ద్రావిడ భాషలు

ద్రావిడ భాషల విస్తృతి

ద్రావిడ భాషా కుటుంబానికి చెందిన భాషలే ద్రావిడ భాషలు. సాధారణముగా దక్షిణ భారతదేశము, శ్రీలంక మరియు పాకిస్తాన్, నేపాల్, బంగ్లాదేశ్, తూర్పు మరియు మధ్య భారత దేశము, ఆఫ్ఘానిస్తాన్, ఇరాన్లలోని కొన్ని ప్రాంతాలలో మాట్లాడే భాషలు దాదాపు 26 భాషలు ఈ వర్గానికి చెందుతాయి. ఇక్కడే కాకుండా యునైటెడ్ కింగ్‌డం, అమెరికా, కెనడా, మలేషియా మరియు సింగపూర్ లలో కూడా ద్రావిడ భాషలు మాట్లాడే జనాభా చెప్పుకోదగిన సంఖ్యలో ఉన్నారు.

ప్రపంచ వ్యాప్తముగా 25 కోట్లమంది ప్రజలు ద్రావిడ భాషలను మాట్లాడుతారు. ఈ భాషలు మిగిలిన యే భాషా కుటుంబానికి కూడా సంబంధము లేకుండా ప్రత్యేకముగా ఉన్నవి. కొంతమంది భాషావేత్తలు ద్రావిడ భాషలను ఈలమో-ద్రావిడ భాష కుటుంబము అనే మహా కుటుంబంలో ప్రస్తుత నైరృత (south-western) ఇరాన్ కు చెందిన ప్రాచీన ఈలమైట్ భాషతో పాటు చేర్చారు. కానీ ఈ మహాకుటుంబ ప్రతిపాదనను భాషావేత్తలలో అధిక సంఖ్యాకులు అంగీకరించలేదు.

ద్రావిడ భాషల జాబితా

భారత దేశ జాతీయ భాషలు బొద్దు అచ్చులో:

దక్షిణ

• కన్నడం
• మళయాలం
• తమిళం
• బడగ
• బళ్లారి
• ఇరుళ
• తొడ
• తుళు
• కణిక్కరణ్
• కొడవ భాష (కొడగు)
• కొరగ
• కోట
• కుఱుంబ
• పళియన్

దక్షిణ మధ్య

• తెలుగు
• అబుజ్‌మరియ
• గోండి
• కుఇ
• కువి
• కొండ
• కోయ
• మండ
• పెంగొ

మధ్య

• గదబ
• కొలామి
• నాయికి
• ఒల్లరి
• పర్జి

ఉత్తర

• బ్రహుయి (పాకిస్తాన్లో మాట్లాడే ఏకైక ద్రావిడ భాష. బలూచిస్తాన్ ప్రాంతములో మాట్లాడతారు)
• కూరుఖ్
• మాల్తో