బ్లూ బెర్రీ

వికీపీడియా నుండి
ఇక్కడికి గెంతు: మార్గసూచీ, వెతుకు
బ్లూ బెర్రీ
Vaccinium corymbosum
శాస్త్రీయ వర్గీకరణ
రాజ్యం: ప్లాంటే
(unranked): పుష్పించే మొక్కలు
(unranked): యుడికాట్స్
(unranked): Asterids
క్రమం: Ericales
కుటుంబం: Ericaceae
జాతి: Vaccinium
Section: Cyanococcus
Rydb.
Species

See text

బ్లూబెర్రీ చెట్టు అన్ని ఋతువులలో సంవత్సరం పొడవునా పుష్పిస్తూ ఉంటుంది. వీటి వృక్ష శాస్త్రీయ నామం వాక్కీనియం సియానోకోకస్. 10 సెంటీమీటర్ల ఎత్తు నుండి 4 మీటర్ల (13అడుగుల) ఎత్తు పెరిగే ఇవి ఉత్తర అమెరికాలో పెరుగుతాయి. వీటి కాయలు ముదురు నీలం రంగులో వుంటాయి. నేడు బ్లూబెర్రీ సాగు కెనడా, ఐరోపా మరియు ఆసియా ఖండాల్లో కూడా సాగు చేయబడుతోంది. నీలి రంగు బెర్రీ పండ్లుగల Vaccinium ప్రజాతికి చెందిన ఇది Cyanococcus భాగం లోనిది. (క్రాన్ బెర్రీలు మరియు బిల్ బెర్రీలు ఈ జాతికి చెందినవే.) Cyanococcus భాగానికి చెందిన జాతి రకాలు చాలా సాధారణ పండ్లు కలిగి అమ్మకం జరుగుతున్నది. బ్లూ బెర్రీ చెట్టు యొక్క మూలం ఉత్తర అమెరికాకు చెందినది. పొద వలె పెరుగే ఈ బ్లూ బెర్రీ చెట్లను వ్యాపార పరంగా సాగుచేస్తున్నారు. 1930వ సంవత్సరం వరకు యూరప్ లో బ్లూబెర్రీ పరిచయం లేదు.

సాగు[మార్చు]

బ్లూ బెర్రీలు ఆమ్ల గుణం ఉన్న నేలల్లో పెరుగుతాయి. అనగా నేల పి.హెచ్ విలువ 4 నుండి 5.5, నేరుగా ఎండ లేదా కొద్దిగా నీడ ఉండాలి. విత్తనాలు నాటడానికి సంవత్సరం ముందే నేలను సిద్ధం చేసుకోవాలి. నేలలో ఆమ్ల గుణం లేకపోతే సల్ఫర్ గాని అల్యుమీనియం సల్ఫర్ గాని కలుపుకోవాలి. పీట్ మాస్ నేల యొక్క ఆమ్లగుణాన్ని పెంచుతుంది కనుక దాన్ని కూడా వాడవచ్చు. సీడ్ ట్రేలలో విత్తనాలు మొలకెత్తి నర్సరీ ప్యాకెట్లలో మొక్కలుగా 20 సెంటీమీటర్లు ఎదిగిన తర్వాత మొక్కకు మొక్కకు మధ్య 6 నుండి 8 ఎనిమిది అడుగుల దూరం ఉండేలా మొక్కలు నాటుకోవాలి. నాటిన వెంటనే తడి పెట్టాలి. మొదటి 1, 2 సంవత్సరాల వరకూ పుష్పించే పువ్వులను తెంచివేసి 3 వ సంవత్సరం నుండి దిగిబడి పొందాలి. భారతీయ మార్కెట్ లో 1 కేజి బ్లూబెర్రీ కాయలు ధర 1800 రూపాయల వరకూ పలుకుతోంది.

పోషక విలువలు[మార్చు]

100 గ్రాముల బ్లూబెర్రీ కాయల్లో కార్పోహైడ్రేట్లు 14.5 గ్రా, ఫైబర్ 2.4 గ్రా, ఫేట్ 0.3 గ్రా, ప్రొటీన్ 0.7 గ్రా, విటమిన్ ఎ 54 ఐ.యు, లుటిన్ మరియు క్సెన్థిన్ 80 మైక్రో గ్రా, బి1 0.04 మి.గ్రా, బి2 0.04 మి.గ్రా, నియాసిన్ 0.42 మి.గ్రా, బి5 0.1 మి.గ్రా, బి6 0.1 మి.గ్రా, ఫోలేట్ 6 మైక్రో గ్రా, విటమిన్ సి 10 మి.గ్రా, విటమిన్ ఇ 0.6 మి.గ్రా, విటమిన్ కె 19 మైక్రో గ్రా, కేల్షియం 6 మి.గ్రా, ఐరన్ 0.3 మి.గ్రా, మెగ్నిషియం 6 మి.గ్రా, మాంగనీస్ 0.3 మి.గ్రా, ఫాస్పరస్ 12 మి.గ్రా, పొటాషియం 77 మి.గ్రా, జింక్ 0.2 మి.గ్రా ఉంటాయి.

