పద్మరాజన్

వికీపీడియా నుండి
ఇక్కడికి గెంతు: మార్గసూచీ, వెతుకు
Padmarajan
దస్త్రం:Padmarajan.jpg
P. Padmarajan
జననం P. Padmarajan Pillai
(1945-05-23)మే 23, 1945
Muthukulam, Alappuzha, Travancore
మరణం 1991(1991-01-24) (వయసు 45)
Kozhikode, Kerala, India
ఇతర పేర్లు Pappettan
వృత్తి Film Director, Writer, AIR News Reader
క్రియాశీలక సంవత్సరాలు 1975-1991
భార్య / భర్త Radha Lakshmi
పిల్లలు Ananthapathmanabhan, Madhavikutty
తల్లిదండ్రులు Thundathil Anantha Padmanabha Pillai, Njavarakkal Devaki Amma
Website
http://padmarajan.8k.com

పి. పద్మరాజన్ ({{మళయాళం|പി. പത്മരാജന്‍}}; 23 మే 1945 – 24 జనవరి 1991) తన నాజూకైన మరియు వివరమైన చిత్రానువాదానికి, మరియు వ్యక్త దర్శక శైలికీ ప్రసిద్ధుడైన మలయాళ భాషా రచయిత, చిత్రానువాదకుడు, మరియు చిత్రనిర్మాత. పద్మరాజన్ మలయాళ సినిమాలో మైలురాళ్ళుగా నిలిచే చిత్రాలు రూపొందించాడు, వీటిలోని కళాఖండాలు ఓరిడత్తొరు ఫయల్వాన్ (1981), అరప్పట్ట కెట్టియ గ్రామత్తిల్ (1986), కరియిల కాట్టు పోలె (1986), నముక్కు పార్కాన్ ముందిరి తోప్పుకళ్ (1986), తూవనతుంబికళ్ (1987), మూన్నాం పక్కం (1988) మరియు న్యాన్ గంధర్వన్ వంటివి.

ప్రారంభ జీవితం[మార్చు]

అతడు తుండత్తిల్ అనంత పద్మనాభ పిళ్ళై మరియు న్యావరక్కల్ దేవకి అమ్మలకు ఆరవ కుమారుడుగా, అలెప్పీలోని ఓనాట్టుకరలో హరిప్పాడ్ వద్ద ముత్తుకులంలో జన్మించాడు. ముత్తుకులంలో ప్రారంభ విద్య తరువాత, అతడు రసాయన శాస్త్రంలో ట్రివేండ్రంలోని M. G. కళాశాల మరియు యూనివర్సిటీ కళాశాలల నుండి పట్టభద్రుడయ్యాడు (1963). ఆ తరువాత, అతడు ముత్తుకులంలోని పండితుడు చేప్పాడ్ అచ్యుత వారియర్ వద్ద సంస్కృతం అభ్యసించాడు. అటుపై అతడు ఆల్ ఇండియా రేడియో, త్రిచూర్లో (1965) మొదట కార్యక్రమ ప్రకటనకర్తగా చేరాడు, మరియు తరువాత పూజప్పురా, ట్రివేండ్రంలో (1968) స్థిరపడ్డాడు; 1986లో చలన చిత్రాల్లో పనులతో తీరికలేక పోవడంతో, స్వచ్చందంగా పదవీవిరమణ స్వీకరించే వరకూ, అతడు ఆల్ ఇండియా రేడియోలో కొనసాగాడు.

చిత్రానువాదకుడు మరియు దర్శకుడిగా వృత్తి[మార్చు]

దస్త్రం:Padmarajan during his early career.JPG
తన వృత్తి ప్రారంభంలో పద్మరాజన్

అతడి కథలు, మోసం, హత్య, శృంగారం, రహస్యం, తీవ్ర వంచ, అసూయ, స్వేచ్చాభావం, అరాచకవాదం, వ్యక్తి స్వాతంత్ర్యం, మరియు సమాజంలోని ఇతర పాత్రల జీవనం గురించి వివరించేవి. వాటిలో కొన్ని మలయాళ సాహిత్యంలో ఉత్తమమైనవిగా పరిగణించబడతాయి, అతడి మొదటి నవల నక్షత్రంగళె కావల్ (కేవలం తారలే సాక్ష్యాలుగా ), కేరళ సాహిత్య అకాడెమి అవార్డు (1972) పొందింది.

