వేటూరి సుందరరామ్మూర్తి

వికీపీడియా నుండి
ఇక్కడికి గెంతు: మార్గసూచీ, వెతుకు
వేటూరి సుందరరామ్మూర్తి
Veturi sundararamamurthy.jpg
వేటూరి
జననం వేటూరి సుందరరామ్మూర్తి
జనవరి 29, 1936
కృష్ణా జిల్లా పెదకళ్ళేపల్లి
మరణం మే 22, 2010
హైదరాబాదు
నివాస ప్రాంతం హైదరాబాదు, ఆంధ్ర ప్రదేశ్
ఇతర పేర్లు వేటూరి
వృత్తి సినీ గీత రచయిత
పాత్రికేయుడు (పూర్వం)
మతం బ్రాహ్మణ హిందూ
భార్య / భర్త సీతామహాలక్ష్మి
పిల్లలు ముగ్గురు కుమారులు
వేటూరి

వేటూరి గా పిలవబడే వేటూరి సుందరరామ్మూర్తి (1936, జనవరి 29 - 2010, మే 22) సుప్రసిద్ధ తెలుగు సినీ గీత రచయిత. వేటూరి జంట కవులుగా పేరు పొందిన తిరుపతి వేంకట కవులు, దైతా గోపాలం ఆ తర్వాత మల్లాది వద్ద,[1] శిష్యరికం చేశారు. తొలినాళ్ళలో పాత్రికేయునిగా పనిచేసిన వేటూరి కె.విశ్వనాథ్ దర్శకత్వం వహించిన ఓ సీత కథ ద్వారా సినీ రంగ ప్రవేశం చేశారు. తర్వాత కొన్ని వేల పాటలను రాశారు. 8 నంది అవార్డులతో పాటు మొత్తం 14 అవార్డులు, ఒక జాతీయ పురస్కారం అందుకున్నారు. తెలుగు పాటకు శ్రీశ్రీ తర్వాత జాతీయ ఖ్యాతిని ఆర్జించి పెట్టింది వేటూరియే.[2] మహానటుడు నందమూరి తారక రామారావు నటించిన చాలా సినిమాలకి గుర్తుండిపోయే పాటలను రాశారు. 75 సంవత్సరాల వయస్సులో మే 22, 2010 న హైదరాబాదులో గుండెపోటు తో మరణించారు.[3]

జీవిత విశేషాలు[మార్చు]

వేటూరి సుందరరామ్మూర్తి 1936జనవరి 29కృష్ణా జిల్లా, మోపిదేవి మండలం పెదకళ్ళేపల్లిలో జన్మించాడు..[4] మద్రాసులోని ప్రభుత్వ ఆర్ట్స్ కళాశాలలో ఇంటర్మీడియట్, బెజవాడలో డిగ్రీ పూర్తిచేశారు. ఆంధ్ర ప్రభ పత్రిక ఉప సంపాదకుడిగా పనిచేశారు. 1956 నుంచి పదహారేళ్ళపాటు పాత్రికేయ వృత్తిలో ఉన్నారు.[5]

విజయవాడ తుమ్మలపల్లి క్షేత్రయ్య కళాక్షేత్రంలో గల వేటూరి విగ్రహం

సినీ ప్రస్థానం[మార్చు]

కె.విశ్వనాథ్ దర్శకత్వం వహించిన ఓ సీత కథ ద్వారా సినీ రంగ ప్రవేశం చేసిన వేటూరి, సంగీత జ్ఞానాన్నీ పదరచనల బాణీల్నీ స్పష్టంగా వంటబట్టించుకొని ఆ బాణీలతో సినిమాపాటకు వోణీలు వేయించారు. సాంప్రదాయ కీర్తనల్లోని పల్లవుల్ని, పురాణసాహిత్యంలోని పంక్తుల్నీ గ్రహించి అందమైన పాటల్ని అలవోకగా రచించడంలో ఆయన అసాధ్యుడు. వేటూరి అనగానే వెంటనే స్ఫురించేది అడవి రాముడు, శంకరాభరణం. ఇంకా సిరిసిరిమువ్వ, సాగరసంగమం, సప్తపది, సీతాకోకచిలుక, ముద్దమందారం, సితార, అన్వేషణ, స్వాతిముత్యం... ఇలా ఎన్నో సినిమాలు...ఈ సినిమాలలోని అందమయిన అద్బుతమయిన పాటలు!
“పిల్లనగ్రోవికి నిలువెల్లగాయాలు అల్లన మ్రోవిని తాకితే గేయాలు” “నువ్వు పట్టుచీర కడితే ఓ పుత్తడిబొమ్మా ఆ కట్టుబడికి తరించేను పట్టుపురుగు జన్మ” ఉచ్ఛ్వాస నిశ్వాసములు వాయులీనాలు స్పందించు నవనాడులే వీణాగానాలు కదులు ఎదలోని సడులే మృదంగాలు ఇలాంటి అపురూప పదవిన్యాసాలు ఆయన పాటల్లో అడుగడుగునా కనిపిస్తాయి.

