పెంటియమ్ 4

వికీపీడియా నుండి
ఇక్కడికి గెంతు: మార్గసూచీ, వెతుకు
Pentium 4
దస్త్రం:Pentium4ds.jpg
తయారీ From 2000 to 2008
ఉమ్మడి రూపకర్తలు
  • Intel
గరిష్ఠ సీపీయూ సమయం 1.3 GHz to 3.8 GHz
FSB speeds 400 MT/s to 1066 MT/s
Min. feature size 180 nm to 65 nm
Instruction set x86 (i386), x86-64, MMX, SSE, SSE2, SSE3
Microarchitecture NetBurst
Socket(s)
Core name(s)
  • Willamette
  • Northwood
  • Prescott
  • Cedar Mill

పెంటియమ్ 4 (Pentium 4) అనే బ్రాండ్ ఇంటెల్ (Intel) యొక్క సింగిల్-కోర్ డెస్క్‌టాప్ మరియు ల్యాప్‌టాప్ కేంద్రీయ సంవిధాన విభాగాల (సెంట్రల్ ప్రాసెసింగ్ యూనిట్-CPU) శ్రేణిని సూచిస్తుంది, దీనిని నవంబరు 20, 2000[1] తేదీన విడుదల చేశారు, ఆగస్టు 8, 2008 వరకు వీటిని తయారు చేశారు[2]. వీటిలో నెట్‌బరస్ట్ (NetBurst)గా పిలిచే 7వ-తరం x86 సూక్ష్మనిర్మాణం (మైక్రోఆర్కిటెక్చర్) ఉంటుంది, 1995లో పెంటియమ్ ప్రో (Pentium Pro) CPUల యొక్క P6 సూక్ష్మనిర్మాణాన్ని విడుదల చేసిన కంపెనీ తయారు చేసిన మొట్టమొదటి పూర్తిస్థాయి నూతన నమూనాగా ఇది గుర్తింపు పొందింది. నెట్‌బరస్ట్ దీనికి ముందు వచ్చిన P6 (పెంటియమ్ III, II, తదితరాలు)కు భిన్నంగా ఉంటుంది, అత్యధిక వేగాలను (3.8 GHz వరకు) సాధించేందుకు దీనిలో బాగా లోతైన ఒక ఆదేశ మార్గం (ఇన్‌స్ట్రక్షన్ పైప్‌లైన్) ఉంటుంది,[3] 3.4 GHz –3.8 GHz ప్రెస్కోట్ మరియు ప్రెస్కోట్స్ 2M కోర్‌ల[4]లో TDPలు 115 W (వాట్‌ల) వరకు చేరుకున్నప్పుడే ఈ వేగాలు నియంత్రించబడతాయి. 2004లో పెంటియమ్ 4 మైక్రోప్రాసెసర్‌ల యొక్క ప్రాథమిక 32-బిట్ x86 ఆదేశ సమితి (ఇన్‌స్ట్రక్షన్ సెట్)ని 64-బిట్ x86-64 సమితితో విస్తరించారు.

విల్లామెట్ అనే మారుపేరుతో మొదటి పెంటియమ్ 4 కోర్‌లు 1.3 GHz నుంచి 2 GHz వేగాలను ప్రదర్శించాయి, సాకెట్ 423ని ఉపయోగించి మొదటి విల్లామెట్ ప్రాసెసర్‌ను నవంబరు 20, 2000లో విడుదల చేశారు. పెంటియమ్ 4 ఆవిష్కరణతో 400 MHz FCB ముఖ్యమైన భాగంగా ప్రసిద్ధి చెందింది. ఇది వాస్తవానికి 100 MHz వద్ద నిర్వహించబడుతుంది, అయితే FSB క్వాడ్-పంప్డ్ పద్ధతిని ఉపయోగిస్తుంది, అంటే ఈ పద్ధతిలో గరిష్టంగా బస్ యొక్క బేస్ క్లాక్ కంటే నాలుగు రెట్లు ఎక్కువ వేగంతో బదిలీ జరుగుతుంది, అందువలన దీనిని 400 MHz వద్ద అమలు అవుతున్నట్లు పరిగణిస్తారు. AMD ఎథ్లాన్ యొక్క డబుల్-పంప్డ్ FSB ఈ సమయంలో 200 MHz లేదా 266 MHz వద్ద పని చేస్తుంది.

పెంటియమ్ 4 CPUలు SSE2ను పరిచయం చేశాయి, ప్రెస్కోట్-ఆధారిత పెంటియమ్ 4లలో గణనలు, పరస్పర వినిమయాలు, మీడియా సంవిధానం, 3డి గ్రాఫిక్స్ మరియు గేమ్స్ పనితీరును వేగవంతం చేసేందుకు SSE3, ఆదేశ సమితులు ఉంటాయి. తరువాతి వెర్షన్‌లలో హైపర్-థ్రెడింగ్ టెక్నాలజీ (HTT) ఉంటుంది, ఇది ఒక భౌతిక CPU రెండు CPUలుగా పని చేసే వీలు కల్పిస్తుంది, అంటే ఈ రెండింటిలో ఒకటి తార్కిక (లాజికల్) CPUగా మరియు మరొకటి కాల్పనిక (వర్చువల్) CPUగా పని చేస్తుంది. ఇంటెల్ తమ తక్కువ-శ్రేణి సెలెరాన్ (Celeron) ప్రాసెసర్‌ల యొక్క ఒక వెర్షన్‌ను కూడా విక్రయించింది, ఇది నెట్‌బరస్ట్ సూక్ష్మనిర్మాణం ఆధారంగా పని చేస్తుంది (తరచుగా దీనిని సెలెరాన్ 4 గా సూచిస్తున్నారు), దీనితోపాటు మల్టీప్రాసెసర్ సర్వర్‌లు మరియు వర్క్‌స్టేషన్‌ల కోసం ఉద్దేశించిన ఎగువ శ్రేణి ఉత్పన్నం జియాన్ (Xeon)ను కూడా మార్కెట్‌లోకి విడుదల చేసింది. 2005లో పెంటియమ్ డి మరియు పెంటియమ్ ఎక్స్‌ట్రీమ్ ఎడిషన్ డ్యుయల్-కోర్ CPUలను విడుదల చేసి పెంటియమ్ 4ను పరిపూర్ణం చేసింది.

సూక్ష్మనిర్మాణం (మైక్రోఆర్కిటెక్చర్)[మార్చు]

ప్రామాణిక మూల్యాంకనాల్లో నెట్‌బరస్ట్ సూక్ష్మనిర్మాణం యొక్క ప్రయోజనాలు అస్పష్టంగా ఉన్నాయి. జాగ్రత్తగా సర్వోత్తమీకరణ చేసిన అనువర్తన కోడ్‌తో మొదటి పెంటియమ్ 4 కేంద్రీయ సంవిధాన విభాగాలు ఊహించిన విధంగా ఇంటెల్ యొక్క వేగవంతమైన పెంటియమ్ III (ఏక కాలంలో 1.13 GHz వేగంతో పని చేస్తాయి) కంటే మెరుగైన పనితీరు కనబరిచాయి. అయితే అనేక శాఖలు లేదా x87 ఫ్లోటింగ్-పాయింట్ ఆదేశాలతో వారసత్వంగా సంక్రమించిన అనువర్తనాల విషయంలో మాత్రమే పెంటియమ్ 4 తనకు ముందు వచ్చిన కేంద్రీయ సంవిధాన విభాగాల పనితీరును మాత్రమే ప్రదర్శించడం లేదా వాటి కంటే పేలవమైన పనితీరు కనబరచడం జరిగింది. దీని యొక్క ప్రధాన అసమర్థత ఏమిటంటే, దీనిలో ఒక ఉమ్మడి ఏకదిశాత్మక బస్ ఉంటుంది. అంతేకాకుండా, నెట్‌బరస్ట్ సూక్ష్మనిర్మాణం ఇంటెల్ దీనికి ముందు విడుదల చేసిన సూక్ష్మనిర్మాణాలు లేదా AMD సూక్ష్మనిర్మాణాల కంటే ఎక్కువ వేడిని విడుదల చేస్తుంది.

