వంగర వెంకటసుబ్బయ్య

వికీపీడియా నుండి
ఇక్కడికి గెంతు: మార్గసూచీ, వెతుకు

తెలుగు సినిమా మరియు నాటక రంగాలలో వంగర గా ప్రసిద్ధులైన హాస్యనటులు వంగర వెంకట సుబ్బయ్య (Vangara Venkata Subbaiah). వీరు ఒంగోలు తాలూకాలో 1897, నవంబరు 24న జన్మించారు.


తెనాలిలో స్థిరనివాసం ఏర్పరచుకుని స్థానం వారితో చేరి 'శ్రీకృష్ణ తులభారం' నాటకంలో వసంతకుడు వేషం వేసి కళాహృదయుల మన్ననలందుకున్నారు. వీరు ఇంకా 'విప్రనారాయణ', 'సక్కుబాయి' మొదలగు నాటకాలలో హాస్య భూమికలను పోషించారు. 1937లో విప్రనారాయణ చిత్రంలో శిష్యుడుగా వేషంవేసి, ఆంధ్ర సినిమా ప్రేక్షకుల మీద సమ్మోహనాస్త్రాన్ని ప్రయోగించారు. తరువాత బాలయోగిని చిత్రంలో ప్రధాన భూమికను పోషించారు. వీరు ఇంచుమించు వందకు పైగా తెలుగు చిత్రాలలో నటించారు. వీటిలో పెద్దమనుషులు, కన్యాశుల్కం, లక్ష్మమ్మ, ప్రియురాలు, లక్ష్మి, చక్రపాణి, పల్నాటి యుద్ధం, తెనాలి రామకృష్ణ, శ్రీకృష్ణ తులాభారం, గీతాంజలి, మంత్రదండం, పేరంటాలు, శాంతి, సక్కుబాయి ముఖ్యమైనవి.

చిత్రసమాహారం[మార్చు]

  • పరమానందయ్య శిష్యుల కథ (1966)
  • బభృవాహన (1964)
  • నర్తనశాల (1963)
  • తిరుపతమ్మ కథ (1963)
  • భీష్మ (1962)
  • మహాకవి కాళిదాసు (1960)
  • శ్రీ వేంకటేశ్వర మహాత్మ్యము (1960)
  • చెంచులక్ష్మి (1958)
  • మాంగల్యబలం (1958)
  • మాయాబజార్ (1957) .... శాస్త్రి
  • పాండురంగ మహాత్మ్యం (1957)
  • తెనాలి రామకృష్ణ (1956)
  • ఏది నిజం (1956) ....పూజారి
  • కన్యాశుల్కం (1955) .... కరటక శాస్త్రి
  • పెద్దమనుషులు (1954)
  • ధర్మదేవత (1952) .... దువ్వ
  • మల్లీశ్వరి (1951)
  • షావుకారు (1950)
  • లక్ష్మమ్మ (1950)
  • మనదేశం (1949)
  • రక్షరేఖ (1949)
  • పల్నాటియుద్ధం (1947) .... సుబ్బన్న
  • రైతుబిడ్డ (1939)
  • మాలపిల్ల (1938)
  • బాలయోగిని (1936)

మూలాలు[మార్చు]

  • 20వ శతాబ్ది తెలుగు వెలుగులు, పొట్టి శ్రీరాములు తెలుగు విశ్వవిద్యాలయము, హైదరాబాదు, 2005.
  • నటరత్నాలు, డా. మిక్కిలినేని రాధాకృష్ణమూర్తి, సీతారత్నం గ్రంధమాల, విజయవాడ, 2002, పేజీలు: 434-436.

బయటి లింకులు[మార్చు]