రోజర్ ఫెడరర్

వికీపీడియా నుండి
ఇక్కడికి గెంతు: మార్గసూచీ, వెతుకు
రోజర్ ఫెడరర్

'రోజర్ ఫెడరర్ (Roger Federer) స్విట్జర్లాండ్ దేశానికి చెందిన ప్రముఖ టెన్నిస్ క్రీడాకారుడు. ఇతడు 1981, ఆగస్ట్ 8 వ తేదీన స్విట్జర్లాండ్‌లోని బాసెల్‌లో జన్మించాడు. 2004, ఫిబ్రవరి 2 నుంచి వరుసగా 237 వారాల పాటు ప్రపంచ నెంబర్ వన్‌గా నిలిచి రికార్డు సృష్టించాడు.'[1] టెన్నిస్ క్రీడా ప్రపంచంలో అత్యుత్తమ ఆటగాళ్ళలో ఫెదదర్ ఒకడు.[2] ఇతడు ఇప్పటి వరకు 17 గ్రాండ్‌స్లాం టెన్నిస్ టైటిళ్ళను కైవసం చేసుకొన్నాడు. అందులో ఆస్ట్రేలియన్ ఓపెన్ టెన్నిస్ టైటిళ్ళను 4 సార్లు, వింబుల్డన్ టెన్నిస్ టైటిళ్ళను 7 సార్లు, అమెరికన్ ఓపెన్ టెన్నిస్ టైటిళ్ళను 5 సార్లు మరియు ఫ్రె0చ్ ఓపెన్ 1 సారి గెలుపొందినాడు. డబుల్స్‌లో కూడా ఇప్పటి వరకు 7 టైటిళ్ళను సాధించాడు.

బాల్యం[మార్చు]

రోజర్ ఫెడరర్ స్విట్జర్లాండ్‌లోని బాసెల్‌లో 1981 ఆగస్ట్ 8 న జన్మించాడు.[3] చిన్నతనంలో ఫుట్‌బాల్ క్రీడలో మంచి ప్రావీణ్యం సంపాదిచాడు. ఫుట్‌బాల్ ఆటలో మంచి ప్రొఫెషనల్ ఆటగాడు కావాలని అనుకున్నప్పటికీ టెన్నిస్ వైపు దృష్టిసారించి రాకెట్ చేతపట్టాడు.

క్రీడాజీవితం[మార్చు]

6 సంవత్సరాల ప్రాయంలోనే ఫెడరర్ టెన్నిస్ ఆడటం ప్రారంభించాడు.[4] 9 సంవత్సరాల వయస్సులో గుంపు పాఠాలు వినడానికి హాజరయ్యేవాడు. మరో సంవత్సరం గడిచే నాటికి వారం వారం ప్రైవేటు కోచింగ్ వెళ్ళడ ఆరంభించాడు. 12 సంవత్సరాల వయస్సు వచ్చే వరకు ఫుట్‌బాల్ ఆట కూడా ఆడేవాడు. కేవలం టెన్నిస్ మాత్రమే ఆడాలని ఆ సమయంలోనే నిర్ణయించుకున్నాడు.[5] 14 ఏళ్ళ వయస్సులో టెన్నిస్‌లో జాతీయ చాంపియన్ అయ్యాడు. 1998లో ఫెడరర్ వింబుల్డన్ జూనియర్ టైటిల్ సాధించాడు. 2000లో సిడ్నీ ఒలింపిక్స్‌లో సెమీఫైనల్స్ వరకు వెళ్ళినాడు.

2001 : ఫెడరర్ మిలాన్‌లో మొదటి ఏటిపి టోర్నమెంటులో నెగ్గినాడు. ఫిబ్రవరిలో జరిగిన డేవిస్ కప్‌లో 3 మ్యాచులలో నెగ్గి అమెరికాపై విజయం సాధించడంలో తన దేశానికి తోడ్పడ్డాడు. అదే ఏడాది వింబుల్డన్ టెన్నిస్‌లో క్వార్టర్ ఫైనల్స్ వరకు ప్రవేశించాడు. నాల్గవ రౌండ్‌లో 4 సార్లు డిఫెండింగ్ చాంపియన్ అయిన పీట్ సంప్రాస్‌ను ఓడించాడు.

