రిచ్ఛర్డ్ స్టెంజెల్

వికీపీడియా నుండి
Not to be confused with Richard Engel.

మూస:Infobox journalist రిచ్ఛర్డ్ "రిక్" స్టెంజెల్ ఒక అమెరికన్ సంపాదకుడు, పత్రికా విలేకరి మరియు రచయిత మరియు టైమ్ మేగజైన్ 16వ మేనేజింగ్ ఎడిటర్.[1] టైమ్ పత్రికలో తన కృషికి గాను ప్రాచుర్యం పొందిన ఇతడు నెల్సన్ మండేలాతో కలిసి రాసిన మండేలా జీవిత చరిత్రతో పాటు అనేక పుస్తకాలు[2] రచించాడు.[3] 2006లో టైమ్ మేనేజింగ్ ఎడిటర్‌గా పాత్ర చేపట్టడానికి ముందు, స్టెంజెల్ జాతీయ రాజ్యాంగ కేంద్రం అధ్యక్షుడు మరియు ప్రధాన కార్యనిర్వాహక అధికారిగా పనిచేసేవాడు.[4]

విషయ సూచిక

బాల్యం మరియు విద్యాభ్యాసం [మార్చు]

స్టెంజెల్ న్యూయార్క్‌లో పుట్టి పెరిగాడు.[4] ఇతడు ప్రిన్స్‌టన్ విశ్వవిద్యాలయంలో చదివాడు మరియు 1975 నేషనల్ ఇన్విటేషన్ టోర్నమెంట్‌లో భాగంగా ప్రిన్స్‌టన్ టైగర్స్ బాస్కెట్‌బాల్ జట్టులో ఆడాడు.[5] ఇతడు ప్రిన్స్‌టన్ మాగ్నా కమ్ లౌడ్ నుండి 1977లో పట్టభద్రుడయ్యాడు.[5] కళాశాల తర్వాత, ఇతడు రోడ్స్ స్కాలర్‌షిప్ గెల్చుకున్నాడు, ఇంగ్లీష్ చదవడానికి, మరియు చరిత్రను క్రిస్ట్ చర్చ్, ఆక్స్‌ఫర్డ్‌లో చదవడానికి ఇంగ్లండ్ పర్యటించాడు.[5]

వృత్తి జీవితం [మార్చు]

ప్రారంభకాల క్రీడాజీవితం [మార్చు]

స్టెంజెల్ 1981[1]లో టైమ్‌ లో చేరాడు, 1980ల మొదట్లో, మధ్యకాలంలో దక్షిణాఫ్రికాపై కథనాలతో పాటుగా పత్రికకు తోడ్పడ్డాడు, ఇతడు రోలింగ్ స్టోన్‌ వ్యవహారాలు కూడా చేపట్టాడు.[2] ఇతడు టైమ్ పత్రికకు సీనియర్ రచయిత, వ్యాసకర్త[5]గా మారాడు, 1988 మరియు 1996 అధ్యక్ష ఎన్నికలు రెండింటినీ పరిశీలించి రచనలు చేశాడు.[1]

టైమ్‌ లో పనిచేస్తున్నప్పుడు, ది న్యూయార్కర్ , ది న్యూ రిపబ్లిక్ , స్పై , మరియు న్యూయార్క్ టైమ్స్ [5] పత్రికలకు కూడా స్టెంజెల్ రాశాడు, టీవీలలో వ్యాఖ్యాతగా కూడా కనిపించాడు, [5], న్యూయార్క్‌లో డెమోక్రాటిక్ పార్టీ సదస్సులో 1992 కామెడీ సెంట్రల్ అయిన ఇన్‌డెసిషన్ '92 కార్యక్రమానికి కూడా తోడ్పడ్డాడు.[6] ప్రాథమికంగా పత్రికా రచయితగా తన అనుభవాలను రంగరిస్తూ, 1988లో స్టెంజెల్, "రాజకీయాలు మరియు ప్రెస్" అనే అంశంపై ప్రిన్స్‌టన్ వద్ద ఒక కోర్సును కూడా బోధించాడు.[5] ఇతడు MSNBCకి అసలు ఆన్-ఎయిర్ కంట్రిబ్యూటర్లలో ఒకడు.[7]

