ధూళికట్ట

వికీపీడియా నుండి
ఇక్కడికి గెంతు: మార్గసూచీ, వెతుకు

ధూళికట్ట కరీంనగర్ జిల్లా ఎలిగెడ్ మండలం లోని గ్రామము. పిన్ కోడ్ : 505525. ఇది హుస్సేనివాగుకు కుడి ఒడ్డున కరీంనగర్ కు 20 కిమీ దూరంలో[1] ఉన్న చారిత్రాత్మకమైన గ్రామము. 2001 జనాభా లెక్క ల ప్రకారం గ్రామ జనాభా 3511. మండలాల అవతరణ సమయంలో ఇది జూలపల్లి మండలంలో భాగంగా ఉండేది. 2002లో ప్రత్యేకంగా ఎలిగేడు మండలం ఏర్పడినప్పుడు ఈ గ్రామాన్ని కొత్త మండలంలో కలిపారు. ప్రతి సంవత్సరం ఇక్కడ మూడు రోజుల పాటు శాతవాహనోత్సవం కూడా జరుగుతుంది. ధూళికట్ట బౌద్ధ క్షేత్రం ఊరికి ఉత్తరాన మూడు కిలోమీటర్ల దూరంలో హుస్సేనీవాగుకు ఆవతలి ఒడ్డున ఉన్నది. గ్రామం నుండి బౌద్ధ క్షేత్రానికి పక్కా రోడ్డు లేనందువళ్ల, కేవలం ఎద్దులబండిలోనే అక్కడికి చేరుకొనే అవకాశముంది.[2]

చరిత్ర[మార్చు]

ధూళి కోట (మట్టి కోట) కాలక్రమంలో ధూళికట్టగా అపభ్రంశమైందని భావిస్తున్నారు. ఇది శాతవాహనుల కాలంనాటి ఆవాసము. మెగస్తనీసు ఇండికాలో ప్రస్తావించిన ఆంధ్రుల యొక్క ముప్పై కోటలలో ధూళికట్ట ఒకటని శాసనాధారాల వళ్ల తెలుస్తున్నది.[3] పురావస్తు త్రవ్వకాలలో ఇక్కడ చెవిదుద్దులు, శంఖు గాజుముక్కలు, దంతపు దువ్వెన, స్త్రీబొమ్మ లభించాయి.[4] ఇక్కడ నివసించిన ప్రజల మతపద్ధతులకు సంబంధించి మాతృదేవత, యక్షుల శిల్పాలు తప్ప పెద్దగా ఆనవాళ్ళు దొరకలేదు. బౌద్ధస్థూపాలు బయల్పడే వరకు ఇది ఒక చిక్కుముడిగా ఉండేది. 1975-76లలో పురావస్తు శాఖ వారి త్రవ్వకాలలో ఇక్కడ శాతవాహనుల కాలం నాటి కోటలు, బౌద్ధస్థూపం బయటపడ్డాయి. నాగముచుకుంద నాగశిల్పం కూడా లభించింది. [5]

{{{official_name}}}
రాష్ట్రం ఆంధ్ర ప్రదేశ్
జిల్లా కరీంనగర్ జిల్లా
మండలం ఎలిగేడు
ప్రభుత్వము
 - సర్పంచి
పిన్ కోడ్
ఎస్.టి.డి కోడ్


జనాభా[మార్చు]

2001 లెక్కల ప్రకారం గ్రామ జనాభా 3511. ఇందులో పురుషులు 1757, మహిళలు 1754. గ్రామంలో కుటుంబాల సంఖ్య 930.[6]

బయటి లింకులు[మార్చు]

మూలాలు[మార్చు]

  1. శ్రీసాయిధాత్రి పర్యాటకాంధ్ర, 2009 ప్రచురణ, పేజీ 366
  2. Buddhist stupa damaged for treasure - The Hindu December 6, 2011
  3. Forts of Āndhra Pradesh: from the earliest times upto 16th c. A.D.
  4. నమస్తే తెలంగాణ పత్రిక, తేది 03.07.2011 పేజీ 3
  5. శతవసంతాల కరీంనగర్ (1905-2005), మానేరు టైమ్స్ ప్రచురణ, పేజీ 95
  6. Dist Census Handbook, Karimnagar Dist, 2001
"http://te.wikipedia.org/w/index.php?title=ధూళికట్ట&oldid=1188507" నుండి వెలికితీశారు