ది డోర్స్

వికీపీడియా నుండి
ఇక్కడికి గెంతు: మార్గసూచీ, వెతుకు
The Doors
Doors electra publicity photo.JPG
L to R: Morrison, Densmore, Manzarek, and Krieger, in a frequently used 1966 picture of the band
వ్యక్తిగత సమాచారం
మూలం Los Angeles, California, United States
రంగం Rock & roll [1]
Psychedelic rock[1]
Acid rock[2]
Blues-rock[3]
Hard rock[1]
క్రియాశీల కాలం 1965–1973
(Partial reunions: 1978, 1993, 2000)
Labels Elektra
Rhino
Associated acts Manzarek-Krieger, The Butts Band, Nite City
వెబ్‌సైటు TheDoors.com
Past members Jim Morrison
Ray Manzarek
John Densmore
Robby Krieger

ది డోర్స్‌ అనేది 1965లో లాస్‌ఏంజిల్స్, కాలిఫోర్నియాలో ఏర్పాటు చేసిన ఒక అమెరికా రాక్‌ బ్యాండ్. ఆవిర్భావం నుంచి ఈ గ్రూపులో గాయకుడు జిమ్ మోరీసన్, కీబోర్డు వాద్యకారుడు రే మంజారెక్, డ్రమ్మర్ జాన్ డెన్స్‌మోర్ మరియు గిటారు విద్యాంసుడు రాబీ క్రీజర్ ఉన్నారు. 1960ల్లో చోటు చేసుకున్న పలు వివాదాస్పద రాక్ ప్రదర్శనల్లో వీరు కూడా భాగమయ్యారు. ప్రధానంగా, మోరీసన్ యొక్క విశృంఖల మరియు కవితాత్మక పాటలు ప్రజాదరణ పొందాయి. మరోవైపు ఊహించని విధంగా వారు రంగస్థల ఖ్యాతి గడించారు. 1971లో మోరీసన్ మరణానంతరం, చివరకు 1973లో శాశ్వతంగా విడిపోయేంత వరకు కూడా మిగిలిన బ్యాండు సభ్యులు ఒక త్రయంగా ప్రదర్శనలు ఇవ్వడం కొనసాగించారు.[1]

ది డోర్స్ యొక్క క్రియాశీలక పోరు 1973లో ముగిసినప్పటికీ, వారి పేరుప్రఖ్యాతులు మాత్రం చిరస్థాయిగా నిలిచిపోయాయి. RIAA ప్రకారం, వారు ఒక్క USలోనే 32.5 మిలియన్లకు పైగా ఆల్బమ్‌లు విక్రయించారు.[4] ఇక ప్రపంచవ్యాప్తంగా ఈ బ్యాండ్ మొత్తం 75 మిలియన్లకు పైగా ఆల్బమ్‌లను విక్రయించింది. రే మంజారెక్ మరియు రాబీ క్రీజర్ ఇద్దరూ మంజారెక్-క్రీజర్ వంటి అదనపు సంగీత విద్వాంసులుగా ఇప్పటికీ పలుమార్లు పర్యటనలు చేస్తూ, డోర్స్ పాటలకు సంబంధించిన ప్రదర్శనలు ఇస్తున్నారు.

విషయ సూచిక

చరిత్ర[మార్చు]

1965–68[మార్చు]

మూలాలు మరియు స్థాపన[మార్చు]

ది డోర్స్ పుట్టుక యొక్క మూలాలు జులై, 1965లో కాలిఫోర్నియాలోని వెనీస్ బీచ్ ఒడ్డున సన్నిహితులు మరియు UCLA చలనచిత్ర పాఠశాల పూర్వవిద్యార్థులు జిమ్ మోరీసన్ మరియు రే మంజారెక్ మధ్య సాధారణ సంభాషణల ద్వారా ఏర్పడ్డాయి. తాను పాటలు రాస్తున్నట్లు మంజారెక్‌తో మోరీసన్ అన్నాడు. (మోరీసన్ ఈ విధంగా అన్నాడు, "నా మెదడులో కదలాడుతున్న రాక్ అండ్ రోల్ కచేరీ తాలూకూ అద్భుతమైన అంశాలను నేను పరిశీలిస్తున్నాను") మరియు మంజారెక్ యొక్క ప్రోత్సాహంతో "మూన్‌లైట్ డ్రైవ్" పాటను ఆలపించాడు. మోరీసన్ పాటలకు ముగ్దుడైన మంజారెక్ బ్యాండ్ ఏర్పాటుకు ప్రతిపాదించాడు.[citation needed]

కీబోర్డు విద్వాంసుడు మంజారెక్ తన సోదరులు రిక్ మరియు జిమ్ మంజారెక్‌లతో కలిసి తొలుత రిక్ & ది రావెన్స్‌ అనే బ్యాండులో ఉండేవాడు. డ్రమ్మర్ జాన్ డెన్స్‌మోర్ ది సైకిడిలిక్ రేంజర్స్ తరపున పనిచేసేవాడు. మంజారెక్ ధ్యాన తరగతులకు వెళుతుండేవాడుగా బాగా తెలుసు. ఆగస్టులో డెన్స్‌మోర్ ఈ గ్రూపులో చేరాడు. ది రావెన్స్ సభ్యులు మరియు మంద్రస్వర విద్వాంసురాలు ప్యాట్ సుల్లివన్ (తర్వాత 1997లో బాక్స్ CD రిలీజు సందర్భంగా ఆమె తన వైవాహిక నామం ప్యాట్రికా హన్సెన్‌ను ఉపయోగించుకోవడం ద్వారా గుర్తింపు పొందింది)తో కలిసి అతను సెప్టెంబరు, 1965లో ఆరు పాటల డెమోను రికార్డు చేశాడు. అయితే ఇది చట్టవిరుద్ధ రికార్డింగ్‌గా విస్తృత ప్రచారం పొందింది. అదే నెల గిటారు విద్వాంసుడు రాబీ క్రీజర్‌ను గ్రూపు నియమించుకుంది. చివరగా మోరీసన్, మంజారెక్, క్రీజర్ మరియు డెన్స్‌మోర్‌లు గ్రూపు సభ్యులుగా అవతరించారు. ఈ బ్యాండ్ తమ పేరు కోసం విలియం బ్లేక్‌ పద్యం ది మ్యారేజ్ ఆఫ్ హీవెన్ అండ్ హెల్‌ (ఇంద్రియజ్ఞాన ద్వారాలు ఒక వ్యక్తికి ఉన్నది ఉన్నట్లుగా గోచరించే ప్రతి దానిని పరిశుద్ధం చేయడం అపరిమితమవుతుంది)లోని ఒక పంక్తిని తీసుకున్నట్లు డోర్స్‌పై ప్రస్తుత డాక్యుమెంటరీ వెన్ యుఆర్ స్ట్రేంజ్‌ ద్వారా తెలిసింది.[citation needed]

విష్కీ ఎ గో గో

1966 నాటికి ఈ గ్రూపు లండన్ ఫాగ్‌ క్లబ్ తరపున ప్రదర్శన ఇచ్చింది. తర్వాత వెంటనే ప్రతిష్టాత్మక విస్కీ ఎ గో గో క్లబ్ అవకాశం పొందింది. అక్కడ వారు హౌస్ బ్యాండ్‌గా అవతరించి, వ్యాన్ మోరీసన్ యొక్క గ్రూపు దెమ్ ప్రదర్శనలకు మద్దతిచ్చేవారు. చివరి రాత్రి సంయుక్తంగా ఈ రెండు బ్యాండ్‌లు "ఇన్ ది మిడ్‌నైట్ అవర్‌" మరియు దెమ్ బ్యాండ్ యొక్క ఇరవై నిమిషాల సంగీత కచేరీ "గ్లోరియా" కోసం ఒక్కటయ్యాయి.[5] ఆగస్టు 10న వీరు ఎలెక్ట్రా రికార్డ్స్‌ సంస్థ అధినేత జాక్ హాల్జ్‌మన్‌తో కలిసి దర్శనమిచ్చారు. లవ్ గాయకుడు ఆర్థర్ లీ అభ్యర్థన మేరకు అతను హాజరయ్యాడు. ఎలెక్ట్రాలో ఆర్థర్ గ్రూపు కూడా ఉంది. విస్కీ ఎ గో గో క్లబ్‌లో బ్యాండ్ యొక్క రెండు ప్రదర్శనలను హోల్జ్‌మన్ మరియు నిర్మాత పాల్ A.రోత్‌చైల్డ్‌ వీక్షించిన అనంతరం ఎలెక్ట్రా రికార్డ్స్‌ లేబుల్‌తో వారు ఒప్పందం కుదుర్చుకోగలిగారు. ఆగస్టు 18న కుదిరిన ఈ ఒప్పందం రోత్‌చైల్డ్ మరియు ఇంజనీరు బ్రూస్ బోట్‌నిక్‌తో సుదీర్ఘ మరియు విజయవంతమైన భాగస్వామ్యానికి నాంది పలికింది. ఆ నెల తర్వాత "ది ఎండ్‌" ప్రదర్శన చెత్తగా అనిపించడంతో క్లబ్ వారికి ఉద్వాసన పలికింది. వివాద సంకేతాలను ముందుగా తెలిపేలా ఓ సంఘటనను గ్రూపు తర్వాత ఎదుర్కొంది. అంటే, అగ్నికి ఆజ్యం తోడైనట్లుగా మోరీసన్ భీకరమైన స్వరంతో గ్రీకు నాటిక ఓడిపస్ రెక్స్‌ కు సంబంధించి, తన సొంత వెర్షన్‌ను ఉచ్ఛరించాడు. అందులో ఓడిపస్ తెలియకుండా తన తండ్రిని హతమార్చి, తన తల్లితో లైంగిక సంబంధం పెట్టుకుంటాడు.[citation needed]

అరంగేట్ర ఆల్బమ్[మార్చు]

'ది డోర్స్' స్వీయ-శీర్షిక అరంగేట్ర LP జనవరి, 1967 మొదటి వారంలో విడుదలయింది. ఇందులో వారి గ్రూపుకు సంబంధించిన పలు ప్రధాన పాటులున్నాయి. అందులో సుమారు 12-నిమిషాల నిడివి కలిగిన సంగీత నాటిక "ది ఎండ్" కూడా ఉంది. ఈ బ్యాండ్ తన మొదటి ఆల్బమ్‌ను సన్‌సెట్ సౌండ్ రికార్డింగ్ స్టూడియోస్‌లో 1966లో ఆగస్టు 24 నుంచి 31 వరకు రికార్డు చేసింది. చెప్పాలంటే, వారు పూర్తిగా స్టూడియోనే ఉండి, దీనిని పూర్తి చేశారు.