స్టెంజెల్ 1999లో టైమ్ నుంచి వైదొలిగి, 2000 అధ్యక్ష ఎన్నికలో డెమాక్రాటిక్ పార్టీ నామినేషన్ ప్రక్రియలో వైఫల్యం చెందిన బిల్ బ్రాడ్‌లీ సీనియర్ సలహాదారు మరియు ప్రధాన స్పీచ్‌రైటర్‌గా మారాడు.[1]

Time.com [మార్చు]

స్టెంజెల్ 2000[1]లో మళ్లీ టైమ్ పత్రికలో చేరాడు, Time.com మేనేజింగ్ ఎడిటర్‌గా బాధ్యతలు స్వీకరించాడు.[8][9]

2000 మేలో టైమ్ ఇంక్. ప్రకటించిన విధంగా, స్టెంజెల్ ఈ బాధ్యతలకు సంబంధించి రిచ్ఛర్డ్ డంకన్‌ స్థానంలో చేరాడు, న్యూస్ కవరేజ్ మరియు సంపాదకత్వ విషయం పరిశీలనా బాధ్యతలు చేపట్టాడు.[9] ఇతడు టైమ్  పత్రికలో అనేక ఇతర పాత్రలు కూడా నిర్వహించాడు, కొంతకాలం పత్రిక జాతీయ సంపాదకుడిగా కూడా వ్యవహరించాడు.[5]

జాతీయ రాజ్యాంగ కేంద్రం [మార్చు]

స్టెంజెల్ 2004 మార్చ్ 1న ఫిలడెల్ఫియాలోని మ్యూజియం మరియు విద్యా కేంద్రమైన జాతీయ రాజ్యాంగ కేంద్రం అధ్యక్షుడు మరియు CEOగా మారాడు.[4] ఇతడు 2004[10] ఫిబ్రవరిలో టైమ్ జాతీయ సంపాదక బాధ్యతల నుంచి వైదొలిగి, జోసెఫ్ ఎమ్. టొర్సెల్లా స్థానంలో రాజ్యాంగ కేంద్రం సీఈఓగా,[4] చేరాడు, కేంద్రం ప్రతిష్టను పెంచడం, దానికి ఆస్తులను జోడించడం, సందర్శకుల సంఖ్యను పెంచడం వంటి బాధ్యతలు నిర్వహించాడు.[4] రాజ్యాంగ కేంద్రంలో, స్టెంజెల్, పీటర్ జెన్నింగ్స్ ఇనిస్టిట్యూట్ ప్రారంభించడానికి ఆద్యుడయ్యాడు, పత్రికా విలేకరులకు రాజ్యాంగ శిక్షణ ప్రతిపాదించాడు, [11]చరిత్ర, ప్రభుత్వ వ్యవహారాల్లో ఆసక్తి ఉన్న విద్యార్థులకు కాన్‌స్టిట్యూషన్ హై పేరిట ఒక చార్టర్ పాఠశాలను ప్రారంభించాడు, వేసవి ఉపాధ్యాయ సంస్థలను ప్రారంభించాడు, సంస్థకు లిబర్టీ మెడల్ కూడా తీసుకువచ్చాడు.[12]

టైమ్ మేనేజింగ్ ఎడిటర్ [మార్చు]

2006లో స్టెంజెల్ మరోసారి టైమ్ పత్రికలో చేరాడు, ఈ సారి పత్రిక మేనేజింగ్ ఎడిటర్‌గా వచ్చాడు. ఇతడి నియామకాన్ని టైమ్ ఇంక్ ప్రధాన సంపాదకుడు జాన్ హ్యూయే 2006 మే 17న ప్రకటించాడు. అధికారికంగా 2006[5] జూన్ 15న సంస్థ 16వ మేనేజింగ్ ఎడిటర్‌గా విధుల్లో చేరాడు, ఆ సమయానికి సంస్థకు అది 83వ సంవత్సరం.[1] మేనేజింగ్ ఎడిటర్‌గా స్టెంజెల్ ప్రపంచంలోని అతి పెద్ద పత్రికలలో ఒకటైన టైమ్ మరియు Time.com,[5] వ్యవహారాలను అలాగే టైమ్ బుక్స్ మరియు టైమ్ ఫర్ కిడ్స్‌ని కూడా చూసేవాడు.[13]

