సంకీర్ణ ప్రభుత్వం

వికీపీడియా నుండి
ఇక్కడికి గెంతు: మార్గసూచీ, వెతుకు

మూస:Politics

సంకీర్ణ ప్రభుత్వం అనగా, వివిధ పార్టీల మద్దతుతో ఏర్పడిన పార్లమెంటరీ ప్రభుత్వ మంత్రిమండలి. ఈ ఏర్పాటుకుగల సాధారణ కారణం, స్వయంగా ఏ ఒక్క పార్టీ పార్లమెంట్‌లో మెజారిటీ సాధించలేకపోవడం. జాతీయ విపత్తు లేక విషమ పరిస్థుతులు ఏర్పడిన సమయంలో కూడా సంకీర్ణ ప్రభుత్వం ఏర్పడుతుంది, ఉదాహరణకు, యుద్ధకాలంలో ప్రభుత్వానికి అత్యధికంగా అగుపడు అవసరమైన రాజకీయ హేతుబద్ధతను కలిగిస్తూనే, అంతర్గత రాజకీయ కలహాలు సమసిపోయే పాత్ర కూడా పోషిస్తుంది. అట్టి సమయాలలో, సమస్త పార్టీల సంకీర్ణాన్ని పార్టీలు ఏర్పరుస్తాయి (జాతీయ ఐక్యతా ప్రభుత్వాలు, ఘనమైన సంకీర్ణాలు). ఒకవేళ సంకీర్ణం కూలిపోతే, విశ్వాసపరీక్ష జరుగుతుంది లేదా అవిశ్వాస తీర్మానాన్ని ప్రవేశపెడతారు.

ఆచరణలో[మార్చు]

సార్వత్రిక ఎన్నికలలో స్పష్టమైన ఆధిక్యతలు సాధించలేని పరిస్థితిని ఎదుర్కొనుటకు, పార్టీలు మెజారిటీ ఉన్న పార్టీ మద్దతుతో సంకీర్ణ మంత్రిమండలిని ఏర్పరుస్తాయి లేదా మైనారిటీ మంత్రిమండలిని ఒకటి లేక ఎక్కువ పార్టీలు కలసి ఏర్పరుస్తాయి. పార్లమెంట్‌లో మెజారిటీ ఉన్న పార్టీతో ఏర్పడిన సంకీర్ణ ప్రభుత్వ మంత్రిమండలి, మైనారిటీ మంత్రిమండలి కంటే ఎక్కువ సుస్థిరతని కలిగి ఉండి, చిరకాలం కొనసాగుతుంది. మొదటిదానిలో అంతర్గత సంఘర్షణలు ఉన్నప్పటికీ, వారు అవిశ్వాస తీర్మాన పరీక్షకి భయపడాల్సిన అవసరం లేదు. వారి యొక్క మెజారిటీని కొనసాగిస్తున్నంత కాలం, ఒక పార్టీ ఆధారిత మెజారిటీ ప్రభుత్వాలు మరింత ఎక్కువ సుస్థిరతను కలిగి ఉంటాయి.

పలు వ్యవస్థాగత రాజకీయ పార్టీలకు ప్రాతినిధ్యం వహించే దామాషా ప్రతినిధి అయినట్టి పార్లమెంట్‌ని కలిగిన దేశాలలో సామాన్యంగా సంకీర్ణ మంత్రిమండలాలు ఏర్పడతాయి. దిగువ సభ కాకుండా అధ్యక్షుడు నియమించే మంత్రిమండలి కలిగిన సంయుక్త రాష్ట్రాలలో సాధారణంగా ఇట్టివి కనపడవు.(అయితే, బ్రజిల్‌లో సంకీర్ణ మంత్రిమండలాలు సాధారణం). ఫ్రాన్స్ వంటి అసంపూర్ణ అధ్యక్ష వ్యవస్థలలో, అధ్యక్షుడు, నియమానుసారం ప్రధానమంత్రిని నియమిస్తాడు, కానీ ప్రభుత్వం స్వయంగా పార్లమెంట్‌లో విశ్వాసాన్ని కలిగి ఉండాలి, సంకీర్ణప్రభుత్వాలు ఇక్కడ సర్వసాధారణం.