భరతన్ మొట్టమొదటిసారి దర్శకత్వం వహించిన ప్రయాణం (1975) చిత్రానికి చిత్రానువాదం వ్రాయడం ద్వారా అతడు మలయాళ చలనచిత్ర ప్రపంచంలో అడుగుపెట్టి, మలయాళ చలనచిత్రాల్లో అత్యుత్తమ చిత్రానువాదకుల్లో ఒకరిగా మొదటి అడుగులు వేశాడు.

ఆ తరువాత అతడు తన స్వంత చిత్రానువాదాలపై ఆధారపడిన చిత్రాలకు దర్శకత్వం వహించాడు, వాటిలో మొదటిది పెరువళియంబాలం (వీధియే సత్రంగా ) (1979), అవి కళాత్మక మరియు భావాత్మక సృజన మరియు ఔన్నత్యాన్ని కలిగి ఉండడమే కాక, సామాన్య ప్రజలు, పండితులు మరియు చలనచిత్ర విమర్శకులలో కూడా ఎంతో కీర్తి పొందాయి. పద్మరాజన్ తన రచనలలో జీవితంలోని అన్ని రంగాలనూ స్పృశించిన ప్రయోగశీలి. అతడి చిత్రానువాదాల్లో అప్పటివరకూ వినని లక్షణాలు మరియు విషయాలు ఉండేవి - తూవానత్తుంబికళ్ (రాత్రిలో తుమ్మెదలు )లో వానను పాత్రగా చిత్రీకరించడం, దేశాటనక్కిళి కరయారిల్ల (వలసపక్షులు ఏడవకూడదు )లో బలమైన స్నేహం మరియు ప్రేమ, నముక్కు పార్కాన్ ముందిరి తోప్పుకళ్ (మనం నివసించడానికి తోటలు ) మరియు ఒరిడత్తొరు ఫయల్వాన్ (ఒకానొకప్పుడు ఒక పహల్వాన్ )లలో (సంప్రదాయ ప్రమాణాలలో) అసాధారణ ముగింపులు వంటివి. అతడి చిత్రాల్లో చాలావరకూ అతడి రహస్య శృంగార తత్వపు ముద్ర కలిగి ఉంటాయి.

అతడి చిత్రానువాదాల్లో వివరాలకు అత్యున్నత ప్రాధాన్యత ఇవ్వడాన్ని ఎక్కువగా చెప్పుకుంటారు. అతడి కొన్ని రచనలు ఖచ్చితంగా మలయాళ భాషలో వ్రాసిన నాజూకైన సంగ్రహాలు. అవి ఇంకా అతడి నిశిత దృష్టి, నిర్దిష్ట భావన, మరియు మానవ సంబంధాలు మరియు ఉద్వేగాల చిత్రణకు గొప్ప ఉదాహరణలు. అతడి చిత్రాల్లో చాలావరకూ ఆశ్చర్యకరమైన మరియు వెంటాడే ముగింపులు ఉంటాయి, సాధారణంగా మలయాళ చిత్రాల్లో అటువంటివి చాలావరకూ ఉండవు. అతడి పాత్రలు గొప్ప సున్నితత్వం మరియు తీవ్రతతో తెరపై చిత్రీకరించబడతాయి, మరియు దృశ్యాలలో ఎక్కువగా హాస్యం కనబడుతుంది. పాత్రల సంభాషణలు ఎంతో సహజంగా, సామాన్య ప్రజల భాషలో ఉంటాయి, కానీ ఒక సున్నితమైన కవిత్వ లక్షణాలు కలిగి ఉంటాయి.

నిజానికి, అతడు అత్యద్భుతంగా చెక్కిన చిత్రానువాదాల నుండి అతడి దర్శకత్వ ప్రతిభ ఉద్భవిస్తుందని చెప్పవచ్చు: అతడు ఎన్నడూ ఇతరులు వ్రాసిన రచనల ఆధారంగా ఒక చిత్రానికి దర్శకత్వం వహించలేదు (అదే స్థాయిలోని ఇతర మళయాళ చిత్ర దర్శకులు, ఉదాహరణకు, భరతన్ మరియు K. G. జార్జ్ లాగా), మరియు అరుదుగా తనది కాని కథ అనుసరణగా రచనను చేపట్టడం జరిగింది. ఫలితంగా, అతడి రచనా నైపుణ్యంతో పాటుగా, అతడికి తన పాత్రలపై అసాధారణమైన పట్టు ఉండేది.