మేనేజింగ్ ఎడిటర్‌గా స్టెంజెల్ చేసిన తొలి ప్రధాన ప్రకటన ఏదంటే, మార్కెట్లోకి పత్రిక విడుదల తేదీని శుక్రవారానికి మార్చడమే, ఇది జనవరి 2007 ప్రారంభంలో మొదలైంది.[14] దీని తర్వాత, స్టెంజెల్ పత్రిక విషయంలో మార్పులు తీసుకువచ్చాడు, భారీ స్థాయిలో గ్రాఫిక్ డిజైన్‌‌[15]లో మార్పులు చేశాడు. పత్రిక ప్రత్యేక రచనలతో కూడి ఉండాలని, "జీర్ణంకాని సమాచారం" కంటే "విజ్ఞానాన్ని" పెంచేదిగా ఉండాలని కోరిక వెలిబుచ్చాడు. యుద్ధం మరియు రాజకీయాలపై రిపోర్టింగ్‌ని పెంచాడు, Time ని మరింత సంపాదకీయ ప్రాధాన్యత కలిగినదిగా తీర్చిదిద్దాడు. మేనేజింగ్ ఎడిటర్‌గా తన తొలి సంవత్సరంలో స్టెంజెల్ "నీవు" పదాన్ని టైమ్‌ 'స్ "పర్సన్ ఆఫ్ ది ఇయర్"గా ఎంపిక చేశాడు, ఇది అప్పట్లో మీడియా కవరేజ్ మరియు చర్చల్లో విస్తృత ప్రాచుర్యం పొందింది.[8] 2010లో, టైమ్ పత్రిక మరొక సామాజిక మీడియా-స్వభావం కలిగిన "పర్సన్ ఆఫ్ ది ఇయర్"గా ఫేస్‌బుక్ సంస్థాపకుడు మార్క్ జుకెర్‌బెర్గ్‌ని ఎంపిక చేసింది.[16]

2008లో, స్టెంజెల్ టైమ్ పత్రిక చిహ్నంగా ఉండే ఎర్ర అంచును మార్చడాన్ని ఆమోదించాడు. పత్రిక పుట్టినప్పుటినుంచి రెండో సారి మాత్రమే ఇలా జరిగింది. పర్యావరణం మీద కేంద్రీకరించిన ప్రత్యేక సంచిక కోసం పత్రిక అంచుల్ని ఆకుపచ్చరంగులోకి మార్చారు.[17] కవర్, జో రోసెంథాల్ యొక్క సంకేతం ఐ వో జిమాపై పతాకాన్ని ఎగురవేయడంకి చెందిన ఫోటోగ్రాఫ్--మార్పుచేయబడిన రూపంతో ఉండింది--ఇది అమెరికన్ పతాకంకోసం ఒక చెట్టు స్థానంలో వచ్చింది—దీన్ని కొంతమంది వృద్ధుల సముదాయాలు విమర్శించాయి. ఈ విశ్లేషణను వివరిస్తూ, స్టెంజెల్ తన విశ్వాసాన్ని ఇలా ప్రకటించాడు “భూతాపం మరియు వాతావరణ మార్పుపై పోరాడేందుకు ప్రపంచ యుద్ధం IIకి సిద్ధం కావలసిన సూత్ర ప్రాతిపదికన ప్రయత్నాలు జరగవలసి ఉంది.".[18]

స్టెంజెల్ నాయకత్వంలో, టైమ్ పత్రిక ఇరాక్ యుద్ధంపై కవరేజ్ వంటి ప్రపంచ ప్రముఖ ఘటనలను నివేదించింది. ప్రజలు పత్రికను చూసి "మొహం తిప్పేసుకోకుండా" ఉంచడానికి గాను ఇది అవసరమైందని తర్వాత ఇతడు ఒక సంపాదకీయంలో వర్ణించాడు.[19] మరియు 2008 అధ్యక్ష ఎన్నికల ప్రచారం.[20] ఎన్నికల నేపథ్యంలో, అధ్యక్షుడిగా ఎంపికైన బరాక్ ఒబామాను స్టెంజెల్ "పర్సన్ ఆఫ్ ది ఇయర్‌"గా ఎంపిక చేశాడు. దీంతో ఒక్క 2008లోనే ఒబామా టైమ్‌ ముఖ చిత్రంలో 14వ సారి కనిపించినట్లయింది.[21] స్టెంజెల్ టైమ్ పత్రికకు సంపాదకీయాలు రాసేవాడు, వీటిలో తన అత్తమామలను వదిలి వెళ్లినందుకు శిక్షగా తాలిబాన్‌చే ముక్కు, చెవులు కోసివేయబడిన 18 ఏళ్ల ఆప్ఘన్ యువతి చిత్రాన్ని టైమ్'యొక్క ముఖచిత్రంగా వేయడంపై 2010లో ఒక సంచికలో సంపాదకీయం రాసాడు. [22] 2010 డిసెంబర్‌లో టైమ్ ముఖచిత్రం కోసం, స్టెంజెల్ స్కైపెపై వికీలీక్స్ వ్యాఖ్యాత జూలియన్ అసాంజ్‌ని ఇంటర్‌వ్యూ చేశాడు. దీంట్లోనే అసాంజ్ అమెరికా సంయుక్తరాష్ట్రాల విదేశీ కార్యదర్శి హిల్లరీ రోథోమ్ క్లింటన్‌ని రాజీనామా చేయవలసిందిగా కోరాడు. [23]

