పవన్ కళ్యాణ్

వికీపీడియా నుండి
ఇక్కడికి గెంతు: మార్గసూచీ, వెతుకు


పవన్ కళ్యాణ్
Pawan2.jpg

పవన్ కళ్యాణ్ ముఖచిత్రం

జననం కొణిదెల కళ్యాణ్
(సెప్టెంబరు 2, 1973)
Bapatla , ఆంధ్రప్రదేశ్.
తల్లి_పేరు అంజనా దేవి
తండ్రి_పేరు కొణిదల వెంకట రావు
బిరుదు(లు) పవర్ స్టార్
వేరేపేరు(లు) కల్యాణ్ బాబు
వృత్తి సినిమా
నివాసం హైదరాబాదు
భార్య / భర్త(లు) నందిని (మొదటి భార్య, విడాకులు)
రేణూ దేశాయ్(రెండవ భార్య, విడాకులు)
అన్నా లెజ్‌నేవా (మూడవ భార్య)
నరేంద్ర మోడీ తో పవన్ కళ్యాణ్

పవన్ కళ్యాణ్గా ప్రసిద్ధుడైన కొణిదెల కల్యాణ్ బాబు ప్రముఖ తెలుగు సినీనటుడు. ఆయన కొణిదెల వెంకటరావు, అంజనా దేవిలకు, సెప్టెంబరు 2, 1973న జన్మించాడు. ఇతనికి ఇద్దరు అక్కలు, ఇద్దరు అన్నయ్యలు. తెలుగు సినిమా పరిశ్రమలోని ప్రముఖ నటుడు మెగాస్టార్ గా ప్రసిద్ది చెందిన చిరంజీవి (శివ శంకర వర ప్రసాద్) పవన్‌కు పెద్దన్నయ్య. నటుడు మరియు నిర్మాత అయిన నాగేంద్ర బాబు పవన్‌కు రెండవ అన్నయ్య .

పవన్, పరిశ్రమలోని తన అన్నయ్య చిరంజీవిని చూసి నటన పట్ల ఆసక్తి ని పెంచుకున్నాడు. ఇంటర్ మీడియట్ నెల్లూరు లోని వి.ఆర్.సి కళాశాలలో పూర్తి చేసాడు. పిమ్మట కంప్యూటర్స్ లో డిప్లోమా చేశాడు.

నట జీవితం[మార్చు]

1996లో అక్కడ అమ్మాయి ఇక్కడ అబ్బాయి చిత్రం ద్వారా "కళ్యాణ బాబు"గా తెలుగు తెరకు పరిచయమయ్యాడు. ఇతనికి మార్షల్ ఆర్ట్స్ లో ప్రవేశం ఉంది. నటిగా మారిన మోడల్ రేణూ దేశాయ్ ని 28 జనవరి 2009 న వివాహం చేసుకున్నాడు. వీరికి కలిగిన కుమారుని పేరు అకీరా నందన్. ప్రఖ్యాత జపనీస్ దర్శకుడు అకీరా కురుసోవా పై అభిమానంతో వారు తమ కొడుకుకు ఆ పేరు పెట్టుకున్నారు.

నటన ప్రత్యేకతలు[మార్చు]

తెలుగు చిత్ర రంగంలోని సమకాలీన కథానాయకులకు, పవన్ కళ్యాణ్ ఆలోచనా విధానాలకు చాలా వ్యత్యాసం కనిపిస్తుంది. ఈ విభిన్న ఆలోచనా ధోరణే పవన్ కళ్యాణ్ కి చిత్రసీమలో ప్రత్యేక స్థానాన్ని సంపాదించి పెట్టింది. అతి పిన్న వయసులోనే దర్శకత్వ బాధ్యతలు చేపట్టిన కథానాయకులలో పవన్ కళ్యాణ్ ఒకరు. తన చిత్రాలకి, చిరంజీవి నటించిన చాలా చిత్రాలకు పవన్ కళ్యాణ్ ఫైట్ లని రూపొందించారు. తమ్ముడు చిత్రంలో లుక్ ఎట్ మై ఫేస్ ఇన్ ద మిర్రర్ పాటను పూర్తి నిడివి ఆంగ్ల గీతంగా రూపొందించారు. బద్రి చిత్రం లో మేరా దేశ్ హై ప్యారా ప్యారా తెలుగు, హిందీ మరియు ఆంగ్లముల కలయిక తో త్రిభాషా గీతంగా, ఖుషి లో యే మేరా జహాన్ గీతాన్ని పూర్తి నిడివి హిందీ గీతంగా రూపొందించారు. ఖుషి చిత్రంలో ఆడువారి మాటలకు అర్ధాలు వేరులే, జానీ చిత్రంలో ఈ రేయి తీయనిది పాటలని రీ-మిక్స్ చేయించారు. ఖుషి లోని ద్వితీయార్థంలో జరిగే కార్నివాల్ ఫైట్ పవన్ కళ్యాణ్ ప్రతిభకు తార్కాణం. మార్షల్ ఆర్ట్స్ లో దిట్ట కావటంతో ఇతని చిత్రాలలో చాలా స్టంట్ లు నిజంగానే చేసినవే ఉంటాయి. అటువంటి స్టంట్ లను ఇతని చిత్రాల్లో ప్రత్యేకంగా స్లో మోషన్ లో చూపించటం జరుగుతుంది.