భరతన్‍తో సాహచర్యం[మార్చు]

భరతన్ మరియు K. G. జార్జ్ లతో కలిసి, అతడు విజయవంతంగా మలయాళ చిత్రాల్లో, మేధస్సు మరియు వ్యాపారాత్మక ఆకర్షణల మధ్య సున్నితమైన తులనాత్మక స్థాయిలో నడిచే తీరు కలిగిన ఒక వినూత్న పద్ధతికి పునాది వేశాడు, ఇందులో ఈ రెండింటిలోనూ బలమైన విషయాలను విడిచిపెట్టలేదు; ఈ పద్ధతి, 'ఎంతో ప్రసిద్ధ' చిత్రాలలోని కృత్రిమ పాత్రలు, మూసలు మరియు అప్రస్తుత విషయాలు లేకుండా, మరియు "పక్కింటి" పురుషులు మరియు స్త్రీలే పాత్రలుగా మలచడం వలన సాధ్యపడింది. ఇతడి చిత్రనిర్మాణ శైలిని వివరించడానికి "సమాంతర చిత్రం" అనే పదం ఉపయోగించడం జరుగుతుంది. భరతన్‍తో కలిసి, అప్పటివరకూ మళయాళ చిత్రాల్లో తక్కువైన తెరపై లైంగికతను చూపడంలో అతడు ప్రావీణ్యం సంపాదించాడు.

నటులతో సాహచర్యం[మార్చు]

ప్రతిభను గుర్తించడంలో అతడికి ప్రత్యేకమైన నైపుణ్యం ఉండేది, మరియు అతడు పిదపకాలంలో భారతీయ చిత్రాల్లో కీర్తి పొందిన ఎందరినో అతడు పరిచయం చేశాడు, వారు అశోకన్ (పెరువళియంబాలం ), రషీద్ (ఒరిడత్తొరు ఫయల్వాన్ ), రెహమాన్ (కూడెవిడె ), జయరాం (అపరన్ ), రామచంద్రన్ (నవంబరిండె నష్టం ), అజయన్ (మూన్నాం పక్కం ). ఇంకా అతడు నితీష్ భరద్వాజ్ (న్యాన్ గంధర్వన్ ), సుహాసిని (కూడెవిడె ); శారి (నముక్కు పార్కాన్ ముందిరి తోప్పుకళ్ ) వంటి నటులను మలయాళం తెరకు పరిచయం చేశాడు.

అతడు ఎందరో నటుల నుండి అత్యుత్తమమైన మరియు ప్రేరకమైన నటనను రాబట్టాడు, వారు భరత్ గోపి, మమ్ముట్టి, మోహన్‍లాల్, కరమణ జనార్దనన్ నాయర్, రెహమాన్, జగతి శ్రీకుమార్, ఇన్నలే లో సురేష్ గోపి, శోభన, సుమలత, తిలకన్, మరియు నేడుమూడి వేణు; నిజానికి మూన్నాం పక్కం లో తిలకన్ పోషించిన పాత్ర అతడి నటజీవితంలో అత్యుత్తమమైన వాటిలో ఒకటిగా చెప్పవచ్చు. అతడు ఇంకా, ఒక స్థాయి వరకూ, ఇతర దర్శకులైన భరతన్, I. V. శశి, మరియు మోహన్ వంటివారి కీర్తికీ, వారితో కలిసి పనిచేయడం ద్వారా కారణమయ్యాడు; భరతన్‍తో కలిసి అతడు చిత్రానువాదకుడిగా పనిచేసి, మలయాళం చిత్రాల్లో అత్యద్భుతమైన చిత్రాల్ని నిర్మించేందుకు కారకుడయ్యాడని చెబుతారు. అతడి సహాయకులుగా పనిచేసి, స్వతంత్రంగా చిత్రాలకు దర్శకత్వం చేపట్టిన వారు, తోప్పిల్ అజయన్ (పెరుందచ్చన్ ), సురేష్ ఉన్నితన్ (జాతకం , రాధామాధవం ), మరియు బ్లెస్సీ (కాళ్చ , తన్మాత్ర , ఈ రెండవది భ్రమరం లో పద్మరాజన్ యొక్క కథానిక ఓర్మ కు అనుసరణ).