న్యూస్‌వీక్ పత్రిక 2010 నవంబర్ సంచికలో "పవర్ 50" జాబితాలో 41వ స్థానంలో స్టెంజెల్ నిలిచాడు.[24] ఇతడు CNN యొక్క అమెరికన్ మార్నింగ్[8] మరియు MSNBC యొక్క మార్నింగ్ జో వంటి టీవీ షోలలో పత్రికను ప్రమోట్ చేయడానికి నిత్యం కనిపించేవాడు.[25]

జాతీయ సేవా ఉద్యమం [మార్చు]

2007 సెప్టెంబర్‌లో, స్టెంజెల్ “జాతీయ సేవా విషయం” అనే పేరుతో, టైమ్ ముఖపత్ర వ్యాసం రాశాడు. దీంట్లో, కమ్యూనిటీ సేవలు మరియు స్వచ్ఛంద సేవాతత్వంలో పాల్గొనడానికి రెట్టింపు ప్ర.యత్నాలు చేయవలసిన అవసరముందని ఇతడు వాదించాడు, అధ్యక్ష పదవికి పోటీపడుతున్న అభ్యర్థులు ఈ అంశానికి 2008 అధ్యక్ష ఎన్నికల ప్రచార కార్యక్రమంలో కీలక ప్రాధాన్యతను ఇవ్వవలసిన అవసరముందని కూడా పేర్కొన్నాడు.[26] ఈ వ్యాసం ద్వారా స్టెంజెల్ బి ది ఛేంజ్, సిటీ ఇయర్, సివిక్ ఎంటర్‌ప్రైజెస్, తదితర జాతీయ సేవా బృందాలతో కలిసి సర్వీస్ నేషన్ను ఏర్పర్చడంలో పాత్ర పోషించాడు, దీంట్లో భాగంగా దాదాపు 100 కంటే పైగా సంస్థలు జాతీయ సేవ మరియ స్వచ్ఛంద సేవాతత్వాన్ని ప్రోత్సహించడానికి అంకితమయ్యారు.[27]

2008 సెప్టెంబర్ 11న న్యూయార్క్ నగరంలో కొలంబియా విశ్వవిద్యాలయంలో జాతీయ సేవపై అధ్యక్ష చర్చావేదిగకలో పాల్గొనడానికి ఇద్దరు అమెరికా అధ్యక్ష అభ్యర్థులనూ ఒప్పించగలిగినట్లు సర్వీస్ నేషన్ ప్రకటించింది.[28] స్టెంజెల్, PBS జర్నలిస్ట్ జూడీ ఊడ్రఫ్‌తోపాటు ఈ చర్చావేదిక సహ మోడరేటర్‌గా వ్యవహరించాడు, సెనెటర్లు బరాక్ ఒబామా మరియు జాన్ మెక్‌కెయిన్ ఇద్దరూ జాతీయ సేవకు సంబంధించి తమ పథకాల గురించి కొలంబియా విశ్వవిద్యాలయంలో టీవీ శ్రోతల ముందు ప్రశ్నలకు సమాధానమిచ్చారు.[29][30]