Blueberries, raw
పోషక విలువలు, ప్రతి 100 గ్రాములకు
శక్తి 60 kcal   240 kJ
పిండిపదార్థాలు     14.5 g
- పీచుపదార్థాలు  2.4 g  
కొవ్వు పదార్థాలు 0.3 g
మాంసకృత్తులు 0.7 g
థయామిన్ (విట. బి1)  0.04 mg   3%
రైబోఫ్లేవిన్ (విట. బి2)  0.04 mg   3%
నియాసిన్ (విట. బి3)  0.42 mg   3%
పాంటోథీనిక్ ఆమ్లం (B5)  0.1 mg  2%
విటమిన్ బి6  0.1 mg 8%
ఫోలేట్ (Vit. B9)  6 μg  2%
విటమిన్ సి  10 mg 17%
విటమిన్ ఇ  0.6 mg 4%
విటమిన్ కె  19 μg 18%
కాల్షియమ్  6 mg 1%
ఇనుము  0.3 mg 2%
మెగ్నీషియమ్  6 mg 2% 
భాస్వరం  12 mg 2%
పొటాషియం  77 mg   2%
జింకు  0.2 mg 2%
శాతములు, అమెరికా వయోజనులకు
సూచించబడిన వాటికి సాపేక్షంగా
Source: USDA పోషక విలువల డేటాబేసు

ఉపయోగాలు[మార్చు]

బ్లూ బెర్రీస్ జ్ఞాపక శక్తిని పెంపొందించడమే కాక మెదడు చురుగ్గా ఉండటంలో సహకరిస్తాయి. అన్ని రకాల బెర్రీస్, బ్లాక్ బెర్రీస్, బ్లూ బెర్రీస్, రాస్ప్ బెర్రీస్ లలో రోగనిరోధక శక్తి ఎక్కువగా ఉంటుంది. మెదడుకు కావలసిన అన్ని పోషకాలు వీటిలో పుష్కలంగా ఉన్న ఈ బెర్రీస్ జ్ఞాపక శక్తిని మెరుగుపరచడంలో తోడ్పడతాయి. బ్లూ బెర్రీస్‌, వయోజనులలో జ్ఞపకశక్తి పెరగడానికి దోహదం చేస్తాయని శాస్త్రజ్ఞులు సూచిస్తున్నారు. బ్లూ బెర్రీస్‌లో వుండే యాంటీ 'ఆక్సిడేటివ్‌ ఫైటో కెమికల్స్‌', ఇలా జ్ఞాపక శక్తి పెరుగుదలకి కారణం అని, జర్నల్‌ ఆఫ్‌ అగ్రికల్చరల్‌ అండ్‌ ఫుడ్‌ కెమిస్ట్రీ'లో ప్రచురితమైన ఒక వ్యాసంలో, శాస్త్రజ్ఞులు వివరించారు. గతంలో, బ్లూ బెర్రీస్‌ మేసిన జంతువుల మీద జరిపిన పరిశోధనల ఆధారంగా, వయోజనులలో జ్ఞాపకశక్తి పెరగడానికి బ్లూ బెర్రీస్‌ తోడ్పడతాయని, ఇటీవల జరిపిన అధ్యయన కర్త, రాబర్ట్‌క్రికోరియన్‌ తెలియజేస్తున్నారు. ఆయన తమ సహాధ్యాయులతో సహా, ఎన్నో సంస్థల అండదండలతో, యూనివర్సిటీ ఆఫ్‌ సిన్సినాటీలో ఈ పరిశోధన నిర్వహించారు. 70 ఏళ్ల వయసు పైబడిన వృద్ధుల మీద బ్లూబెర్రీస్‌ జ్యూస్‌ ప్రభావం గురించి, క్రికోరియన్‌, ఆయన బృందం, అసంఖ్యాకమైన పరీక్షలు జరిపారు. అధ్యయన కాలంలో, ఈ స్టడీగ్రూప్‌లోని వృద్ధులు, 2 నుంచి 2 1/2 కప్పుల బ్లూ బెర్రీ రసం సేవించారు. 'కంట్రోల్‌ గ్రూప్‌'గా రూపొందిన మరో బృందం, రెండు నెలల పాటు, రోజూ, మరొక 'పానీయం' సేవించారు. కానీ, 'బ్లూ బెర్రీ జ్యూస్‌' తీసుకున్న వయోన్న వృద్ధులలో, జ్ఞాపకశక్తి బాగా పెరిగింది. ఈ ప్రయోగాల ఫలితాలు ఎంతో, ఆశా జనకంగా వుండడంతో, 'న్యూరో డిజెనరేషన్‌' నిరోధించడానికి, బ్లూ బెర్రీస్‌ ఎంతగానో ఉపకరిస్తాయనే నిర్ణయానికి వచ్చాం అన్నారు. రాబర్ట్‌ క్రికోరియన్‌. బ్లూ బెర్రీస్ - వీటిలో బీటా కెరోటిన్, లూటీన్ అనే కెరోటినాయిడ్లు , అంథోసియానిన్ అనే ఫ్లావనాయిడ్లు, ఎలాజిక్ అనే పోలీఫినైల్, విటమిన్ సి, ఫోలేట్, కాల్షియం, మెగ్నీషియం,పొటాషియం మరియు పీచు పదార్థము ఉన్నాయి .

మూలాలు[మార్చు]

ఇవి కూడా చూడండి[మార్చు]

బ్లూ బెర్రీస్ - వాక్కీనియం సియానోకోకస్

బయటి లింకులు[మార్చు]