికాన్ వ్యాలీలో జరిగిన అంతర్జాతీయ కూచిపూడి నృత్యోత్సవాలలో 400మంది ఒకేసారి ఒకే వేదికపై కావించిన ప్రదర్శన గిన్నిస్ బుక్‌లో స్థానం సంపాదించింది. యూరోకప్ ఫుట్‌బాల్ టోర్నమెంట్‌లో రష్యా సెమీఫైనల్‌లోకి ప్రవేశించింది. ఫ్రెంచ్ గ్రాండ్‌ప్రి ఫార్మూలావన్ రేసులో ఫెలిప్ మాసా విజయం సాధించాడు.

జూన్ 23, 2008 (2008-06-23) (సోమవారము) మార్చు చరిత్ర వీక్షించు

తెలుగుదేశం పార్టీకి చెందిన సీనియర్ నేత దేవేందర్ గౌడ్ పార్టీకి, శాసనసభ్యత్వానికి రాజీనామా. ద్వితీయ అంతర్జాతీయ కూచిపూడి నృత్యోత్సవాలు 2010లో హైదరాబాదులో నిర్వహిస్తారు.

జూన్ 24, 2008 (2008-06-24) (మంగళవారము) మార్చు చరిత్ర వీక్షించు

ప్రముఖ హాస్యనటుడు మల్లికార్జునరావు మృతి. జూలై 3 నుంచి అమెరికాలోని న్యూజెర్సీలో జరుగనున్న 10వ అమెరికన్ తెలుగు అసోసియేషన్ (అటా) సదస్సుకు ముఖ్యఅతిథిగా భారత మాజీ రాష్ట్రపతి అబ్దుల్ కలాం హాజరుకానున్నట్లు అటా అద్యక్షుడు గవ్వా చంద్రారెడ్డి ప్రకటన. భారతదేశంలో 500 మెగావాట్ల తొలి వాణిజ్య అణువిద్యుత్ కేంద్రాన్ని కల్పాక్కంలో నిర్మించాలని నిర్ణయించారు. భారతీయ రిజర్వ్ బాంక్ రెపో మరియు సిఆర్ఆర్ రేట్లను అరశాతం చొప్పున పెంచింది.

జూన్ 25, 2008 (2008-06-25) (బుధవారము) మార్చు చరిత్ర వీక్షించు

కర్నూలు జిల్లాలో కుందూనదిపై కొత్త రిజర్వాయర్ నిర్మించాలని ఆంధ్ర ప్రదేశ్ రాష్ట్ర ప్రభుత్వం నిర్ణయం. లోక్‌జనశక్తి పార్టీకి చెందిన లోకసభ సభ్యుడు సూరజ్ భాన్ సింగ్‌కు బీహార్ కు చెందిన ఫాస్ట్ ట్రాక్ కోర్టు యావజ్జీవ కారాగార శిక్ష విధించింది. అమితాబ్ బచ్చన్ కుటుంబంతో కలిసి పనిచేయడానికి సంయుక్త సంస్థను ఏర్పాటు చేస్తునట్లు అనిల్ అంబానీకి చెందిన అడాగ్ ప్రకటించింది. సింగపూర్ లో ఎఫ్ఎం రేడియో స్టేషన్‌ను ప్రారంభించాలని అనిల్ అంబానీ నిర్ణయం. దీనితో విదేశాలలో ఇదే తొలి భారతీయ ఎఫ్ఎం అవుతుంది. స్పైస్ కమ్యునికేషన్‌కు చెందిన 40.8% వాటాలను ఐడియా సెల్యులార్ తీసుకోనున్నట్లు ప్రకటించింది. ఆసియా కప్ క్రికెట్ లో భాగంగా హాంకాంగ్ తో జరిగిన క్రికెట్ మ్యాచ్‌లో భారత జట్టుకు చెందిన సురేష్ రైనా 66 బంతుల్లో సెంచరీ సాధించి భారత్ తరఫున రెండో వేగవంతమైన శతకాన్ని నమోదుచేశాడు.