ప్రపంచవ్యాప్త సంకీర్ణ ప్రభుత్వాలు[మార్చు]

తరచుగా సంకీర్ణ మంత్రిమండలాలతో నడచు దేశాలు: నోర్డిక్ దేశాలు, బెనలక్స్ దేశాలు, ఆస్ట్రేలియా, ఆస్ట్రియా, జర్మనీ, ఐర్లాండ్, ఇటలీ, జపాన్, టర్కీ, ఇస్రాయెల్, న్యుజీలాండ్, కొసొవో, పాకిస్తాన్, కెన్యా, ఇండియా, ట్రినిడాడ్ మరియు టొబాగో మరియు ఉక్రెయిన్. స్విట్జెర్లాండ్ లో 1959 నుంచి 2008 వరకు "మ్యాజిక్ ఫార్ములా"గా పిలువబడే నాలుగు బలమైన పార్టీల యొక్క సంకీర్ణత కలిగిన పార్లమెంట్ పరిపాలించింది. యునైటడ్ కింగ్డంలో సంప్రదాయక మరియు ఉదార ప్రజాస్వామిక పార్టీల మధ్య లాంఛనప్రాయ సంకీర్ణ మంత్రిమండలి కూడా నడిచింది.

కొద్ది పార్టీలతో కూడిన సంకీర్ణాలు[మార్చు]

జర్మనీలో, జర్మనీ క్రిస్టియన్-డెమోక్రటిక్ యూనియన్ ఆఫ్ జర్మనీ మరియు క్రిస్టియన్ సోషల్ యూనియన్ బవేరియా (CDU/CSU) లేక జర్మని యొక్క సోషల్ డెమోక్రటిక్ పార్టీలు జాతీయ ఎన్నికలలో అర్హతాయోగ్యమైన మెజారిటీతో గెలుచుట అరుదగుట చేత సంకీర్ణ ప్రభుత్వం ప్రామాణికమైనది. అందువలన, సమాఖ్య స్థాయిలో, కనీసం ఒక చిన్న పార్టీని కలిగి ఉన్న ప్రభుత్వాలు ఏర్పడతాయి. ఉదాహరణకు, హెల్మట్ కోహ్ల్ యొక్క CDU, ఫ్రీ డెమోక్రాటిక్ పార్టీ (FDP) సంకీర్ణత్వంతో కొన్నేళ్ళ పాటు పాలించింది, 1998నుంచి 2005 వరకు గెర్హార్డ్ స్క్రోడర్ యొక్క SPD గ్రీన్స్ తో కలిసి అధికారంలో ఉన్నది మరియు 2009 నుంచి FDP తో కలిసి ఏంజెలా మెర్కెల్, CDU/CSU అధికారంలో ఉన్నది.

ఇరు దేశాలలోనూ, రెండు పెద్ద పార్టీలతో కూడిన ఘన సంకీర్ణాలు కూడా సంభవించాయి, కానీ ఇవి సాపేక్షకంగా అరుదైనవి మరియు పెద్ద పార్టీలు సాధారణంగా చిన్న పార్టీలతో కూడుటకు మొగ్గు చూపుతాయి. అయినప్పటికీ, ఏ ఒక్క పెద్ద పార్టీ అయినా వారు ఎంచుకొనిన సంకీర్ణత్వాన్ని ఏర్పరచుటకు తగినన్ని ఓట్లను పొందలేకపోతే, ప్రభుత్వాన్ని ఏర్పరుచుటకు ఘన సంకీర్ణాలు అనివార్యం. ఇదే పరిస్థితి జర్మనీలో 2005లో ఏంజెలినా మెర్కెల్ అధ్యక్షుడిగా ఎన్నికైనప్పుడు ఎదురైనది: ఎన్నికలలో, CDU/CSU పార్టీ FDP తో కలిసి మెజారిటీ సంకీర్ణాన్ని ఏర్పరుచుటకు తగినన్ని ఓట్లను సంపాదించలేదు; అదే విధంగా SDP మరియు గ్రీన్స్ పార్టీలు వారి యొక్క ఒకప్పటి పాలనా సంకీర్ణత్వాన్ని కొనసాగించుటకు తగినన్ని ఓట్లు లేవు. అప్పుడు CDU/CSU మరియు SPD పార్టీలతో ఘన సంకీర్ణ ప్రభుత్వం సృష్టించబడింది.ఇట్టి భాగస్వామ్యాలకు చిహ్నంగా, జాగ్రత్తగా రూపొందించిన మంత్రిమండలాలు ఏర్పడతాయి. CDU/CSU పార్టీ అధ్యక్ష పదవి వదులుకొనగా, SPD పార్టీ మంత్రిమండలిలోని పదవులను అధిక సంఖ్యలో నిర్వహించినది.