నవంబరు, 1966లో ప్రధాన పాట "బ్రేక్ ఆన్ త్రూ (టు ది అదర్ సైడ్)" కోసం ఒక ప్రమోషనల్ చిత్రానికి మార్క్ అబ్రామ్‌సన్ దర్శకత్వం వహించాడు. ఈ పాట ప్రచారం కోసం సుమారు 1966 సమయంలో లేదా 1967 ప్రారంభంలో బాస్ సిటీ గా పిలిచే లాస్‌ఏంజిల్స్‌ TV కార్యక్రమం ద్వారా ది డోర్స్ బ్యాండ్ బుల్లితెర ప్రవేశం చేసింది. తర్వాత మరో లాస్‌ఏంజిల్స్ TV కార్యక్రమం షీబ్యాంగ్‌ లోనూ పాల్గొంది. ఇది 1967 నూతన సంవత్సర వేడుకల సందర్భంగా "బ్రేక్ ఆన్ త్రూ"ని అనుకరించింది. అయతే ఈ క్లిప్‌ను ది డోర్స్ అధికారికంగా విడుదల చేయలేదు.

ఈ బ్యాండ్ రెండో పాట "లైట్ మై ఫైర్" మిలియన్‌ (పది లక్షలు)కు పైగా కాపీలు అమ్ముడవడం ద్వారా బిల్‌బోర్డ్‌ పాటల (సింగిల్స్) జాబితాలో అగ్రస్థానంలో నిలిచిన ఎలెక్ట్రా రికార్డ్స్ తొలి పాటగా రికార్డు సృష్టించింది.[6]

ప్రారంభ బుల్లితెర ప్రదర్శనలు[మార్చు]

25 ఆగస్టు 1967న ది డోర్స్ అమెరికా టెలివిజన్‌పై దర్శనమిచ్చింది. బహుశా అదే మొదటిసారి కావొచ్చు. వెరైటీ TV కార్యక్రమం మాలిబు U లో "లైట్ మై ఫైర్" ప్రదర్శన ద్వారా వారు అతిథి పాత్రలు చేశారు. వారు పూర్తిగా నటించకపోయినా, ప్రత్యక్ష ప్రసారంలో మాత్రం కన్పించారు. ఈ బ్యాండ్ బీచ్‌లో, పాటను ఆలపిస్తూ కన్పిస్తుంది. అయితే ఈ మ్యూజిక్ వీడియో వాణిజ్య విజయం సాధించలేదు మరియు ప్రదర్శన కూడా అంతంతమాత్రంగా ఆకట్టుకుంది.[7] ది ఎడ్ సుల్లివన్ షో లో కన్పించిన తర్వాతే వారు బుల్లితెరపై పట్టు సాధించారు.

మే, 1967లో టోరంటోలోని ఓ కీఫీ సెంటర్‌లో కెనడియన్ బ్రాడ్‌క్యాస్టింగ్ కార్పొరేషన్‌ (CBC) కోసం "ది ఎండ్" యొక్క ఒక వెర్షన్‌ను రికార్డు చేయడం ద్వారా ది డోర్స్ అంతర్జాతీయ బుల్లితెరకు తొలిసారిగా పరిచయమైంది.[8] అయితే 2002లో ది డోర్స్ శబ్దవేదిక ప్రదర్శనల DVD విడుదలయ్యేంత వరకు దాని తొలి ప్రసారాల మొదలుకుని చట్టవిరుద్ధమైన రూపంలో ఉన్నది తప్ప మిగిలింది విడుదలకాలేదు.[8]

సెప్టెంబరు, 1967లో ది ఎడ్ సుల్లివన్ షో ద్వారా ది డోర్స్ "లైట్ మై ఫైర్" అనే ఎప్పటికీ గుర్తిండిపోయే ఒక ప్రదర్శన ఇచ్చింది. రే మంజారెక్ ప్రకారం, జాతీయ TVలో "హై" (అధిక) అని చెప్పలేని కారణంగా "బెటర్" (ఉత్తమ) కోసం "హయ్యర్" (ఉన్నత) అనే పదాన్ని తొలగించాలని నెట్‌వర్క్ ఎగ్జిక్యూటివ్‌లు కోరారు. దీనికి గ్రూపు తొలుత అంగీకరించింది. అయితే చివరకు ఈ పాటను దాని వాస్తవిక రూపంలోనే ఆలపించారు. ఎందుకంటే వారి అభ్యర్థనకు తలొగ్గాలనే ఆలోచన బ్యాండ్‌కు అసలు లేకపోవడం లేదా జిమ్ మోరీసన్ అధైర్యపడటం మరియు చేయాల్సిన మార్పును మరిచిపోవడం (మంజారెక్ అసమ్మతిపూర్వకమైన సమాధానాలు ఇచ్చాడు) వంటివి కారణాలు కావొచ్చు. మిశ్రమ నేరంగా, "హయ్యర్" అనే పదాన్ని జాతీయ TVలో ఆలపించడం జరిగింది. అలాగే కోపంతో ఉన్న ఎడ్ సుల్లివన్ ముందుగా వ్యూహరచన చేసిన మరో ఆరు ప్రదర్శనలను రద్దు చేశాడు. దానిపై జిమ్ మోరీసన్ ఈ విధంగా అన్నట్లు తెలిసింది: "అయితే ఏంటయ్యా? ది ఎడ్ సుల్లివన్ షో "ను మేం చేశాం .

డిసెంబరు 24న ది జొనాథన్ వింటర్స్ షో ప్రత్యక్ష ప్రసారం కోసం "లైట్ మై ఫైర్" మరియు "మూన్‌లైట్ డ్రైవ్‌"ను ది డోర్స్ రికార్డు చేసింది. డిసెంబరు 26-28 తేదీల మధ్య ఈ గ్రూపు శాన్‌ఫ్రాన్సిస్కోలోని వింటర్‌ల్యాండ్ బాల్‌రూమ్‌లో ప్రదర్శన ఇచ్చింది. జిమ్ మోరీసన్‌పై స్టీఫెన్ డేవిస్ రాసిన పుస్తకంలోని రచనాభాగాన్ని తీసుకోవడం జరిగింది.(పేజీ 219–220):

మరుసటి రోజు రాత్రి వింటర్‌ల్యాండ్‌లో ది డోర్స్ గ్రూపు సమయంలో వేదికపై ఒక TV బృందం దర్శనమిచ్చింది. తద్వారా ది జొనాథన్ వింటర్స్ షో లో బ్యాండ్ తనను తాను చూసుకుంది. వారి పాట సమీపించగానే "బ్యాక్ డోర్ మ్యాన్‌"ను ఆలపించడం వారు ఆపేశారు. TVలో తమను తాము చూసుకుంటున్న ది డోర్స్ సభ్యులను శ్రోతలు వీక్షించారు. తమ అంకం పూర్తి కాగానే వారు తమ పాటను ముగించారు. తర్వాత రే లేచి, TVని కట్టేశాడు. వింటర్‌ల్యాండ్‌లో మరుసటి రాత్రే వారికి చివరిది.

డిసెంబరు 30, 31 తేదీల్లో డెన్వర్‌లో వారు మరో రెండు ప్రదర్శనలు ఇచ్చారు. తద్వారా దాదాపు ఏడాది పూర్తిగా పర్యటనలతో ముగించారు.

స్ట్రేంజ్ డేస్[మార్చు]

ది డోర్స్ ప్రస్తుతం తనకు అందుబాటులో ఉన్న టెక్నాలజీని ఉపయోగించుకోవడం ద్వారా తన రెండో ఆల్బమ్ స్ట్రేంజ్ డేస్ రికార్డింగ్ కోసం లాస్‌ఏంజిల్స్‌లోని సన్‌సెట్ స్టూడియోలో అనేక వారాలు గడిపింది. అయితే స్ట్రేంజ్ డేస్ పెద్దగా వాణిజ్య విజయం సాధించలేకపోయింది. తద్వారా స్వల్ప విజయం సాధించిన ఇతర పాటలతో పాటు అది బిల్‍‌బోర్డ్ ఆల్బమ్ చార్టులో మూడో స్థానంలో నిలిచింది.[6]

న్యూ హ్యవెన్ సంఘటన[మార్చు]

9 అక్టోబరు 1967న న్యూ హ్యవెన్‌, కనెక్టికట్‌లోని న్యూ హ్యవెన్ అరీనాలో ది డోర్స్ ఇచ్చిన ప్రదర్శన దానికి ఒకవిధంగా అపకీర్తిని తీసుకొచ్చింది. అందుకు కారణం స్థానిక పోలీసులు మోరీసన్‌ను వేదికపైనే ఖైదు చేయడం.

