వేదిక:ఫోటోగ్రఫి

వికీపీడియా నుండి
ఇక్కడికి గెంతు: మార్గసూచీ, వెతుకు
వేదిక:ఫోటోగ్రఫి
Large format camera lens.png

ఒక వస్తువుని చీకటి వెలుగుల మిశ్రమంలో కెమెరా గా పిలువబడే యంత్రంతో ఫిల్మ్ మీద ( ఇప్పుడు డిజిటల్ ఉపకరణములలో ) చిత్రీకరించే శాస్త్రాన్ని ఫోటోగ్రఫి అంటారు.ఇది ప్రపంచములో అందరికి ఉపయోగపడే శాశ్రీయమయిన కళ. చాయచిత్రీకరణకి కెమెరా,కటకాలు,ఫిల్మ్,ఎన్లార్జర్,ఫోటో పేపర్,రసాయనాలు,కాంతి లేదా వెలుతురు(సూర్య కాంతి),దీపాలు,విద్యుత్ శక్తి కావలసిన వనరులు.మానవుని జీవితాన్ని అత్యధికంగా ప్రభావితం చేసిన చక్రం,విద్యుత్శక్తి,ఫోన్,రైల్,విమానం లాగే ఫోటోగ్రఫీ కూడా అనటం అతిశయోక్తి కాదు.

అసలు ఫోటోగ్రఫి అనే పదం పురాతన గ్రీక్ పదాలయిన φως ఫోస్(light)మరియు γραφη graphê గ్రఫే ("stylus","paintbrush") లేక γραφω graphō గ్రఫో (the verb, "I write/draw"),రెండు పదాల కలయికతో వెలుతురుతో చిత్రీకరణ లేదా చిత్రీకరణ అని అప్పటి చిత్రకారులు పరిశోధకులు వాడటముతో ఫోటోగ్రఫి గా రూపాంతరం చెందింది.

మొట్టమొదట ఛాయాచిత్రాన్ని(ఫోటోగ్రాప్)1826లో నేసెఫార్ నీప్సే (Nicéphore Niépce)అనే ఫ్రెంచ్ పరిశోధకుడు పెవటెర్ (pewter) అనే పల్లెరం మీద చిత్రీకరించాడు.పెట్రోలియం ఉప ఉత్పత్తి అయిన బిటుమేన్ మరియు జుడియా అని పిలువబడే రసాయనం ల మిశ్రమాన్ని పెవటెర్ అనే మెరుగు పెట్టిన పళ్లెం మీద పూసి ఈ ఘనకార్యాన్ని సాధించగాలిగాడు.

డబ్బా కెమెరా (Box camera) తో రసాయనపూత పూసిన గాజు (glass) చాయచిత్ర సంగ్రకాల(photoplate) నుండి ఫిల్మ్ తో, ఇప్పుడు అత్యంత ఆధునిక డిజిటల్ కామేరాలతో కంటికి కనిపించని అత్యంత సూక్ష్మ కణాలని,కనిపించే అన్నిరకాలయిన వాటిని కంటికి కనిపించని కొన్ని లక్షల కిలోమీటర్ల దూరంలోని గ్రహాలని కూడా చక్కగా సహజమయిన రంగులలో చిత్రీకరించే వరకు ఫోటోగ్రఫీ అభివృద్ది చెందింది.

బొమ్మ
Mono Lake Old Marina August 2013 012.jpg

అమెరికా లోని క్యాలిఫోర్నియా లో గల మోనో లేక్ ఫోటో సౌజన్యం:

పాత బొమ్మలు - [[|ఇంకా చదవండి...]]
మార్చు

బయోగ్రఫీ

2008[మార్చు]

  • మిడ్-రేంజ్ ఎస్ ఎల్ ఆర్ తో బాటు వీడియో రికార్డింగ్ కల నికాన్ డి90 విడుదల

2005[మార్చు]

  • నికాన్ డి3 మరియు నికాన్ డి700 విడుదల

1999[మార్చు]

  • సింగిల్ లెన్స్ రిఫ్లెక్స్ కెమెరా నికాన్ డి1 విడుదల

1995[మార్చు]

1992[మార్చు]

  • ఈ ఓ ఎస్ 5 మరియు పవర్ షాట్ 600 (ఇది కెనాన్ యొక్క మొదటి డిజిటల్ కెమెరా) లని కెనాన్ విడుదల చేసినది.