2008 సెప్టెంబర్ 12న న్యూయార్క్‌లో జరిగిన సర్వీస్ నేషన్ సదస్సులో, స్టెంజెల్, కరోలిన్ కెన్నడీ, సెనేటర్ హిల్లరీ క్లింటన్, ప్రథమ మహిళ లారా బుష్ మరియు న్యూయార్క్ నగర మేయర్ మైఖేల్ బ్లూమ్‌బర్గ్‌తో కలిసి ఉపన్యాసకుడిగా పాల్గొన్నాడు.[31] 2009 ఫిబ్రవరిలో, స్టెంజెల్, ఉషర్ రేమాండ్, మాజీ U.S. సెనేటర్, హారిస్ ఊఫోర్డ్ తదితరులతో కలిసి, విద్య, కార్మికులపై యునైటెడ్ స్టేట్స్ హౌస్ కమిటీముందు జాతీయ సేవ ప్రాధాన్యత[32] గురించి చర్చలో పాల్గొన్నాడు, ఈ చర్చ ఎడ్వర్డ్ ఎమ్ కెన్నడీ సర్వ్ అమెరికా చట్టం (H.R. 1388) రూపకల్పనకు దారితీసింది. ఇతర నిబంధనలతో పాటు, ఈ బిల్లు, వేసవి సేవా కార్యక్రమాన్ని ఏర్పర్చడంలో, అనేక అమెరికార్ప్స్ అవకాశాలను కల్పించడంలో, సేవా కేంపెయిన్‌కు జాతీయ వ్యాప్త పిలుపును ఇవ్వడంలో సహాయపడింది.[33]

స్టెంజెల్ రెండు సిటిజెన్ ఆఫ్ ది ఇయర్ అవార్డులను స్వీకరించాడు, వీటిలో ఒకటి 2010లో వచ్చింది, దీన్ని పౌరసత్వంపై వార్షిక జాతీయ సదస్సులో 2010 సెప్టెంబర్ 17న బహూకరించబడింది.[34] 2010 జీవితకాల ఐడియలిజం అవార్డును కూడా ఇతడికి బహూకరించారు, “సేవ చేయడానికి అమెరికన్లకు అవకాశాలు ప్రోత్సహించి, విస్తరించడంలో తను చూపిన నిబద్ధత”కు గాను సిటీ ఇయర్ వాషింగ్టన్ ఇతడికి ఈ అవార్డు బహూకరించింది.[35]

పుస్తకాలు [మార్చు]

దక్షిణాఫ్రికా గ్రామీణ ప్రాంతంలోని ముగ్గురు పురుషుల జీవితాలపై 1990[2]లో రచించిన కాల్పనికేతర రచన జనవరి సూర్యుడు: ఒక రోజు, మూడు జీవితాలు, ఒక దక్షిణాఫ్రికా పట్టణం మరియు, ముఖస్తుతి ప్రజారంజక చరిత్రపై 2000లో రాసిన యు ఆర్ టూ కైండ్: ఎ బ్రీఫ్ హిస్టరీ ఆఫ్ ఫ్లాటరీ పుస్తకంతోపాటు స్టెంజెల్ పలు పుస్తకాలను రచించాడు.[36] అత్యంత తాజాగా ఇతడు ప్రచురించిన పుస్తకం మండేలా మార్గం: జీవితం, ప్రేమ, సాహసం పదిహేను పాఠాలు 2010 మార్చిలో విడుదలైంది, ఇది నెల్సన్ మండేలాతో స్టెంజెల్ వ్యక్యిగత ముచ్చట్లపై ఆధారపడి సాగిన రచన.[37] ఈ పుస్తకం అధ్యక్షుడు బిల్ క్లింటన్, దీపక్ చోప్రా, మరియు హర్వర్డ్‌కి చెందిన హెన్రీ లూయిస్ గేట్స్, జూనియర్ వంటివారి ప్రశంసలు పొందింది.[37]