మరణం[మార్చు]

తన చివరి చిత్రం న్యాన్ గంధర్వన్ నడిచే సినిమా హాలును సందర్శించినప్పుడు కాలికట్లోని హోటల్ పారామౌంట్ టవర్స్‌లో, అతడి అకస్మాత్ మరియు అకాల మరణం సంభవించింది. అతడి మరణం కేరళవాసులందరినీ దిగ్భ్రాంతికి మరియు తీవ్రమైన సంతాపానికి గురిచేసింది, ఇప్పటికీ కేరళ ప్రజలను అతడు లేని లోటు బాధిస్తూనే ఉంది.

అప్రముఖ విషయాలు[మార్చు]

1990 చివరలో, పద్మరాజన్ న్యాన్ గంధర్వన్ చిత్రం తీయాలనుకుంటున్న సమయంలో ఎన్నో అపశకునాలు సంభవించాయని అతడి భార్య రాధాలక్ష్మి గుర్తుచేసుకుంటుంది. హిందూ ఇతిహాసాల్లో గంధర్వులు స్వర్గం నుండి దిగివచ్చిన గాయకులు, వారి రాక కన్యలను మంత్రముగ్ధుల్ని చేస్తుందని నమ్ముతారు, మరియు సంప్రదాయ హిందువులలో ఇది భయం కలిగిస్తుంది. ఈ నమ్మకాన్ని అనుసరించి, ఎక్కువమంది, అతడి భార్యతో సహా, ఆ విషయం ఆధారంగా చిత్రం నిర్మించవద్దని పద్మరాజన్‌కు సలహా ఇచ్చారు. ఈ విషయంపై చిత్రాన్ని ఎన్నో సార్లు వాయిదా వేసిన తరువాత, పద్మరాజన్ చివరికి ఈ చిత్రం నిర్మించాలని నిర్ణయించుకుని, ఈ చిత్రం కొరకు పనిచేయడం ప్రారంభించాడు. ఈ సమయంలో ఎన్నో "అపశకునాలు" సంభవించాయి, ఈ చిత్రంలో కథానాయకుడిని ఎంపిక చేసేందుకు అతడు ముంబయి వెళ్ళే విమానం పక్షిని గ్రుద్దుకోవడంతో, రద్దు చేయబడింది. ఈ చిత్ర నిర్మాణ స్థలంలో నిరంతర సమస్యలు ఉండేవి. కథానాయకురాలు సుపర్ణ చిత్రీకరణ సమయంలో ఒక తమల చెట్టు క్రింద స్పృహ కోల్పోయింది. నటుడు నితీష్ సైతం ఒక తమలపాకు విషపూరితం కావడం వలన స్పృహ కోల్పోయినట్టూ గుర్తుచేసుకున్నాడు. ఈ సమయంలో పద్మరాజన్, క్రమం తప్పకుండా జాగింగ్ చేస్తున్నా మరియు ధూమపానం మానినప్పటికీ, గణనీయంగా బరువుతగ్గాడు మరియు అధిక కొలెస్టరాల్ కలిగి ఉన్నాడు ఈ అడ్డంకులన్నింటినీ అధిగమించి, ఈ బృందం చిత్రనిర్మాణం పూర్తిచేసింది. నితీష్ భరద్వాజ్ మరియు పద్మరాజన్ లతో కలిసి ఈ బృందం కాలికట్ లోని థియేటర్లలో చిత్ర ప్రచారానికి వెళ్ళింది, అక్కడే అతడి ప్రాణాలు అనంతవాయువుల్లో కలిసిపోయాయి.

వ్యక్తిగత జీవితం[మార్చు]

పద్మరాజన్ భార్య రాధాలక్ష్మి పద్మరాజన్ స్వస్థలం పాలక్కాడ్ లోని చిత్తూర్. 1970లో వారి వివాహానికి మునుపు, రాధాలక్ష్మి AIRలో అతడి తోటి ఉద్యోగిని. రాధాలక్ష్మి అతడి జ్ఞాపకాలను, తన పుస్తకం పద్మరాజన్ ఎండే గంధర్వన్ (పద్మరాజన్, నా గంధర్వుడు )లో వ్రాసింది. వారి కుమారుడు, పి. అనంతపద్మనాభన్, ఒక రచయిత.

