గోధుమ లడ్డు

గోధుమ లడ్డు

లడ్డూలు
మూలము
మూలస్థానం	దక్షిణ ఆసియా
వంటకం వివరాలు
ప్రధానపదార్థాలు	ఎర్రని గోధుమలు, ఏలకులు,చక్కెర
వైవిధ్యాలు	శనగపిండి ,
ఇతర సమాచారం	పండగలు లేదా మతపరమైన కార్యక్రమాలు

గోధుమ లడ్డు లేదా రవ్వ లడ్డు చాలా రుచిగా ఉంటుంది. శనగపిండితో చేసిన లడ్డు కంటే అతి సులువుగా చేసుకోవచ్చు.

కావలసిన పదార్ధాలు

• ఎర్రని గోధుమలు - ఒక కప్పు
• చక్కెర - ఒకటిన్నర కప్పులు
• ఏలకులు
• ఎండుద్రాక్షలు

తయారుచేయు విధానం

• ఎర్రగోధుమలు శుభ్రంచేసి బూరెల మూకుడులో వేసి దోరగా వేయించాలి. ఈ గోధుమలను తిరగలిలో విసరాలి. పిండి మరీ మెత్తగా కాకుండా, మరీ రవ్వగా కాకుండా మధ్యస్తంగా ఉండాలి.
• చక్కెర తిరగలిలో పోసి మెత్తగా విసురుకోవాలి.
• ఏలకులు పొడి చేసుకొని, ఎండుద్రాక్షలు ఈ గోధుమపిండి, చక్క్రెరపొడితో బాగా కలిపాలి.
• ఈ మిశ్రమంలో రెండు చెంచాల పాలు గాని, నెయ్యి గాని వేసి కలిపితే చక్కగా ముద్దలాగా అవుతుంది.
• దీనితో కావలసినంత పరిమాణంలో ఉండలుగా చుట్టుకోవాలి.

చిట్కాలు

• గోధుమలు వేపి, దంచడం ఈ కాలంలో కష్టం. అందువల్ల కొంతమంది బొంబాయిరవ్వతో తయారుచేస్తారు.
• రవ్వలడ్డు విడిపోకుండా కొంచెం గట్టిగా ఉండదానికి చక్కెరను లేతపాకం చేసి అందులో అన్ని పదార్ధాలు వేసి ఉండలు చుట్టుకుంటారు.