1989 నుంచి ఏ ఒక్క పార్టీ స్వయంగా పాలించలేని ఐర్లాండ్ లో, సంకీర్ణ ప్రభుత్వాలు అత్యంత సాధారణం. రెండు లేక ఎక్కువ పార్టీల సమ్మతంతో ఏర్పడిన సంకీర్ణాల్లో, ఎప్పుడూ అతిపెద్దవైన ఫియాన్న ఫెయిల్ మరియు ఫైన్ గేల్పార్టీలలో ఒకటి ఉంటుంది, మరియు ఒకటి లేక ఎక్కువ చిన్న పార్టీలు లేదా పార్లమెంట్ యొక్క స్వతంత్ర సభ్యులను కలిగి ఉంటుంది. ప్రస్తుత ప్రభుత్వంలో, స్వతంత్రుల మద్దతు కలిగిన ఫియాన్న ఫెయిల్ మరియు గ్రీన్ పార్టీ ఉన్నది.

===అనేక పార్టీలతో ఏర్పడిన సంకీర్ణాలు

=[మార్చు]

సంకీర్ణ ప్రభుత్వం ఎన్ని పార్టీలతో అయినా ఏర్పడవచ్చు.


జర్మనీ[మార్చు]

జర్మనీలో, అరుదుగా సంకీర్ణంలో రెండు కంటే ఎక్కువ పార్టీలు ఉంటాయి(అక్కడ CDU మరియు CSU అను రెండు పోటిపడని పార్టీలు ఎప్పుడు ఒకే సమాలోచనను కలిగిఉంటాయి, ఈ సందర్భంలో వాటిని ఒకే పార్టీగా భావిస్తారు).


బెల్జియం[మార్చు]

బెల్జియంలో, ప్రతి రాజకీయవర్గానికీ, డచ్ మరియు ఫ్రెంచ్ భాషలలో సంభాషించే వేర్వేరు పార్టీలు కలవు, అక్కడ 6 పార్టీల వరకు గల సంకీర్ణ ప్రభుత్వాలు సర్వసాధారణం.


భారతదేశం[మార్చు]

ప్రస్తుతం భారతదేశం లో అధికారంలో వున్న యునైటెడ్ ప్రోగ్రెసివ్ అల్లియన్స్‌లో 13 వేర్వేరు పార్టీలు కలవు.

స్వతంత్రం వచ్చినప్పటి నుంచి ఫిన్లాండ్‌లో, ఏ ఒక్క పార్టీకి పూర్తి మెజారిటీ రాలేదు మరియు బహుళ పార్టీలతో కూడిన సంకీర్ణాలు అక్కడ ప్రామాణం. 
స్వతంత్రం వచ్చిన నాటినుంచి,"రైన్బో గవర్నమెంట్" అను పేరు గల 5 పార్టీలు ఏర్పరచిన సంకీర్ణంలో ఫిన్లాండ్ సుస్థిర ప్రభుత్వాన్ని(లిప్పోనేన్ I మరియు II) అనుభవించినది.
లిప్పోనేన్ మంత్రిమండలాలు సుస్థిర చరిత్ర సృష్టించాయి, మరియు సాధారణంగా జరగని, మితవాద మరియు అతివాద లెఫ్ట్ వింగ్ పార్టీలు కలసి అధికారాన్ని, ప్రముఖమైన రైట్ వింగ్ పార్టీతో పంచుకున్నాయి(జాతీయ సంకీర్ణం).  
ప్రస్తుత ప్రభుత్వం (వాన్హనేన్ II) నాలుగు పార్టీల సంకీర్ణం.