1991[మార్చు]

  • DCS 100 పేరుతో కొడక్ వాణిజ్యపరంగా మొట్టమొదటి డి ఎస్ ఎల్ ఆర్ కెమెరాని అందుబాటులోకి తెచ్చింది

1988[మార్చు]

  • Nippon Kōgaku Kōgyō Kabushikigaisha గా స్థాపించబడిన సంస్థ Nikon Corporation గా మారినది

1987[మార్చు]

  • ఎలెక్ట్రో ఆప్టికల్ సిస్టం (ఈ ఓ ఎస్) శ్రేణిలో మొట్టమొదటిదైన కెనాన్ ఈ ఓ ఎస్ 650 విడుదల

1981[మార్చు]

  • మొట్టమొదటి ఛార్జ్ కపుల్డ్ డివైస్ ని సోనీ మావికా అనే కెమెరాలో వినియోగం. దీనితో ఫిలిం కి తెర పడింది.

1980[మార్చు]

  • నికాన్ ఎఫ్ 3 విడుదల

1976[మార్చు]

  • మైక్రోకంప్యూటర్ తో అనుసంధానించబడిన ప్రపంచం లోనే మొట్టమొదటి కెమెరా ఏఈ-1 ని కెనాన్ రూపొందించినది

1971[మార్చు]

  • కెనాన్ ఎఫ్-1 అనబడు ఎస్ ఎల్ ఆర్ కెమెరాని విడుదల చేసినది
  • నికాన్ ఎఫ్ 2 విడుదల

1965[మార్చు]

  • కెనాన్ పెలిక్స్ అనబడు సింగిల్ లెన్స్ రిఫ్లెక్స్ కెమెరా విడుదల

1963[మార్చు]

  • పోలరాయిడ్ ఇన్స్టంట్ కలర్ ఫిలిం ను కనుగొన్నది

1961[మార్చు]

  • కెనాన్ 7 అనబడు రేంజ్ ఫైండర్ కెమెరా విడుదలైనది

1959[మార్చు]

  • కెనాన్ మొట్టమొదటి చలనచిత్ర కెమెరా అయిన రిఫ్లెక్స్ జూం 8 ని విడుదల చేసినది
  • కెనాన్ 35 ఎం ఎం ఫిలిం సింగిల్ లెన్స్ రిఫ్లెక్స్ కెమెరా అయిన కెనాన్ ఫ్లెక్స్ ని విడుదల చేసినది
  • నికాన్ తన మొట్టమొదటి సింగిల్ లెన్స్ రిఫ్లెక్స్ కెమెరా అయిన నికాన్ ఎఫ్ ని విడులద చేసినది

1958[మార్చు]

  • టెలివిజన్ ప్రసారలకై కెనాన్ జూం కటకాన్ని కనుగొన్నది

1957[మార్చు]

  • నికాన్ తన రేంజ్ ఫైండర్ కెమెరా అయిన నికాన్ ఎస్ పి ని విడుదల చేసినది

1948[మార్చు]

  • మొట్టమొదటి నికాన్ కెమెరా నికాన్ ఐ విడుదల

1940[మార్చు]

  • కెనాన్ మొదటి ఎక్స్-రే కెమెరాని రూపొందించినది

1937[మార్చు]

  • కెనాన్ మాతృ సంస్థ అయిన ప్రెసిషన్ ఆప్టికల్ ఇన్స్ట్రుమెంట్స్ ల్యాబొరెటరీ స్థాపన

1936[మార్చు]

  • అగ్ఫా యొక్క కలర్ ఫిలిం అగ్ఫా కలర్ న్యూ రూపొందించబడినది

1935[మార్చు]

  • మొట్టమొదటి కలర్ ఫిలిం (ఇంటెగ్రల్ ట్రైప్యాక్ లేదా మోనోప్యాక్) ని కోడాక్ కోడాక్రోం పేరు తో పరిచయం చేసింది.

1932[మార్చు]

  • నికాన్ యొక్క Nikkor బ్రాండు పరిచయం

1917[మార్చు]

1908[మార్చు]

  • గాబ్రియల్ లిప్మన్ వ్యతీకరణ పద్ధతి ద్వారా ఫోటోలలో రంగులను పునరుత్పత్తి చేయగల లిప్మన్ ప్లేట్ ను కనుగొన్నాడు

1907[మార్చు]

  • లూమియర్ సోదరులచే ఆటోక్రోం అనే కలర్ ఫోటోగ్రఫీ ప్రక్రియ కనుగొన్నారు

1884[మార్చు]

