వేదాద్రి

వికీపీడియా నుండి
ఇక్కడికి గెంతు: మార్గసూచీ, వెతుకు
వేదాద్రి
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా కృష్ణా జిల్లా
మండలం జగ్గయ్యపేట
ప్రభుత్వము
 - సర్పంచి
పిన్ కోడ్ 521 457
ఎస్.టి.డి కోడ్ 08654

వేదాద్రి, కృష్ణా జిల్లా, జగ్గయ్యపేట మండలానికి చెందిన గ్రామము. పిన్ కోడ్ నం. 521 457., ఎస్.టి.డి.కోడ్ = 08654.

ఇది విజయవాడ-హైదరాబాదు జాతీయ రహదారి నెం.9లో చిలకల్లుకు 10 కి.మీ. దూరంలో ఉంది.

గ్రామ చరిత్ర[మార్చు]

వేదాద్రి క్షేత్ర మహాత్మ్యాన్ని గురించిన ప్రస్తావన శ్రీనాథుడి 'కాశీ ఖండం' లో కనిపిస్తుంది. ఇక ఎర్రా ప్రగడ, నారాయణ తీర్థులు కూడా ఈ క్షేత్రాన్ని దర్శించినట్టు తెలుస్తోంది.

గ్రామం పేరు వెనుక చరిత్ర[మార్చు]

సోమకాసురుడు అనే రాక్షసుడు బ్రహ్మ దేవుడి దగ్గర నుంచి వేదాలను అపహరించి వాటిని సముద్ర గర్భంలో దాచేశాడు. అప్పుడు శ్రీ మహా విష్ణువు మత్స్యావతారమెత్తి సోమకాసురుడిని సంహరించి వేదాలను రక్షించాడు. అప్పుడు వేదాలు స్వామివారి సన్నిధిలో తరించే భాగ్యాన్ని కలిగించమని కోరడంతో, నరసింహవతారంలో హిరణ్య కశిపుడిని సంహరించిన అనంతరం ఆ కోరిక తీరుతుందని స్వామి చెప్పాడు. తనని అభిషేకించాలని కృష్ణవేణి కూడా ఆరాట పడుతుందనీ, అందువలన తాను వచ్చేంత వరకూ ఆ నదిలో సాలగ్రామ శిలలుగా వుండమంటూ అనుగ్రహించాడు. ఆ తరువాత హిరణ్య కశిపుడిని సంహరించిన అనంతరం, స్వామి అక్కడే అయిదు అంశలతో ఆవిర్భవించాడు.

గ్రామంలో విద్యా సౌకర్యాలు[మార్చు]

గ్రామానికి రవాణా సౌకర్యాలు[మార్చు]

గ్రామములో మౌలిక వసతులు[మార్చు]

వేదాద్రి ఎత్తిపోతల పథకం[మార్చు]

ఎ.పి.ఐ.డి.సి. పరిధిలోని ఈ పథకం ద్వారా, నందిగామ, జగ్గయ్యపేట నియోజకవర్గాల పరిధిలోని 37 గ్రామాలలోని 17,500 ఎకరాల ఆయకట్టు ఉన్నది. ఈ పథకం మొదటిదశ 2004 లోనూ, రెండవదశ ఆ తరువాతా ప్రారంభించినారు. నందిగామ నియోజకవర్గంలో 35 గ్రామాలుండగా, ఈ పథకం ద్వారా కంచల గ్రామం దాకా సాగునీరు అందించవలసియున్నది. రెండు సంవత్సరాల క్రితం, ఈ పథకాన్ని పరిపాలనా సౌలభ్యం కోసం, ఎన్.ఎస్.పి. పరిధిలోనికి మార్చినారు. ప్రస్తుతం ఈ పథకం పనిచేయుటలేదు. [1]

గ్రామములో రాజకీయాలు[మార్చు]

గ్రామ పంచాయతీ[మార్చు]

