మా నాన్న నిర్దోషి

మా నాన్న నిర్దోషి
సినిమా పోస్టర్
దర్శకత్వం	కె. వి. నందనరావు
రచన	టి. శారదాంబ (కథ) పాలగుమ్మి పద్మరాజు (మాటలు)
నిర్మాత	ఎస్. వి. ఎన్ రావు అండ్ బ్రదర్స్
తారాగణం	కృష్ణ, విజయనిర్మల
ఛాయాగ్రహణం	వి. ఎస్. ఆర్. స్వామి
కూర్పు	హనుమంత రావు
సంగీతం	పెండ్యాల నాగేశ్వరరావు
నిర్మాణ సంస్థ	మహలక్ష్మీ మూవీస్
విడుదల తేదీ	1970 జనవరి 30 (1970-01-30)
భాష	తెలుగు

మా నాన్న నిర్దోషి 1970 లో కె. వి. నందనరావు దర్శకత్వంలో విడుదలైన కుటుంబ కథా చిత్రం. ఇందులో కృష్ణ, విజయ నిర్మల ముఖ్య పాత్రల్లో నటించారు. అన్యాయంగా జైలు పాలైన తండ్రిని చిన్న పిల్లవాడైన అతని కొడుకు ఎలా విడిపించాడన్నది ఈ చిత్ర కథాంశం. ఈ సినిమా శ్రీదేవికి బాలనటిగా మొదటి సినిమా. ఇందులో శ్రీదేవి కృష్ణ, విజయ నిర్మలకు మేనకోడలు గా నటించింది.

కథ

డాక్టర్ కృష్ణ రాధ ను ప్రేమించి పెళ్ళి చేసుకుంటాడు. ఇది ఆమె తండ్రికి ఇష్టం లేక ఆమెను దూరం చేసుకుంటాడు. కృష్ణ, రాధలకు ఒక కొడుకు పుడతాడు. ఈ లోపు కృష్ణ తాను చేయని ఓ హత్యా నేరంతో జైలుకు వెళ్ళవలసి వస్తుంది. కృష్ణ కొడుకు తన తండ్రిని జైలు నుంచి విడిపించడానికి ఆ హత్య ఎవరు చేశారో కనుక్కొని అతన్ని చట్టానికి పట్టించడం మిగతా చిత్ర కథ.

తారాగణం

• కృష్ణ గా కృష్ణ
• రాధ గా విజయ నిర్మల
• రాధ తండ్రి గా గుమ్మడి వెంకటేశ్వర రావు
• నాగభూషణం
• రాజబాబు
• సూర్యకాంతం
• మిక్కిలినేని
• విజయలలిత
• చిత్తూరు నాగయ్య
• రమాప్రభ
• బేబి శ్రీదేవి

సాంకేతిక వర్గం

• కథ: శారదాంబ
• మాటలు: పాలగుమ్మి పద్మరాజు
• సంగీతం: పెండ్యాల
• నృత్యం: చిన్ని, సంపత్
• ఫొటోగ్రఫీ: విఎస్‌ఆర్ స్వామి
• కూర్పు: ఆర్ హనుమంతరావు
• సమర్పణ: ఎస్ భావనారాయణ
• నిర్మాతలు: ఎస్‌విఎస్ బ్రదర్స్
• దర్శకత్వం: కెవి నందన్‌రావు.

పాటలు

ఈ సినిమాకు పెండ్యాల నాగేశ్వర రావు సంగీత దర్శకత్వం వహించాడు. సి. నారాయణ రెడ్డి అన్ని పాటలు రాశాడు. ఎస్. పి. బాలసుబ్రహ్మణ్యం, జానకి, సుశీల పాటలు పాడారు. ఈ సినిమాకు సహాయ దర్శకుడిగా వ్యవహరించిన దాసరి నారాయణ రావు ఓ బాలల నృత్యరూపకం కోసం పిల్లలకు తనే శిక్షణ ఇచ్చాడు.

• ఏమండీ అబ్బాయి గారు ఎలా ఉన్నారు, గానం. ఎస్ పి బాలసుబ్రహ్మణ్యం, ఎస్ జానకి
• అలకలు తీరిన కన్నులు ఏమనె ప్రియా, గానం ఎస్ పి బాలసుబ్రహ్మణ్యం, పి సుశీల
• ఎంతెంత దూరం , గానం. పి సుశీల, ఎస్ జానకి
• అమ్మ దొంగ చెమ్మచెక్క , గానం ఎస్.జానకి
• ఓ చిన్న నీ కన్నా పెన్నిది ఎవరు, గానం.పి.సుశీల, రమణ
• చిన్నారి పాపలారా పొన్నారి, గానం.పి.సుశీల, ఎస్ జానకి బృందం
• నింగి అంచులు వీడి నేలపై , గానం.ఎస్ పి బాలసుబ్రహ్మణ్యం,ఎస్ జానకి
• నిషాలో నువ్వు నిషాలో నేను , గానం ఎస్ .జానకి
• మీరజాల గలనా నీ ఆనతి , గానం. ఘంటసాల, ఎస్. జానకి
• ఏప్రిల్ ఫూల్ ఏప్రిల్ ఫూల్ అన్నయ్య, గానం ఎస్.జానకి.