  • జార్జ్ ఈస్ట్మన్ ఫోటోగ్రఫిక్ ప్లేట్ ల స్థానే ఫిలిం ని ఉపయోగించే సాంకేతికతని కనుగొన్నాడు

1873[మార్చు]

  • జర్మను ఫోటోకెమిస్ట్ హెర్మన్ వోగెల్ ఆకుపచ్చ, పసుపుపచ్చ మరియు ఎరుపు రంగులని గుర్తించగలిగే డై సెన్సిటైజేషన్ అనే ప్రక్రియను కనుగొన్నాడు. ఇదే కలర్ ఫోటోగ్రఫీ ని వాణిజ్య రంగం వైపుకి మరల్చింది

1861[మార్చు]

  • మొట్టమొదటి శాశ్వత కలర్ ఫోటోని తీశారు

1860[మార్చు]

  • లూయీస్ డుకోస్ డు హారోన్ అనే ఫ్రెంచి ఫోటోగ్రఫర్ సబ్ట్రాక్టివ్ మెథడ్ ఆఫ్ కలర్ రీప్రొడక్షన్ (వ్యవకలన పద్ధతి)ని కనుగొన్నాడు

1855[మార్చు]

  • స్కాటిష్ భౌతిక శాస్త్రవేత్త జేంస్ క్లర్క్ మ్యాక్స్వెల్ మూడు రంగుల వేర్పాటు సిద్ధాంతం (త్రీ-కలర్-సెపరేషన్ ప్రిన్సిపల్) ని కనుగొన్నాడు

1851[మార్చు]

  • ఫ్రెడరిక్ స్కాట్ wet plate collodion ప్రక్రియని ప్రచురించాడు

1840[మార్చు]

  • ఇంగ్లీషు ఆవిష్కర్త విలియం హెన్రీ ఫాక్స్ టాల్బట్ సిల్వర్ ప్రక్రియ చిత్రాన్ని శాశ్వతీకరించటానికి డాగ్యురె ప్రక్రియని ఆధారం చేసుకొని దానినే మరింత అభివృద్ధి చేసి నెగిటివ్ లని రూపొందించే క్యాలోటైప్ ప్రక్రియని కనుగొన్నాడు

1839[మార్చు]

  • మార్చి 14: లండన్ రాయల్ సొసైటీ లో సర్ జాన్ హర్షల్ ఈ ఫోటోగ్రఫీ అనే పదాన్ని ప్రపంచానికి పరిచయం చేశాడు
  • ఫిబ్రవరి 25: Vossische Zeitung అనే జర్మను వార్తాపత్రికలో జొహాన్ వాన్ మేడ్లర్ అనే బెర్లిన్ ఖగోళ శాస్త్రవేత్త ఈ పదాన్ని వాడాడు
  • జాన్ హర్షల్ సోడియం థయోసల్ఫేట్ ఫోటోలని స్థిరీకరించి మన్నగలిగేలా చేస్తుందని టాల్బట్ మరియు డాగురె లకి సమాచారమందించాడు. మొదటి గ్లాస్ నెగటివ్ ని తయారు చేశాడు

1838[మార్చు]

  • పాలిష్ చేయించుకోవటానికి ఒక వ్యక్తి కొన్ని నిముషాల బాటు ఆగి ఉండగా, లూయిస్ డాగ్యురె అతనిని చిత్రీకరించాడు

1837[మార్చు]

  • నిసేఫోర్ నీప్సె తో కలసి సిల్వర్ కాంపౌండ్ ల పై ప్రారంభించిన ప్రయోగాలని నీప్సే మరణించిన తర్వాత కూడా కొనసాగించిన లూయీస్ డాగ్యురె డాగ్యురోటైప్ ని కనుగొన్నాడు

1835[మార్చు]

  • ఇప్పటివరకూ తెలిసిన అతి పురాతమైన నెగటివ్ గా గుర్తించబడిన ల్యాకోక్ అబ్బే లోని ఓరియల్ కిటికీ యొక్క ఛాయాచిత్రం తీయబడినది

1834[మార్చు]

1832[మార్చు]

  • బ్రెజిల్ కు చెందిన హెర్క్యులెస్ ఫ్లారెన్స్ ఇంచుమించు డాగ్యురోటైప్ పద్ధతిని అవలంబించి దానిని ఫోటోగ్రఫీ అని వ్యవహరించాడు

1826[మార్చు]

  • నిసేఫోర్ నీప్సె తన కెమెరా అబ్స్క్యూరా తో మొట్టమొదటి శాశ్వత ఫోటోగ్రాఫ్ వ్యూ ఫ్రం ద విండో ఎట్ లే గ్రాస్ (View from the Window at Le Gras) ని సృష్టించటంలో సఫలీకృతులు