ఇజ్రాయెల్[మార్చు]

దీనికి సమానమైన పరిస్థితి ఇజ్రాయెల్‌లో కలదు, అక్కడ డజన్లకొద్దీ పార్టీలకు క్నేస్సేట్(ఇజ్రాయెల్ పార్లమెంట్)లో ప్రాతినిధ్యం కలదు.

ఒకే ఒకసారి 1968-1969లో లేబర్ పార్టీ మరియు మపం యొక్క సంకీర్ణమైన అలైన్మెంట్, క్నేస్సేట్ లో స్వల్పకాలికంగా మెజారిటీ సీట్లను సాధించిన ఏకైక వర్గం.  
చరిత్ర ప్రకారంగా, ఇజ్రాయెల్ లో ప్రభుత్వం, సెంటర్ రైట్ లికుడ్ ఆధ్వర్యంలోని అనేక రైట్ వింగ్ మరియు మతతత్వ పార్టీల సంకీర్ణం మరియు సెంటర్ లెఫ్ట్ లేబర్ ఆధ్వర్యంలోని అనేక లెఫ్ట్ వింగ్ పార్టీల సంకీర్ణాల మధ్య మారుతూవున్నది. 
ఇదివరకటి లేబర్ మరియు లికుడ్ సభ్యులతో ఏరియల్ షరోన్ 2006 లో మధ్యస్త 

కడిమ పార్టీని స్థాపించాడు మరియు కడిమ పార్టీ, లేబర్ మరియు అనేక ఇతర పార్టీల సంకీర్ణంతో అదికారాన్ని పొందింది.


జపాన్[మార్చు]

చరిత్ర ప్రకారంగా, రెండవ ప్రపంచ యుద్ధం తరువాత జపాన్ లో లిబెరల్ డెమోక్రటిక్ పార్టీ యొక్క అధికారం ఎక్కువగా కొనసాగింది, కానీ 1955 తరువాత LDP మొదటిసారిగా 1993లో హౌస్ అఫ్ రిప్రజెన్టేటివ్స్ లో మెజారిటీని కోల్పోవడంతో కొంతకాలం సంకీర్ణప్రభుత్వం ఏర్పడింది.


ఆస్ట్రేలియా[మార్చు]

ఆస్ట్రేలియా లో, మితవాద లిబెరల్ మరియు నేషనల్ పార్టీలు కలసి బలమైన ఒక శాశ్విత సంకీర్ణాన్ని స్థూలంగా ది కోయాలిషన్ ను ఏర్పరిచాయి.

ఈ సంకీర్ణం ఎంత దృడంగా వుందంటే, కనీసం సమాఖ్య స్థాయిలో, పార్లమెంట్ దిగువ సభ "ది కోయాలిషన్" మరియు "లేబర్ పార్టీ" అనే రెండు పార్టీల సభలాగా మారింది. 


అప్పుడప్పుడూ మిగతా సంకీర్ణాలు ఏర్పడ్డాయి.

రాష్ట్ర/ప్రాంత స్థాయిలో ఏర్పడిన సంకీర్ణాలు:
  • తాస్మానియా లో, లేబర్–గ్రీన్స్ సంకీర్ణాలు 1989, 1996 మరియు 2010 లో ఏర్పడ్డాయి.
  • ఆస్ట్రేలియన్ కాపిటల్ టెర్రిటరీ లో:
  • లిబరల్–ఇండిపెండెంట్ సంకీర్ణం1998 లో.
  • లేబర్–గ్రీన్స్ సంకీర్ణం 2001 మరియు 2008 లో

యునైటెడ్ కింగ్‌డమ్[మార్చు]

యునైటెడ్ కింగ్‌డమ్ లో, జాతీయ విపత్తులలోనే సాధారణంగా సంకీర్ణ ప్రభుత్వాలు(కొన్నిసార్లు వీటిని జాతీయ ప్రభుత్వాలు అంటారు) ఏర్పడతాయి.