వేటూరి చాలా రకాల పాటలను రాసారు. సంప్రదాయ కవిత్వం దగ్గర నుండి జానపద గీతాల వరకు అన్నింటిలోనూ తన ప్రతిభను నిరూపించుకున్నారు.పండితుల నుండి పామరుల వరకు అందరిని అలరించిన విశిష్ట శైలి ఈయన సొంతం. శ్రీశ్రీ తర్వాత తెలుగు సినిమా పాటకి జాతీయ ఉత్తమ సినిమా పాటల రచయిత పురస్కారాన్ని అందించారు. ఆయన మాతృదేవోభవ సినిమాకి రాసిన రాలిపోయే పువ్వా నీకు రాగాలెందుకే... అనే పాటకి 1994వ సంవత్సరానికి గాను ఈ పురష్కారం వచ్చింది. ఇది తెలుగు పాటకు రెండవ జాతీయ పురస్కారం. అయితే కేంద్ర ప్రభుతం తెలుగు భాషకు ప్రాచీన భాషా హోదా ఇవ్వనందుకు నిరసనగా తన పాటకు వచ్చిన జాతీయ పురస్కారాన్ని తిరిగి ఇచ్చి వేసిన మాతృ భాషాభిమానం ఈయన వ్యక్తిత్వ శైలికి ఒక మచ్చు తునక.

కళాతపస్వి కె.విశ్వనాథ్, కె.వి.మహదేవన్ మరియు ఇళయరాజాలతో వేటూరి అద్భుతమైన గీతాలను అందించారు. తను రాసిన పాటలలో తాను గొప్పగా భావించే పాటలు సాగర సంగమంలో తకిట తదిమి తకిట తదిమి తందాన, నాదవినోదము....

పుస్తకాలు, ప్రచురణలు[మార్చు]

పుస్తకం ముఖ చిత్రం ఇతర వివరాలు
px

వేటూరి రేడియో కోసం రాసిన సంగీత నాటిక ఇది. రాయల నాటి తెలుగు సంస్కృతిని, ప్రజా జీవన సరళిని ప్రతిబింభించే కథ. కథా స్థలం కృష్ణా నదీ తీరాన ఆంధ్ర విష్ణు క్షేత్రంగా ప్రసిద్దికెక్కినశ్రీకాకుళం.

Kommakommako sannayi book cover veturi.jpg
  • పేరు :కొమ్మ కొమ్మకో సన్నాయీ [6]
  • రచయిత:వేటూరి సుందరరామ్మూర్తి
  • భాష :తెలుగు
  • ప్రచురణ :2007 వ సంవత్సరం
  • పుటలు : 206
  • వెల :అమెరికా డాలర్లు 3.15 $
  • కొనుటకు: లింక్
    ఉత్తమ సాహితీ సుగందాలు గుబాళించే అజరామర సినీ గీతాలను తెలుగు కళామతల్లి చరణ సుమాలుగా అర్పించి అర్చిస్తున్నసారస్వత మూర్తి నవనవోన్మేష విశిష్ట రచనా స్ఫూర్తి వేటూరి కలం నుండి పల్లవించిన ఎందఱో సినీ మహనీయుల ప్రస్తుతి వ్యాసాలే ఈ కొమ్మ కొమ్మకో సన్నాయీ.