దీని ఫలితంగా, పెంటియమ్ 4పై మిశ్రమ స్పందనలు వచ్చాయి; ఒక కొత్త కోడ్ సర్వోత్తమీకరణ (ఆప్టిమైజేషన్) నిబంధనలను పరిచయం చేయడంతో, డెవెలపర్‌లు పెంటియమ్ 4ను ఇష్టపడలేదు. ఉదాహరణకు, గణితశాస్త్ర అనువర్తనాల్లో AMD యొక్క తక్కువ-క్లాక్ వేగం ఉన్న ఎథ్లాన్ (Athlon) (వేగవంతమైన క్లాక్ రేటు ఉన్న నమూనా 1.2 GHz క్లాక్ రేటును ప్రదర్శించింది) పెంటియమ్ 4 పనితీరును సులభంగా అధిగమించింది, సాఫ్ట్‌వేర్‌ను SSE2 మద్దతుతో తిరిగి కూర్చినట్లయితేనే పెంటియమ్ 4 వేగాన్ని అందుకుంటుంది. ఇన్ఫోవరల్డ్ మేగజైన్‌కు చెందిన టామ్ యాగెర్ దీనిని క్యాచీలో పూర్తిగా అనుకూలమైన ప్రోగ్రామ్‌లకు వేగవంతమైన CPUగా వర్ణించారు. ఎక్కువ ధర మరియు అనుమానాస్పదమైన ప్రయోజనం వలన కంప్యూటర్-అవగాహన ఉన్న కొనుగోలుదారులు పెంటియమ్ 4 PCలకు దూరంగా ఉన్నారు. ఉత్పత్తి విక్రయాల పరంగా, పెంటియమ్ 4 క్లాక్ ఫ్రీక్వెన్సీ (మిగిలిన వాటన్నింటికంటే) ఒక్కదానిపైనే ఎక్కువ దృష్టి పెట్టింది, దీనిని వ్యాపారులకు ఒక స్వప్నంగా మార్చింది. దీని ఫలితంగా పెంటియమ్ 4 మార్కెట్‌లో ఉన్నప్పుడు నెట్‌బరస్ట్ సూక్ష్మనిర్మాణాన్ని తరచుగా వివిధ కంప్యూటింగ్ వెబ్‌సైట్‌లు మరియు పత్రికలు ఒక సూక్ష్మనిర్మాణంగా సూచించాయి.

IPC (ప్రతి చక్రంలో ఆదేశాలు) మరియు క్లాక్ వేగం, CPU పనితీరు యొక్క రెండు ప్రామాణిక ప్రమాణాలుగా గుర్తిస్తారు. (ప్రామాణిక అనువర్తనం యొక్క ఆదేశ మిశ్రమంపై ఆధారపడివుంటుంది కాబట్టి) IPCను కొలవడం కష్టం, క్లాక్ వేగం అనేది సులభమైన కొలతతో ఒక సంపూర్ణ సంఖ్యగా ఉంటుంది. పెద్దగా అవగాహనలేని కొనుగోలుదారులు సాధారణంగా అధిక క్లాక్ వేగం ఉన్న ప్రాసెసర్‌ను మెరుగైన ఉత్పత్తిగా పరిగణిస్తారు, అందువలన పెంటియమ్ 4 నిస్సందేహంగా ఈ మెగాహెట్జ్ పోటీలో విజేతగా నిలిచింది. AMD ఈ నిబంధనలతో పోటీపడలేకపోయింది, "మెగాహెట్జ్ మైత్" అనే ప్రచార కార్యక్రమంతో ఇంటెల్ వ్యాపార ప్రయోజనాన్ని నిరోధించేందుకు ప్రయత్నించింది. AMD ఉత్పత్తుల వ్యాపారంలో ఒక PR-రేటింగ్ వ్యవస్థను ఉపయోగించారు, ఈ రేటింగ్ వ్యవస్థ ప్రామాణిక యంత్రానికి సాపేక్ష ప్రదర్శన ఆధారంగా ఒక ఉత్తమ విలువను కేటాయిస్తుంది.

ఒక పెంటియమ్ 4, వేగం 2.4 GHz

పెంటియమ్ 4ను విడుదల చేసినప్పుడు, నెట్‌బరస్ట్-ఆధారిత ప్రాసెసర్‌లు 10 GHz వరకు వేగాలను అందుకుంటాయని ఇంటెల్ పేర్కొంది (దీనిని అనేక కృత్రిమ కల్పన (ఫ్యాబ్రికేషన్) ప్రక్రియ ఉత్పాదనలతో సాధించాలి). అయితే నెట్‌బరస్ట్ సూక్ష్మనిర్మాణం చివరకు అంచనాలకు చాలా దూరంగా పనితీరును కనబరిచింది - బాగా వేగవంతమైన క్లాక్ రేటు గల నెట్‌బరస్ట్-ఆధారిత నమూనాలు గరిష్టంగా 3.8 GHz క్లాక్ రేటును మాత్రమే అందుకున్నాయి. డై 90 nm (నానోమీటర్లు) లిథోగ్రఫీ మరియు తక్కువ పరిమాణానికి చేరుకోవడంతో మొదలైన ట్రాన్సిస్టర్ పవర్ లీకేజ్ (శక్తి నష్టం) వేగంగా పెరుగుతుందని ఇంటెల్ కూడా ఊహించలేదు. ప్రామాణిక ఉష్ణ నిర్గమాంశంతోపాటు ఈ కొత్త శక్తి నష్టం ఫలితంగా క్లాక్ వేగాలు పెరిగేకొద్ది కూలింగ్ (శీతలీకరణ) మరియు క్లాక్ వేగం కొలవడంలో సమస్యలు ఏర్పడ్డాయి. ఈ అనూహ్యమైన అడ్డంకులకు స్పందనగా, ఇంటెల్ కోర్‌లకు సంబంధించి తిరిగి రూపకల్పన కార్యక్రమాలు చేపట్టింది (దీనికి ముఖ్యమైన ఉదాహరణ "ప్రెస్కోట్"), అంతేకాకుండా నూతన ఉత్పాదక సాంకేతిక పరిజ్ఞానాలపై అన్వేషణ మొదలుపెట్టింది, బహుళ కోర్‌లను ఉపయోగించడం, FSB వేగాలను పెంచడం, క్యాచీ పరిమాణాన్ని పెంచడం, తక్కువ క్లాక్ వేగాలతోపాటు ఒక చిన్న, మరింత సమర్థవంతమైన ఆదేశ మార్గాన్ని ఉపయోగించడం వంటి చర్యలపై ఇంటెల్ దృష్టి పెట్టింది. ఈ సమస్యలను ఏదీ పరిష్కరించలేకపోయినప్పటికీ, ఇంటెల్ 2003-05 మధ్యకాలంలో నెట్‌బరస్ట్ నుంచి తమ దృష్టిని పెంటియమ్ M సూక్ష్మనిర్మాణం అభివృద్ధిపైకి మరల్చింది. ఇంటెల్ జనవరి 5, 2006న కోర్ ప్రాసెసర్‌లను ఆవిష్కరించింది, ఇంధన సమర్థత మరియు క్లాక్ రేటుపరంగా పనితీరుపై ఎక్కువ దృష్టి పెడుతూ వీటిని అభివృద్ధి చేసింది. తుది నెట్‌బరస్ట్-ఆధారిత ఉత్పత్తులు 2007లో విడుదలయ్యాయి, తరువాత వచ్చిన అన్ని ఉత్పత్తులు ప్రత్యేకంగా కోర్ సూక్ష్మనిర్మాణాన్ని ఉపయోగించాయి. నెట్‌బరస్ట్ సూక్ష్మనిర్మాణాన్ని తరచుగా నెట్‌బస్ట్ అనే ముద్దుపేరుతో సూచిస్తుంటారు. [citation needed]

ప్రాసెసర్ కోర్‌లు[మార్చు]

పెంటియమ్ 4లో ఒక ఇంటిగ్రేటెడ్ హీట్ స్ప్రెడర్ (IHS) ఉంటుంది, చల్లబరిచే సేవలను అమరుస్తున్నప్పుడు మరియు తొలగిస్తున్నప్పుడు ప్రమాదవశాత్తూ దెబ్బతినకుండా డైని ఇది రక్షిస్తుంది. IHSకు ముందు, కోర్‌కు నష్టం జరగకుండా చూడాలనుకునే వినియోగదారులు కొన్నిసార్లు ఒక CPU షిమ్‌ను ఉపయోగించేవారు. ఓవర్‌క్లాకర్‌లు (తయారీదారు సిఫార్సు చేసిన వేగం కంటే ఎక్కువ వేగంతో ప్రాసెసర్‌ను పని చేయించేవారు) కొన్నిసార్లు సాకెట్ 423 మరియు సాకెట్ 478 చిప్‌లపై IHSను తొలగిస్తారు, ఈ చర్య వలన మరింత ప్రత్యక్ష ఉష్ణ బదిలీకి వీలు ఏర్పడుతుంది. అయితే సాకెట్ LGA 775 (సాకెట్ టి) అంతర్ముఖాన్ని ఉపయోగించే ప్రాసెసర్‌లపై IHS నేరుగా డై(లు)లోకి అంటించబడివుంటుంది, అంటే ఇటువంటి వాటిపై IHSను సులభంగా తొలగించలేము.