చాలా ముఖ్యమైన జాతీయ ప్రభుత్వం 1931 నుండి 1940 మధ్య ఏర్పడినది. 
రెండు ప్రపంచయుద్ధాలలో బహుపార్టీల సంకీర్ణాలు వున్నాయి. 
వీటితో పాటు, ఏ ఒక్క పార్టీకి మెజారిటీ రానప్పుడు, సాధారణంగా మైనారిటీ ప్రభుత్వాలు ఏర్పడతాయి, చట్టబద్ద ప్రభుత్వం పనిచేయడానికి ప్రతిపక్ష పార్టీలు వాటికి మద్దత్తునిస్తాయి. 
అయినప్పటికీ, 1997లో, లేబర్ పార్టీ అద్భుత ఎన్నికల విజయ[1] సమయంలో, లేబర్-లిబ్డెం ల సంకీర్ణం గురించి రెండువైపులా తీవ్రంగా పరిశీలించారు.
 2010 మేలో జరిగిన సాధారణ ఎన్నికల వలన హాంగ్ పార్లమెంట్ ఏర్పడినది, దాంట్లో ఎక్కువ స్థానాలు గెలుచుకున్న కనసర్వేటివ్స్, పార్లమెంట్లో మెజారిటీ కొరకు లిబెరల్ డెమొక్రాట్స్ తో కలసి సంకీర్ణాన్ని ఏర్పరిచారు.
వెస్ట్ మిన్స్టర్[2] లో తొలిసారిగా, కనసర్వేటివ్స్ మరియు లిబెరల్ డెమొక్రాట్స్ అధికారాన్ని పంచుకున్నారు. 
70 సంవత్సరాల క్రితం విన్స్టన్ చర్చిల్ ఏర్పరచిన [3]యుద్ద సంకీర్ణం[4]తరువాత, ఇది 1945 నుండి బ్రిటన్ లో ఏర్పడిన మొదటి పూర్తిసంకీర్ణం. అక్టోబర్ 1974 ఎలక్షన్ లలో లేబర్ పార్టీ సాధించిన 3 స్థానాల ఆద్ధిక్యత, వరుస ఉపఎన్నికలలో కోల్పోవడంచేత, మార్చ్ 1977 నుంచి జూలై 1978 వరకు లేబర్ మరియు లిబెరల్ పార్టీల కలసి సంకీర్ణాన్ని ఏర్పాటుచేసాయి, కాని వాటి మధ్య ఒప్పందం దాన్ని పూర్తిసంకీర్ణంగా గుర్తిన్చనివ్వలేదు.  


కెనడా[మార్చు]

కెనడా లో, 1864లో క్లియర్ గ్రిట్స్, పార్టి బ్లెఉ, మరియు లిబెరల్-కనసర్వేటివ్ పార్టీలు కలసి గొప్ప సంకీర్ణాన్ని ఎర్పాటుచేసాయి.

1867 లో సమాఖ్య తరువాత, ప్రధానమంత్రి జాన్ ఏ. మాక్డోనాల్డ్ సారధ్యంలో, మొదటి సంకీర్ణ ప్రభుత్వం ఏర్పడి 1872 వరకు కొనసాగింది. 
మొదటి ప్రపంచ యుద్ధ తరుణంలో, అప్పటి ప్రధానమంత్రి రాబర్ట్ బోర్డెన్ వివాదాస్పద నిర్బంధ సైనికశాసనం మద్దత్తు కొరకు, ప్రతిపక్ష లిబెరల్స్ తో కలసి సంకీర్ణం కొరకు ప్రయత్నించాడు.
లిబెరల్ పార్టీ దానిని వ్యతిరేకించింది, కాని కొంతమంది దాని సభ్యులు పార్టీని ధిక్కరించి ప్రభుత్వంతో కలిసారు. 
పైన చెప్పిన నిర్వచనం ప్రకారం, కొన్నిసార్లు దీనిని సంకీర్ణ ప్రభుత్వంగా పరిగణించినప్పటికీ, కాని అది కాదు. 
యుద్ధం[5] ముగియగానే అది విచ్చిన్నం ఐనది. 


2008 కెనడా యొక్క పార్లమెంటరీ వివాదంలో, మూడు ప్రతిపక్ష పార్టీలు ఒక ఒప్పందానికి వచ్చి, ఒకవేళ కనసర్వేటివ్ మైనారిటీ ప్రభుత్వం అవిశ్వాస తీర్మానంలో ఓడిపోతే, సమాఖ్య ఏర్పడిన తరువాత రెండవ సంకీర్ణాన్ని ఎర్పాటు చేయుటకు తమ అంగీకారాన్ని తెలిపాయి; స్టీఫెన్ హర్పర్ ను ప్రధానమంత్రి పదవి నుంచి దించడానికి.