ఒక పోలీసు అధికారి కనిపించిన సమయంలో వేదిక వెనుకవైపున ఉన్న బాత్‌రూమ్‌లో ఒక యువ వీరాభిమాని (యువతి)తో మోరీసన్ సంభాషణలు కొనసాగిస్తున్నట్లు విశ్వసిస్తున్నప్పటికీ, న్యూ హ్యవెన్‌లో అతని అరెస్టుకు దారితీసిన పరిస్థితులు ఇప్పటివరకు స్పష్టంగా తెలియవు. జంటగా ఉన్న మోరీసన్ మరింత కోపపడేలా అతను ఇబ్బంది పెట్టాడు. దాంతో గాయకుడైన అతను మేస్‌ (మనిషి తాత్కాలికంగా స్పృహ కోల్పోయే విధంగా చేసే ఒక ద్రవం) చర్యకు గురయ్యాడు.[9]

వేదికపైకి ఎక్కిన మోరీసన్ శ్రోతల ముందు తీవ్రమైన పదజాలంతో దూషణల పరంపరను కొనసాగించాడు. అదే ఆవేశంతోనే వేదిక వెనుకవైపు జరిగిన దానిని గురించి వివరిస్తూ, న్యూ హ్యవెన్ పోలీసులను తీవ్రంగా దూషించాడు. దాంతో మోరీసన్‌ను పోలీసులు అరెస్టు చేసి, వేదికపై నుంచి తీసుకెళ్లడం జరిగింది. ఈ సంఘటనతో న్యూ హ్యవెన్ అరీనా ప్రవేశ ద్వారాల నుంచి వీధుల్లోకి ఒక ఆందోళన మొదలైంది. అరెస్టయిన మోరీసన్‌ను స్థానిక పోలీసు స్టేషన్‌కు తీసుకెళ్లారు. అతని ఫోటోలు తీసి, అమర్యాద మరియు బహిరంగంగా అసభ్యతకు పాల్పడిన అభియోగాల కింద అతనిపై కేసులు నమోదు చేశారు.

ఈ సంఘటన వివరాలను మోరీసన్ హోటెల్‌, అనే 1970 నాటి ఆల్బమ్‌లోని పాట "పీస్ ఫ్రాగ్‌" ద్వారా మోరీసన్ వివరించాడు. ఇందులో "బ్లడ్ ఇన్ ది స్ట్రీట్స్ ఇన్ ది టౌన్ ఆఫ్ న్యూ హ్యవెన్" అనే పాట కూడా ఉంది.

వెయిటింగ్ ఫర్ ది సన్[మార్చు]

ఏప్రిల్‌లో, మోరీసన్ మధ్యం మరియు మాదకద్రవ్యాలకు బానిసవడం అతని కొత్త మహాకావ్యం "ది సెలబ్రేషన్ ఆఫ్ ది లిజార్డ్‌"ను బ్యాండ్ నిర్మాత పాల్ రోత్‌చైల్డ్ తిరస్కరిండం కారణాల చేత మూడో ఆల్బమ్ రికార్డింగ్ పనులు కార్యరూపు దాల్చలేదు. ఈ పని తగినంత వ్యాపారయుతంగా ఉండరాదని పాల్ భావించాడు. మరింత పేరు గడించే విధంగా ది డోర్స్ వరుస అవుట్‌డోర్ ప్రదర్శనలు ఇచ్చారు. ఫలితంగా అభిమానులు మరియు పోలీసులకు మధ్య ప్రత్యేకించి, చికాగో కొలీసియం వద్ద మే 10న తోపులాటలు జరిగాయి.

బ్యాండ్ మూడో LP కోసం తమ ప్రాధమిక రూపు నుంచి విడిపోవాలని భావించింది. ఎందుకంటే వారు తమ వాస్తవిక భండారాన్ని పూర్తిగా ఖాళీ చేసేశారు. అందువల్ల వారు కొత్త రచనలను మొదలుపెట్టారు. వెయిటింగ్ ఫర్ ది సన్ వారి మొదటి #1 LPగానూ మరియు "హలో, ఐ లవ్ యు" పాట వారి రెండోదిగానూ మరియు ఆఖరి US #1 పాటగానూ నిలిచాయి. 1968లో "హలో, ఐ లవ్ యు" సింగిల్ (పాట) విడుదలతో వివాదం తలెత్తింది. అందుకు కారణం ఈ పాట యొక్క సంగీతం ది కింక్స్‌ 1964 హిట్ పాట "ఆల్ డే అండ్ ఆల్ ఆఫ్ ది నైట్‌"ను పోలి ఉందని రాక్ ప్రెస్ గుర్తించడమే. దీనిపై కింక్స్ సభ్యులు సంగీత విమర్శకుల వాదనతో ఏకీభవించారు. "ఆల్ డే అండ్ ఆల్ ఆఫ్ ది నైట్" ఒంటరి ప్రత్యక్ష ప్రదర్శనల సమయంలో "హలో, ఐ లవ్ యు" భాగాలను దూషించే వ్యాఖ్యానంగా జతచేసినట్లు కింక్స్ గిటారు విద్వాంసుడు డేవ్ డేవీస్‌‌కు తెలుసు.[10] కచేరీలో, మోరీసన్ ది డోర్స్ ఆర్ ఓపెన్‌ అనే డాక్యుమెంటరీలో చూపిన విధంగా అడపాదడపా పాట పట్ల తిరస్కణ భావం కలిగి ఉన్నాడు. అందువల్ల గాత్ర సంబంధిత పనులను అతను మంజారెక్‌కు అప్పగించాడు.[11]

న్యూయార్క్‌లోని సింగర్ బౌల్‌లో నెలకొన్న ఉద్రిక్త సన్నివేశాల నేపథ్యంలో నెల రోజుల తర్వాత, ఈ గ్రూపు ఉత్తర అమెరికా వెలుపల తొలి ప్రదేశంగా బ్రిటన్‌ వెళ్లింది. వారు లండన్‌లోని ICA గ్యాలరీలో మీడియా సమావేశం నిర్వహించారు. అలాగే ది రౌండ్‌హౌస్‌ థియేటర్ వద్ద పలు ప్రదర్శనలు ఇచ్చారు. పర్యటన ఫలితాలు గ్రెనెడా TV యొక్క ది డోర్స్ ఆర్ ఓపెన్‌ లో ప్రసారమయ్యాయి. తర్వాత అది వీడియోగా విడుదలయింది. వారు జెఫర్సన్ ఎయిర్‌ప్లేన్‌తో కలిసి ఐరోపాలో పలు ప్రదర్శనలు ఇచ్చారు. అందులో అమ్‌స్టర్‌డమ్‌ ప్రదర్శన ఒకటి. ఇక్కడ మాదకద్రవ్యాన్ని అతిగా తీసుకోవడం వల్ల మోరీసన్ వేదికపైనే కుప్పకూలిపోయిన సంఘటన చోటు చేసుకుంది.

ఈ గ్రూపు తిరిగి US చేరుకుంది. నవంబరులో తమ నాలుగో LP పనులు తిరిగి ప్రారంభించడానికి ముందు మరో తొమ్మిది US ప్రదర్శనలు ఇచ్చారు. విజయవంతమైన పాట "టచ్ మి," (డిసెంబరు, 1968లో విడుదలయింది) ద్వారా వారు ఏడాదిని ముగించారు. ఇది US #3లో నిలిచింది. 1969లో మ్యాడిసన్ స్క్వేర్ గార్డెన్‌లో జనవరి 24న ఇచ్చిన ప్రదర్శన ద్వారా వారు ఆ ఏడాదిని ప్రారంభించారు. ఈ ప్రదర్శన టికెట్లు హాటు కేకుల్లా అమ్ముడైపోయాయి.

1969–71[మార్చు]

ది సాఫ్ట్ పెరేడ్[మార్చు]

ది డోర్స్ నాలుగో ఆల్బమ్ ది సాప్ట్ పెరేడ్ జులై, 1969లో విడుదలయింది. ఇందులో పాప్-సంబంధిత విన్యాసాలు మరియు అనేక సంగీత విద్వాంసుల బృందాలున్నాయి. ప్రధాన పాట "టచ్ మి"లో సాక్సాఫోన్ విద్వాంసుడు కర్టిస్ అమీ కన్పించాడు.

బ్యాండ్ తమ మునుపటి జోరును కొనసాగించే ప్రయత్నించింది. అందుకు తగ్గట్టుగా ఆల్బమ్ ఒక ప్రయోగాత్మక అనుభూతిని కలిగించేలా తమ ధ్వనిని విస్తరించే ప్రయత్నాలు చేసింది. ఇది వారి యొక్క సంగీత సమగ్రతపై విమర్శకులు దాడి చేసేందుకు దారితీసింది. జాన్ డెన్స్‌మోర్ అతని జీవితచరిత్ర రైడర్స్ ఆన్ ది స్టార్మ్‌‌ లో పేర్కొన్న విధంగా, రాబీ క్రీజర్ యొక్క పాట "టెల్ ఆల్ ది పీపుల్‌"ను ఆలపించడానికి మోరీసన్ అయిష్టత వ్యక్తం చేసిన నేపథ్యంలో వ్యక్తిగత రచనల గొప్పదనాలను తొలిసారిగా గుర్తించడం మొదలుపెట్టారు. మోరీసన్ తాగుడు అతన్ని కష్టాలపాలు చేయడంతో పాటు నమ్మకం పోయే విధంగా చేసింది. ఫలితంగా రికార్డింగ్ పనులు నాలుగు నెలల ఆలస్యమయ్యాయి. దాంతో స్టూడియో ఖర్చులు తడిసిమోపెడయ్యాయి. ఫలితంగా విభజనకు ది డోర్స్ చేరువైంది. ఇలాంటి పలు ప్రతికూల పరిస్థితులు తలెత్తినా, ఈ ఆల్బమ్ మాత్రం విజయవంతమైంది. తద్వారా బ్యాండ్ యొక్క నాలుగో విజయవంతమైన ఆల్బమ్‌గా నిలిచింది.

