వి.రామకృష్ణ
వికీపీడియా నుండి
వి.రామకృష్ణ (V. Ramakrishna) 1970వ దశకములో ప్రసిద్ధిచెందిన తెలుగు సినిమా నేపథ్య గాయకుడు. ఇరవై సంవత్సరాల సినీ జీవితంలో ఈయన 200 సినిమాలలో 5000కు పైగా పాటలు పాడాడు. రామకృష్ణ పాటలు పాడిన కొన్ని ప్రముఖ చిత్రాలు ముత్యాల ముగ్గు, అందాలరాముడు, భక్త కన్నప్ప, శ్రీ వీరబ్రహ్మంగారి జీవిత చరిత్ర, దానవీరశూర కర్ణ. ఈయన అక్కినేని నాగేశ్వరరావు, ఎన్టీ రామారావు, శోభన్ బాబు వంటి నటులకు పాడారు. కె.వి.మహదేవన్, పెండ్యాల వంటి సంగీతదర్శకులతో పనిచేశారు. అపర ఘంటసాలగా పేరొందిన రామకృష్ణ మద్రాసులో నివసిస్తున్నారు. రామకృష్ణ, రంగసాయి, రత్నం దంపతులకు 1947, ఆగష్టు 20న జన్మించాడు. ప్రముఖ గాయని పి.సుశీల ఈయనకు మేనత్త. ఆకాశవాణిలోని యువవాణి కార్యక్రమంలో చిత్తరంజన్ దర్శకత్వంలో లలితగీతాలతో పాడటం ప్రారంభించాడు.[1]
[మార్చు] సినిమాలు
- విచిత్రబంధం (1972) : వయసే ఒక పూలతోట వలపే ఒక పూలబాట
- అందాల రాముడు (1973)
- తాత మనవడు (1973) : అనుబంధం ఆత్మీయత అంతా ఒక బూటకం
- పల్లెటూరి బావ (1973)
- శారద (1973) : శారదా నను చేరవా ఏమిటమ్మా సిగ్గా ఎరుపెక్కె లేతబుగ్గ
- అల్లూరి సీతారామరాజు (1974) : తెలుగువీర లేవరా (ఘంటసాలతో)
- గుణవంతుడు (1975)
- ముత్యాల ముగ్గు (1975) : ఏదో ఏదో అన్నది..ఈ మసక వెలుతురు
- భక్త కన్నప్ప (1976)
- మహాకవి క్షేత్రయ్య (1976)
- సీతా కళ్యాణం (1976)
- చక్రధారి (1977)
- అమరదీపం (1977) : నా జీవన సంధ్యాసమయంలో ఒక దేవత ఉదయించింది
- దాన వీర శూర కర్ణ (1977)
- శ్రీమద్ విరాట్ వీరబ్రహ్మేంద్రస్వామి చరిత్ర (1984)
- శ్రీ షిర్డీ సాయిబాబా మహత్యం (1986)
- బావ మరదల సవాల్ (1988)