ఈ ఒప్పందం, రెండు ప్రతిపక్ష పార్టీలైన, లిబెరల్ పార్టీ మరియు న్యూ డెమోక్రటిక్ పార్టీ మధ్య లాంఛనప్రాయ సంకీర్ణాన్ని వర్ణిస్తుంది. 
బ్లాక్ క్యుబెకోయిస్ ఈ ఒప్పందాన్ని అంగీకరించి, ప్రతిపాదించిన సంకీర్ణానికి 18 నెలల పాటు విశ్వాసపరీక్ష మద్దత్తు తెలిపాడు. 
చివరకు, పార్లమెంట్ తాత్కాలికంగా రద్దు చేయబడి, ఈ సంకీర్ణం చెదరగొట్ట బడినది.  


సంకీర్ణ ప్రభుత్వానికి అనుకూల మరియు ప్రతికూల వాదనలు[మార్చు]

దామాషా ప్రాతినిధ్యానికి అనుకూలంగా వాదించువారు, విభిన్న పార్టీల (తరచుగా విభిన్నసిద్ధాంతాలుకలిగిన) యొక్క సమ్మేళనంతో ఏర్పడిన సంకీర్ణ ప్రభుత్వం, ప్రభుత్వ విధానాలతో ఏకీభవించుటలో, సార్వత్రిక సమ్మతి ఆధారిత రాజకీయాలకి, దారి తీయవచ్చని సూచించారు. మరియొక ప్రయోజనం ఏమనగా, దేశంలోని నియోజకుల యొక్క ప్రసిద్ధ అభిప్రాయాన్ని సంకీర్ణ ప్రభుత్వం మరింత ఎక్కువగా ప్రతిబింబిస్తుంది.

సంకీర్ణ ప్రభుత్వాన్ని తిరస్కరించువారు, అట్టి ప్రభుత్వాలు మండిపాటులకు మరియు అసామరస్య ధోరణులను ప్రేరేపిస్తాయని నమ్ముతారు. దీనికి కారణం, సంకీర్ణాలు కలిగినట్టి, విభిన్న నమ్మకాలతో ఉన్న వివిధ పార్టీలు, ఎల్లప్పుడూ ప్రభుత్వపు విధానాల యొక్క సరియైన మార్గంతో ఏకీభవించకపోవటమే. ఫ్లాందెర్స్ లేక ఐర్లాండ్లో జరిగినట్లు, కొన్నిసార్లు ఎన్నికల ఫలితాలు, గణంకంగా ఎక్కువ సంభావ్యత కలిగిన సంకీర్ణ ప్రభుత్వాలు సిద్ధాంతపూర్వకంగా శక్యంకాని విధంగా వెలువడతాయి. రెండవ ప్రతికూలత ఏమనగా, మైనారిటీ పార్టీలు "అధికారచక్రం తిప్పే సామర్ధ్యం" కలిగి ఉండుట మరియు ముఖ్యంగా ఓట్ల మధ్య తేడా బాగా తక్కువ వుండే ఎన్నికలలో, అవి చేసిన సహాయం కంటే ఎక్కువ లాభాన్ని పొందుట.


కొన్ని సమస్యల మీద కలుగునట్టి అభిప్రాయ భేదాలు మరియు అందువలన సంభవించే చర్చలు మరింత ఫలదాయకమైనపుడు, అట్టి అంశాల మీద చేయవలసిన సార్వత్రిక సమ్మతిని సంకీర్ణ ప్రభుత్వాలు వాయిదాలతో పొడిగిస్తాయని కూడా విమర్శించబడ్డాయి. కొన్ని సమస్యల మీద పరిపాలిత సంకీర్ణ పార్టీ నాయకుల మధ్య భేదాభిప్రాయాలు ఉన్నప్పటికీ, ప్రత్యర్ధులను కూటమిగా ఎదుర్కొంటారు.

