మాయామాళవగౌళ రాగము

Mayamalavagowla scale with shadjam at C

మాయామాళవగౌళ రాగము (ఆంగ్లం: Mayamalavagowla : māyāmāḻavagouḻa; సంస్కృతం: मायामाळवगोळ) కర్ణాటక సంగీతంలో 15వ మేళకర్త రాగము. దీనినే మాళవగౌళ రాగము అని కూడా అంటారు. ఇది సుమారు మూడు నాలుగు వందల సంవత్సరాల నుండి వాడుకలోనున్న ప్రాచీన రాగము. ఇది హిందుస్థానీ సంగీతం లోని భైరవ రాగంతో సమానమైనది.

రాగ లక్షణాలు

• ఆరోహణ : స రి గ మ ప ధ ని స

(S R1 G3 M1 P D1 N3 S)

• అవరోహణ : స ని ధ ప మ గ రి స

(S N3 D1 P M1 G3 R1 S)

ఈ రాగం స్వరాలు శుద్ధ ఋషభము, అంతర గాంధారము, శుద్ధ మధ్యమము, శుద్ధ ధైవతము మరియు కాకలి నిషాధము. ఇది 51వ మేళకర్త కామవర్ధిని (పంతువరాళి) రాగానికి సమానమైన శుద్ధ మధ్యమ రాగము.

ఉదాహరణలు

• s:నిన్ను నమ్మియున్నవాడను - రామదాసు కీర్తన.
• దేవీ శ్రీ తులసమ్మ - త్యాగరాజు కీర్తన.
• తులసీ దళములచే సంతోషముగా పూజింతు - త్యాగరాజు కీర్తన.

మాయామాళవగౌళ జన్యరాగాలు

ఈ రాగంలో కొన్ని ప్రముఖమైన జన్యరాగాలు: బౌళి, జగన్మోహిని, గౌళ, గౌళిపంతు, లలిత, నాదనామక్రియ, రేవగుప్తి, సావేవి మరియు మళహరి.

నాదనామక్రియ రాగము

ఉదాహరణలు

• ఏతీరుగ నను దయజూచెదవో ఇనవంశోత్తమ రామా - రామదాసు కీర్తన.
• కోదండ రామ కోదండ రామ - రామదాసు కీర్తన.
• ఏమిర రామ నావల్ల నేర మేమిరా రామ - రామదాసు కీర్తన.
• ఇతరము లెరుగనయ్యా నా - గతి నీవే శ్రీరామయ్యా - రామదాసు కీర్తన.
• నారాయణ యనరాదా మీ - నాలుకపై ముల్లు నాటియున్నదా - రామదాసు కీర్తన.
• రామ పరాకు రఘురామ పరాకు - రామదాసు కీర్తన.
• ఎంతపనిచేసితివి రామ నిన్నేమందు - రామదాసు కీర్తన.

సావేరి రాగము

ఉదాహరణలు

• సీతారామస్వామి నే జేసిన నేరంబేమి - రామదాసు కీర్తన.
• అమ్మ నను బ్రోవవే రఘురాముని - రామదాసు కీర్తన.
• శ్రీరాముల దివ్యనామ స్మరణ చేయుచున్న - రామదాసు కీర్తన.