పురస్కారాలు[మార్చు]

సంవత్సరం పురస్కారం పాట భాష సినిమా ఇతర వివరాలు
1977 నంది పురస్కారం మానస వీణా మధుగీతం... తెలుగు పంతులమ్మ
1979 నంది పురస్కారం శంకరా నాదశరీరాపరా తెలుగు శంకరాభరణం
1984 నంది పురస్కారం బృందావని ఉంది తెలుగు కాంచనగంగ
1985 నంది పురస్కారం ఈ దుర్యోధన దుశ్శాసన దుర్వినీతి లోకంలో తెలుగు ప్రతిఘటన
1991 నంది పురస్కారం పావురానికి పంజరానికి పెళ్లిచేసే పాడు లోకం తెలుగు చంటి
1992 నంది పురస్కారం, మనస్విని పురస్కారాలు ఆకాశాన సూర్యుడండడు సంధ్యవేళకి తెలుగు సుందరకాండ
1994 జాతీయ పురస్కారాలు రాలిపోయె పువ్వా నీకు రాగాలెందుకే... తెలుగు మాతృదేవోభవ

కేంద్ర ప్రభుత్వం తెలుగు భాషకు ప్రాచీన భాషా
హోదా ఇవ్వనందుకు నిరసనగా
అవార్డ్ వెనక్కి ఇచ్చేందుకు సిద్ధపడ్డారు.

1994 మనస్విని పురస్కారాలు వేణువై వచ్చాను భువనానికి తెలుగు మాతృదేవోభవ
1993 నంది పురస్కారం ఓడను జరిపే తెలుగు రాజేశ్వరికల్యాణం
2000 నంది పురస్కారం, ఫిల్మ్ ఫేర్ ఉప్పొంగెలే గోదావరి తెలుగు గోదావరి

సంగీతం కె.ఎమ్.రాధాకృష్ణన్]]

వేటూరి కలం నుండి జాలువారిన ప్రతిఅక్షరం విలువైనదే. ఆయన రాసిన ప్రతిపాట గుర్తుంచుకోదగినదే. మూడు దశాబ్దాల కెరిర్‌లో ఎనిమిది నందులు వేటూరికి దక్కాయి.

Veturi received several national and regional awards for his contributions to literature and films. He has been conferred an Honorary Doctorate in the 23rd convocation of Acharya Nagarjuna University.[15] In 2007, he received the Jandhyala Memorial Award.[16] National Awards[edit] He got the National Film Award for Best Lyrics for the song "Ralipoye Puvva" (Telugu: రాలిపోయె పువ్వా) in the film Matrudevobhava,[17]making him the second Telugu film lyricist to achieve the distinction after the revolutionary poet, Sri Sri. In 2006, he declared that he would return the National Award if Telugu is not given the status of Classical Language by the Government of India.[18] In 2008, theGovernment of India declared Telugu as a classical language.[19] he received the Filmfare Lifetime Achievement Award.

బయటి లింకులు[మార్చు]

మూలాలు[మార్చు]

  1. ఈమాట ఆన్ లైన్ సాహిత్య పత్రిక వెబ్ సైట్ నుండి తెలుగు సినిమా పాటఇలపావులూరి విశ్లేషనాత్మక వ్యాసం: తెలుగు సినిమా పాట గురించి... వేటూరి...జూన్ 21,2008న సేకరించబడినది.
  2. ప్రజాశక్తి దినపత్రిక, తేది 23-05-2010
  3. http://www.hindu.com/2010/05/23/stories/2010052362320500.htm
  4. వార్త దినపత్రిక, తేది 23-05-2010
  5. ఈనాడు దినపత్రిక తేది 23-05-2010
  6. 6.0 6.1 ఏ.వి.కె.ఎఫ్.ఫౌండేషన్ వారి అధికారిక వెబ్సైట్ నుండి వేటూరి సుందరరామ్మూర్తివారి రచనల పుస్తకాల వివరాలుజూన్ 21,2008న సేకరించబడినది.

ఇవికూడా చూడండి[మార్చు]

పాటల పూదోట వేటూరి - రంజని తెలుగు సాహితీ సమితి ప్రచురణ