2013 జులైలో ఈ గ్రామ పంచాయతీకి జరిగిన ఎన్నికలలో శ్రీ జగజ్జీవనరావు, సర్పంచిగా ఎన్నికైనారు. నూతనంగా పంచాయతీ పాలకవర్గం ఏర్పడగానే, తొలి సమావేశంలోనే, గ్రామంలో అంతర్గత రహదారులను అభివృద్ధి చేయాలని తీర్మానం చేసి అమలుపరచినారు. ఇప్పటి వరకు, రు.40 లక్షలతో ఎస్.సి., బి.సి., ఒ.సి. కాలనీలలో అంతర్గత రహదారుల నిర్మాణం పూర్తిచేసినారు. గ్రామంలో అంగన్ వాడీ కేంద్రానికి నూతన భవనాన్ని నిర్మించినారు. గ్రామానికి మంజూరైన 72 వ్యక్తిగత మరుగుదొడ్లలో, 55 పూర్తిచేసి, మిగిలినవాటి నిర్మాణం కొనసాగించుచున్నారు. విద్యాధికుడైన గ్రామ సర్పంచ్, గ్రామాభివృద్ధికోసం ఉన్న వనరులను పరిశీలించుచూ, వాటిని ప్రజోపయోగంగా మలచుచున్నారు. గ్రామానికి మౌలిక సదుపాయాల కల్పనే ధ్యేయంగా ముందుకు సాగుచున్నారు. కొన్ని ప్రాంతాలలో పైపులైనుల మరమ్మత్తులు, పునరుద్ధరణ గూడా నిర్వహించినారు. [2]

గ్రామంలోని దర్శనీయ ప్రదేశములు/దేవాలయాలు[మార్చు]

ఇక్కడ కృష్ణానదీ తీరంలో ప్రసిద్ధి చెందిన శ్రీలక్ష్మీనరసింహస్వామి మందిరం ఉన్నది. ఇక్కడ పంచ నారసింహ ప్రతిమలు ఉన్నాయి. అవి వీర, యోగ, జ్వాల, సాలగ్రామ, లక్ష్మీ నృసింహస్వామి. ముఖ్య దేవాలయములో యోగానంద మరియు లక్ష్మీ నృసింహస్వామి, కొండపైన జ్వాలా నృసింహస్వామి (నిజానికి కొండ గర్భములో దేదీప్యమానమైన వెలుగులతో అనగా జ్వాలలతో ఉన్నాడని ఆ కొండకు గల బిలము ద్వారా లోనికి వెళ్ళిన వారు అంటారు), కృష్ణానది గర్భములో స్నాన ఘట్టమునకు సమీపములో బయటకు కనిపించే రూపం సాలగ్రామము, వేదాద్రికి సమీపములోని గరుడాచల కొండపై వీర నృసింహస్వామి ఉన్నారు. ప్రతి సంవత్సరం వైశాఖ పౌర్ణమికి స్వామి వారి కళ్యాణం వైభవంగా జరుగుతుంది. యోగానంద నృసింహస్వామి వారి మూల రూపము ఈ ప్రపంచములో ఎక్కడా లేనంత సుందరముగా సాలిగ్రామ శిలతో చేయబడి త్రేతాయుగములో ఋష్యశృంగ మహర్షిచే ప్రతిష్ఠింపబడినది. 'విశ్వేశ్వరుడు' క్షేత్ర పాలకుడిగా వ్యవహరించే ఈ క్షేత్రాన్ని దర్శించడం వలన సకల పుణ్య ఫలాలు ప్రాప్తిస్తాయని భక్తుల విశ్వాసం. విశేషమైనటు వంటి పర్వదినాల్లో భారీ సంఖ్యలో భక్తులు తరలి వస్తుంటారు.

గ్రామంలో ప్రధాన పంటలు[మార్చు]

గ్రామంలో ప్రధాన వృత్తులు[మార్చు]

గ్రామములోని ప్రముఖులు (నాడు/నేడు)[మార్చు]

[1] ఈనాడు కృష్ణా; 2014, జులై-30; 3వపేజీ. [2] ఈనాడు కృష్ణా; 2014, సెప్టెంబరు-27; 9వపేజీ.

"http://te.wikipedia.org/w/index.php?title=వేదాద్రి&oldid=1353773" నుండి వెలికితీశారు