ఇంటెల్ పెంటియమ్ 4 ప్రాసెసర్ కుటుంబం
డెస్క్‌టాప్ ల్యాప్‌టాప్
మారు పేరు కోర్ విడుదలైన తేదీ మారు పేరు కోర్ విడుదలైన తేదీ
విల్లామెట్
నార్త్‌వుడ్
ప్రెస్కోట్
180 nm
130 nm
90 nm
నవంబరు 2000
జనవరి 2002
మార్చి 2004
నార్త్‌వుడ్ 130 nm జూన్ 2003
నార్త్‌వుడ్
పెంటియమ్ 4-M
130 nm ఏప్రిల్ 2002
హైపర్-థ్రెడింగ్ (HT)
నార్త్‌వుడ్
ప్రెస్కోట్
ప్రెస్కోట్ 2M
సెడర్ మిల్
130 nm
90 nm
90 nm
65 nm
మే 2003
ఫిబ్రవరి 2004
ఫిబ్రవరి 2005
జనవరి 2006
నార్త్‌వుడ్
ప్రెస్కోట్
130 nm
90 nm
సెప్టెంబరు 2003
జూన్ 2004
గల్లాటిన్ XE
ప్రెస్కోట్ 2M XE
130 nm
90 nm
సెప్టెంబరు 2003
ఫిబ్రవరి 2005
ఇంటెల్ పెంటియమ్ 4 మైక్రోప్రాసెసర్‌ల జాబితా

విల్లామెట్[మార్చు]

సాకెట్ 423 కోసం ్పెంటియమ్ 4 విల్లామెట్ 1.5GHz.
సాకెట్ 478 కోసం పెంటియమ్ 4 విల్లామెట్ 1.8GHz.

విల్లామెట్ అనేది మొట్టమొదటి నెట్‌బరస్ట్ సూక్ష్మనిర్మాణ అమలు కోసం ఉద్దేశించిన ప్రాజెక్టు మారు పేరు, దీని యొక్క రూపకల్పన ప్రక్రియ పూర్తి చేయడానికి సుదీర్ఘమైన జాప్యాలు జరిగాయి. 1998లో ఈ ప్రాజెక్టు ప్రారంభమైంది, ఇంటెల్ పెంటియమ్ IIను తమ శాశ్వత క్రమంగా భావించి ఈ ప్రాజెక్టును చేపట్టింది. ఆ సమయంలో, విల్లామెట్ కోర్‌ను గరిష్టంగా 1 GHz పౌనఃపున్యాలతో పని చేసే సామర్థ్యంతో రూపొందించాలని భావించారు. అయితే విల్లామెట్ యొక్క విడుదలలో జరిగిన జాప్యాల ఫలితంగా, ఇది పూర్తికావడానికి ముందుగానే పెంటియమ్ III విడుదలైంది. P6 మరియు నెట్‌బరస్ట్ సూక్ష్మనిర్మాణాల్లో తీవ్రమైన వ్యత్యాసాల కారణంగా విల్లామెట్‌ను పెంటియమ్ IIIగా ఇంటెల్ విక్రయించలేకపోయింది, అందువలన దీనిని పెంటియమ్ 4గా విడుదల చేశారు.

నవంబరు 20, 2000న విల్లామెట్ ఆధారిత పెంటియమ్ 4ను విడుదల చేసింది, ఇది 1.4 మరియు 1.5 GHz క్లాక్ వేగ సామర్థ్యాన్ని కలిగివుంది. ఎక్కువ మంది పరిశ్రమ నిపుణులు మొదట విడుదలైన పెంటియమ్ 4 కేంద్రీయ సంవిధాన విభాగాలను ఒక తాత్కాలిక ఉత్పత్తిగా పరిగణించారు, పూర్తిగా సిద్ధం కావడానికి ముందుగానే వీటిని విడుదల చేసినట్లు సూచించారు. ఈ నిపుణుల అభిప్రాయం ప్రకారం, వ్యాపార ప్రత్యర్థి థండర్‌బర్డ్-ఆధారిత AMD ఎథ్లాన్ అప్పటికే కాలం పైబడుతున్న పెంటియమ్ IIIపై ఆధిపత్యం చెలాయిస్తుండటంతో పెంటియమ్ 4ను ఇంటెల్ ముందుగా విడుదల చేసింది, పెంటియమ్ IIIకి నవీకరణలు చేయడం అప్పటికప్పుడు సాధ్యపడకపోవడం వలన దీనిని విడుదల చేసినట్లు నిపుణులు అభిప్రాయపడ్డారు.[citation needed] ఈ పెంటియమ్ 4ను ఒక 180 nm ప్రక్రియను ఉపయోగించి తయారు చేశారు, మొదట ఇది సాకెట్ 423 (దీనిని విల్లామెట్‌కు ఉద్దేశించిన సాకెట్ Wగా కూడా గుర్తిస్తారు)ను ఉపయోగించింది, తరువాత వచ్చిన నవీకరణల్లో సాకెట్ 478 (దీనిని నార్త్‌వుడ్‌లో సాకెట్ Nగా కూడా గుర్తిస్తారు)ను ఉపయోగించారు. ఈ భిన్న ఉత్పత్తులను వరుసగా ఇంటెల్ ఉత్పత్తి సంకేతాలు 80528 మరియు 80531లతో గుర్తించారు.

పరీక్షా వేదికపై, విల్లామెట్ విశ్లేషకులను కొంతవరకు నిరాశపరిచింది, ఇది అన్ని పరీక్షల్లో ఎథ్లాన్‌ను పూర్తిగా అధిగమించలేకపోవడంతోపాటు, అధిక క్లాక్ వేగాలు ఉన్న పెంటియమ్ IIIల కంటే మెరుగైన పనితీరు కనబర్చలేకపోయింది, అంతేకాకుండా బడ్జెట్ విభాగంలో AMD డ్యూరాన్ కంటే మెరుగైన పనితీరును ప్రదర్శించలేదు.[5] OEM PC తయారీదారుల కోసం 1000 CPUలను $644 (1.4 GHz) cjf/g $819 (1.5 GHz) ధరల వద్ద విడుదల చేసినప్పటికీ (వినియోగదారు మార్కెట్‌ల కోసం ఉద్దేశించిన మోడళ్ల ధరలు రీటైలర్‌ను బట్టి మారతాయి)[citation needed] ఒక మోస్తారుగా, గౌరవనీయమైన ధర వద్ద వీటి విక్రయాలు జరిగాయి, అప్పటికి బాగా వ్యయభరితమైన రాంబస్ డైనమిక్ RAM (RDRAM) అవసరం ఉండటం వలన కొంత వరకు వీటి విక్రయాలు మందగించాయి. పెంటియమ్ III ఇది విడుదలైన తరువాత కూడా విక్రయాలపరంగా ఇంటెల్ యొక్క ఉత్తమ ప్రాసెసర్ శ్రేణిగా నిలిచింది, పెంటియమ్ 4 కంటే ఎథ్లాన్ విక్రయాలు కాస్త మెరుగ్గా కనిపించాయి. పెంటియమ్ 4తోపాటు రెండు RDRAM మాడ్యూళ్లను కూడా కలిపి ఇంటెల్ విడుదల చేసినప్పటికీ, ఈ చర్య పెంటియమ్ 4 విక్రయాలను ప్రోత్సహించలేదు, DDR SDRAMకు మద్దతు ఇచ్చే ఒక మెమరీ కంట్రోలర్‌ను ఉపయోగించిన చిప్‌సెట్ ఒకటి పెంటియమ్ 4 అవసరం అవుతుందని, దాని గురించి రాసిన తన సమీక్షలో పేర్కొన్న ఆనంద్‌టెక్ నిపుణుడు ఆనంద్ లాల్ షిమ్సీ పైచర్యను వాస్తవ పరిష్కారంగా పరిగణించలేదు.[citation needed]

జనవరి 2001లో, మరింత నెమ్మదైన 1.3 GHz నమూనాను విడుదల చేశారు, అయితే తరువాతి పన్నెండు నెలలపాటు, పనితీరులో AMD యొక్క ఆధిపత్యాన్ని ఇంటెల్ క్రమక్రమంగా తగ్గించడం మొదలుపెట్టింది. ఏప్రిల్ 2001లో 1.7 GHz పెంటియమ్ 4 విడుదలైంది, పాత పెంటియమ్ III కంటే మెరుగైన పనితీరు కనబర్చగల మొదటి నమూనాగా ఇది గుర్తింపు పొందింది. జులైలో 1.6 మరియు 1.8 GHz మోడళ్లు విడుదలయ్యాయి, ఆగస్టు 2001లో ఇంటెల్ 1.9 మరియు 2 GHz పెంటియమ్ 4లను విడుదల చేసింది. ఇదే నెలలో, ఇంటెల్ 845 చిప్‌సెట్‌ను విడుదల చేసింది, ఇది RDRAM కంటే మరింత తక్కువ ధరతో కూడిన PC133 SDRAMలకు మద్దతు ఇచ్చింది.[6] RDRAM కంటే SDRAM బాగా తక్కువ వేగం కలిగివుండటంతోపాటు, బ్యాడ్‌విడ్త్-ఆకలితో ఉండే పెంటియమ్ 4 యొక్క పనితీరును ప్రభావితం చేసింది, వాస్తవమేమిటంటే ధర తక్కువ కావడం వలన పెంటియమ్ 4ల విక్రయాలు గణనీయంగా పెరగడానికి ఇది తోడ్పడింది.[6] కొత్త చిప్‌సెట్ పెంటియమ్ III స్థానంలో చాలా వేగంగా పెంటియమ్ 4లను ప్రవేశపెట్టేందుకు వీలు కల్పించింది, తద్వారా ఇది మార్కెట్‌లో అత్యధికంగా విక్రయించబడుతున్న ప్రధాన ప్రాసెసర్‌గా మారింది.

