విజయలలిత

విజయలలిత (జ. జూన్ 17, ) 1970వ దశకములోని తెలుగు సినిమా నటి. ప్రసిద్ధ తెలుగు సినిమా తార విజయశాంతి చిన్నమ్మ. శృంగార నాట్యతారగా సినీ జీవితాన్ని ప్రారంభించి, హీరోయిన్‌గాను ఆ తర్వాత నిర్మాతగానూ తన క్రమశిక్షణ వల్ల ఎదిగింది.

విజయలలిత 1960లు, 70లలో అనేక తెలుగు సినిమాలలో నటించింది. సాధు ఔర్ షైతాన్, రాణీ మేరా నామ్, హథ్‌కడీ వంటి కొన్ని హిందీ సినిమాలు, కొన్ని తమిళ చిత్రాలలో నటించింది. ఎన్.టి.రామారావు, అక్కినేని నాగేశ్వరరావు తదితర అగ్రశ్రేణి తెలుగు సినీ నటుల సరసన నటించిన ఈమె లేడీ జేమ్స్‌బాండ్ పాత్రలకు ప్రసిద్ధి. ఈమె నటించిన సినిమాలలో రౌడీరాణి, రివాల్వర్ రాణి, చలాకీ రాణి కిలాడీ రాజా, భలే రంగడు, మనుషుల్లో దేవుడు, కదలడు వదలడు సినిమాలు ప్రసిద్ధమైనవి.

ఈమె ఎంతో క్రమశిక్షణ, సమయపాలనతో కచ్చితమైన సమయానికి సినిమా షూటింగులకు హాజరవుతూ ఉండేది. విజయలలిత ఉదయం 7 గంటలకు కాల్‌ షీట్‌ అంటే 6 గంటలకే మేకప్‌ చేయించుకుని కార్లో వచ్చి 7 గంటలకి షూటింగ్‌ వున్న స్టూడియోకి వచ్చి ఫ్లోర్‌గేట్‌ తాళం తీయక పోయినా, అక్కడే కూర్చునేది ఈ క్రమశిక్షణా ధోరణి వలన ఈమెకు అనేక సినిమాలలో నటించే అవకాశాలు వచ్చాయి. ఈమె దాదాపు 860 సినిమాలలో నటించింది.

చిత్రమాలిక

• సాహసవీరుడు - సాగరకన్య (1996)
• హథ్‌కడీ (1995) (హిందీ)
• ఆడదాని సవాల్ (1983)
• దేవుడు మామయ్య (1981)
• కమలమ్మ కమతం (1979)
• మావూరి మొనగాళ్ళు (1972)
• విచిత్ర దాంపత్యం (1971)
• రౌడీ రాణి (1970)
• అక్కా చెల్లెలు (1970)
• గండర గండడు (1969)
• బస్తీలో భూతం (1968)
• వింత కాపురం (1968)
• సాధూ ఔర్ షైతాన్ (1968) (హిందీ)
• గూఢచారి 116 (1967)
• ప్రైవేటు మాస్టారు (1967)
• సాక్షి (1967)
• చినరాయుడు
• బందిపోటు రుద్రమ్మ
• బస్తీ బుల్‌బుల్ (1971) - ప్రతిమ
• బుల్లెమ్మ బుల్లోడు
• బుల్లెట్ బుల్లోడు
• ఛైర్మెన్ చలమయ్య
• చలాకీ రాణి కిలాడీ రాజా
• ఛండీ చాముండీ
• సి.ఐ.డీ.రాజు
• డాకూ రాణి
• కూతురు కోడలు
• ముగ్గురు మూర్ఖురాళ్ళు
• నిజం నిరూపిస్తా
• ఒక నారి – వంద తుపాకులు (1973) - భవాని
• జగమేమాయ
• జేమ్స్ బాండ్ 777
• పసివాని పగ
• పట్టుకుంటే లక్ష
• ఉత్తమురాలు (1976)

బయటి లింకులు

• ఇంటర్నెట్ మూవీ డేటాబేసు లో విజయలలిత పేజీ