మియామి సంఘటన[మార్చు]

దస్త్రం:Jim In Miami w-Hat.jpg
1 మార్చి 1969న మియామి కచేరీ
అమర్యాద మరియు బహిరంగ అసభ్యత కేసులకు సంబంధించి మియామిలో దోషిగా తేలిన రోజున జిమ్ మోరీసన్.

1 మార్చి 1969న మియామి, ఫ్లోరిడాలోని డిన్నర్ కీ ఆడిటోరియంలో డోర్స్ కచేరీ సందర్భంగా, మోరీసన్ వివాదాస్పద ప్రదర్శన ఇచ్చాడు. గీతాలాపన పట్ల మోరీసన్‌కు ఆసక్తి లేకపోవడం, అతని ఆవేశపూరిత దూషణలు, గొంతు చించుకుని సవాళ్లు విసరడం మరియు అమర్యాదయైన సామాజిక ప్రకటనలు చేయడంతో అక్కడి శ్రోతలు అసహనానికి గురయ్యారు. కొద్దిరోజుల తర్వాత, మార్చి 5న డేడ్ కౌంటీ షరీఫ్ కార్యాలయం మోరీసన్ ఖైదుకు వారెంటు ఇచ్చింది. మోరీసన్ ఉద్దేశ్యపూర్వకంగా వేదిక ఉండగా తన పురుషాంగాన్ని చూపించాడు. అందులో శ్రోతల ఎదుట బూతుపురాణం వినిపించాడు. గిటారు విద్వాంసుడు రాబీ క్రీజర్‌‌ పట్ల ఓరల్ సెక్స్‌ను అనుకరించడం మరియు ప్రదర్శన సమయంలో మధ్యం సేవించడం వంటి కారణాలను చూపింది. ది డోర్స్ బ్యాండ్ స్వేచ్ఛాయుతంగా మియామి కచేరీ చేయడానికి మోరీసన్ చేసిన వినతి తిరస్కరించబడింది. తర్వాత అతను దోషిగా నిర్ధారించబడ్డాడు. అతనికి ఆరు నెలల జైలుశిక్షతో పాటు $500 జరిమానా విధించారు.[12] ఈ శిక్షపై మోరీసన్ విజ్ఞప్తి చేశాడు. శిక్షను అనుభవించడానికి ముందే ప్యారిస్‌లో అతను మరణించాడు.

మరిన్ని చట్టపరమైన సమస్యలు[మార్చు]

తన తదుపరి ఆల్బమ్ రికార్డింగ్ సందర్భంగా, నవంబరు, 1969లో మోరీసన్ మరోసారి చట్టపరమైన చిక్కుల్లో పడ్డాడు. ది రోలింగ్ స్టోన్స్ కచేరీ కోసం ఫోనిక్స్, అరిజోనాకు విమానంలో వెళ్తుండగా ఎయిర్‌లైన్ సిబ్బందిని వేధించినట్లు అతను అభియోగాలు ఎదుర్కొన్నాడు. తన సహ ప్రయాణీకుడు, అమెరికా నటుడు టామ్ బాకర్‌ను పొరపాటుగా మోరీసన్‌ అని పర్యవేక్షకుడు గుర్తించినట్లు తేలడంతో మరుసటి ఏప్రిల్‌లో అతను విముక్తి పొందాడు.

మోరీసన్ హోటల్‌ విడుదలకు ముందు ఈ గ్రూపు న్యూయార్క్‌లోని ది ఫెల్ట్ ఫోరం వద్ద రెండు రాత్రుల్లో అద్భుతమైన ప్రదర్శనలు ఇవ్వడం ద్వారా 1970 ఏడాదిని ప్రారంభించింది.

ఆక్వారిస్ థియేటర్ ప్రదర్శనలు[మార్చు]

ది డోర్స్ ఎర్ల్ కరోల్ థియేటర్‌ (గతంలో "ఆక్వారిస్" థియేటర్) హాలీవుడ్‌‌లోని సన్‌సెట్ బౌలీవార్డ్‌లో రెండు ప్రదర్శనలు ఇచ్చింది. ఈ రెండు ప్రదర్శనలు 21 జులై 1969న నిర్వహించబడ్డాయి. శ్రోతలెవరూ లేకుండా "ప్రైవేటు రిహార్సల్‌"గా పేర్కొనే "తెరవెనుక" ప్రదర్శన 22 జులై 1969న జరిగింది. ఆ ఏడాది మార్చిలో జరిగిన "మియామి సంఘటన"కు కొద్ది నెలల తర్వాత ఇది జరిగింది. ఈ ప్రదర్శనలు ఎంతో మధురంగానూ మరియు డోర్స్ సంగీతం యొక్క విషాద శైలిలో సాగాయి. మోరీసన్ అతని సొంత విలక్షణ శైలిలో అంటే నలుపు రంగు తోలు ప్యాంటులో "యువ సింహం" మాదిరిగా కన్పించలేదు. దానికి బదులు, అతను వదులుగా ఉండే కార్పెంటర్ తరహా దుస్తులు ధరించాడు.

ఈ ప్రదర్శనల్లో మోరీసన్ ఒక బల్లపై కూర్చొని, గీతాలాపన చేస్తాడు. తీవ్రంగా వణికిపోవడం మరియు బాధతో మెలికలు తిరగడం వంటి గత ప్రదర్శనలతో పోల్చితే అతని సాధారణ రంగస్థల ప్రదర్శనలు మత్తులేనివి గానూ మరియు స్వల్ప తీవ్రతను కలిగి ఉన్నాయి. మోరీసన్ తన స్వరాలపై ప్రధానంగా దృష్టి సారించాడు. అతను పలు పాటల్లో మరాకస్ వాద్య పరికరాన్ని కదిలిస్తూ రక్తి కట్టించాడు.

శ్రోతలతో కలిసి చేసిన పాటల్లో "యూనివర్శల్ మైండ్" మరియు "సెలబ్రేషన్ ఆఫ్ ది లిజార్డ్" సమూహం ది డోర్స్ యొక్క 1970 నాటి ఆల్బమ్ అబ్జల్యూట్లీ లైవ్‌ లో పొందుపరచబడ్డాయి. అదే విధంగా "యు మేక్ మి రియల్" పాట అలైవ్, షీ క్రైడ్ ద్వారా 1983లో విడుదలయింది. తర్వాత శ్రోతలు లేని సమయంలో చేసిన రిహార్సల్ ద్వారా రికార్డు చేసిన వ్యాన్ మోరీసన్ పాట "గ్లోరియా" కూడా అలైవ్, షీ క్రైడ్‌ ఆల్బమ్ ద్వారానే విడుదలయింది. మరుసటి రోజు చేసిన రిహార్సల్‌తో పాటు మొదటి మరియు రెండో ప్రదర్శనలు 2001లో విడుదలయ్యాయి. ఈ ప్రదర్శనల సమయంలో మోరీసన్ "ఓడీ టు L.A." అనే పద్యాన్ని విడుదల చేశాడు. అది మరణించిన మాజీ రోలింగ్ స్టోన్స్‌ గిటారు విద్వాంసుడు బ్రియాన్ జోన్స్‌ను దృష్టిలో ఉంచుకుని రాసినది. జోన్స్ తర్వాత కచ్చితంగా రెండేళ్లకు మోరీసన్ మరణించి ఉండొచ్చు.

మోరీసన్ హోటల్ మరియు అబ్జల్యూట్లీ లైవ్[మార్చు]

1970 LP మోరీసన్ హోటల్, అనే తమ ఐదో ఆల్బమ్ ద్వారా ది డోర్స్ తిరిగి ప్రదర్శనలు చేపట్టింది. అనుగుణమైన, హార్డ్ రాక్ సౌండ్‌తో ఆల్బమ్ మొదటి పాట "రోడ్‌హౌస్ బ్లూస్" రూపొందించబడింది. ఈ రికార్డు US #4కు చేరుకుంది మరియు అభిమానులు, రాక్ ప్రెస్‌లో వారికి ఆదరణ పునరుద్ధరించబడింది. క్రీమ్‌ మేగజైన్ సంపాదకుడు డేవ్ మార్ష్ ఆల్బమ్ గురించి ఈ విధంగా అన్నాడు: "నేను ఇప్పటివరకు విన్న అత్యంత భయానక రాక్ అండ్ రోల్ ఇదే. అవి మధురంగా ఉన్నప్పుడు, అవి కచ్చితంగా దుర్జయమైనవిగా ఉన్నాయి. ఇప్పటివరకు...నేను విన్న రికార్డ్‌లో ఇదే ఉత్తమమైనదని అనుకుంటున్నాను".[13] రాక్ మేగజైన్ దీని గురించి ఇలా అంది, "ఈ ఆల్బమ్ ఇప్పటివరకు వారు రూపొందించిన అత్యంత నిర్భయమైన (మరియు అత్యుత్తమమైన)దని నిస్సందేహంగా చెప్పొచ్చు".[13] సర్కస్‌ మేగజైన్ సైతం ఇలా ప్రశంసించింది, "ఇప్పటివరకు డోర్స్ విడుదల చేసిన ఆల్బమ్‌లలో బహుశా ఇదే అత్యుత్తమమైనది" మరియు "గుడ్ హార్డ్, ఎవిల్ రాక్ మరియు ఒకానొక అత్తుత్యమ ఆల్బమ్‌లు ఇదే దశకంలో విడుదలయ్యాయి".[13] ఈ ఆల్బమ్ ద్వారా జిమ్ మోరీసన్ ప్రధాన పాటల రచయితగా తిరిగి రంగప్రవేశం చేశాడు. ఆల్బమ్‌లోని అన్ని పాటలను (అత్యంత పాప్ సంగీతంతో కూడిన ది సాఫ్ట్ పెరేడ్‌ ఆల్బమ్‌‌కు విరుద్ధమైన రీతిలో, దీని కోసం రాబీ క్రీజర్ అనేక పాటలు రాశాడు) తనే రాయడం లేదా సహ రచయితగా వ్యవహరించాడు.