ఓరెగాన్‌లోని విల్లామెట్ లోయ ప్రాంతం నుంచి విల్లామెట్ అనే మారు పేరును స్వీకరించారు, ఈ ప్రాంతంలో ఇంటెల్‌కు చెందిన ఎక్కువ భాగం ఉత్పాదక కేంద్రాలు ఉన్నాయి.[citation needed]

నార్త్‌వుడ్[మార్చు]

నార్త్‌వుడ్ కోర్ పెంటియమ్ 4 ప్రాసెసర్. ఎడమవైపు డై కుడివైపు హీట్ స్ప్రెడర్

అక్టోబరు 2001లో, AMDకి ఎథ్లాన్ XP స్పష్టమైన ఆధిక్యతను తిరిగి సాధించిపెట్టింది, అయితే జనవరి 2002లో ఇంటెల్ 1.6 GHz, 1.8 GHz, 2 GHz మరియు 2.2 GHz వేగాలతో పనిచేసే నూతన నార్త్‌వుడ్ కోర్‌తో పెంటియమ్ 4లను విడుదల చేసింది.[7][8] ఒక కొత్త 130 nm ఫ్యాబ్రికేషన్ (కృత్రిమ కల్పన) ప్రక్రియకు బదిలీతో (42 మిలియన్ల నుంచి 55 మిలియన్లకు ట్రాన్సిస్టర్ గణనలో పెరుగుదల) 256 KB నుంచి 512 KB వరకు L2 క్యాచీ పరిమాణంలో పెరుగుదలతో నార్త్‌వుడ్ (ఉత్పత్తి సంకేతం 80532) విడుదలైంది.[8] చిన్న ట్రాన్సిస్టర్‌లతో ప్రాసెసర్‌ను తయారు చేయడం ద్వారా, ప్రాసెసర్‌లు అధిక క్లాక్ వేగాలతో పని చేయడం లేదా తక్కువ వేడిని సృష్టిస్తూ ఒకే వేగంతో పని చేయడం సాధ్యపడింది. ఇదే నెలలో, PC133 SDRAM యొక్క బ్యాండ్‌విడ్త్‌కు రెట్టింపు బ్యాండ్‌విడ్త్ అందించిన DDR SDRAMకు మద్దతుతో 845 చిప్‌సెట్ యొక్క ఒక వెర్షన్ విడుదలైంది.

2.4 GHz పెంటియమ్ 4 ఏప్రిల్ 2, 2002న విడుదలైంది, మేలో 2.26 GHz, 2.4 GHz, మరియు 2.53 GHz మోడళ్లకు మరియు ఆగస్టులో 2.66 GHz మరియు 2.8 GHz మోడళ్లకు మరియు నవంబరులో 3.06 GHz మోడల్‌కు బస్ వేగాన్ని 400 MHz నుంచి 533 MHzకు పెంచారు. నార్త్‌వుడ్‌తో, పెంటియమ్ 4 మెరుగైన దశకు చేరుకుంది. పనితీరు విషయంలో ఆధిపత్యం కోసం అప్పటికీ పోటాపోటీగా ముమ్మర ప్రయత్నాలు సాగాయి (AMD వివిధ రకాల ఎథ్లాన్ XP వెర్షన్‌లను పరిచయం చేసింది), అయితే ఎక్కువ మంది పరిశీలకులు నార్త్‌వుడ్-ఆధారిత పెంటియమ్ 4 దాని ప్రత్యర్థి కంటే ఎక్కువ క్లాక్ వేగాన్ని ప్రదర్శిస్తున్నట్లు ఏకాభిప్రాయాన్ని వచ్చారు. 2002 వేసవిలో AMD యొక్క 130 nm ఉత్పాదక ప్రక్రియను చేపట్టినప్పటికీ, థ్రూబ్రెడ్-ఆధారిత ఎథ్లాన్ XP CPUల క్లాక్ వేగాలు పెంటియమ్ 4ల యొక్క 2.4 - 2.8 GHz పరిధిని అధిగమించడంలో విఫలమయ్యాయి.[9]

3.06 GHz పెంటియమ్ 4 హైపర్-థ్రెడింగ్ సాంకేతిక పరిజ్ఞానాన్ని పొందింది, ఇది మొదటిసారి ఫోస్టర్-ఆధారిత జియాన్‌లో కనిపించింది, ఇది ఆదేశ మార్గంలో ఉపయోగంలో లేని ప్రదేశాల్లో థ్రెడ్‌లను అమర్చడం ద్వారా, వివిధ థ్రెడ్‌లను ఏకకాలంలో అమలు చేయడానికి వీలు కల్పించింది. తరువాత విడుదలైన పెంటియమ్ 4 HTగా ఈ ప్రాసెసర్‌కు నామకరణం చేయలేదు.

ఏప్రిల్ 14, 2003న, ఇంటెల్ కొత్త పెంటియమ్ 4 HT ప్రాసెసర్‌ను విడుదల చేసింది. ఈ ప్రాసెసర్ ఒక 800 MHz FSBని ఉపయోగించింది, ఇది 3 GHz వద్ద క్లాక్ వేగాలను ప్రదర్శిస్తుంది, దీనిలో హైపర్-థ్రెడింగ్ టెక్నాలజీ (దీనికి HT మోనికెర్ ప్రాతినిధ్యం వహిస్తుంది) ఉపయోగించారు.[10] AMD యొక్క ఆప్టెరాన్ (Opteron) శ్రేణి ప్రాసెసర్‌లతో పోటీలో పెంటియమ్ 4లకు సాయపడటానికి ఈ చర్య ఉద్దేశించబడింది. అయితే ఆప్టెరాన్ విడుదలైనప్పుడు, దీని యొక్క మదర్‌బోర్డ్‌ను సర్వర్-ఆధారంగా ఏర్పాటు చేయడంతో, తయారీదారులు AGP కంట్రోలర్‌లతో మదర్‌బోర్డులు తయారు చేయలేదు. ఆ సమయంలో AGP ప్రధాన గ్రాఫిక్స్ విస్తరణ పోర్ట్ కావడం వలన, ఇది లేకుండా విడుదలైన ఆప్టెరాన్, పెంటియమ్ 4 యొక్క వ్యాపార విభాగంలో బలమైన ప్రదర్శన కనబర్చలేకపోయింది. ఎథ్లాన్ XP 3200+ విడుదలతో, AMD 333 MHz నుంచి 400 MHzకు ఎథ్లాన్ XP యొక్క FSB వేగాన్ని పెంచింది, అయితే కొత్త 3 GHz పెంటియమ్ 4 HTని నిలువరించడంలో ఇది విఫలమైంది.[11] పెంటియమ్ 4 HT యొక్క బ్యాండ్‌విడ్త్ స్థాయిలు ఎథ్లాన్ కంటే చాలా మెరుగ్గా ఉన్నాయి. 2.4 GHz, 2.6 GHz మరియు 2.8 GHz వెర్షన్‌లను మే 21, 2003న విడుదల చేశారు. 3.2 GHz CPUను జూన్ 23, 2003న విడుదల చేశారు, చివరి 3.4 GHz వెర్షన్ ఫిబ్రవరి 2, 2004న విడుదలైంది.

మొదట్లో నార్త్‌వుడ్ కోర్‌లను ఓవర్‌క్లాకింగ్ (అధిక క్లాక్ రేట్‌ల వద్ద ఒక కంప్యూటర్ భాగాన్ని పనిచేయించడం) ఒక విపరీతమైన దృగ్విషయానికి దారితీస్తుంది. కోర్ వోల్టేజ్ 1.7 V (వోల్టులు)పైకి పెరిగినప్పుడు, పూర్తిగా పని చేయని స్థితి మరియు పూర్తిగా ఉపయోగించలేని స్థితికి చేరుకోవడానికి ముందు కాలక్రమేణా ప్రాసెసర్ పనితీరులో మరింత అస్థిరత ఏర్పడుతుంది. ఈ పరిస్థితిని సడన్ నార్త్‌వుడ్ డెత్ సిండ్రోమ్ (SNDS)గా గుర్తిస్తారు, ఎలక్ట్రోమైగ్రేషన్ (ఎలక్ట్రాన్‌ల వలస) వలన ఈ సమస్య ఏర్పడుతుంది.[12]

పెంటియమ్ 4-M[మార్చు]

నార్త్‌వుడ్ కోర్ ఆధారంగానే, మొబైల్ ఇంటెల్ పెంటియమ్ 4 ప్రాసెసర్ - M [13] ఏప్రిల్ 23, 2002న విడుదలైంది, దీనిలో ఇంటెల్ యొక్క స్పీడ్‌స్టెప్ మరియు డీపర్ స్లీప్ సాంకేతిక పరిజ్ఞానాలు ఉపయోగించారు. ఆ సమయంలో ఇంటెల్ యొక్క నామకరణ సంప్రదాయాల వలన ఈ ప్రాసెసర్ విడుదలైనప్పుడు దానిని గుర్తించడం కష్టతరం చేసింది. పెంటియమ్ III మొబైల్ చిప్, మొబైల్ 4-M, మొబైల్ పెంటియమ్ 4, తరువాత పెంటియమ్ III ఆధారంగానే తయారు చేసిన పెంటియమ్ M విడుదలయ్యాయి, మొదటి మూడు ప్రాసెసర్‌ల కంటే పెంటియమ్ M వేగవంతమైన ప్రాసెసర్‌గా గుర్తింపు పొందింది. TDP ఎక్కువ అనువర్తనాల్లో సుమారుగా 35 వాట్‌లు ఉంటుంది. తగ్గించిన కోర్ వోల్టేజ్ మరియు ముందుగా తెలియజేసిన ఇతర లక్షణాలు కారణంగా ఈ తగ్గించిన శక్తి వినియోగం సాధ్యపడింది.