జూన్ 26, 2008 (2008-06-26) (గురువారము) మార్చు చరిత్ర వీక్షించు

నేపాల్ ప్రధానమంత్రి పదవికి గిరిజా ప్రసాద్ కొయిరాలా రాజీనామా చేశాడు. భారత రాష్ట్రపతి 5 రాష్ట్రాలకు కొత్త గవర్నర్లను నియమించాడు. సిక్కిం రాష్ట్రానికి వాల్మికీ ప్రసాద్, బీహార్ రాష్ట్రానికి ఆర్.ఎస్.గవాయి, అసోం రాష్ట్రానికి శివచరణ్ మాథూర్, కేరళ రాష్ట్రానికి ఆర్.ఎల్.భాటియా, మేఘాలయ రాష్ట్రానికి రంజిత్ శేఖర్ ముషాహిరిలు కొత్త గవర్నర్లుగా వ్యవహరిస్తారు. ఒక స్వతంత్ర అంతర్జాతీయ సంస్థ జరిపిన ప్రపంచ వ్యాప్త అవినీతి సూచిలో భారత్‌కు 74వ స్థానం లభించింది. అతి తక్కువ అవినీతి ఉన్న దేశంగా భూటాన్ ప్రథమస్థానంలో నిలిచింది. షిర్డీ సమీపంలో విమానాశ్రయం నిర్మాణ ప్రతిపాదనకు మహారాష్ట్ర ప్రభుత్వం ఆమోదించింది. వచ్చే లోకసభ ఎన్నికలకోసం భారతీయ జనతా పార్టీ 6 స్థానాలకు అభ్యర్థులను ప్రకటించింది. ప్రపంచంలో అతిపెద్ద సాఫ్ట్‌వేర్ కంపెనీ మైక్రోసాఫ్ట్ అధినేత బిల్ గేట్స్ కంపెనీ క్రియాశీల బాధ్యతల నుంచి వైదొలగాలని నిర్ణయించాడు. ప్రముఖ సినీ నిర్మాత యశ్‌చోప్రాకు ఫ్రెంచి అత్యున్నత పురస్కారం ఆఫీసర్ డి లా లిజియన్ డి ఆనర్ అవార్డు ప్రకటించింది. ఆంధ్ర ప్రదేశ్ కు చెందిన అథ్లెటిక్స్ క్రీడాకారిణి సత్తి గీత బీజింగ్ ఒలింపిక్స్‌కు అర్హత సంపాదించింది. ఐసిసి వన్డే ర్యాంకింగ్‌లో ఆస్ట్రేలియా దక్షిణాఫ్రికాను వెనక్కి నెట్టి మళ్ళీ తొలిర్యాంకుకు చేరుకుంది.

జూన్ 27, 2008 (2008-06-27) (శుక్రవారము) మార్చు చరిత్ర వీక్షించు

భారత దేశపు తొలి ఫీల్డ్ మార్షల్, 1971 ఇండో-పాక్ యుద్ధంలో ప్రముఖ పాత్ర వహించిన మానెక్‌షా మృతి. ఉత్తర కొరియాపై విధించిన వాణిజ్య ఆంక్షలను అమెరికా తొలిగించింది. కజకిస్తాన్ లోని బైకనూర్ అంతరిక్ష కేంద్రం నుంచి రష్యా భారీ సైనిక ఉపగ్రహాన్ని ప్రయోగించింది. భారత ద్రవ్యోల్బణం మళ్ళీ పెరిగి 11.42%గా నమోదైంది. బాంబే స్టాక్ ఎక్స్ఛేంజీ సూచీ భారీగా నష్టపోయి ఈ ఏడాది కనిష్ట స్థాయికి చేరింది. ఆసియా ఉత్తమ క్రికెటర్‌గా మరియు ఆసియా ఉత్తమ బ్యాట్స్‌మెన్‌గా సౌరవ్ గంగూలీ ఎన్నికయ్యాడు. ఉత్తమ వన్డే బ్యాట్స్ మన్ గా సచిన్ టెండుల్కర్, ఉత్తమ ట్వంటీ-20 బ్యాట్స్‌మెన్‌గా గౌతమ్ గంభీర్ ఎన్నిక కాగా, ఉత్తమ టెస్ట్ బ్యాట్స్‌మెన్‌గా కుమార సంగక్కర, ఉత్తమ ఆసియా బౌలర్‌గా ముత్తయ్య మురళీధరన్ ఎన్నికయ్యారు.