మోరీసన్ హోటల్‌ ఆల్బమ్‌ మద్దతును కూడగట్టే విధంగా చేపట్టిన పర్యటన పూర్తి కాగానే మోరీసన్ మరియు బ్యాండ్ మియామి విచారణ కారణంగా తమ కెరీర్ నాశనమైందని గుర్తించారు.

జులై, 1970లో ది డోర్స్ యొక్క తొలి లైవ్ ఆల్బమ్ అబ్జల్యూట్లీ లైవ్ విడుదలయింది. మోరీసన్ హోటల్ యొక్క 40వ వార్షికోత్సవ CD పునర్ విడుదలలో సన్నివేశాలు మరియు ప్రత్యామ్నాయ సన్నివేశాలు చేర్చబడ్డాయి. అందులో "ది స్పై" మరియు "రోడ్‌హౌస్ బ్లూస్" (లోనీ మ్యాక్‌ బాస్ గిటారు వాయించగా, ది లోవిన్ స్పూన్‌ఫుల్‌కి చెందిన జాన్ సెబాస్టియన్ విచారగ్రస్తమైన రీతిలో హార్మోనియంను వాయించాడు) యొక్క విభిన్న వెర్షన్లు కూడా ఉన్నాయి.

ఈ బ్యాండ్ వేసవికాలమంతా పలు ప్రాంతాల్లో ప్రదర్శనలు ఇవ్వడం కొనసాగించింది. ఆగస్టులో మియామిలో మోరీసన్‌పై విచారణ జరిగింది. అయితే గ్రూపు మాత్రం ఆగస్టు 29న ఐస్లీ ఆఫ్ వైట్ ఫెస్టివల్‌కు బయలుదేరింది. జిమి హెండ్రిక్స్‌, ది హూ, జోని మిచెస్, మైల్స్ డేవిస్ మరియు స్లై & ది ఫ్యామిలీ స్టోన్ వంటి ఇతర ఆర్టిస్టులతో కలిసి వారు ప్రదర్శనలు ఇచ్చారు. ఈ ప్రదర్శనకు సంబంధించిన రెండు పాటలు 1995 డాక్యుమెంటరీ మెసేజ్ టు లవ్‌లో పొందుపరచబడినవి.

ఆఖరి బహిరంగ ప్రదర్శన[మార్చు]

8 డిసెంబరు 1970న అంటే మోరీసన్ 27వ పుట్టినరోజున అతను మరో పద్యరూపక విభాగాన్ని రికార్డు చేశాడు. ఇది సంగీతం ద్వారా 1978లో ముగిసిందిAn American Prayer: Jim Morrison . ప్రస్తుతమిది కోర్సన్ కుటుంబం అధీనంలో ఉంది.

తమ భవిష్యత్ ఆల్బమ్ L.A. ఉమన్‌ ప్రచారానికి డోర్స్ రెండు ప్రదర్శనలతో సరిపుచ్చుకుంది. డిసెంబరు 11న టెక్సాస్‌లో నిర్వహించిన మొదటి దానికి చక్కటి ఆదరణ లభించినట్లు తెలిసింది. 13 డిసెంబరు 1970న న్యూ ఆర్లీన్స్‌లోని ది వార్‌హౌస్‌లో డోర్స్ ఆఖరి ప్రదర్శన సమయంలో మోరీసన్ వేదికపైనే కుప్పకూలిపోయాడు. సెట్ మార్గమధ్యంలో అతను మైక్రోఫోన్లపై లెక్కలేనన్ని సార్లు ధ్వజమెత్తాడు. వేదిక కింద భాగం విరిగి పోయేంత వరకు అతను దూషణల పరంపరను కొనసాగించాడు. అనంతరం అక్కడే కూర్చొని, ప్రదర్శన శేష భాగాన్ని పూర్తి చేయడానికి నిరాకరించాడు. డ్రమ్మర్ జాన్ డెన్స్‌మోర్ తన జీవితచరిత్ర రైడర్స్ ఆన్ ది స్టార్మ్‌ ఈ సంఘటన గురించి ఇలా ప్రస్తావించాడు, ప్రదర్శన ముగిసిన తర్వాత రే మరియు రాబీలను అతను కలిశాడు. తమ ప్రత్యక్ష ప్రదర్శనను నిలిపివేయాలని వారు ఆ సందర్భంగా నిర్ణయించుకున్నారు. ప్రదర్శనల నుంచి సెలవు తీసుకోవడానికి మోరీసన్ సిద్ధంగా ఉన్నాడని వారు ఒక పరస్పర అవగాహనకు వచ్చిన తర్వాత అలా నిర్ణయం తీసుకున్నారు.

L.A. ఉమన్[మార్చు]

ప్రధాన రాక్ బ్యాండ్‌గా తమ పూర్వ వైభవాన్ని సంతరించుకోవడానికి ది డోర్స్ L.A. ఉమన్‌ ను 1971లో విడుదల చేసింది. ఇందులో రెండు టాప్ 20 పాటలున్నాయి. అది బ్యాండ్ యొక్క అత్యుత్తమంగా అమ్ముడైన రెండో ఆల్బమ్‌గా రికార్డు సృష్టించింది. అరంగేట్రం తర్వాత వారి ఆల్బమ్ అమ్మకాలు అమాంతం పెరిగిపోయాయి. రిహార్సల్స్ సమయంలో రోత్‌చై‌ల్డ్‌తో విడిపోయినప్పటికీ, ఈ ఆల్బమ్ వారి యొక్క R&B మూలాలను ఆవిష్కరించింది. "రైడర్స్ ఆన్ ది స్టార్మ్‌"ను 'మధ్యమిశ్రమ జాజ్ తరహా నృత్య సంగీతం' అని చెప్పడాన్ని అతను (రోత్‌చైల్డ్) ఖండిస్తూ బ్యాండ్‌ను వీడాడు. నిర్మాణ బాధ్యతలను బోత్నిక్‌కు అప్పగించాడు. "L.A. ఉమన్", "లవ్ హర్ మ్యాడ్లీ" (ది డోర్స్ ఆఖరి టాప్ టెన్ హిట్) మరియు "రైడర్స్ ఆన్ ది స్టార్మ్" పాటలు ఇప్పటికీ రాక్ రేడియోలో ఆదరణ పొందుతూనే ఉన్నాయి. వాటిలో రికార్డెడ్ మ్యూజిక్‌గా ప్రత్యేక విశిష్టతను కలిగిన రెండో పాట 25 నవంబరు 2009 నాటికి గ్రామీ హాల్ ఆఫ్ ఫేమ్‌లో చోటు సంపాదించింది. సెషన్స్ సమయంలో బ్యాండ్ నటించిన "క్రాలింగ్ కింగ్ స్నేక్‌" యొక్క చిన్న క్లిప్పును చిత్రీకరించడం జరిగింది. ఇప్పటివరకు తెలిసిన విధంగా, మోరీసన్‌తో కలిసి ది డోర్స్ పాల్గొన్న ఆఖరి క్లిప్పు (సన్నివేశం).

13 మార్చి 1971న L.A. ఉమన్ రికార్డింగ్ సందర్భంగా మోరీసన్ ది డోర్స్ నుంచి వైదొలిగాడు. తర్వాత పమేలా కోర్సన్‌తో పాటు ప్యారిస్ వెళ్లాడు. అంతకుముందు వేసవిలో అతను నగరాన్ని సందర్శించాడు. పరాయి దేశంలో రచయితగా మారడానికి అతను ఆసక్తి కనబరిచాడు.

ప్యారిస్‌లో ఉండగా, మధ్యానికి బానిసవడం మరియు ఇతర మాదకద్రవ్యాలను కూడా విపరీతంగా ఉపయోగించడం మొదలుపెట్టాడు. మోరీసన్ ఒక బార్‌లో తనకు పరిచయమైన ఇద్దరు వీధి సంగీత విద్వాంసులను స్టూడియోకు ఆహ్వానించాడు. తద్వారా జూన్ 16న మోరీసన్ చివరి రికార్డింగ్‌ జరిగినట్లు తెలిసింది. ఈ రికార్డింగ్ ఎట్టకేలకు 1994లో ది లాస్ట్ ప్యారిస్ టేప్స్‌ అనే పేరుతో చట్టవిరుద్ధమైన CDగా విడుదలయింది.

మోరీసన్ మరణం[మార్చు]

ప్యారిస్‌లోని పెరీ లాచైసీ వద్ద ఉన్న జిమ్ మోరీసన్ యొక్క సమాధి

మోరీసన్ 3 జులై 1971న మరణించాడు. అతని మరణానికి సంబంధించిన అధికారిక సమాచారంగా, ప్యారిస్‌లోని అపార్ట్‌మెంట్‌ బాత్‌టబ్‌లో అతన్ని కోర్సన్ గుర్తించడాన్ని చెప్పవచ్చు. ఫ్రాన్స్ దేశ చట్టాన్ని అనుసరించి, అతనిపై ఎలాంటి శవపరీక్ష జరపలేదు. అందుకు కారణం క్రూరమైన చర్యకు సంబంధించి తాను ఎలాంటి ఆధారం కనుగొనలేదని వైద్య పరిశీలకుడు స్పష్టం చేయడమే. గుండె ఆగిపోవడమే కాక అధికారిక శవపరీక్ష నిర్వహించకపోవడం మరియు మరణ ధ్రువీకరణ పత్రంలో మరణ కారణం చూపకపోవడం వల్ల మోరీసన్ మరణం వెనుక అసలు కారణంపై అనేక ప్రశ్నలు ఉదయించాయి. RnR సర్కస్‌లో హెరాయిన్‌ను అధిక మోతాదులో తీసుకోవడం వల్లే జిమ్ మరణించి ఉంటాడని తాను విశ్వసిస్తున్నట్లు హెర్వీ ముల్లర్ వెల్లడించాడు. దీనిని శామ్ బెర్నెట్ క్లబ్ మేనేజర్ 2007లో ఒక ఇంటర్వూలోనూ మరియు తర్వాతి పుస్తకంలోనూ సమర్ధించాడు. మోరీసన్ జులై 7న పెరీ లాచైసీ సిమెటరీ వద్ద ఖననం చేయబడ్డాడు. మోరీసన్ 27 ఏళ్ల వయసులో మరణించాడు. ఇతర ప్రముఖ రాక్ స్టార్లైన అలాన్ విల్సన్, క్యాన్డ్ హీట్, జిమి హెండ్రిక్స్, కర్ట్ కోబెన్, జానిస్ జోప్లిన్, ది రోలింగ్ స్టోన్స్ యొక్క బ్రియాన్ జోన్స్ మరియు ఉరియా హీప్‌కు చెందిన గ్యారీ థాయిన్ వయసు కూడా అంతే. మోరీసన్ ప్రియురాలు పమేలా కోర్సన్ కూడా 27 ఏళ్ల వయసులోనే మరణించింది.