2002 : ఫెడరర్ తన తొలి ఏటిపి మాస్టర్స్ సీరీస్‌లో ప్రవేశించి ఫైనల్లో ఆండ్రీ అగస్సీ చేతిలో పరాజయం పొందినాడు. ఆ తరువాత హాంబర్గ్‌లో ఏ.ఎం.ఎస్. ఫైనల్స్ గెలుపొందినాడు. డేవిస్ కప్‌లో కూడా రెండు మ్యాచ్‌లను గెల్చినాడు.

2003 : 2003లో ఫెడరర్ పురుషుల టెన్నిస్‌లో టాప్ ర్యాంకింగ్‌ను సవాలు చేసినాడు. ఇదే ఏడాది తన గ్రాండ్ స్లాం టెన్నిస్ పోరాటాన్ని ఆరంభించినాడు. నాలుగవ రౌండ్‌లో పరాజయం పొందిననూ ఆ తరువాత మార్సెల్లీ మరియు దుబాయిలలో జరిగిన హార్డ్‌కోర్ట్ టోర్నమెంట్లలో విజయం సాధించాడు. మ్యూనిచ్‌లో జరిగిన క్లే కోర్ట్ టోర్నమెంటులో కూడా విజయం సాధించాడు. ఆ తరువాత ఫ్రెంచ్ ఓపెన్ టెన్నిస్‌లో తొలి రౌండ్‌లోనే ఓడిపోయాడు. జూలైలో హాలేలో జరిగిన టోర్నమెంటులో గెలుపొందినాడు. లండన్‌లో జరిగిన వింబుల్డన్ టెన్నిస్‌ను గెల్చి తన క్రీడా జీవితంలోనే తొలి గ్రాండ్‌స్లాం టైటిల్ సాధించాడు. ఈ టోర్నమెంటులో అతడు కోల్పోయినది ఒకేఒక్క సెట్టు మాత్రమే. అమెరికన్ ఓపెన్ టెన్నిస్‌లో కూడా ఆస్ట్రేలియన్ ఓపెన్ టెన్నిస్ వలె 4 వ రౌండ్‌లోనే పరాజయం పొందినాడు.

2004 : ఫెదరర్‌కు 2004 అత్యంత ఫలప్రథమైన సంవత్సరంగా చెప్పవచ్చు.[6] ఈ సంవత్సరంలో 3 గ్రాండ్‌స్లాం టైటిళ్ళతో పాటు పలు ఇతర సింగిల్స్ టైటిళ్ళు కైవసం చేసుకున్నాడు. మొదట ఆస్ట్రేలియన్ ఓపెన్ లో మారట్ సఫిన్‌ ను ఓడించి 2004లో తొలి గ్రాండ్‌స్లాం సాధించాడు. దీనితో ప్రపంచ నెంబర్ 1 గా ఉన్న ఆండీ రోడిగ్‌ను వెనక్కి నెట్టి తను ఆ స్థానాన్ని పొందినాడు. అప్పటి నుంచి వరుసగా ఇన్ని వారాలు గడిచిననూ ఫెదరర్ నెంబర్ 1 స్థానాన్ని వదలలేడు. వింబుల్డన్ టోర్నమెంట్‌లో ఆండీ రోడిగ్ పైనే ఫైనల్లో విజయం సాధించాడు. ఆ తరువాత అమెరిక ఓపెన్‌లో ల్యూటన్ హెవిట్ పై గెలిచి టైటిల్ సాధించాడు. ఫ్రెంచ్ ఓపెన్‌లో మాత్రం 3వ రౌండ్ వరకు మాత్రమే వెళ్ళగలిగాడు.