నటించిన చిత్రాలు[మార్చు]

సంవత్సరం చిత్రము పాత్ర పోరాటాలు గానం నృత్యాలు ఇతర విశేషాలు
1996 అక్కడ అమ్మాయి ఇక్కడ అబ్బాయి కళ్యాణ్ - - -
1997 గోకులంలో సీత పవన్ - - -
1998 సుస్వాగతం గణేష్ - - -
1998 తొలిప్రేమ బాలు - - -
1999 తమ్ముడు సుభాష్ తాడీచెట్టెక్కలేవు మేడ్ ఇన్ ఆంధ్ర,
కలకలలు తప్ప మిగిలినవన్నీ
2000 బద్రి బద్రీనాథ్ - బంగాళాఖాతంలో,
ఐ ఆం ఎన్ ఇండియన్,
ఏ చికితా
2001 డాడీ - ఒక ఫైట్ - -
2001 ఖుషి సిద్దార్థ్ రాయ్ బైబైయ్యే బంగారు రమణమ్మ గజ్జ గల్లు తప్ప మిగిలనవన్నీ
2003 జానీ జానీ నువ్వు సారా తాగుతా, రావోయి మా కంట్రీకీ అన్ని పాటలు కథ, స్క్రీన్ ప్లే, దర్శకత్వం
2004 గుడుంబా శంకర్ గుడుంబా శంకర్ / కళ్యాణ్‌జీ ఆనంద్‌జీ / శంకర్ దీక్షితులు కిళ్ళీ కిళ్ళీ అన్ని పాటలు
2005 బాలు బాలు, గని - - -
2006 బంగారం బంగారం - - -
2006 అన్నవరం అన్నవరం - - "నీవల్లే నీవల్లే" పాట
2007 శంకర్ దాదా జిందాబాద్ సురేశ్ - - - అతిథి పాత్ర
2008 జల్సా సంజయ్ సాహు - - -
2010 కొమరం పులి కొమరం పులి - -
2011 తీన్ మార్ అర్జున్ పాల్వాయ్,
మైఖెల్ వేలాయుధం
- - ద్విపాత్రాభినయం
2011 పంజా జైదేవ్ - పాపారాయుడు "పంజా" పాట
2012 గబ్బర్ సింగ్ వెంకటరత్నం నాయుడు ఊరాఫ్ గబ్బర్ సింగ్ - పిల్లా దక్షిణ భారత ఫిలింఫేర్ అవార్డ్ - ఉత్తమ నటుడు,
దక్షిణ భారత అంతర్జాతీయ సినిమా అవార్డ్ - ఉత్తమ నటుడు,
సిని"మా" అవార్డ్ - ఉత్తమ నటుడు
2012 కెమెరామెన్ గంగతో రాంబాబు రాంబాబు - - -
2013 అత్తారింటికి దారేది గౌతం నందా ఊరాఫ్ సిద్ధు - కాటమ రాయుడా

రాజకీయ జీవితం[మార్చు]

మార్చి 14, 2014 న జనసేన రాజకీయ పార్టీ ఆవిర్భావ సభ జరిపాడు. కుల, మత, ప్రాంతీయ పక్షపాతాలు లేకుండా భారతీయునిగా జాతి సమైక్యతకు సమగ్రతకు పాటుపడడానికి పార్టీ స్థాపించినట్లు పవర్‌స్టార్‌ పవన్‌ కళ్యాణ్‌ తెలిపాడు. రాష్ట్రాన్ని విభజించినతీరుకు కాంగ్రెస్ ను దోషిగా నిందిస్తూ, కాంగ్రెస్ ఎన్నికలలో గెలవకుండా పోరాడాలని తన అభిమానులకు పిలుపునిచ్చాడు[1]. ఆయన 2009 అసెంబ్లీ ఎన్నికల ముందు అన్న చిరంజీవి స్థాపించిన ప్రజారాజ్యం పార్టీ కి ప్రచారం చేశారు. జనసేనపార్టీతో మరోసారి రాజకీయాల్లోకి వచ్చిన పవన్‌కల్యాన్‌ 2014 సాధారణ ఎన్నికల్లో మోడీకి మద్దతు పలికారు. తెలంగాణ, ఏపీ రాష్ట్రాల్లో మోడీకి మద్దతుగా టీడీపీ-బీజేపీ కూటమికి ప్రచారం చేశారు. ఈయన మద్దతు ఏపీ అధికారంలోకి రావడంలో ప్రభావం చూపిందని పలువురు అభిప్రాయం.

వ్యక్తిగత జీవితము[మార్చు]

2013 సెప్టెంబరు 30న ఇతని వివాహము రష్యా నటి అన్నా లెజ్‌నేవా తో జరిగింది. హైదరాబాదు లోని ఎర్రగడ్డ సబ్ రిజిస్టార్ కార్యాలయంలో వీరిద్దరి వివాహం జరిగింది[2].

మూలాలు[మార్చు]