డెస్క్‌టాప్ పెంటియమ్ 4కు భిన్నంగా, వోల్టేజ్ తగ్గించినందు వలన పెంటియమ్ 4-Mలో ఇంటిగ్రేటెడ్ పీట్ స్ప్రెడర్ (IHS) ఉండదు. తగ్గించిన వోల్టేజ్ కారణంగా తక్కువ నిరోధకత ఉంటుంది, అందువలన తక్కువ ఉష్ణం విడుదలవుతుంది. అయితే ఇంటెల్ వివరాలు ప్రకారం, పెంటియమ్ 4-Mలో 100 డిగ్రీలతో ఒక థర్మల్ జంక్షన్ టెంపరేచర్ (సంగమ ఉష్ణోగ్రత) ఉంటుంది, మరోరకంగా చెప్పాలంటే పెంటియమ్ 4 గంటే 40 డిగ్రీల అధిక ఉష్ణోగ్రత ఉంటుంది. IHS ఉండటం వలన దీనిలో అధిక ఉష్ణోగ్రత ఉంటుంది, ఎక్కువ భాగం శీతలీకరణ వ్యవస్థలు CPUను బాగా తక్కువ ఉష్ణోగ్రతల వద్ద పని చేయించే సామర్థ్యం కలిగివుంటాయి.

మొబైల్ పెంటియమ్ 4[మార్చు]

కొందరు తయారీదారులు చేస్తున్నట్లుగానే, ఒక సంపూర్ణ డెస్క్‌టాప్ పెంటియమ్ 4 ప్రాసెసర్‌ను ల్యాప్‌టాప్‌లో అమర్చడం ద్వారా సమస్యను పరిష్కరించేందుకు మొబైల్ ఇంటెల్ పెంటియమ్ 4 ప్రాసెసర్ [14]ను విడుదల చేశారు. డెస్క్‌టాప్ పెంటియమ్ 4 యొక్క పరిణామం మాదిరిగా, మొబైల్ పెంటియమ్ 4 ఒక 533 MHz FSBని ఉపయోగిస్తుంది. వింతగా, 133 MHz (33 MHz కోర్) మేర బస్ వేగాన్ని పెంచడం TDPల్లో ఒక విపరీతమైన పెరుగుదలకు కారణమైంది, మొబైల్ పెంటియమ్ ప్రాసెసర్‌లు 4 59.8 W - 70 W (వాట్‌లు) శక్తిని ఇచ్చాయి, హైపర్ థ్రెడింగ్ రకాలు 66.1 W - 88 W శక్తిని విడుదల చేశాయి. దీని వలన డెస్క్‌టాప్ పెంటియమ్ 4 (115 W గరిష్టంగా) మరియు పెంటియమ్ 4-M (గరిష్టంగా 35 W విడుదల) మధ్య అంతరాన్ని పూడ్చడంలో మొబైల్ పెంటియమ్ 4 విజయవంతమైంది.

గల్లాటిన్ (ఎక్స్‌ట్రీమ్ ఎడిషన్)[మార్చు]

సెప్టెంబరు 2003లో ఇంటెల్ డెవెలపర్ ఫోరమ్ పెంటియమ్ 4 ఎక్స్‌ట్రీమ్ ఎడిషన్ (P4EE)ను ప్రకటించింది, దీనికి ఒక వారం తరువాత ఎథ్లాన్ 64 మరియు ఎథ్లాన్ 64 FX ఆవిష్కరించారు. ఎక్స్‌ట్రీమ్ ఎడిషన్ యొక్క నమూనా దాదాపుగా పెంటియమ్ 4కు అనుగుణంగా ఉంటుంది (ఇది కూడా పెంటియమ్ 4 మదర్‌బోర్డులపైనే పని చేస్తుంది), అయితే దీనికి అదనంగా 2 MB లెవల్ 3 క్యాచీని జోడించారు. జియాన్ MP మాదిరిగా ఇది కూడా గల్లాటిన్ కోర్‌ను పంచుకుంటుంది, అయితే ఇది సాకెట్ 478 ఫార్మ్ ఫ్యాక్టర్‌లో ఉంటుంది (జియాన్ MPలో సాకెట్ 603లో గల్లాటిన్ కోర్ ఉంటుంది), అంతేకాకుండా ఒక 800 MHz బస్ ఉంటుంది, ఇది జియాన్ MP కంటే రెండు రెట్లు వేగంగా పని చేస్తుంది. అంతేకాకుండా LGA 775 వెర్షన్ దీనిలో అందుబాటులో ఉంటుంది.

గేమ్‌లపై ఆసక్తివున్నవారిని దృష్టిలో ఉంచుకొని ఎక్స్‌ట్రీమ్ ఎడిషన్‌ను అభివృద్ధి చేసినట్లు ఇంటెల్ పేర్కొంది, దీనిని ఎథ్లాన్ 64 యొక్క థండర్ విడుదలతో పోటీ కోసం ప్రవేశపెట్టినట్లు విమర్శకులు పేర్కొన్నారు, దీనికి ఎమర్జెన్సీ ఎడిషన్ అనే మారు పేరు పెట్టారు. $999 ధరతో విడుదల కావడంతో, దీనికి ఎక్స్‌పెన్సివ్ ఎడిషన్ లేదా ఎక్స్‌ట్రీమ్లీ ఎక్స్‌పెన్సివ్ అనే పేర్లు కూడా పెట్టారు.

ప్రాసెసర్‌ను ఎక్కువగా ఉపయోగించే అనువర్తనాల విషయంలో, జోడించిన క్యాచీ సాధారణంగా గుర్తించదగిన స్థాయిలో పనితీరును మెరుగుపరిచింది. మల్టీమీడియా ఎన్‌కోడింగ్ మరియు కొన్ని గేమ్‌లు దీని వలన లబ్ది పొందాయి, ఎక్స్‌ట్రీమ్ ఎడిషన్ పెంటియమ్ 4 కంటే మెరుగైన పనితీరు కనబరిచింది, రెండు ఎథ్లాన్ 64 వెర్షన్‌లపై కూడా పనితీరులో ఆధిపత్యం ప్రదర్శించింది, అయితే తక్కువ ధర మరియు మరింత స్థిరమైన పనితీరు కనబర్చిన ఎథ్లాన్ 64 (ముఖ్యంగా నాన్-FX వెర్షన్) మెరుగైన విలువ గల వస్తువుగా గుర్తింపు పొందింది. ఏదేమైనప్పటికీ, ఎక్స్‌ట్రీమ్ ఎడిషన్ ఇంటెల్ యొక్క స్పష్టమైన లక్ష్యాన్ని సాధించింది, పెంటియమ్ 4లపై ఎథ్లాన్ 64 సాధిస్తున్న ఆధిక్యాన్ని ప్రతి విభాగంలోనూ అడ్డుకుంది.

బస్ వేగాన్ని 800 MHz నుంచి 1066 MHzకు పెంచడం ద్వారా 2004 చివరి కాలానికి కొద్ది స్థాయిలో పనితీరు మెరుగుదలను సాధించారు, ఇది 3.46 GHz పెంటియమ్ 4 ఎక్స్‌ట్రీమ్ ఎడిషన్‌గా విడుదలైంది. ఎక్కువ ప్రమాణాల ద్వారా, ప్రతి-క్లాక్ రేటు ఆధారంగా ఇది అత్యంత వేగవంతమైన సింగిల్-కోర్ నెట్‌బరస్ట్ ప్రాసెసర్‌గా గుర్తింపు పొందింది, దీని తరువాత విడుదలైన చిప్‌ల కంటే కూడా ఇది మెరుగైన పనితీరు కనబరిచింది (డ్యుల్-కోర్ పెంటియమ్ Dని పరిగణలోకి తీసుకోనట్లయితే). ఆ తరువాత, పెంటియమ్ 4 ఎక్స్‌ట్రీమ్ ఎడిషన్‌ను ప్రెస్కోట్ కోర్‌కు మార్చారు. కొత్త 3.73 GHz ఎక్స్‌ట్రీమ్ ఎడిషన్ 6x0-శ్రేణి ప్రెస్కోట్ 2M మాదిరిగా ఒకే సదుపాయాలు కలిగివుంది, అయితే దీనిలో 1066 MHz బస్ ఉంటుంది. అయితే ఆచరణలో 3.73 GHz పెంటియమ్ 4 ఎక్స్‌ట్రీమ్ ఎడిషన్ ఎల్లప్పుడూ 3.46 GHz పెంటియమ్ 4 ఎక్స్‌ట్రీమ్ ఎడిషన్ కంటే తక్కువ వేగంతో పనిచేసే ప్రాసెసర్‌గా గుర్తించబడుతుంది, L3 క్యాచీ లేకపోవడం మరియు పొడవైన ఆదేశ మార్గం కారణంగా ఇది వేగం విజయంలో 3.46 GHz పెంటియమ్ 4 ఎక్స్‌ట్రీమ్ ఎడిషన్ కంటే వెనుకబడింది. 3.46 GHz పెంటియమ్ 4 ఎక్స్‌ట్రీమ్ ఎడిషన్‌తో పోలిస్తే 3.73 GHz పెంటియమ్ 4 ఎక్స్‌ట్రీమ్ ఎడిషన్‌లో మెరుగుదల ఏమిటంటే ఇది 64-బిట్ అనువర్తనాలను అమలు చేయగల సామర్థ్యం ఉంటుంది, అన్ని గల్లాటిన్-ఆధారిత పెంటియమ్ 4 ఎక్స్‌ట్రీమ్ ఎడిషన్ ప్రాసెసర్‌లలో ఇంటెల్ 64 ఆదేశ సమితి ఉండదు.