పురస్కారాలు[మార్చు]

కేరళ సాహిత్య అకాడెమి అవార్డులు:

  • 1972 - నవల - నక్షత్రంగళె కావల్

చలనచిత్ర అవార్డులు:

  • 1975 ఉత్తమ రచన - చలనచిత్ర అభిమానులు - ప్రయాణం
  • 1977 ఉత్తమ రచన - చలనచిత్ర అభిమానులు, చలనచిత్ర విమర్శకులు- ఇదా ఇవిడే వరె
  • 1978 ఉత్తమ రచన - స్టేట్ - రాప్పడికలుడే గాధ, రతినిర్వేదం, ఉత్తమ రచన - చలనచిత్ర అభిమానులు - రాప్పడికలుడే గాధ, రతినిర్వేదం
  • 1978 రెండోవ ఉత్తమ చిత్రం, ఉత్తమ రచన & దర్శకుడు - పెరువళియంబలం ఉత్తమ రచన, ఉత్తమ ప్రాంతీయ చలన చిత్రం - సెంట్రల్ - పెరువళియంబలం
  • 1979 ఉత్తమ రచన - చలనచిత్ర అభిమానులు - తకర
  • 1982 ఉత్తమ చిత్రం, ఉత్తమ రచన - అంతర్జాతీయం (కౌలాలంపూర్) - ఒరిడత్తొరు ఫయల్వాన్, ఉత్తమ చిత్రం - గల్ఫ్ అవార్డు, చలనచిత్ర విమర్శకులు - నవంబరిండె నష్టం
  • 1984 ఉత్తమ చిత్రం - స్టేట్ - కూడెవిడె, ఉత్తమ రచన - చలనచిత్ర విమర్శకులు - కూడెవిడె, ఉత్తమ దర్శకుడు - పౌర్ణమి అవార్డు - కూడెవిడె
  • 1985 ఉత్తమ రచన - స్టేట్, చలనచిత్ర విమర్శకులు - కనమరయతు,
  • 1986 ఉత్తమ రచన - చలనచిత్ర విమర్శకులు - నముక్కుపర్క్కన్ మున్తిరితోప్పుకల్, ఉత్తమ కథ - ఫిలిం ఛాంబర్ - తూవనతుమ్బికల్, ఉత్తమ రచన - చలనచిత్ర విమర్శకులు - నోమ్బరతిపూవు
  • 1989 ఉత్తమ రచన - స్టేట్, చలనచిత్ర విమర్శకులు - అపరన్, మూన్నంపక్కం, ఉత్తమ దర్శకుడు - ఫిలిం ఫేర్ - అపరన్
  • 1990 ఉత్తమ రచన - స్టేట్, చలనచిత్ర విమర్శకులు, ఫిలిం ఛాంబర్ - ఇన్నలే
  • 1991 FAC అవార్డు - న్యాన్ గంధర్వన్

ఫిల్మోగ్రఫీ[మార్చు]

డైరెక్టర్‌గా[మార్చు]

పి. పద్మరాజన్ 12 ఏళ్ళ వ్యవధిలో, 18 చిత్రాలకు దర్శకత్వం వహించాడు, అవన్నీ మలయాళ భాషకు చెందినవి.