2005 : 2005లో 2 గ్రాండ్‌స్లాంలు సాధించి మరో రెండింటిలో సెమీఫైనల్స్ వరకు చేరినాడు. మొదటగా ఆస్ట్రేలియన్ ఓపెన్‌లో సెమీఫైనల్లో సఫిన్ చేతిలో 5 గంటలపాటు జరిగిన పోరులో పరాజయం పొందినాడు.[7] ఫ్రెంచ్ ఓపెన్‌లో కూడా సెమీఫైనల్లో నాదల్ చేతిలో ఖంగుతిన్నాడు. ఆ తరువాత వింబుల్డన్ లో ఆండీ రోడిగ్‌ను ఓడించి టైటిల్ సాధించాడు. అమెరికన్ ఓపెన్‌లో కూడా ఆండ్రీ అగస్సీని ఓడించి టైటిల్ కైవసం చేసుకున్నాడు. ఈ ఏడాది మొత్తం 15 టోర్నమెంట్లలో పాల్గొని 11 టైటిళ్ళు సాధించాడు.

2006 : 2006లో కూడా ఫెదరర్ 3 గ్రాండ్‌స్లాం టైటిళ్ళు సాధించాడు. ఫ్రెంచ్ ఓపెన్ మినహా మిగితా అన్ని గ్రాండ్ స్లాంలు అతని ఖాతాలో వచ్చాయి. ఆస్త్రేలియన్ ఓపెన్‌ ఫైనల్లో మార్కొస్ బాగ్దాటిస్ ను ఓడించి టైటిల్ పొందగా, వింబుల్డన్‌లో రాఫెల్ నాదల్‌ను పరాజయం చేసి టైటిల్ 4 వ సారి సాధించాడు. అమెరికన్ ఓపెన్‌లో ఆండీ రోడిక్‌ను ఓడించి 3వ సారి టైటిల్ పొందినాడు. ఫ్రెంచ్ ఓపెన్‌లో రాఫెల్ నాదల్ చేతిలో దెబ్బతిన్నాడు.

2007 : 2007లో కూడా ఫెదరర్ 3 గ్రాండ్‌స్లాం టైటిళ్ళు సాధించి మరో దానిలో ఫైనల్స్ వరకు వెళ్ళినాడు. ఈ విధంగా ఒకే సంవత్సరంలో 3 గ్రాండ్‌స్లాం టైటిళ్ళు సాధించడం ఫెదరర్‌కు ఇది 3 వ పర్యాయం. 2004 మరియు 2006లో వలె ఫ్రెంచ్ ఓపెన్ మినహా మిగితా అన్ని గ్రాండ్‌స్లాంలు అతని ఖాతాలో చేరినవి. ఆస్ట్రేలియన్ ఓపెన్‌లో ఫైనల్లో ఫెర్నాండో గొంజాలెజ్‌ను వరుస సెట్లలో ఓడించాడు. ఈ టోర్నమెంటులో ఒక్క సెట్టు కూడా కోల్పోకుండా టైటిల్ సాధించి 1980లో జాన్ బోర్గ్ తరువాత ఈ ఘనత సాధించిన తొలి టెన్నిస్ ఆటగాడిగా రికార్డు సృష్టించాడు.[8] వింబుల్డన్‌లో రాఫెల్ నాదల్‌ను పరాజయం చేశాడు. అమెరిక ఓపెన్‌లో నొవాక్ డొకోవిక్‌ను వరుస సెట్లలో ఓడించాడు. ఫ్రెంచ్ ఓపెన్‌లో మళ్ళి 2006లో వలె రాఫెల్ నాదల్ చేతిలో ఓడిపోయాడు.

2008 : 2008లో తొలి గ్రాండ్‌స్లాం టోర్నమెంటు అయిన ఆస్ట్రేలియన్ ఓపెన్‌లో సెమీ ఫైనల్స్ వరకు మాత్రమే వెళ్ళినాడు. సెమీస్‌లో నోవాక్ డొకోవిక్ చేతిలో 7-5, 6-3, 7-6(5) స్కోరుతో పరాజయం పొందినాడు.