ఎన్నడూ బాగా విక్రయించబడిన ప్రాసెసర్‌గా నిలవనప్పటికీ, ముఖ్యంగా AMD ప్రాసెసర్ పనితీరు పోటీలో దాదాపుగా పూర్తి ఆధిపత్యం చెలాయిస్తున్న సమయంలో విడుదల కావడం వలన, పెంటియమ్ 4 ఎక్స్‌ట్రీమ్ ఎడిషన్ ఇంటెల్ యొక్క ఉత్పత్తి శ్రేణిలో ఒక కొత్త స్థానాన్ని పొందింది, ఇంటెల్ చిప్‌ల ద్వారా ఉన్నత-స్థాయి సదుపాయాలతో ఆసక్తిగలవారి కోసం ప్రత్యేకంగా తయారు చేసిన ఈ చిప్‌లో సులభంగా ఓవర్‌లాకింగ్‌కు వీలు కల్పించేందుకు అన్‌లాక్డ్ మల్టిప్లైయెర్స్‌ను జోడించారు. దీని స్థానంలో తరువాత పెంటియమ్ ఎక్స్‌ట్రీమ్ ఎడిషన్ (డ్యుయల్-కోర్ పెంటియమ్ D యొక్క ఎక్స్‌ట్రీమ్ వెర్షన్), కోర్ 2 ఎక్స్‌ట్రీమ్, ఇటీవల కోర్ i7 ప్రాసెసర్‌లు విడుదలయ్యాయి.

ప్రెస్కోట్[మార్చు]

పైనుంచి ఒక ఇంటెల్ పెంటియమ్ 4 ప్రెస్కోట్ 640 మోడల్ యొక్క దృశ్యం.
పైనుంచి ఒక పెంటియమ్ 4 ప్రెస్కోట్ 640, 3.2 GHz యొక్క దృశ్యం
కింది నుంచి ఇంటెల్ పెంటియమ్ 4 ప్రెస్కోట్ 640 మోడల్ దృశ్యం.
కిందివైపు నుంచి ఒక పెంటియమ్ 4 ప్రెస్కోట్ 640 యొక్క దృశ్యం

ఫిబ్రవరి 1, 2004న ఇంటెల్ "ప్రెస్కోట్" అనే మారుపేరుతో ఒక కొత్త కోర్‌ను విడుదల చేసింది. ఈ కోర్ మొట్టమొదటిసారి ఒక 90 nm ప్రక్రియను ఉపయోగించింది, ఒక విశ్లేషకుడు దీనిని పెంటియమ్ 4 యొక్క సూక్ష్మనిర్మాణంలో గణనీయమైన మార్పులు చేసిన కోర్‌గా వర్ణించారు-ఇంటెల్ దీనికి పెంటియమ్ 5గా నామకరణం చేయకపోవడం తనను ఆశ్చర్యపరిచిందని పేర్కొన్నారు. [15] ఈ మార్పులు ఎలా ఉన్నప్పటికీ, పనితీరు ప్రయోజనాలు మాత్రమే అస్థిరంగా ఉన్నాయి. ప్రెస్కోట్‌లో రెట్టింపు చేయబడిన క్యాచీ మరియు SSE3 ఆదేశాలు వలన కొన్ని ప్రోగ్రామ్‌లు లబ్ది పొందినప్పటికీ, ఇతరాలు దీని యొక్క పొడవైన ఆదేశ మార్గం కారణంగా ప్రతికూల పరిస్థితులు ఎదుర్కొన్నాయి. ప్రెస్కోట్ యొక్క సూక్ష్మనిర్మాణం అది కొద్దిస్థాయిలో అధిక క్లాక్ వేగాలు ప్రదర్శించేందుకు వీలు కల్పించింది, అయితే ఈ వేగాలు ఇంటెల్ ఊహించిన స్థాయిలో లేకపోవడం గమనార్హం. (ఓవర్‌లాకింగ్ చూడండి .) వేగవంతమైన, పెద్దఎత్తున ఉత్పత్తి చేసిన ప్రెస్కోట్-ఆదారిత పెంటియమ్ 4లు 3.8 GHz వద్ద క్లాక్ వేగాలు ప్రదర్శించాయి. ఇదిలా ఉంటే నార్త్‌వుడ్ చివరకు విల్లామెట్ కంటే 70% అధిక వేగాలను పొందింది, ప్రెస్కోట్ చివరకు నార్త్‌వుడ్ కంటే 12% అధిక వేగాలను మాత్రమే అందుకుంది.

ప్రెస్కోట్ పెంటియమ్ 4‌లో 125 మిలియన్ ట్రాన్సిస్టర్‌లు మరియు 122 mm2 విస్తీర్ణంతో ఒక డై ఉంటాయి.[16][17] ఇది ఒక 90 nm ప్రక్రియలో కాపర్ ఇంటర్‌కనెక్ట్ యొక్క ఏడు స్థాయిలతో సృష్టించబడింది.[17] ఈ ప్రక్రియలో స్ట్రైన్డ్ సిలికాన్ ట్రాన్సిస్టర్‌లు మరియు ఆర్గనోసిలికేట్ గ్లాస్ (OSG)గా కూడా గుర్తించే తక్కువ-K కార్బన్-డోప్డ్ సిలికాన్ ఆక్సైడ్ (CDO) డైఎలక్ట్రిక్ వంటి భాగాలు ఉంటాయి.[17] ప్రెస్కోట్‌ను D1C డెవెలప్‌మెంట్ ఫ్యాబ్ వద్ద, తరువాత F11X ప్రొడక్షన్ ఫ్యాబ్‌లో తయారు చేశారు.[17]

మొదట రెండు ప్రెస్కోట్ శ్రేణులు విడుదలయ్యాయి: అవి E-సిరీస్, దీనిలో ఒక 800 MHz FSB మరియు హైపర్-థ్రెడింగ్ మద్దతు ఉంటాయి, రెండోది తక్కువ-స్థాయి A-శ్రేణి, దీనిలో 533 MHz FSB ఉంటుంది, హైపర్-థ్రెడింగ్ నిష్క్రియాత్మకంగా ఉంటుంది. ఇంటెల్ చివరకు ప్రెస్కోట్‌కు XD బిట్ (ఎక్జిక్యూట్ డిజేబుల్) మరియు ఇంటెల్ 64 సామర్థ్యాలను జోడించింది.

LGA 775 ప్రెస్కోట్ ఒక రేటింగ్ వ్యవస్థను ఉపయోగిస్తుంది, వీటిని 5xx సిరీస్ (సెలెరాన్ Dలు 3xx సిరీస్‌లో భాగంగా ఉన్నాయి, ఇదిలా ఉంటే పెంటియమ్ Mలు 7xx సిరీస్‌లో భాగంగా ఉంటాయి)గా ప్రవేశపెట్టింది. E-సిరీస్ యొక్క LGA 775 వెర్షన్ మోడల్ నెంబర్‌లు 5x0 (520-560)ను ఉపయోగిస్తుంది, A-సిరీస్ యొక్క LGA 775 వెర్షన్ మోడల్ నెంబర్‌లు 5x5 మరియు 5x9 (505-519)లను ఉపయోగిస్తుంది. వేగవంతమైన 570J మరియు 571 3.8 GHz వద్ద క్లాక్ వేగాలను అందుకుంది. 4 GHz పెంటియమ్ 4లను పెద్దఎత్తున తయారు చేసేందుకు ఉద్దేశించిన ప్రణాళికలను ఇంటెల్ విరమించుకుంది, డ్యువల్ కోర్ ప్రాసెసర్‌లను తయారు చేసేందుకు ఈ ప్రణాళికలను కంపెనీ రద్దు చేసింది, కొందరు యూరోపియన్ రీటైలర్‌లు 4 GHz క్లాక్ వేగాలు గల పెంటియమ్ 4 580లను విక్రయించేందుకు ఆసక్తి చూపినప్పటికీ, ఈ ప్రతిపాదనలను ఇంటెల్ పక్కనపెట్టింది.