1971–73[మార్చు]

అదర్ వాయిసెస్ మరియు ఫుల్ సర్కిల్‌[మార్చు]

ఉనికిలో ఉన్న ది డోర్స్ బ్యాండ్ మరికొంత కాలం కొనసాగింది. ప్రాధమికంగా మోరీసన్ స్థానంలో కొత్త గాయకుడిని ఎంపిక చేయాలని భావించింది. బదులుగా, క్రీజర్ మరియు మంజారెక్ గాయకుల పాత్రలు స్వీకరించారు. విభజనకు ముందు ది డోర్స్ మరో రెండు ఆల్బమ్‌లు చేసింది. అదర్ వాయిసెస్‌ రికార్డింగ్ పనులు 1971లో జూన్-ఆగస్టు మధ్యకాలంలో జరిగాయి. రికార్డింగ్ పూర్తయ్యాక అక్టోబరు, 1971లో ఈ ఆల్బమ్ విడుదలయింది. ఇక ఫుల్ సర్కిల్‌ రికార్డింగ్ పనులు 1972 వసంతంలో జరిగాయి. ఆల్బమ్ ఆగస్టు, 1972లో విడుదలయింది. ఆల్బమ్‌లు విడుదలైన తర్వాత వాటి ప్రచారం కోసం ది డోర్స్ పర్యటన చేపట్టింది. ఆఖరి ఆల్బమ్ జాజ్ (జాజ్ తరహా నృత్య సంగీతం) ప్రదేశంలోకి విస్తరించబడింది. 1973లో ఈ గ్రూపు రద్దయింది. క్రీజర్, మంజారెక్ మరియు డెన్స్‌మోర్ 1978, 1993 మరియు 2000ల్లో తిరిగి ఒక్కటయ్యారు.

అమెరికా సంయుక్తరాష్ట్రాల్లో CD రూపంలో ఆల్బమ్‌ను విడుదల చేయలేదు. అయితే జర్మనీ మరియు రష్యా దేశాల్లో మాత్రం 2-ఆన్-1 CDలు విడుదలయ్యాయి.

1978[మార్చు]

ఎన్ అమెరికన్ ప్రేయర్[మార్చు]

మోరీసన్ మరణం తర్వాత రూపొందించిన మూడో ఆల్బమ్ ఎన్ అమెరికన్ ప్రేయర్ 1978లో విడుదలయింది. ఇందులో మోరీసన్ ఆలపించిన అతని పద్యాల యొక్క గాత్ర సంబంధ రికార్డింగ్‌లకు సంగీత పాటలను బ్యాండ్ అదనంగా చేర్చింది. ఈ రికార్డు చెప్పుకోదగ్గ విధంగా వాణిజ్య విజయాన్ని సాధించింది. తద్వారా ప్లాటినం సర్టిఫికేట్ పొందింది.[14] ఎన్ అమెరికన్ ప్రేయర్‌ మార్పులు చేర్పులు చేసుకుని అంటే బోనస్ పాటల ద్వారా 1995లో మళ్లీ విడుదలయింది.[15]

ది డోర్స్ తర్వాత[మార్చు]

ఒంటరి ఆల్బమ్‌ (1974–2001)[మార్చు]

1974–83 మధ్యకాలంలో మంజారెక్ మూడు ఒంటరి (ఏకైక) ఆల్బమ్‌లను రూపొందించాడు. అలాగే 1975లో నైట్ సిటీ పేరుతో ఒక బ్యాండ్‌ను ఆవిష్కరించాడు. దాని ద్వారా 1977-78 మధ్యకాలంలో రెండు ఆల్బమ్‌లు విడుదలయ్యాయి.
1973లో క్రీజర్ మరియు డెన్స్‌మోర్ ది బట్స్ బ్యాండ్‌‌ను ఆవిష్కరించారు. అయితే రెండు ఆల్బమ్‌ల తర్వాత అది కనుమరుగైంది.
క్రీజర్ 1977-2000 మధ్యకాలంలో ఆరు ఒంటరి ఆల్బమ్‌‌లు విడుదల చేశాడు. ఈ ఆరు ఒంటరి ఆల్బమ్‌లకు మిశ్రమ స్పందనలు వచ్చాయి. ఇటీవల సంవత్సరాల్లో, డెన్స్‌మోర్ ట్రైబల్‌జాజ్ పేరుతో ఒక జాజ్‌ బ్యాండ్‌ను ఏర్పాటు చేశాడు. దాని నుంచి 2006లో అదే పేరుతో ఒక ఆల్బమ్ విడుదలయింది.

మంజారెక్–క్రీజర్(2002–ఇప్పటివరకు)[మార్చు]

2002లో రే మంజారెక్ మరియు రాబీ క్రీజర్ ది డోర్స్ ఆఫ్ ది 21st సెంచురీ గా పిలిచే ది డోర్స్ యొక్క కొత్త వెర్షన్‌ను ఆవిష్కరించారు. ది డోర్స్ పేరును ఉపయోగించుకోవడంపై డ్రమ్మర్‌ జాన్ డెన్స్‌మోర్‌తో న్యాయపోరాటం తర్వాత వారు తమ బ్యాండ్ పేరును అనేక మార్లు మార్చారు. ప్రస్తుతం మంజారెక్-క్రీజర్‌ మరియు రే మంజారెక్ అండ్ రాబీ క్రీజర్ ఆఫ్ ది డోర్స్ పేర్లతో పర్యటిస్తున్నారు. ఈ గ్రూపు ది డోర్స్ యొక్క సంగీత ప్రదర్శనకు అంకితమైంది. అయితే అభిమానుల నుంచి మిశ్రమ ప్రతిస్పందనలను ఎదుర్కోలేదు.

కొత్త రచనలు[మార్చు]

1997లో, ఒక నాలుగు-CD సెట్ విడుదలThe Doors: Box Set , సందర్భంగా తొలి ఆర్కైవ్ సమాచారం విడుదలయింది. అందులో ఒకటి "గ్రేటెస్ట్ హిట్స్" మాదిరి CD. కొంత సమాచారం (సంగీత సంబంధ మెటీరియల్) అంతకుముందు చట్టవిరుద్ధంగా లభించేది. కూర్పులో ముఖ్యంగా చెప్పుకోదగ్గది 1970 ఫెల్ట్ ఫోరం కచేరీకి సంబంధించిన హైలైట్ల CD. అలాగే మార్పులు చేర్పులతో రూపొందించిన 1969 "రాక్ ఈజ్ డెడ్" సెషన్. మిగిలిన బ్యాండ్ సభ్యులు మోరీసన్ ఒంటరి పాట "ఆరెంజ్ కౌంటీ సూట్‌"కు కొత్త సంగీత సొబగులను అద్దడానికి తిరిగి జతకట్టారు.

1999 కంప్లీట్ స్టూడియో రికార్డింగ్స్ బాక్సు సెట్‌లో తొలి ఆరు స్టూడియో ఆల్బమ్‌ (ఏన్ అమెరికన్ ప్రేయర్‌ , అదర్ వాయిసెస్‌ మరియు ఫుల్ సర్కిల్‌ మినహాయించబడ్డాయి)లు మాత్రమే చోటు సంపాదించాయి. 21 నవంబరు 2006న విడుదలైన పర్సిప్షన్‌ బాక్సు సెట్‌ మోరీసన్ మరణానంతరం రూపొందించిన మూడు స్టూడియో ఆల్బమ్‌లను మినహాయించడం ద్వారా అదే పంధాను కొనసాగించింది.

2006 బాక్సు సెట్‌లో మొదటి ఆరు ఆల్బమ్‌లకు సంబంధించి, అసలు ఎరుగని దాదాపు రెండు గంటల సన్నివేశాలు పొందుపరచబడ్డాయి. ప్రతి ఆల్బమ్ కూడా రెండు డిస్కుల ద్వారా రూపొందించబడింది: ఒక ఆల్బమ్ CD మరియు బోనస్ పాటలు, అలాగే స్టీరియో మరియు 96 kHz/24-bit LPCMలోని 5.1 సరౌండ్ సౌండ్ (ధ్వని నాణ్యతను పెంచేది)మిక్సెస్ (బ్రూస్ బోత్నిక్‌ ద్వారా నిర్మించబడి మరియు మిక్స్ చేయబడింది)తో కూడిన ఒక DVD-ఆడియో, అలాగే డాల్బీ డిజిటల్‌ మరియు DTS అదే విధంగా ఎక్కువగా అంతకుముందు విడుదలైన వీడియో సన్నివేశాలు ఉన్నాయి. ఈ డిస్కులతో పాటు బోత్నిక్ రాసిన సున్నితమైన సూచనలు మరియు ప్రతి ఆల్బమ్‌కు సంబంధించి అనేక మంది సంగీత విమర్శకులు, చరిత్రకారుల యొక్క కథనాలు లభిస్తాయి.

