రెడ్డివారి నానబాలు

వికీపీడియా నుండి
ఇక్కడికి గెంతు: మార్గసూచీ, వెతుకు
రెడ్డివారి నానబాలు
శాస్త్రీయ వర్గీకరణ
రాజ్యం: ప్లాంటే
(unranked): పుష్పించే మొక్కలు
(unranked): యుడికాట్స్
(unranked): రోసిడ్స్
క్రమం: మాల్ఫీజియేల్స్
కుటుంబం: యూఫోర్బియేసీ
జాతి: యూఫోర్భియా
ప్రజాతి: యూ. హిర్టా
ద్వినామీకరణం
Euphorbia hirta
L.
పంచ్‌కల్ లోయలో యూఫోర్భియా హిర్టా

రెడ్డివారి నానబాలు వృక్ష శాస్త్రీయ నామం Euphorbia hirta. దీనిని పాలకాడ, నాగార్జుని, పచ్చబొట్లాకు, నానపాల అని కూడా అంటారు. సంస్కృతంలో దుగ్ధికా, హిందీలో దుగ్ధి అని అంటారు. ఆయుర్వేదం వంటి సాంప్రదాయక వైద్య విధానాల్లో ఈ మొక్కను ఆస్థమా వంటి శ్వాసకోశపు వ్యాధులకు, స్త్రీల ఆరోగ్య సమస్యలకు మరియు ఉదరకోశపు వ్యాధులకు నివారణగా వాడతారు.[1]

వ్యాప్తి[మార్చు]

మధ్య అమెరికా ఖండపు ప్రాంతానికి స్థానికమైన ఈ మొక్క ప్రపంచమంతటా ఉష్ణమండల, సమశీతోష్ణ ప్రాంతాలలో కనిపిస్తుంది.[2] భారత దేశపు ఉష్ణ ప్రాంతమంతటా పచ్చిక బయళ్ళలో, బంజరు భూములలో పెరిగే మొక్క. ఇది ఆస్ట్రేలియాలో కూడా కనిపిస్తుంది. ఆఫ్రికాలోని ఉష్ణమండల, సమశీతోష్ణ ప్రాంతాలలో కూడా కనిపిస్తుంది

మొక్క వర్ణన[మార్చు]

సన్నని కాండం గల వార్షికపు మొక్క. మొక్క అంతటా సన్న నూగు ఉంటుంది. ఆకులు కాండానికి ఇరువైపులా ఉంటాయి. మొక్క నుండి స్రవించే పాల లాంటి ద్రవంలో ఉన్న ఆల్కలాయిడ్లు, టర్పినాయిడ్లు మొదలైన పదార్ధాల వళ్ళ ఇది పశుగ్రాసంగా పనికిరాదు. సాధారణంగా ఇది కలుపు మొక్కగా పెరుగుతుంటుంది.[3]

మూలాలు[మార్చు]