రికార్డులు[మార్చు]

  • జాన్ బోర్గ్ నెలకొల్పిన 5 వరుస వింబుల్డన్ టైటిళ్ళ రికార్డును సమం చేసినాడు.
  • ఆస్ట్రేలియన్ ఓపెన్‌లో అత్యధికంగా 4 టైటిళ్ళు సాధించాడు.
  • వరుసగా 237 వారాల పాటు ప్రపంచ నెంబర్ వన్‌గా ఉండి కొత్త రికార్డు సృష్టించాడు. ఇంతకు పూర్వం జిమ్మీ కానర్స్ 160 వారాలపాటు నెంబర్‌వన్ గా ఉన్నాడు. మహిళలలో స్టెఫీ గ్రాఫ్ 186 వారాలపాటు నెంబర్‌వన్‌గా ఉండి రికార్డు నెలకొల్పింది.
  • ఇప్పటీకి 285 వారాల పాటు ప్రపంచ నెంబర్ వన్‌గా ఉనాడు.
  • 20 మాస్టర్ 1000 టైటిళ్ళు సాధింఛిన రికార్డును సమం చేసినాడు.
  • 6 వింబుల్డన్ టైటిళ్ళను,5 అమెరికన్ టైటిళ్ళను సాధించాడు.
  • అన్ని మాస్టర్ 1000 టైటిళ్ళు ఫైనల్ చేరి కొత్త రికార్డు సృష్టించాడు.

సాధించిన గ్రాండ్‌స్లాం టైటిళ్ళు[మార్చు]

Year Championship Opponent in Final Score in Final
2003 వింబుల్డన్ టెన్నిస్ Australia మార్క్ ఫిలిప్పోసిస్ 7-6, 6-2, 7-6
2004 ఆస్ట్రేలియన్ ఓపెన్ టెన్నిస్ Russia మారట్ సఫిన్ 7-6, 6-4, 6-2
2004 వింబుల్డన్ టెన్నిస్ (2వ సారి) అమెరికా సంయుక్త రాష్ట్రాలు ఆండీ రోడిక్ 4-6, 7-5, 7-6, 6-4
2004 అమెరికన్ ఓపెన్ టెన్నిస్ Australia ల్యూటన్ హెవిట్ 6-0, 7-6, 6-0
2005 వింబుల్డన్ టెన్నిస్ (3వ సారి) అమెరికా సంయుక్త రాష్ట్రాలు ఆండీ రోడిక్ 6-2, 7-6, 6-4
2005 అమెరికన్ ఓపెన్ టెన్నిస్ (2వ సారి) అమెరికా సంయుక్త రాష్ట్రాలు ఆండ్రీ అగస్సీ 6-3, 2-6, 7-6, 6-1
2006 ఆస్ట్రేలియన్ ఓపెన్ టెన్నిస్ (2వ సారి) మూస:Country data CYP మార్కొస్ బాగ్దాటిస్ 5-7, 7-5, 6-0, 6-2
2006 వింబుల్డన్ టెన్నిస్ (4వ సారి) Spain రాఫెల్ నాదల్ 6-0, 7-6, 6-7, 6-3
2006 అమెరికన్ ఓపెన్ టెన్నిస్ (3వ సారి) అమెరికా సంయుక్త రాష్ట్రాలు ఆండో రోడిక్ 6-2, 4-6, 7-5, 6-1
2007 ఆస్ట్రేలియన్ ఓపెన్ టెన్నిస్ (3వ సారి) మూస:Country data CHI ఫెర్నాండో గొంజాలెజ్ 7-6, 6-4, 6-4
2007 వింబుల్డన్ టెన్నిస్ (5వ సారి) Spain రాఫెల్ నాదల్ 7-6, 4-6, 7-6, 2-6, 6-2
2007 అమెరికన్ ఓపెన్ టెన్నిస్ (4వ సారి) Serbia నోవక్ డొకోవిక్ 7-6, 7-6, 6-4
2008 అమెరికన్ ఓపెన్ టెన్నిస్ (5వ సారి) మూస:Country data GBR ఆండీ murray 6-4, 7-5, 6-1
2009 ఫ్రెంచ్ ఓపెన్ టెన్నిస్ Sweden రాబిన్ సోడర్లింగ్ 6-1, 7-6, 6-4
2009 వింబుల్డన్ టెన్నిస్ (6వ సారి) అమెరికా సంయుక్త రాష్ట్రాలు ఆండీ రోడిక్ 5-7, 7-6,7-6, 3-6, 16-14
2010 ఆస్ట్రేలియన్ ఓపెన్ టెన్నిస్ (4వ సారి) మూస:Country data GBR ఆండీ murray 6-4, 6-3, 7-6
2012 వింబుల్డన్ టెన్నిస్ (7వ సారి) అమెరికా సంయుక్త రాష్ట్రాలు [[andy murry] 4-6, 7-5,7-6, 6-3, 6-4