నవంబరు, 2000లో బ్రైట్ మిడ్‌నైట్ రికార్డ్స్ లేబుల్ ఏర్పాటును ది డోర్స్ ప్రకటించింది. మోరీసన్ శకానికి సంబంధించి, అంతకుముందు విడుదలకాని 36 ఆల్బమ్‌లు మరియు 90 గంటల సన్నివేశాలను ఒక CD రూపంలో ఇది అందుబాటులోకి తెస్తుంది. ఎక్కువగా ప్రత్యక్ష కచేరీలకు సంబంధించిన భవిష్యత్ మెటీరియల్‌ నమూనాను తొలుత ఇది విడుదల చేసింది. మే, 1970లో డెట్రాయిట్‌లోని కోబో అరీనాలో నిర్వహించిన ప్రదర్శనకు సంబంధించిన ఒక రెండు-CD సెట్‌ను తొలుత పూర్తి స్థాయిలో విడుదల చేశారు. ఇప్పటికీ అది ఆదరణ కలిగి ఉంది. దాని యొక్క లైనర్ నోట్స్‌ (లోపల కవరుపై రాసిన అక్షరాలు)లో డోర్స్ మేనేజర్ డానీ సుగర్‌మన్ ఈ విధంగా పేర్కొన్నాడు, "సులువుగా...ఇప్పటివరకు ప్రదర్శన చేపట్టిన డోర్స్ యొక్క సుదీర్ఘమైన సెట్." దీని తర్వాత ఇంటర్వూలకు సంబంధించిన మరో రెండు CDలు కూడా విడుదలయ్యాయి. ఎక్కువగా మోరీసన్‌తో రూపొందించినవి. అలాగే రెండు 1969 ఆక్వారిస్ ప్రదర్శనలు మరియు ఒకానొక రిహార్సల్స్ కూడా. ఒక నాలుగు-CD సెట్ బూట్ యర్ బట్‌ లో చట్టవిరుద్ధమైన నాణ్యతా మెటీరియల్ ఉంది. అయినా సరే, అది పూర్తిగా విక్రయించబడింది.[16] L.A. ఉమన్‌ ‌లోని బాగా తెలిసిన పాటల ప్రదర్శనలను మాత్రమే పొందుపరచడం గమనార్హం. అందులో డిసెంబరు, 1970లో డల్లాస్‌, టెక్సాస్‌లో చివరగా రికార్డు చేసిన ది డోర్స్‌కు చెందిన టైటిల్ సాంగ్ మరియు "ది చేంజ్‌లింగ్" ఉన్నాయి. 2005లో, ఫిలడల్ఫియాలో 1970లో ఇచ్చిన కచేరీ యొక్క రెండు-CD సెట్ విడుదలయింది.

గ్రూపుకు చెందిన పలు చట్టవిరుద్ధమైన రికార్డింగ్‌లు కూడా అందుబాటులో ఉన్నాయి. వాటిలో శాన్‌ఫ్రాన్సిస్కోలోని మ్యాట్రిక్స్ క్లబ్‌లో మార్చి, 1967 నుంచి నిర్వహించిన కాసుల వర్షం కురిపించిన ప్రదర్శనలు ఉన్నాయి. బ్యాండ్ ప్రాచుర్యం పొందినప్పటి నుంచి అంటే 1968 నుంచి ఇచ్చిన పలు ప్రదర్శనలు అందుబాటులో ఉన్నాయి. ప్రత్యేకించి, స్వీడెన్‌లోని స్టాక్‌హామ్‌లో ఇచ్చిన రెండు ప్రదర్శనలు. అపఖ్యాతి పాలుచేసిన మియామి ప్రదర్శన ప్రస్తుతం విస్తృతంగా లభిస్తోంది. అలాగే 1970లో ఇచ్చిన పలు ప్రదర్శనలు ప్రత్యేకించి, రేడియోలో ప్రసారమవుతున్న జూన్ 5 సీటిల్ మరియు జూన్ 6 నాటి వాంకోవర్ ప్రదర్శనలు అందుబాటులో ఉన్నాయి. 1969 రాక్ ఈజ్ డెడ్‌ యొక్క పూర్తిస్థాయి స్టూడియో జామ్ 1990ల మధ్యకాలంలో గుర్తించబడింది.

సుదీర్ఘకాలంగా ఎదురుచూస్తున్న డిక్ ఊల్ఫ్‌ నిర్మిత డోర్స్ డాక్యుమెంటరీ వెన్ యు ఆర్ స్ట్రేంజ్ ఏప్రిల్, 2010లో విడుదలకు సిద్ధమవుతోంది. రే మంజారెక్ చెప్పినట్లుగా, ఇది ది డోర్స్ బ్యాండ్‌కు సంబంధించిన వాస్తవిక కథ. కొత్త ఇంటర్వూలు మరియు అంతకుముందు విడుదల చేయని వీడియో సన్నివేశాల ద్వారా నిర్మించబడింది. ఈ చిత్రానికి రచన జానీ డెప్ మరియు దర్శకుడు టామ్ డిసెల్లో.[17] మార్చి, 2010లో ఈ చిత్రం ఆడియోను విడుదల చేయాలని రినో ఎంటర్‌టైన్‌మెంట్ యోచిస్తోంది. ఇందులో ప్రత్యక్ష మరియు స్టూడియో రికార్డింగ్‌లు రెండూ ఉంటాయి.[17] ప్రస్తుతమున్న ది డోర్స్ సభ్యులు 1991లో విడుదలైన ఓలీవర్ స్టోన్ యొక్క చిత్రానికి అభిమానులు కారు. మోరీసన్ మరణించిన ఇరవై ఏళ్ల తర్వాత ఇది విడుదలయింది. ఓలీవర్ స్టోన్ అతని చిత్రంలో "క్రియేటివ్ లైసెన్స్‌" (వివిధ కాపీరైట్ లైసెన్సులు) ఎక్కువగా ఉపయోగించాడు. అందులో స్థూలమైన వాస్తవిక పొరపాట్లు ఉన్నాయి. జిమ్ మోరీసన్ యొక్క 40వ వర్థంతికి మరో ఏడాది ఉన్న నేపథ్యంలో ది డోర్స్ కార్యకలాపాలు మొదలుపెట్టనుంది.

సంగీత శైలి[మార్చు]

ది డోర్స్ రాక్ గ్రూపుల్లో అసాధారణమైనది. ఎందుకంటే, ప్రత్యక్ష ప్రదర్శనల్లో వారు బాస్ గిటార్‌‌ను అరుదుగా ఉపయోగిస్తారు. బదులుగా, కొత్తగా కనిపెట్టిన ఫెండర్ రోడ్స్ పియానో బాస్‌ పరికరంపై మంజారెక్ బాస్ వరుసలను తన ఎడమచేతితోనూ ఇతర కీబోర్డులను కుడిచేతితోనూ నొక్కుతాడు. పియానో బాస్ అనేది ఫెండర్ రోడ్స్ ఎలక్ట్రిక్ పియానోకు అనుబంధమైనది. ఇతర స్టూడియో ఆల్బమ్‌ల కోసం ది డోర్స్ కొన్నిసార్లు డౌలాస్ లుబాన్, జెర్రీ షీఫ్, హార్వే బ్రూక్స్, లోనీ మ్యాక్, ల్యారీ నీచ్‌టెల్, లిరాయ్ విన్నీగర్ మరియు రే నియోపాలిటన్ వంటి బాస్ వాద్యపరికరాలను ఉపయోగించుకుంది.

ది డోర్స్‌కు చెందిన పలు ఒరిజినల్ పాటలు గ్రూపు మొత్తం కలిసి సమకూర్చాయి. మోరీసన్ లేదా క్రీజర్ పాటలు మరియు ఒక ప్రాధమిక మెలోడి లేదా మొత్తం పాటల విభాగాలను సమకూర్చారు. "లైట్ మై ఫైర్" పాట కోసం మంజారెక్ తొలిసారిగా వాద్యపరికరం ఉపయోగించాడు. మిగిలిన వారు స్వరాత్మక మరియు లయబద్ధ సహకారం అందించారు.

అవార్డులు, సత్కారాలు & విమర్శనాత్మక ప్రశంసలు[మార్చు]