నెల్సన్ మండేలాతో కలిసి మండేలా స్వీయచరిత్రపై రాసిన స్వేచ్ఛకోసం సుదీర్ఘ ప్రయాణం పుస్తకం స్టెంజెల్‌కి మంచి పేరు తెచ్చిపెట్టింది.[3] 1992లో ఇతడు ఈ పుస్తకంపై కృషిచేయడానికి లిటిల్, బ్రౌన్ ప్రచురణకర్తలతో ఒక రహస్య –ఘోస్ట్‌రైటింగ్- ఒప్పందంపై సంతకాలు చేశాడు. ఈ పుస్తక రచనకు అర్హుడైన రచయితగా ఆఫ్రికా జాతీయ కాంగ్రెస్ మొదటగా తన ఆమోదం తెలిపింది కూడా.[3] ఈ పుస్తకం 1995లో ప్రచురించబడింది, దీన్ని ఫైనాన్షియల్ టైమ్స్ ప్రశసిస్తూ ఇలా ప్రకటించింది: “వీరిద్దరి సహకారం 20వ శతాబ్దంలోనే అతి గొప్ప స్వీయచరిత్రలో ఒకదాన్ని రూపొందించింది".[38] స్టెంజెల్ తర్వాత 1996 డాక్యుమెంటరీ చిత్రం మండేలా/2}కు సహ-నిర్మాతగా వ్యవహరించాడు, ఈ చిత్రం అకాడెమీ ఆవార్డ్ కోసం ఎంపిక చేయబడింది.[5]

వ్యక్తిగత జీవితం [మార్చు]

స్టెంజెల్ దక్షిణాఫ్రికా నివాసి అయిన మేనీ ఫ్పాఫ్‌ని పెళ్లి చేసుకున్నాడు. వారికి ఇద్దరు పిల్లలు ఉన్నారు.[5] స్టెంజెల్ దక్షిణాఫ్రికాలో నెల్సన్ మండేలా జీవిత చరిత్రపై పనిచేస్తున్నప్పుడు వీరిద్దరూ కలుసుకున్నారు మరియు మండేలా వారి మొట్టమొదటి కుమారుడు గాబ్రియేల్‌కి తాతయ్యగా ఉండేవాడు.[39]

సూచనలు [మార్చు]

