పంచాగ్నులు

వివిధ కావ్యాలలోను, పురాణాలలోను చెప్పబడిన ఐదు అగ్నులు పంచాగ్నులు అనబడుతాయి. అగ్ని పురాణములో చెప్పబడిన అగ్నులు ఇవి

1. బడబాగ్ని - ఇది సముద్రంలో ఉంటుంది. బడబాగ్నినే బ్రహ్మాగ్ని అని కూడా అంటారు.
2. జఠరాగ్ని - ఇది జీవుల ఉదరంలో ఉండి ఆహారమును జీర్ణింపచేస్తుంది.
3. కాష్టాగ్ని లేదా దావానలము - ఇది ఎండు కఱ్ఱల రాపిడి వలన పుట్టి హోమములు మొదలగువానియందు ఉపయుక్త మగుచున్నది.
4. వజ్రాగ్ని - ఇది ఇంద్రుని వజ్రాయుధంలో ఉంటుంది.
5. సూర్యాగ్ని - ఇది ఆదిత్యునియందు ఉంటుంది.

ఇంకా కొన్ని సందర్భాలలో ప్రస్తావింపబడే అగ్నులు

• ఆత్మలో రగిలే జ్ఞానాగ్ని
• పాదాల్లో కాలాగ్ని
• కడుపులో క్షుధాగ్ని
• హృదయంలో శీతాగ్ని
• నేత్రాల్లో క్రోధాగ్ని

మూలాలు, వనరులు

• అష్టాదశ పురాణములు - (18 పురాణముల సారాంశము) - రచన: బ్రహ్మశ్రీ వాడ్రేవు శేషగిరిరావు - ప్రచురణ, సోమనాథ్ పబ్లిషర్స్, రాజమండ్రి (2007)