జూన్ 28, 2008 (2008-06-28) (శనివారము) మార్చు చరిత్ర వీక్షించు

ఆంధ్ర ప్రదేశ్ రాష్ట్ర పరిధిలోని ప్రధాన రహదారులన్నీ నాలుగులేన్లుగా మార్చనున్నట్లు రాష్ట్ర రహదారులు, భవనాల శాఖామంత్రి టి.జీవన్ రెడ్డి వెల్లడించాడు. కర్ణాటక విధానపరిషత్తుకు జరిగిన ఎన్నికలలో భారతీయ జనతా పార్టీ 4 సీట్లు పొందగా, జనతా దళ్ (ఎస్) కు ఒక్క స్థానం లభించింది. పార్టీకి వ్యతిరేకంగా పనిచేస్తున్నందుకు పిఠాపురం శాసనసభ్యుడు దొరబాబు]]ను పార్టీనుంచి బహిష్కరించాలని భారతీయ జనతా పార్టీ నిర్ణయించింది. అలోక్ కపాలి వన్డే క్రికెట్‌లో భారత్‌పై సెంచరీ సాధించిన తొలి బంగ్లాదేశ్ క్రికెటర్‌గా అవతరించాడు.

జూన్ 29, 2008 (2008-06-29) (ఆదివారము) మార్చు చరిత్ర వీక్షించు

సీలేరు నది దాటుతున్న ఆంధ్ర ప్రదేశ్ గ్రేహాండ్స్ సిబ్బంది లాంచీపై మావోయిస్టుల దాడి. 33మందికి పైగా పోలీసుల మృతి. ప్రత్యమ్నాయ ఇంధన వనరుల రంగంలో అద్భుత కృషి చేసిన వారికి నోబెల్ పురస్కారాలు ఇవ్వనున్నట్లు నోబెల్ ఛారిటబుల్ ట్రస్ట్ చైర్మెన్ మైఖల్ నోబెల్ ముంబాయిలో వెల్లడించాడు. శ్రీలంక ఘర్షణలలో 40మందికి పైగా తీవ్రవాదుల మృతి. ఆంధ్రప్రదేశ్‌కు చెందిన ఆర్చెరీ క్రీడాకారులు వర్థినేని ప్రవీన, డోలా బెనర్జీలు బీజింగ్ ఒలింపిక్స్‌కు అర్హత సాధించారు. యూరోకప్-2008 ను స్పెయిన్ 44 సంవత్సరాల అనంతరం కైవసం చేసుకుంది. వియన్నాలో జరిగిన ఫైనల్లో బల్లాక్ నేతృత్వంలోని జర్మనీ జట్టును 1-0 తో ఓడించింది.

జూన్ 30, 2008 (2008-06-30) (సోమవారము) మార్చు చరిత్ర వీక్షించు

పంజాబ్ నగర పాలక సంస్థ ఎన్నికలలో భారతీయ జనతా పార్టీ-అకాళీదళ్ కూటమి ఘనవిజయం సాధించింది. ఆస్ట్రేలియాకు చెందిన క్రికెట్ క్రీడాకారుడు బ్రెట్‌లీ వన్డేలలో అత్యంతవేగంగా 300 వికెట్లు సాధించిన బౌలర్‌గా రికార్డు సృష్టించాడు. 171 వన్డేలలోనే ఈ ఘనత సాధించిన ఇతడు 300 వికెట్లు సాధించిన పదవ బౌలర్‌గాను, రెండో ఆస్ట్రేలియన్‌గాను నిలిచాడు. 9వ పురుషుల హాకీ ఛాంపియన్ ట్రోఫీని ఆస్ట్రేలియా గెలుచుకుంది. రోటర్‌డ్యాంలో జరిగిన ఫైనల్లో స్పెయిన్ పై 4-1 తేడాతో విజయం సాధించింది.