  1. ↑ 1.0 1.1 1.2 1.3 1.4 1.5 Katharine Q. Seelye. "Richard Stengel Is Chosen to Be Top Editor at Time", 18 May 2006. Retrieved on 3 November 2010.
  2. ↑ 2.0 2.1 2.2 Anne Marie Welsh. "Journalist Paints a South African Reality", 20 May 1990.
  3. ↑ 3.0 3.1 3.2 David Beresford. "Ghost Writer Hired To Speed Way Of Mandela Story", 13 November 1992.
  4. ↑ 4.0 4.1 4.2 4.3 4.4 Associated Press. "Paper: Time magazine editor to be new National Constitution Center president", 2 February 2004.
  5. ↑ 5.00 5.01 5.02 5.03 5.04 5.05 5.06 5.07 5.08 5.09 5.10 5.11 "Richard Stengel Named Managing Editor of Time". Timewarner.com. 17 May 2006. Retrieved 3 November 2010. 
  6. ↑ Craig Winneker. "Unconventional Wisdom; Comedy Central on Air This Week With 'Indecision '92'", 13 July 1992.
  7. ↑ Richard Stengel. "Author's Bio". richardstengel.com. Archived from the original on 13 February 2005. Retrieved 24 November 2010. 
  8. ↑ 8.0 8.1 8.2 Joe Hagan (4 March 2007). "The Time of Their Lives". New York Magazine. Retrieved 3 November 2010. 
  9. ↑ 9.0 9.1 K.D. Shirkani. "Time Inc. Leafs Through Top Exex", 11 May 2000.
  10. ↑ Keith J. Kelly. "Time National Editor Quits for Museum Job", 3 February 2004.
  11. ↑ "Richard Stengel". ConstitutionCenter.org. Retrieved 1 December 2010. 
  12. ↑ Joseph A. Slobodzian. "Liberty Medal nears its independence", 12 May 2006.
  13. ↑ "Time's Managing Editor Stengel to Deliver Bullion Lecture on April 21", 9 April 2008.
  14. ↑ Patrick Phillips (28 August 2006). "Richard Stengel: 'All the Rules Are Being Remade'". I Want Media.com. Retrieved 3 November 2010. 
  15. ↑ Katharine Q. Seelye (12 March 2007). "With Redesign of Time, Sentences Run Forward". The New York Times. Retrieved 5 December 2010. 
  16. ↑ Lev Grossman. "Person of the Year 2010: Mark Zuckerberg", 15 December 2010. Retrieved on 15 December 2010.
  17. ↑ Richard Stengel. "Why We're Going Green", 17 April 2008.
  18. ↑ "Iwo Jima Vets Slam Time Cover, Dismiss Global Warming As "A Joke"". The Huffington Post. 18 April 2008. Retrieved 3 November 2010. 
  19. ↑ Richard Stengel. "Why We Do What We Do", 6 August 2006. Retrieved on 1 December 2010.
  20. ↑ Richard Stengel. "The Final Lap", 31 October 2010. Retrieved on 1 December 2010.
  21. ↑ Domenico Montanaro (17 December 2008). "Obama appeared on half of Time covers". First Read. MSNBC. Retrieved 1 December 2010. 
  22. ↑ Richard Stengel (29 July 2010). "The Plight of Afghan Women: A Disturbing Picture". Time.com. Time Inc. Retrieved 3 November 2010. 
  23. ↑ Richard Stengel. "TIME's Managing Editor on WikiLeaks", 2 December 2010. Retrieved on 7 December 2010.
  24. ↑ "Newsweek’s Power 50". Newsweek.com. 1 November 2010. Retrieved 3 November 2010. 
  25. ↑ Danny Shea (19 August 2010). "Rick Stengel Shows Up In a Sling to 'Morning Joe'". The Huffington Post. Retrieved 4 November 2010. 
  26. ↑ Richard Stengel (30 August 2007). "The Case For National Service". Time.com. Time Inc. Retrieved 5 November 2010. 
  27. ↑ "Vision". Be The Change Inc.org. ServiceNation. Retrieved 5 November 2010. 
  28. ↑ Adam Lisberg. "John McCain, Barack Obama slated for 9/11 public service forum", 21 August 2008. Retrieved on 5 November 2010.
  29. ↑ "The Spirit of Public Service", 12 September 2008. Retrieved on 5 November 2010.
  30. ↑ Chris Ariens (10 September 2008). "Cable Nets to Carry Presidential Forum". MediaBistro. WebMediaBrands. Retrieved 5 November 2010. 
  31. ↑ "National Service Summit Set For New York City", 21 July 2008. Retrieved on 5 November 2010.
  32. ↑ Ryan Grim (25 February 2009). "Time's Stengel Calls For Action On National Service Bill". The Huffington Post. Retrieved 5 November 2010. 
  33. ↑ Corporation for National & Community Service (30 March 2009). "Highlights of the Edward M. Kennedy Serve America Act". Press release. http://www.nationalservice.gov/about/newsroom/releases_detail.asp?tbl_pr_id=1283. Retrieved 2010-12-07.
  34. ↑ "In Review: 2010 National Conference on Citizenship". National Conference on Citizenship. 28 September 2010. Retrieved 1 December 2010. 
  35. ↑ "Idealism In Action Gala". CityYear.org. Retrieved 1 December 2010. 
  36. ↑ Jonathan Yardley. "Book Review: "You're Too Kind: A Brief History Of Flattery"", 11 June 2000.
  37. ↑ 37.0 37.1 Christina Wilkie (March 2010). "Book party for Time Editor Richard Stengel". The Hill. Capitol Hill Publishing. Retrieved 3 November 2010. 
  38. ↑ Alec Russell. "Mandela's magic", 24 July 2010. Retrieved on 2 December 2010.
  39. ↑ Jose Antonio Vargas (30 March 2010). "Richard Stengel On Mandela: Neither 'Terrorist' Nor Mother Teresa". The Huffington Post. Retrieved 3 November 2010. 

బాహ్య లింకులు [మార్చు]

మరింత చదవడానికి [మార్చు]

  • రిచ్చర్డ్ సెంజెల్; జనవరి సన్: వన్ డే, త్రీ లైవ్స్, ఎ సౌత్ ఆఫ్రికా టౌన్ ; ISBN#0671732889
  • రిచ్చర్డ్ స్టెంజెల్; యు ఆర్ టూ కైండ్: ఎ బ్రీఫ్ హిస్టరీ ఆఫ్ ఫ్లాటరీ ; ISBN#0684854910
  • నెల్సన్ మండేలా; లాంగ్ వాక్ టు ఫ్రీడమ్ ; ISBN#0316855006
  • రిచ్చర్డ్ స్టెంజెల్; మండేలా'స్ వే: ఫిప్టీన్ లెసన్స్ ఆన్ లైఫ్, లవ్, అండ్ కరేజ్ ; ISBN#0307460681
"http://te.wikipedia.org/w/index.php?title=రిచ్ఛర్డ్_స్టెంజెల్&oldid=815191" నుండి వెలికితీశారు