నేల ఉసిరి
వికీపీడియా నుండి
 |
ఈ వ్యాసము మొలక(ప్రాథమిక దశలో ఉన్నది). ఈ మొలకను వ్యాసంగా విస్తరించి, ఈ మూసను తొలగించండి. |
| నేల ఉసిరి | |||||||||||||||
|---|---|---|---|---|---|---|---|---|---|---|---|---|---|---|---|
 |
|||||||||||||||
| శాస్త్రీయ వర్గీకరణ | |||||||||||||||
|
|||||||||||||||
|
|
|||||||||||||||
| Phyllanthus niruri లి. |
|||||||||||||||
|
|
|||||||||||||||
| Synonyms | |||||||||||||||
| Phyllanthus amarus |
నేల ఉసిరి (లాటిన్ Phyllanthus niruri) ఒక ఔషధ మొక్క. ఇది ఫిలాంథేసి (Phyllanthaceae) కుటుంబానికి చెందినది. దీనిలో కాడ యొక్క రంగును బట్టి ఎరుపు మరియు తెలుపు అని రెండు రకాలు.
విషయ సూచిక |
[మార్చు] లక్షణాలు
- ఉద్వక్ర నిర్మాణంలో పెరిగే గుల్మం.
- గురు అగ్రంతో దీర్ఘవృత్తాకారంలో హ్రస్వశాఖలపఇ అమరివున్న సరళ పత్రాలు.
- పత్రగ్రీవాలలో నిశ్చిత సమూహాలుగా ఏర్పడిన చిన్న ఆకుపచ్చ పుష్పాలు.
- గుండ్రటి విదారక ఫలాలు.
[మార్చు] ప్రాంతీయ నామములు
- సంస్కృతం : భూమ్యామలకి, తామలకి, బహుపత్రా, బహుఫలా
- హిందీ : భూయిఆమ్లా
- బెంగాళీ : భూయీఆమ్లా
- గుజరాతీ : బోయారలీ
[మార్చు] ఉపయోగాలు
నేల ఉసిరి మొక్క అన్ని భాగాలు ఔషధాలలో ఉపయోగిస్తారు.[1]
- శరీరంపై కలిగే వాపు, అభిఘాతములలో నేల ఉసిరిని దంచి పైపూతగా రాయాలి
- ఎముకలు విరిగినపుడు నేల ఉసిరిని ఉప్పుతో కలిపి దంచి ప్రయోగిస్తారు.
- దీని వేరును బియ్యపు కలితో నూది వాపులలో, సెగగడ్డ పక్వము చెందినపుడు పైకి అంటించాలి.
- ఉప్పుతో దంచి రసాన్ని తీసి లేపనము చేసిన దురదతో కూడిన చర్మ వ్యాధులు ఉపశమిస్తాయి.
- నాలుక, నోరు, పెదవులు పాకము చెందినప్పుడు, నేల ఉసిరిని రాత్రి దంచి నీళ్లలో వేసి ఉదయం వడకట్టి ఆ నీటితో పలుమార్లు పుక్కిలించాలి.
- దగ్గు, దమ్ములలో దీని రసాన్ని గాని, చూర్ణాన్ని గాని కషాయాన్ని గాని సేవించాలి.
- కామెర్లలో దీన్ ఆకురసము ఒక టీ స్పూను కాని, దంచిన ముద్ద గచ్చకాయంత గాని, చూర్ణం చెంచాడు గాని 3 రోజులు సేవించాలు.
- ఆకలిలేమి, అరుచి, దాహములలో కూడా నేల ఉసిరిని కడుపులోనికి తీసుకోవాలి.
- దీని వేళ్ల రసాన్ని చక్కెరతో కలిపి సేవించిన లేదా నస్యము చేసిన ఎక్కిళ్లు ఉపశమిస్తాయి.
- మూత్రవ్యాధులలో మూత్రము జారీ కావడానికి నేల ఉసిరి సమూలం దంచి తినిపించాలి.
- స్త్రీలలో ఋతుస్రావమెక్కువగా ఉన్నప్పుడు తగ్గించడానికి, నేల ఉసిరి చూర్ణాన్ని బియ్యముతో కడుగుడు నీళ్లతో త్రాగించాలి.
- దీని కషాయం సేవనతో దౌర్బల్యము, లివరు జబ్బులు, జ్వరాలు తగ్గిపోతాయి.
[మార్చు] మూలాలు
- ↑ నేల ఉసిరి, వాణిజ్య ప్రాముఖ్యత గల ఔషధ మరియు సుగంధమొక్కలు, డా. కొండపల్లి నరసింహారెడ్డి, స్వామి రామానంద తీర్థ ప్రచురణలు, హైదరాబాద్, 2002, పేజీలు: 14-16.