క్రమ సంఖ్య సంవత్సరం శీర్షిక అసలు శీర్షిక ఆంగ్ల శీర్షిక రచయిత గమనికలు
01 1979 పెరువళియంబలం പെരുവഴിയമ്പലം హైవే షెల్టర్ Yes అతడి నవలకు అనుసరణ
02 1981 ఒరిడత్తొరు ఫయల్వాన్ ഒരിടത്തൊരു ഫയൽവാന് వన్స్ దేర్ వాజ్ ఎ రెజ్లర్ Yes
03 1981 కళ్ళన్ పవిత్రన్ കള്ളന് പവിത്രന് పవిత్రన్, ది తీఫ్ Yes
04 1982 నవంబరిండె నష్టం നവംബറിന്റെ നഷ്‌ടം ది లాస్ ఆఫ్ నవంబర్ Yes
05 1983 కూడెవిడె? കൂടെവിടെ? విదర్ ది నెస్ట్ Yes వాసంతి వ్రాసిన తమిళ నవల "మూంగిల్ పూక్కళ్"కు అనుసరణ
06 1984 పరన్ను పరన్ను పరన్ను പറന്ന്‌ പറന്ന്‌ പറന്ന്‌ సోరింగ్ సోరింగ్ సోరింగ్ Yes
07 1985 తింగళాల్చ నల్ల దివసం തിങ്കളാഴ്ച നല്ല ദിവസം మన్‍డే, అన్ ఆస్పిషస్ డే Yes
08 1986 నముక్కు పార్కాన్ ముందిరి తోప్పుకళ్ നമുക്കു പാർക്കാന് മുന്തിരിത്തോപ്പുകൾ వైన్‍యార్డ్స్ ఫర్ అజ్ టు డ్వెల్ Yes K. K. సుధాకరన్ వ్రాసిన నవల "నముక్కు గ్రామంగళిల్ చెన్ను రాప్పార్కాం" కు అనుసరణ
09 1986 కరియిలక్కాట్టుపోలె കരിയിലക്കാറ്റു പോലെ లైక్ ఎ జెఫైర్ ఆఫ్ డ్రై లీవ్స్ Yes
10 1986 అరప్పట్ట కెట్టియ గ్రామత్తిల్ അരപ്പട്ട കെട്ടിയ ഗ്രാമത്തിൽ ఇన్ ద విలేజ్ విచ్ వేర్స్ ఎ వారియర్స్ బెల్ట్ Yes
11 1986 దేశాటనక్కిళి కరయారిల్ల ദേശാടനക്കിളി കരയാറില്ല ది మైగ్రేటరీ బర్డ్ నెవర్ క్రైస్ Yes
12 1986 నొంబరత్తి పూవు നൊമ്പരത്തി പൂവ്‌ ది సారోఫుల్ ఫ్లవర్ Yes
13 1987 తూవానత్తుంబికళ్ തൂവാനത്തുമ്പികൾ బటర్‍ఫ్లైస్ ఆఫ్ ది స్ప్రేయింగ్ రైన్ Yes అతడి నవల ఉదకప్పొల కు అనుసరణ
14 1988 అపరన్ അപരന് ది ఇంపోస్టర్ Yes అతడి కథానికకు అనుసరణ
15 1988 మూన్నాం పక్కం മൂന്നാം പക്കം ఆన్ ది థర్డ్ డే Yes
౧౬ 1989 సీజన్ സീസൺ Yes
౧౭ 1990 ఇన్నలె ഇന്നലെ యెస్టర్‍డే Yes వాసంతి వ్రాసిన తమిళ నవల జననం కు అనుసరణ
18 1991 న్యాన్ గంధర్వన్ ഞാന് ഗന്ധർവന് ఐ, సెలెస్టియల్ లవర్ Yes

రచయితగా[మార్చు]

అతడి దర్శకత్వ ప్రయత్నాలే కాకుండా, అతడు ఇంకా 18 చిత్రాలకు రచన చేసాడు. అతడు ఎందరో దర్శకులతో కలిసి పనిచేసాడు, వారిలో సుప్రసిద్ధుడు భరతన్.

11 15 16 1985 17. 1985

I. V. శశి అతడి నవలకు అనుసరణ
03 1978 నక్షత్రంగళె కావల్ നക്ഷത്രങ്ങളേ കാവൽ ది స్టార్స్ అలోన్ గార్డ్ మీ K. S. సేతుమాధవన్
04 1978 రాప్పాడిగళుడె గాథ രാപ്പാടികളുടെ ഗാഥ ది సాంగ్ అఫ్ ది నైటింగేల్స్ K. G. జార్జ్
05 1978 రతినిర్వేదం രതി നിര്‍വേദം వెనెరియల్ డిస్‍ఎంచాంట్‍మెంట్ భరతన్ అతడి నవలకు అనుసరణ
06 1978 సత్రత్తిల్ ఒరు రాత్రి സത്രത്തിൽ ഒരു രാത്രി ఎ నైట్ ఇన్ యాన్ ఇన్ N. శంకరన్ నాయిర్
07 1978 శాలిని ఎండె కూట్టుకారి ശാലിനി എന്റെ കൂട്ടുകാരി శాలిని, మై ఫ్రెండ్