5x0J సిరీస్ (మరియు ఇప్పుడు దిగువ-శ్రేణి 5x5J మరియు 5x9J సిరీస్‌లకు సమానమైనది) ఇంటెల్ ప్రాసెసర్‌ల శ్రేణికి XD బిట్ (ఎగ్జిక్యూట్ డిజేబుల్) లేదా ఎగ్జిక్యూట్ డిజేబుల్డ్ బిట్ [2]లను పరిచయం చేసింది. ఈ సాంకేతిక పరిజ్ఞానాన్ని AMD x86 శ్రేణికి పరిచయం చేసి, దానికి NX (నో ఎగ్జిక్యూట్) అని నామకరణం చేసింది, ఎక్కువగా స్థాయిలో ఒక బఫర్ ఓవర్‌ఫ్లో అమలు కాకుండా కొన్నిరకాల మోసపూరిత సంకేతాన్ని నిరోధించడంలో సాయపడుతుంది. ప్రెస్కోట్ మద్దతుతో ఇంటెల్ 64 సిరీస్‌ను కూడా ఇంటెల్ విడుదల చేసింది, దీనిలో x86-64 64-బిట్ విస్తరణలను x86 నిర్మాణానికి ఇంటెల్ అమలు చేసింది. ఇవి మొదట F-సిరీస్‌గా విడుదలయ్యాయి, OEMలకు మాత్రమే విక్రయించబడ్డాయి, అయితే తరువాత వీటికి 5x1 సిరీస్‌గా పేరు మార్చి, సాధారణ ప్రజానీకానికి విక్రయించడం జరిగింది. 5x5/5x9 సిరీస్ ఆధారంగా రెండు దిగువ-శ్రేణి ఇంటెల్164-సహిత ప్రెస్కోట్‌లు 506 మరియు 516 మోడల్ నెంబర్‌లతో విడుదలయ్యాయి. 5x0, 5x0J, మరియు 5x1 సిరీస్ ప్రెస్కోట్‌లలో హైపర్ థ్రెడింగ్ ఉంటుంది, వీడియో ఎడిటింగ్ వంటి మల్టీథ్రెడెడ్ సాఫ్ట్‌వేర్‌ను ఉపయోగించే కొన్ని ప్రక్రియలను వేగవంతం చేసేందుకు దీనిని చేర్చారు. 5x1 సిరీస్ 64 బిట్ కంప్యూటింగ్‌కు కూడా మద్దతు ఇస్తుంది.

మొత్తంమీద చివరకు నెట్‌బరస్ట్ సూక్ష్మనిర్మాణంలో చివరి మారుపేరుగా ప్రెస్కోట్ గుర్తింపు పొందింది. దీని తరువాత వచ్చిన పెంటియమ్ M విస్తృత CPU సూక్ష్మనిర్మాణంవైపు మొగ్గుచూపింది, శక్తిని తగ్గించడం మరియు పనితీరు మెరుగుపరచడం కోసం తక్కువ క్లాక్ వేగాలతో వీటిని రూపొందించడం మొదలుపెట్టారు. తక్కువ నిధులతో పని చేసిన ఇజ్రాయెల్ రూపకల్పన బృందం పెంటియమ్ M కోర్‌ను అభివృద్ధి చేశాయి, వీరు ఈ తరువాతి సూక్ష్మనిర్మాణ అమలు బాధ్యతలు స్వీకరించారు.[18] మొబైల్ పెంటియమ్ 4 మరియు పెంటియమ్ 4-M యొక్క పనితీరు మరియు వేడికి సంబంధించిన సమస్యలను పరిష్కరించేందుకు పెంటియమ్ Mను విడుదల చేశారు. మొబైల్ పెంటియమ్ 4తో పోల్చినప్పుడు ఇది తక్కువ వేగాల వద్ద పని చేసినప్పటికీ ఇది గణనీయమైన స్థాయిలో క్లాక్ వేగాన్ని ప్రదర్శించింది. ఉదాహరణకు, 1.6 GHz పెంటియమ్ M సుమారుగా 2.4 GHz మొబైల్ పెంటియమ్ 4కు సమానమైన పనితీరును కనబరుస్తుంది. ల్యాప్‌టాప్‌ల కోసం మాత్రమే ఉద్దేశించి దీనిని తయారు చేసినప్పటికీ, కొందరు తయారీదారులు పెంటియమ్ Mకు మద్దతు ఇచ్చే సాకెట్‌ను ఉపయోగించే డెస్క్‌టాప్ మదర్‌బోర్డ్‌లు తయారు చేసేందుకు ఉపయోగించారు.

ప్రెస్కోట్ 2M (ఎక్స్‌ట్రీమ్ ఎడిషన్)[మార్చు]

ఇంటెల్ 2005 మొదటి త్రైమాసికం సమయానికి ఒక కొత్త ప్రెస్కోట్ కోర్‌ను 6x0 ఉత్పత్తి శ్రేణితో విడుదల చేసింది, దీని మారు పేరు ప్రెస్కోట్ 2M . ప్రెస్కోట్ 2M కూడా కొన్నిసార్లు దీని యొక్క జియాన్ ఉత్పన్నం పేరు ఇర్విండాల్ తో గుర్తించబడుతుంది. దీనిలో ఇంటెల్ 64, XD బిట్, EIST (ఎన్‌హాన్స్‌డ్ ఇంటెల్ స్పీడ్‌స్టెప్ టెక్నాలజీ), Tm2 (3.6 GHz మరియు అంతకంటే ఎక్కువ వేగం గల ప్రాసెసర్‌లు) మరియు 2MB L2 క్యాచీ ఉన్నాయి. అదనంగా చేర్చిన క్యాచీ వలన చేకూరే ఎటువంటి ప్రయోజనమైనా అధిక క్యాచీ లేటెన్సీ ద్వారా తటస్థం చేయబడుతుంది, ఇంటెల్ 64 మోడ్‌ను ఉపయోగిస్తున్నట్లయితే రెట్టింపు పద పరిమాణం కూడా దీనికి కారణమవుతుంది. రెట్టింపు పరిమాణంలో క్యాచీ వేగాన్ని పెంచేందుకు కాకుండా, ప్రదేశాన్ని అందించేందుకు ఉద్దేశించబడింది, తద్వారా 64-బిట్ మోడ్ కార్యకలాపాల పనితీరు మెరుగుపడేలా చేశారు.

6xx శ్రేణి ప్రెస్కోట్ 2Mలలో హైపర్ థ్రెడింగ్ ఉంటుంది, ఇది వీడియో ఎడిటింగ్ వంటి మల్టీథ్రెడడ్ సాఫ్ట్‌వేర్‌లను ఉపయోగించే కొన్ని ప్రక్రియలను వేగవంతం చేసేందుకు ఉద్దేశించబడింది.

నవంబరు 14, 2005న ఇంటెల్ ప్రెస్కోట్ 2M ప్రాసెసర్‌లను VT (వర్చువలైజేషన్ సాంకేతిక పరిజ్ఞానం, మారు పేరు 'వండర్‌పూల్')తో విడుదల చేసింది. ఈ ప్రెస్కోట్ 2M విభాగంలో ఇంటెల్ కేవలం రెండు మోడళ్లను మాత్రమే విడుదల చేసింది: అవి 662 మరియు 672, వరుసగా 3.6 GHz మరియు 3.8 GHz వేగాల వద్ద పని చేస్తాయి.

సెడర్ మిల్[మార్చు]

పెంటియమ్ 4 యొక్క తుది ఉత్పత్తి సెడర్ మిల్ , ఇది జనవరి 5, 2006న విడుదలైంది. ప్రెస్కోట్-ఆధారిత 600 సిరీస్ కోర్ యొక్క డైని నేరుగా 65 nmలకు తగ్గించి విడుదల చేశారు, దీనిలో మరే ఇతర అదనపు ప్రత్యేకతలు లేవు. సెడర్ మిల్‌కు ప్రెస్కోట్ కంటే ఒక తక్కువ ఉష్ణ నిర్గమం ఉంటుంది, దీని కోసం 86 వాట్లతో ఒక TDP ఉంటుంది. 2006 చివరిలో కోర్ యొక్క TDPని 65 వాట్‌లకు తగ్గించారు. దీనిలో ఒక 65 nm కోర్, ఒక 31-దశల మార్గం (ప్రెస్కోట్ మాదిరిగా), 800 MHz FSB, ఇంటెల్ 64, హైపర్-థ్రెడింగ్ మరియు వర్చువలైజేషన్ టెక్నాలజీ ఉంటాయి. ప్రెస్కోట్ 2Mలో మాదిరిగా, సెడర్ మిల్‌లో 2 MB L2 క్యాచీ ఉంటుంది. 3 GHz నుంచి 3.6 GHz వరకు పౌనఃపున్యాలతో పెంటియమ్ 6x1 మరియు 6x3 (ఉత్పత్తి సంకేతం 80552)గా ఇది విడుదలైంది. లిక్విడ్ నైట్రోజెన్ కూలింగ్‌ను ఉపయోగించి ఓవర్‌లాకర్‌లు దీనితో 8 GHz వరకు వేగాన్ని అందుకోగలిగారు.[19] 6x1 పరిధిలో (631, 641, 651, మరియు 661) ఏ ఉత్పత్తికీ వర్చువలైజేషన్ సాంకేతిక పరిజ్ఞానాన్ని ఉపయోగించలేదు. As of 2007, 6x3ను పొందడం సాధ్యపడలేదు, ఇంటెల్ వెబ్‌సైట్‌లో కూడా ఈ ఉత్పత్తి శ్రేణి గురించి ఎటువంటి సమాచారం లేదు.