సంకీర్ణ భాగస్వాములు, పార్లమెంటరీ మెజారిటీని నియంత్రించగలిగితే, సమస్యల మీద జరుగు పార్లమెంటరీ చర్చలను అసంగతమైనవిగా చేయు కుట్రలో భాగంగా, ప్రత్యర్ధుల వాదనలను నియతంగా తోసిపుచ్చుతూ మరియు ప్రత్యర్ధుల ప్రతిపాదనలకు వ్యతిరేకంగా ఓటు వేయుట - సమస్యల గురించి పరిపాలిత పార్టీలో భేదాభిప్రాయం ఉన్నప్పటికీ.   



బలమైన పార్టీలు, కొద్దిమందికి మాత్రమె అధికారం అనే పద్దతిలో సంబంధంను పెట్టుకొని, పైకి వచ్చే పార్టీలను అణగద్రొక్కుతాయి

ఐతే, అటువంటి ఘటనలు, రెండు పార్టీ వ్యవస్థలలో పోలిస్తే సంకీర్ణ ప్రభుత్వాలలో అరుదుగా వుంటాయి, దానికి కారణం, అణగద్రొక్కుబడిన పార్టీల వృద్ది, తరుచుగా పక్షపాతం చూపే నియామకపు నియమాలు నిభందనలు మరియు అనేక రకములైన ఓటింగ్ వ్యవస్థలు మొదలైనవి.


బాగా బలమైన ఒక పార్టీ, సంకీర్ణం యొక్క విధానాలను అననుపాతంగా మార్చవచ్చు.

చిన్న లేక తక్కువ బలం గలిగిన పార్టీలు తమ అసమ్మతిని బహిరంగంగా వ్యక్తపరచకుండా భయపెట్టబడతాయి. 
సంకీర్ణాన్ని కొనసాగించడానికి, పార్లమెంట్ లో పార్టీ అభిప్రాయానికి వ్యతిరేకంగా ఓటు చేయవలసివస్తుంది. 
అలా చేయనట్లయితే, పార్టీ ప్రభుత్వాన్ని వీడవలసి వస్తుంది మరియు నిర్ణాయక అధికారానికి దూరం కావలిసి వస్తుంది. 


మూలాలు[మార్చు]

  1. "Making Minority Government Work:Hung Parliaments and the Challenges for Westminster and Whitehall". 2008-12-02. Retrieved 2009-12-07. 
  2. "Tories and Lib Dems enter full coalition government". The New Statesman. 
  3. 1940 మే 10న చర్చిల్ ప్రధాన మంత్రి అయ్యారు, డేవిడ్ కామెరాన్ 2010 మే 11 న. మే 11 న చర్చిల్ తన యుద్ధ కమిటీ ని ఏర్పరిచారు: విన్స్టన్ ఎస్. చర్చిల్ (1949) దెయిర్ ఫైనేస్ట్ అవర్ .
  4. 1940 మే 10న చర్చిల్ ప్రధాన మంత్రి అయ్యారు, డేవిడ్ కామెరాన్ 2010 మే 11 న. మే 11 న చర్చిల్ తన యుద్ధ కమిటీ ని ఏర్పరిచారు: విన్స్టన్ ఎస్. చర్చిల్ (1949) దెయిర్ ఫైనేస్ట్ అవర్ .
  5. "Coalition Government: Precedents from around the world". CBC News. 2010-05-13. Retrieved 2009-05-14. 

వీటిని కూడా చూడండి[మార్చు]

  • ప్రజాస్వామ్య మరియు ఎన్నికలకు సంబంధించిన విషయాల జాబితా
  • సంకీర్ణ ప్రభుత్వాలు కలిగిన ప్రభుత్వాల జాబితా
  • సహవాసం
  • సహకార నాయకత్వం
  • బహుముఖములైన ఎన్నికల వ్యవస్థ
  • ఎన్నికల సంకీర్ణం
  • వివిధరకాలైన రాజకీయపార్టీల సమూహం
  • సోషలిస్ట్లల సమూహం
  • మెజారిటీ ప్రభుత్వం
  • హంగ్ పార్లమెంట్
  • మైనారిటీ ప్రభుత్వం
  • వర్గం:పార్టీల సంకీర్ణం