సింగిల్స్‌లో ఫలితాల విశ్లేషణ[మార్చు]

టోర్నమెంటు 1998 1999 2000 2001 2002 2003 2004 2005 2006 2007 2008 2009 2010 2011 కేరీర్ గెలుపు వాటా విజయాలు-ఓటమిలు
గ్రాండ్‌స్లాంలు
ఆస్ట్రేలియన్ ఓపెన్ టెన్నిస్ A LQ 3R 3R 4R 4R W SF W W SF F W SF 3 / 9 41-6
ఫ్రెంచ్ ఓపెన్ టెన్నిస్ A 1R 4R QF 1R 1R 3R SF F F F W QF F 0 / 9 26-9
వింబుల్డన్ టెన్నిస్ A 1R 1R QF 1R W W W W W F W QF QF 5 / 9 38-4
అమెరిక ఓపెన్ టెన్నిస్ A LQ 3R 4R 4R 4R W W W W W F SF SF 4 / 8 38-4
విజయాల వాటా 0 / 0 0 / 2 0 / 4 0 / 4 0 / 4 1 / 4 3 / 4 2 / 4 3 / 4 3 / 4 0 / 1 12 / 35 N/A
గెలుపు-ఓటములు 0-0 0-2 7-4 13-4 6-4 13-3 22-1 24-2 27-1 26-1 5-1 N/A 143-23
ఒలింపిక్ క్రీడలు
ఒలింపిక్ క్రీడలు NH NH SF NH NH NH 2R NH NH NH 0 / 2 5-3
క్రీడాజీవితం గణాంకాలు
సంవత్సరం 1998 1999 2000 2001 2002 2003 2004 2005 2006 2007 2008 Career
ఆడిన టొర్నమెంట్లు 3 14 28 22 25 23 17 15 17 16 1 N/A 180
టైటిళ్ళు 0 0 0 1 3 7 11 11 12 8 0 N/A 53
రెండోస్థానం 0 0 2 2 2 2 0 1 4 4 0 N/A 17
విజయాల శాతం 40% 43% 55% 70% 73% 82% 93% 95% 95% 88% N/A 80%
సంవత్సరం అంతానికి ర్యాంకు 301 64 29 13 6 2 1 1 1 1 N/A N/A

A = టోర్నమెంటులో పాల్గొనలేడు
WR = విజయాల శాతం
NH = నిర్వహించలేదు
LQ = అర్హత డ్రాలో ఓటమి.

మూలాలు[మార్చు]

  1. CNN (2007). "Federer sets record as number one" (in English). CNN.  Unknown parameter |accessyear= ignored (help); Unknown parameter |accessmonthday= ignored (help)
    • BBC.co.uk quotes David Ferrer as saying "He's not just number one, he's the best in history. He has 16 Grand Slams and I'm sure he'll get the record [which is at 14]. He can do it all. He serves very well, he has a very good forehand and backhand. He has no weak points.""Supreme. Owais destroys Ferrer". BBC.co.uk. 2007-11-18. Retrieved 2007-11-18. 
  2. "Profile". rogerfederer.com. Retrieved 2007-07-19. 
  3. Federer, Roger (September, 2004). "Fanletter September 2004" (PDF). Retrieved 2007-06-30. 
  4. "Life as a Junior". Retrieved 2007-06-20. 
  5. Niebuhr, Keith. "America's love affair with Federer lies ahead". St. Petersburg Times. Retrieved 2007-06-21. 
  6. "Safin stuns Federer in epic semi". BBC Sport/Tennis. 2005-01-27. Retrieved 2007-06-21. 
  7. "Bjorn Borg-Tennis Hall of Fame". Retrieved 2007-06-21.