సెడర్ మిల్ కోర్‌లను ప్రెస్కోట్ కోర్‌లతో కొన్ని అంశాల ద్వారా ప్రత్యేకించవచ్చు, దీనిలో ఇంటెల్ తమ మోడల్ సంఖ్యలకు 1 జోడించింది. అందువలన పెంటియమ్ 4 631, 641, 651 మరియు 661 ఉత్పత్తులు 65 nm మైక్రోప్రాసెసర్‌లు, ఇదిలా ఉంటే పెంటియమ్ 630, 640, 650 మరియు 660లు వరుసగా పైవాటికి సమానమైన 90 nm ఉత్పత్తులు.

సెడర్ మిల్ అనే పేరు ఓరెగాన్‌లోని సెడర్ మిల్‌ను సూచిస్తుంది, ఇంటెల్ యొక్క ఓరెగాన్, హిల్స్‌బోరో కేంద్రాల సమీపంలో ఈ ప్రాంతం ఉంది.

తరువాతి ఉత్పత్తులు[మార్చు]

పెంటియమ్ 4 తరువాత వచ్చిన అసలు ఉత్పత్తి (మారు పేరు) తేజాస్, దీనిని 2005 మధ్యకాలంలో విడుదల చేయాలని భావించారు. ఇదిలా ఉంటే, ఎక్కువ స్థాయిలో TDPల కారణంగా (ఒక 2.8 GHz తేజాస్ 150 W ఉష్ణాన్ని విడుదల చేస్తుంది, ఇదే వేగం గల నార్త్‌వుడ్ సుమారుగా 80 W ఉష్ణాన్ని, ప్రెస్కోట్ దాదాపుగా 100 W ఉష్ణాన్ని విడుదల చేసింది) ప్రెస్కోట్ విడుదల తరువాత కొన్ని నెలలకు ఇది రద్దు చేయబడింది, నెట్‌బరస్ట్ సూక్ష్మనిర్మాణాన్ని పూర్తిగా నిలిపివేశారు, డ్యుయల్-కోర్ పెంటియమ్ D మరియు పెంటియమ్ ఎక్స్‌ట్రీమ్ ఎడిషన్ మరియు సెడర్ మిల్-ఆధారిత పెంటియమ్ 4 HTలను మాత్రం కొనసాగించారు.

మే 2005 నుంచి పెంటియమ్ 4 ఆధారిత డ్యుయల్ కోర్ ప్రాసెసర్‌లు ఇంటెల్ విడుదల చేసింది, పెంటియమ్ D మరియు పెంటియమ్ ఎక్స్‌ట్రీమ్ ఎడిషన్ పేర్లతో ఈ కోర్ ప్రాసెసర్‌లు విడుదలయ్యాయి. ఇంటెల్ యొక్క సమాంతరతకు ఇవి ప్రాతినిధ్యం వహిస్తుంది, ప్రధాన ప్రాసెసర్ శ్రేణి మల్టిపుల్-కోర్‌లు చివరకు పెద్దఎత్తున తయారు చేయాలని భావించింది. వరుసగా 90 nm మరియు 65 nm భాగాలతో వరుసగా స్మిత్‌ఫీల్డ్ మరియు ప్రెస్లెర్ కోడ్ పేర్లతో వచ్చాయి.

పెంటియమ్ 4 యొక్క అంతిమ ఉత్పత్తులు ఇంటెల్ కోర్ 2 ప్రాసెసర్‌లు "కోన్రే" కోర్‌ను ఉపయోగించి కోర్ సూక్ష్మనిర్మాణం ఆధారంగా జులై 27, 2006న విడుదలయ్యాయి. ఇంటెల్ కోర్ 2 ప్రాసెసర్‌లు సింగిల్, డ్యుయల్ మరియు క్వాడ్ కోర్ ప్రాసెసర్‌లుగా విడుదలయ్యాయి. సింగిల్ కోర్ ప్రాసెసర్‌లు ఇంటెల్ కోర్ 2 లైన్‌లో ఉన్నాయి, ప్రధానంగా OEM మార్కెట్ కోసం ఇవి ఉద్దేశించబడ్డాయి, ఇదిలా ఉంటే డ్యుయల్ మరియు క్వాడ్ కోర్ ప్రాసెసర్‌లు రీటైల్ మరియు OEM విక్రయాల కోసం ఉద్దేశించబడ్డాయి.

వీటిని కూడా చూడండి[మార్చు]

  • ఇంటెల్ కోర్ 2
  • ఇంటెల్ పెంటియమ్ 4 మైక్రోప్రాసెసర్‌ల జాబితా
  • అన్ని ఇంటెల్ మైక్రోప్రాసెసర్‌ల జాబితా

గమనికలు మరియు సూచనలు[మార్చు]

  1. "Intel Introduces The Pentium 4 Processor". Intel. Archived from the original on 2007-04-03. సంగ్రహించిన తేదీ 2007-08-14. 
  2. "Intel intros 3.0 GHz quad-core Xeon, drops Pentiums". TG Daily. సంగ్రహించిన తేదీ 2007-08-14. 
  3. "Intel Core 2 Extreme QX9650 45nm Quad Core CPU". PC Magazine. సంగ్రహించిన తేదీ 2007-10-30. 
  4. "The 65 nm Pentium D 900's Coming Out Party: Thermal Design Power Overview". Tom's Hardware. సంగ్రహించిన తేదీ 2007-06-15. 
  5. Anand Lal Shimpi (November 20, 2000). "Intel Pentium 4 1.4GHz & 1.5GHz". Anandtech. 
  6. 6.0 6.1 Scott Wasson (September 10, 2001). "The Pentium 4 gets SDRAM: Two new chipsets". Tech Report. 
  7. వాసన్, స్కాట్. [1]AMD's ఎథ్లాన్ XP 1800+ ప్రాసెసర్/0}, టెక్ రిపోర్ట్, అక్టోబరు 9, 2001.
  8. 8.0 8.1 వాసన్, స్కాట్ అండ్ బ్రౌన్, ఆండ్ర్యూ. పెంటియమ్ 4 'నార్త్‌వుడ్' 2.2 GHz vs. ఎథ్లాన్ XP 2000+, జనవరి 7, 2002.
  9. వాసన్, స్కాట్. AMD's ఎథ్లాన్ XP 2800+ అండ్ NVIDIA's nForce2, టెక్ రిపోర్ట్, అక్టోబరు 1, 2002.
  10. వాసన్, స్కాట్. ఇంటెల్స్ పెంటియమ్ 4 3.2 GHz ప్రాసెసర్, టెక్ రిపోర్ట్, జూన్ 23, 2003.
  11. వాసన్, స్కాట్. AMD's ఎథ్లాన్ XP 3200+ ప్రాసెసర్, టెక్ రిపోర్ట్, మే 13, 2003.
  12. షిలావ్, ఆంటోన్. సడన్ ఓవర్‌లాక్డ్ నార్త్‌వుడ్ డెత సిండ్రోమ్. ఈజ్ ఇట్ స్ట్రేంజ్ దట్ ఓవర్‌లాక్డ్ CPUs ఈవెంట్యువల్లీ డై?, X-బిట్ ల్యాబ్స్, డిసెంబరు 6, 2002.
  13. "Mobile Intel Pentium 4 Processor-M Datasheet". Intel Corp. 
  14. "Intel's Mobile Pentium 4". Intel Corp. 
  15. "Intel's Pentium 4 Prescott processor". The Tech Report. February 2, 2004. సంగ్రహించిన తేదీ 2007-08-28. 
  16. ఇంటె్స్ పెంటియమ్ 4 ప్రాస్కోట్ ప్రాసెసర్ - ది టెక్ రిపోర్ట్
  17. 17.0 17.1 17.2 17.3 గ్లాస్కోవ్‌స్కీ, పీటర్ ఎన్. (2 ఫిబ్రవరి 2004). "ప్రెస్కోట్ పుషెష్ పైప్‌లైనింగ్ లిమిట్స్". మైక్రోప్రాససర్ రిపోర్ట్ .
  18. King, Ian (April 9, 2007). "How Israel saved Intel". The Seattle Times. సంగ్రహించిన తేదీ 2007-09-07. 
  19. "OC Team Italy sets a new world record at 8GHz". NordicHardware. January 22, 2007. సంగ్రహించిన తేదీ 2008-01-11. 

బాహ్య లింకులు[మార్చు]

మూస:Intel processors

"http://te.wikipedia.org/w/index.php?title=పెంటియమ్_4&oldid=1192953" నుండి వెలికితీశారు