మోహన్

08 1978 వాడకైక్కొరు హృదయం വാടകയ്ക്കൊരു ഹൃദയം ఎ హార్ట్ ఫర్ రెంట్ I. V. శశి అతడి నవలకు అనుసరణ
09 1979 కొచ్చు కొచ్చు తెట్టుకళ్ കൊച്ചു കൊച്ചു തെറ്റുകൾ మైనర్ మిస్టేక్స్

మోహన్

10 1980 తకర തകര వీడ్ భరతన్ అతడి నవలకు అనుసరణ
1981 లారి ലോറി భరతన్
12 1982 ఇడవేళ ഇടവേള

ఇంటర్వల్ మోహన్

13 1983 కైకేయి കൈകേയി I. V. శశి
14 1983 ఈణం ഈണം ట్యూన్ భరతన్
1984 కాణమరయత్తు കാണാമറയത്ത് బియోండ్ ది హోరైజన్ I. V. శశి
ఒళివుకాలం ഒഴിവുകാലം వెకేషన్ భరతన్
కరిమ్పిన్ పూవినక్కరే കരിമ്പിന് പൂവിനക്കരെ అక్రాస్ ది షుగర్ కేన్ I. V. శశి
18 1990 ఈ తణుత్త వెళుప్పాన్ కాలత్తు ഈ തണുത്ത വെളുപ്പാന് കാലത്ത് ఇన్ దీస్ కోల్డ్ వీ అవర్స్ జోషి

సాహిత్య కృషి[మార్చు]

నవలలు[మార్చు]

6 శవవాహనంగళుం తేడి ఇన్ సెర్చ్ అఫ్ బియర్స్ (శవవాహకుల అన్వేషణలో)
7 మంజు కాలం నోట్ట కుతిర ది హార్స్ విచ్ లాంగ్డ్ ఫర్ వింటర్ (శీతాకాలం కోసం వేచిచూసిన అశ్వం)
8 ప్రతిమయుం రాజకుమరియుం ది స్టాచ్యూ అండ్ ది ప్రిన్సస్ (శిల్పం మరియు రాకుమారి)

కథానికలు[మార్చు]

# పేరు ఆంగ్లంలో అనువాదాలు
1 లోల మిల్ఫోర్డ్ ఎన్న అమెరికన్ పెన్కిడావు లోల మిల్ఫోర్డ్, ది అమెరికన్ మేడిన్
2 ప్రహేళిక కానన్‍డ్రమ్
3 అపరన్ ది ఇంపోస్టర్
4 పుకక్కన్నడ స్మోక్ గ్లాసెస్
5 మట్టుల్లవరుడే వెనల్ ది సమ్మర్ అఫ్ అదర్స్
6 పద్మరాజన్తే కాధకల్
7 కైవరియుడే తేక్కే అట్టం ది సదరన్ ఎండ్ అఫ్ ది బాన్నిస్టర్
8 సిఫిలిసింటే నదక్కవు ది పాత్ అఫ్ సిఫిలిస్
9 కళింజ వసంత కాలథిల్ డ్యూరింగ్ లాస్ట్ స్ప్రింగ్
10 తన్మాత్ర మాలిక్యూల్

నవలికలు[మార్చు]

# పేరు ఆంగ్లంలో అనువాదాలు
1 ఒన్ను రండు మూన్ను వన్ టు త్రీ (ఒకటి రెండు మూడు)
2 పెరువళియంబాలం హైవే షెల్టర్ (రహదారిలో బస)
3 తకర వీడ్ (కలుపుమొక్క)
4 రతినిర్వేదం వెనెరియల్ డిసెంచాంట్‍మెంట్ (లైంగిక నిరుత్సాహం)
5 జలజ్వాల ది వాటరీ ఫైర్ (నీటిలో జ్వాల)
6 నన్మగళుడె సూరియన్ ది సన్ ఆఫ్ వర్చ్యూస్ (ధర్మాలకు సూర్యుడు)
7 విక్రమకాళీస్వరం

వీటిని కూడా చూడండి[మార్చు]

  • మలయాళం చలనచిత్రం
  • భరతన్

సూచనలు[మార్చు]

"http://te.wikipedia.org/w/index.php?title=పద్మరాజన్&oldid=1049074" నుండి వెలికితీశారు