1822[మార్చు]

  • ఫ్రెంచి ఆవిష్కర్త నిసేఫోర్ నీప్సె మొట్టమొదటి శాశ్వత చిత్రాన్ని ముద్రించిననూ, డూప్లికేట్ చేసే ప్రక్రియలో అది చెడిపోయినది

1820[మార్చు]

మార్చు
వ్యాసం

ఫోటోగ్రఫీ లేదా ఛాయాగ్రహణం (Photography) అనునది కాంతి లేదా ఇతర విద్యుదయస్కాంత వికిరణాలను భద్రపరచటం తో బాటు రసాయనిక చర్యల తో కాంతి సూక్ష్మాలని గుర్తించే ఛాయాగ్రాహక చిత్రం (photographic film) వలన గానీ /ఎలక్ట్రానిక్ ప్రక్రియతో ఇమేజ్ సెన్సర్ (చిత్రాలని గుర్తించే పరికరము) వలన గానీ మన్నికైన చిత్రాలని సృష్టించే/ముద్రించే ఒక కళ/శాస్త్రము/అభ్యాసము. సాధారణంగా ఒక వస్తువు పై ప్రసరించే కాంతిని గాని, లేదా ఒక వస్తువు నుండి వెలువడుతున్న కాంతిని గానీ ఒక కటకం (lens)తో దృష్టి (focus) ని కేంద్రీకరించి, కెమెరా లో ఉండే కాంతిని గుర్తించే ఉపరితలం పై నిర్దిష్ట సమయం వరకూ బహిర్గతం (exposure) చేయటం తో ఆ వస్తువుల నిజ ప్రతిబింబం (real image) సృష్టించటం జరుగుతుంది. దీని ఫలితంగా వైద్యుదిక చిత్ర సంవేదిక (electronic image sensor) లోని ప్రతి ఒక్క చిత్ర కణము (pixel) పై విద్యుచ్ఛక్తి (electrical charge) వైద్యుదిక చర్య (electronical processing) జరిగి తర్వాత ప్రదర్శితమగుటకు, మార్పులు చేసుకొనుటకు సాంఖ్యిక ప్రతిబింబం (digital image) ఫైల్ గా భద్రపరచబడుతుంది.

ఫలితంగా ఒక ఫోటోగ్రఫిక్ మిశ్రమము (photographic emulsion)లో నమోదైన ఒక నిగూఢ గుప్త చిత్రం (latent image) తర్వాత రసాయనిక చర్యల ఛాయాగ్రాహక సంవర్ధన (Photographic Development) తో నిర్దిష్ట ఫోటోగ్రఫిక్ పదార్థం యొక్క ప్రయోజనాన్ని బట్టి/అవలంబించే పద్ధతి (ఛాయాగ్రాహక చర్య) ని బట్టి కంటికి కనబడు నజర్ధకం (negative) గా గాని, ధనాత్మకం (positive) గా గాని అభివృద్ధి చెందుతుంది. సాంప్రదాయికంగా, ఫిలిం పై ఉండే నెగటివ్, విస్తరణ (enlarger) పద్ధతి ద్వారా గానికాంటాక్ట్ ప్రింటింగ్ పద్ధతి ద్వారా గానీ కాగితం పైకి పాజిటివ్ గా ముద్రితం (photographic print) అవుతుంది.

వ్యాపారంలో, శాస్త్రీయ రంగంలో, తయారీ రంగంలో, వినోద రంగంలో, ప్రసార మాధ్యమాలలో ఈ కళ ఉపయోగాలు చాలా ఎక్కువ.

మార్చు
మీకు తెలుసా
  • ...ఆగష్టు 19వ తారీకును ప్రపంచ ఫోటోగ్రఫి దినంగా గుర్తించారని.
  • ఫిలిం ను కెమెరాలో తప్పుగా లోడ్ చేయటం రెడ్ స్కేల్ అనే ప్రక్రియకి దారి తీసిందనీ... ఫిలిం లు ఉపయోగంలో లేని ఈ కాలం లో కూడా ఉద్దేశ్యపూర్వకంగా ఆ ప్రభావాన్ని తేవటానికి చాలా ఫోటోగ్రఫర్ లు శ్రమిస్తారనీ...
మార్చు
విషయాలు
మార్చు
వర్గాలు
మార్చు
మీరు చేయదగిన పనులు
మార్చు