ముత్యాలముగ్గు

వికీపీడియా నుండి
ఇక్కడికి గెంతు: మార్గసూచీ, వెతుకు
ముత్యాలముగ్గు (1975)
Mutyalamuggu.jpg
దర్శకత్వం బాపు
నిర్మాణం మద్దాలి వెంకట లక్ష్మీ నరసింహారావు
తారాగణం శ్రీధర్ ,
సంగీత,
రావుగోపాలరావు,
అల్లు రామలింగయ్య,
నూతన్ ప్రసాద్,మాడా,
బేబీ రాధ,
మాస్టర్ మురళి
సంగీతం కె.వి.మహదేవన్
గీతరచన సి.నారాయణ రెడ్డి, గుంటూరు శేషేంద్ర శర్మ, ఆరుద్ర
నిర్మాణ సంస్థ శ్రీ రామ చిత్ర
భాష తెలుగు


ఇది తెలుగు సినిమా ఫ్రేక్షకులు చిరకాలం గుర్తుంచుకోవలసిన ఆణిముత్యం. బాపు దర్శకత్వం, ముళ్ళపూడి వెంకటరమణ మాటలు, ఇషాన్ ఆర్య ఛాయాగ్రహణం, కోన సీమ అందాలు, తెలుగు భాష యాసలు - అన్నీ కలిపి ఈ చిత్రాన్ని ఒక మేలు ముత్యంగా తెలుగువారికి అందజేశాయి. ఇది బాపు దర్శకత్వానికి ఒక మైలురాయి. రావు గోపాలరావు నటనలో ఒక కలికితురాయి.

చిత్రకథ[మార్చు]

ఈ చిత్రంలో ఉత్తర రామాయణం కథ అంతర్లీనంగా కనిపిస్తుంది. ఒక ధనికుల కుర్రాడు అనుకోకుండా ఒక పేదింటి పిల్లను పెళ్ళి చేసుకొంటాడు. ఆ జమీందారు ఆస్తిపై కన్నేసిన ఆ కుర్రాడి మేనమామ వారి సంసారాన్ని విడదీయడానికి ఒక గుమాస్తా (అల్లు రామలింగయ్య) తో కలిసి ఒక దళారీ (రావు గోపాలరావు - కంట్రాక్టరు)తో ఒప్పందం కుదుర్చుకొంటాడు. వారి కుట్ర వల్ల ఆ ఇల్లాలిని శంకించి ఆమెను భర్త దూరం చేసుకొంటాడు. ఆమె ఒక పూజారి ఇంట్లో తల దాచుకొని కవలలను కంటుంది. ఆ పిల్లలు ఆంజనేయ స్వామి అనుగ్రహంతో విడిపోయిన తల్లిదండ్రులను కలుపుతారు.

హిట్టయిన పాటలు[మార్చు]

  • ఏదో ఏదో అన్నది, ఈ మసక వెలుతురు, గూటిపడవలో విన్నది, కొత్త పెళ్ళి కూతురు (గాయకుడు వి.రామకృష్ణ హిట్టయిన పాటలలో ఎంపిక చేయవలసిన పాట)
  • నిదురించే తోటలోకి పాట ఒకటి వచ్చింది, కన్నులలో నీరు తుడిచి కమ్మని కథ చెప్పింది. (గుంటూరు శేషేంద్రశర్మ రాసిన ఏకైక చిత్రగీతం)
  • ఎంతటి రసికుడవో తెలిసెరా.... ఎంతసేపు నీ తుంటరి చూపు
  • ముత్యమంతా పసుపు ముఖమెంతొ ఛాయా, మత్తైదు కుంకుమా బ్రతుకంత ఛాయా - పి.సుశీల
  • శ్రీరామ జయరామ సీతా రామ (మంగళంపల్లి బాలమురళీకృష్ణ)

హిట్టయిన "డయలాగులు"[మార్చు]

ఈ సినిమాలో పాటలకంటే సంభాషణలు ఎక్కువగా ప్రజాదరణ పొందాయి. ఒకటి కాదు. దాదాపు అన్నీను. వాటిని తూర్పు గోదావరి యాసలో రావుగోపాలరావు చెప్పిన తీరు తెలుగువారికి సాహిత్యంలో భాగమై పోయింది.

  • అల్లొల్లొల్లొ - జోగినాధం గారా
  • సెగట్రీ!  ! పైనేదో మర్డరు జరిగినట్టు లేదూ ఆకాసంలో!....సూరీడు నెత్తుటి గడ్డలా లేడూ?, ఎప్పుడూ యదవ బిగినెస్సేనా. మడిసన్నాక కూసంత కలాపోసనుండాల.ఉత్తినే తిని తొంగుంటే మడిసికీ గొడ్డుకూ తేడా ఏటుంటది?
  • అబ్బో ముసలాడు రసికుడేరా!
  • సెరిత్ర సెరిపేసత్తే సెరిగిపోదు. సింపేత్తే సిరిగి పోదు.
  • ఓరంత కట్టపడిపోతన్నావేటిరా కొత్తపెళ్ళి కొడకా
  • ఆ ముక్క నేను లెక్కెట్టుకో మునపే సెప్పాల... డిక్కీలో తోయించేగల్ను జగరత్త

అయితే ఒక్కసారి వచ్చిన మాడా "డవలాగులు" ఊరూరా మోగిపోయాయి

  • మర్డరు కెంత? మెడిసిను సీటుకెంత? కాలు చేయి తియ్యడానికెంత? మర్డరుకూ సీటుకూ ఎంత?కాలు చెయ్యితీయడానికీ, మెడిసిన్ సీటుకీ ఎంత? వోల్ మొత్తం మీత ఏమయినా కన్సెసను ఉంటుందా?

రావుగోపాలరావు సంభాషణలే కాకుండా కాంతారావు,సంగీత లకు రాసిన సంభాషణలు మనసుకు హత్తుకొనేవి చాలాఉన్నాయి.

  • వాడికి స్త్రీజాతిమీద నమ్మకం పోయింది.నాకు మనుషులమీదే నమ్మకంపోయింది.(కాంతారావు ముక్కామల తో)
  • సిఫార్సులతొ కాపురాలు చక్కబడవు.(సంగీత కాంతారావు తో)
  • మీరూ ఇక్కడే ఉండండి నాకు ముగ్గురు పిల్లలనుకుంటాను.(సంగీత కాంతారావు తో)

సినిమా బొమ్మల కొలువు[మార్చు]

సినిగోయర్.కమ్ వారి సౌజన్యంతో

వనరులు[మార్చు]

  • లో వ్యాసం, చిత్రాలు
  • డి.వి.వి.ఎస్.నారాయణ సంకలనం చేసిన మధుర గాయని పి.సుశీల మధుర గీతాలు, జె.పి.పబ్లికేషన్స్, విజయవాడ, 2007.