  • 1993లో, ది డోర్స్ రాక్ అండ్ రోల్ హాల్ ఆఫ్ ఫేమ్‌లో చోటు సంపాదించింది.
  • 1998లో, "లైట్ మై ఫైర్" పాట రాక్ (ట్రాక్) కేటగిరీ కింద గ్రామీ హాల్ ఆఫ్ ఫేమ్‌లో చోటు సంపాదించింది.
  • 2000లో, ది డోర్స్ VH1 యొక్క 100 గ్రేటెస్ట్ హార్డ్ రాక్ ఆర్టిస్టుల జాబితాలో 32వ స్థానం సంపాదించింది. ఇక "లైట్ మై ఫైర్" పాట VH1 యొక్క గ్రేటెస్ట్ రాక్ పాటల్లో ఏడో స్థానాన్ని అధిష్టించింది.
  • 2002లో, ది డోర్స్ రాక్ (ఆల్బమ్) కేటగిరీ కింద గ్రామీ హాల్ ఆఫ్ ఫేమ్‌లో చోటు సంపాదించింది.
  • 2004లో, రోలింగ్ స్టోన్ మేగజైన్ తన 100 గ్రేటెస్ట్ ఆర్టిస్ట్స్ ఆఫ్ ఆల్ టైమ్ జాబితాలో ది డోర్స్‌కు 41వ ర్యాంకును కేటాయించింది.[18]
  • 2007లో, ది డోర్స్ 2007 గ్రామీ అవార్డ్స్ ప్రదానోత్సవంలో జీవితకాల సాఫల్య పురస్కారం అందుకుంది.
  • 2007లో, ది డోర్స్ హాలీవుడ్ వాక్ ఆఫ్ ఫేమ్‌లో ఒక స్టార్‌ను పొందింది.
  • 2009లో, "రైడర్స్ ఆన్ ది స్టార్మ్" అనే పాట రాక్ (ట్రాక్) కేటగిరీ కింద గ్రామీ హాల్ ఆఫ్ ఫేమ్‌లో చోటు సంపాదించింది.
  • రోలింగ్ స్టోన్ మేగజైన్ యొక్క 500 గ్రేటెస్ట్ ఆల్బమ్స్ ఆఫ్ ఆల్ టైమ్‌లో ది డోర్స్‌కు చెందిన మూడు స్టూడియో ఆల్బమ్‌లు చోటు సంపాదించుకున్నాయి. ది డోర్స్ 42వ స్థానంలోనూ, L.A. ఉమన్ 362వ స్థానంలోనూ మరియు స్ట్రేంజ్ డేస్ 407వ స్థానంలోనూ నిలిచాయి.
  • రోలింగ్ స్టోన్ మేగజైన్ రూపొందించిన 500 గ్రేటెస్ట్ సాంగ్స్ ఆఫ్ ఆల్ టైమ్ జాబితాలో చోటు సంపాదించిన ది డోర్స్ పాటలు "లైట్ మై ఫైర్" 35వ ర్యాంకును మరియు "ది ఎండ్" పాట 328వ ర్యాంకును ఆక్రమించాయి.
  • VH1 యొక్క 100 గ్రేటెస్ట్ ఆర్టిస్ట్స్ ఆఫ్ రాక్ అండ్ రోల్‌ జాబితాలో ది డోర్స్ 20వ స్థానాన్ని అధిష్టించింది.
  • వరుసగా ఎనిమిది బంగారు మరియు ప్లాటినం LPలను పొందిన తొలి అమెరికన్ రాక్ బ్యాండ్‌గా ది డోర్స్ రికార్డు సృష్టించింది.
  • రికార్డింగ్ అకాడమీ 2010 గ్రామీ హాల్ ఆఫ్ ఫేమ్ ఇండక్టీస్‌ని ప్రకటించింది. అందులో ది డోర్స్ యొక్క రైడర్స్ ఆన్ ది స్టార్మ్ కూడా ఉంది.

ఇతర విభాగాల్లో, ది డోర్స్ యొక్క విమర్శనాత్మక ఖ్యాతి ఇటీవలి ఏళ్లలో గణనీయంగా తగ్గింది. పిచ్‌ఫోర్క్‌ ఈ విధంగా రాశాడు, "ఈరోజు, ఒకానొక అగ్రశ్రేణి ప్రామాణిక రాక్ బ్యాండ్‌ జర్నీ (ఒక అమెరికా రాక్ బ్యాండ్) కంటే తక్కువ ఆర్భాటం కలిగి ఉంది."[19] మరో విమర్శకుడు ఈ విధంగా అన్నాడు, ఇది "నమ్మడానికి చాలా కష్టంగా ఉంది... ది డోర్స్ సభ్యులు ఒకప్పుడు ప్రశాంతంగా ఉన్నారంటే."[20]

బ్యాండ్ సభ్యులు[మార్చు]

  • వాస్తవిక సభ్యులను పెద్ద అక్షరాల లో చూడవచ్చు.
ది డోర్స్ మరియు సంబంధిత లైనప్పులు (జట్టు వరుసలు)
రిక్ & ది రావెన్స్
(జులై 1965–సెప్టెంబరు 1965)
ది డోర్స్
(అక్టోబరు 1965–జులై 1971)
  • జిమ్ మోరీసన్ – ప్రధాన పాటలు
  • రాబీ క్రీజర్ – గిటారు, పాటలు
  • రే మంజారెక్ – కీబోర్డులు, కీబోర్డు బాస్, పాటలు
  • జాన్ డెన్స్‌మోర్ – డ్రమ్స్, వేళ్లతో మీటడం
ది డోర్స్
(1971–1973)
  • రాబీ క్రీజర్ – గిటారు, పాటలు
  • రే మంజారెక్ – కీబోర్డులు, కీబోర్డు బాస్, పాటలు
  • జాన్ డెన్స్‌మోర్ – డ్రమ్స్, వేళ్లతో మీటడం
(1973–2002) గ్రూపు విచ్ఛిన్నమైంది; క్రీజర్, మంజారెక్ మరియు డెన్స్‌మోర్ 1978, 1993 మరియు 2000లలో తిరిగి జతకట్టారు.
ది డోర్స్ ఆఫ్ ది 21st సెంచురీ
(2002–2003)
D21C / రైడర్స్ ఆన్ ది స్టార్మ్
(2003–2006)
  • ఇయాన్ ఆస్ట్‌బరీ – ప్రధాన పాటలు
  • రాబీ క్రీజర్ – గిటారు, పాటలు
  • రే మంజారెక్ – కీబోర్డులు, పాటలు
  • ఏంజిలో బార్బెరా – బాస్ గిటారు
  • Ty డెన్నిస్ – డ్రమ్స్, వేళ్లతో మీటడం
రైడర్స్ ఆన్ ది స్టార్మ్
(2006–2007)
  • ఇయాన్ ఆస్ట్‌బరీ – ప్రధాన పాటలు
  • రాబీ క్రీజర్ – గిటారు, పాటలు
  • రే మంజారెక్ – కీబోర్డులు, పాటలు
  • ఫిల్ చెన్ – బాస్ గిటారు
  • Ty డెన్నిస్ – డ్రమ్స్, వేళ్లతో మీటడం
రైడర్స్ ఆన్ ది స్టార్మ్
(2007–2008)
  • బ్రెట్ స్కాల్లియన్స్ – ప్రధాన పాటలు
  • రాబీ క్రీజర్ – గిటారు, పాటలు
  • రే మంజారెక్ – కీబోర్డులు, పాటలు
  • ఫిల్ చెన్ – బాస్ గిటారు
  • Ty డెన్నిస్ – డ్రమ్స్, వేళ్లతో మీటడం
మంజారెక్-క్రీజర్
2008–ఇప్పటివరకు
  • బ్రెట్ స్కాల్లియన్స్ – ప్రధాన పాటలు
  • రాబీ క్రీజర్ – గిటారు, పాటలు
  • రే మంజారెక్ – కీబోర్డులు, పాటలు
  • ఫిల్ చెన్ – బాస్ గిటారు
  • Ty డెన్నిస్ – డ్రమ్స్, వేళ్లతో మీటడం

డిస్కోగ్రఫీ[మార్చు]

వీడియోగ్రఫీ[మార్చు]

మరింత చదవడానికి[మార్చు]

సూచనలు[మార్చు]

  1. 1.0 1.1 1.2 1.3 The Doors All Music.com
  2. TimePieces All Music Amazon.com Cd universe Rolling Stones
  3. ondarock.it - "The Doors"
  4. "Top Selling Artists". RIAA. 
  5. "Whisky A Go Go 1971". సంగ్రహించిన తేదీ December 24, 2009. 
  6. 6.0 6.1 బ్రాడ్‌స్కై, జోయల్. "సైకోటిక్ రియాక్షన్". మోజో . ఫిబ్రవరి 2004.
  7. The Doors. "The Doors - Light My Fire (1967) Malibu U TV". Dailymotion. 
  8. 8.0 8.1 The Doors (2002). The Doors Soundstage Performances (DVD). Toronto/Copehagen/New York: Eagle Vision. 
  9. Huey, Steve. "Jim Morrison Biography". Allmusic. సంగ్రహించిన తేదీ January 1, 2009. 
  10. "Loyal Pains: The Davies Boys Are Still at It". 
  11. The Doors (1968). The Doors are Open (Concert/Documentary). The Roadhouse, London. 
  12. ఇన్ఫో ఆన్ జిమ్ మోరీసన్స్ మార్చి 1, 1969 కన్సర్ట్
  13. 13.0 13.1 13.2 J. హాప్‌కిన్స్ అండ్ D. సుగర్‌మన్: నో వన్ హియర్ గెట్స్ అవుట్ అలైవ్, పేజీ. 284
  14. "RIAA News Room - Platinum certificates 2001". RIAA. 
  15. Iyengar, Vik. "Review of An American Prayer". Allmusic. సంగ్రహించిన తేదీ December 14, 2009. 
  16. "Bright Midnight Archives". సంగ్రహించిన తేదీ August 26, 2008. 
  17. 17.0 17.1 జానీ డెప్ నెరేట్స్ ఎ డోర్స్ డాక్యుమెంటరీ. usatoday.comలో 2010-02-21న అందుబాటులోకి వచ్చిన పాప్ క్యాండీ బ్లాగ్
  18. Manson, Marilyn (April 15, 2004). "The Immortals - The Greatest Artists of All Time: 41) The Doors". Rolling Stone. 
  19. డాలెన్, క్రిస్. పిచ్‌ఫోర్క్. ఆల్బమ్ రివ్యూ: ది డోర్స్, "లైవ్ ఇన్ న్యూయార్క్" 20 నవంబరు 2009న ప్రచురించబడింది. [1]
  20. మూవీ రివ్యూ: వెన్ యు ఆర్ స్ట్రేంజ్. స్ట్రాంగ్, బెంజమిన్. ది L మేగజైన్, మార్చి 31- ఏప్రిల్ 13, 2010. పేజీ 36

బాహ్య లింకులు[మార్చు]

మూస:The Doors

"http://te.wikipedia.org/w/index.php?title=ది_డోర్స్&oldid=1187049" నుండి వెలికితీశారు