సచిన్ (నటుడు)

వికీపీడియా నుండి
Sachin Pilgaonkar
జననం {{{birthdate}}}
క్రియాశీలక సంవత్సరాలు 1962- present

సచిన్ పిలగావ్‌కర్ (Sachin Pilgaonkar) (మూస:Lang-mr), (జననం ఆగస్టు 17, 1957) ఒక భారతీయ చలనచిత్ర మరియు బుల్లితెర నటుడు, దర్శకుడు మరియు నిర్మాత, ఆయనను తరచుగా మొదటి పేరు సచిన్‌ తో గుర్తిస్తున్నారు.

ఆయన హా మజా మార్గ్ ఏక్లా (1962) అనే మరాఠీ చలనచిత్రంతో బాల నటుడిగా నటజీవితాన్ని ప్రారంభించారు, ఆ తరువాత సుమారుగా 65 సినిమాల్లో బాల నటుడిగా వివిధ పాత్రలు పోషించారు, వయోజన పాత్రల్లోకి అడుగుపెట్టిన తరువాత ప్రధాన పాత్రధారిగా గీత్ గాతా చల్ (1975), బాలికా బధు (1976), ఆంఖియోన్ కే జరోఖోన్ సే (1978), మరియు నదియా కే పార్ (1982) వంటి విజయవంతమైన చిత్రాల్లో నటించారు. హిందీ, మరాఠీ మరియు భోజ్‌పురి చలనచిత్ర రంగాల్లో ఆయన పనిచేశారు,[1] తు తు మై మై (2000) మరియు కాద్వీ ఖట్టి మీఠీ సహా భారతీయ బుల్లితెరపై విజయవంతమైన హాస్య కార్యక్రమాలకు నటుడిగా, నిర్మాతగా మరియు దర్శకుడిగా వ్యవహరించారు. అంతేకాకుండా ఆయన పలు విజయవంతమైన మరాఠీ చలనచిత్రాలకు దర్శకుడి ఉన్నారు[2][3], మై బాప్ (1982), నవ్రీ మిలే నవర్యాలా (1984), ఆషి హి బాన్వా బాన్వీ (1988), అమచ్‌యాసర్ఖే ఆమిచ్ (1990) మరియు నవ్రా మజా నవ్‌సచా (2004) తదితర చిత్రాలకు దర్శకత్వం వహించారు.[4]

విషయ సూచిక

ప్రారంభ జీవితం [మార్చు]

సచిన్ పిలగావ్‌కర్ మహారాష్ట్రలోని ముంబయి నగరంలో ఒక కొంకణి గౌడ్ సరస్వత్ బ్రాహ్మణ కుటుంబంలో జన్మించారు. ఆయన పూర్వికులు గోవా ప్రాంతానికి చెందినవారు.

వృత్తి జీవితం [మార్చు]

'హా మజా మార్గ్ ఏక్లా' (ఇదే నా సొంత మార్గం) అనే మరాఠీ చలనచిత్రంలో ఒక బాల నటుడిగా నాలుగేళ్ల వయస్సులో సచిన్ పిలగావ్‌కర్ మొట్టమొదట నటించారు. ఇదే చలనచిత్రానికి అతను జాతీయ చలనచిత్ర అవార్డు గెలుచుకున్నారు. గౌరవనీయ డాక్టర్ సర్వేపల్లి రాధాకృష్ణన్ చేతుల మీదగా సచిన్ ఈ అవార్డు అందుకున్నారు. ఒక బాల నటుడిగా జ్యువెల్ థీఫ్ మరియు బ్రహ్మచారి మరియు మేలా వంటి ప్రసిద్ధ చిత్రాల్లో నటించారు. బాల నటుడిగా ఉన్నప్పుడు ఆయనకు మంచి మిత్రుడు జూనియర్ మెహ్మూద్, జూనియర్ మెహ్మూద్‌తో సచిన్ మొదటిసారి షమ్మీ కపూర్-నటించిన బ్రహ్మచారి చిత్రంలో నటించారు, ఈ చిత్రంలో వీరు తొమ్మిదేళ్ల పిల్లల పాత్రలు పోషించారు, మొత్తంమీద బాల నటులుగా వీరిద్దరూ కలిసి సుమారుగా 15 చిత్రాల్లో నటించారు.

రాజశ్రీ ప్రొడక్షన్స్ నిర్మించిన గీత్ గాతా చల్ చలనచిత్రంతో కొద్దికాలం సచిన్ ప్రధాన పాత్రలు పోషించడం ప్రారంభించారు. ఈ చలనచిత్రంలో ఆయనకు జంటగా సారికా నటించారు, ఈ చలనచిత్రం అనూహ్య విజయం సాధించడంతో ఇతర చిత్రాల్లో వీరు ప్రధాన జంటగా మారారు. బాలికా బధు (1976), కాలేజ్ గర్ల్ మరియు రాజశ్రీ ప్రొడక్షన్స్ ఆంఖియోన్ కే జారోఖోన్ సే మరియు నదియా కే పార్ చలనచిత్రాల్లో ఆయన ప్రధాన నటుడి పాత్ర పోషించారు.


త్రిశూల్‌తో ఆయన తిరిగి సహాయ పాత్రలకు మళ్లారు, షోలే మరియు సత్తే పే సత్తా వంటి విజయవంతమైన చిత్రాల్లో నటించారు, అవకాశాలు తగ్గిపోయేకొద్ది ఆయన దర్శకత్వం, మరాఠీ చలనచిత్రాలు నిర్మించడం మరియు TV నాటికలు నిర్మించడంపై దృష్టిపెట్టారు. ఆయన అత్యంత ప్రసిద్ధ మరాఠీ చలనచిత్ర దర్శకుల్లో ఒకరిగా పరిగణించబడుతున్నారు.

టెలివిజన్ [మార్చు]

భారతీయ బుల్లితెరపై 90వ దశకంలో దృష్టిసారించిన సచిన్, స్టార్ ప్లస్ హిందీ జాతీయ ఛానల్‌లో ప్రసారమైన ఒక సూపర్‌హిట్ హిందీ హాస్య కార్యక్రమం తు తు మై మై కు దర్శకత్వం వహించారు, దీనిలో ఆయన భార్య సుప్రియా మరియు రీమా లాగో నటించారు. స్టార్ ప్లస్ హిందీ జాతీయ ఛానల్‌లో ప్రసారమైన "రిన్ 1 2 3" అనే కార్యక్రమానికి కూడా ఆయన దర్శకత్వం వహించారు, బాలీవుడ్ చలనచిత్రాల హాస్యాత్మక అనుకరణలను దీనిలో ఉపయోగించారు. సిట్‌కామ్, దారా సింగ్ నటించిన హుద్ కార్ ది కార్యక్రమాలకు కూడా ఆయన దర్శకత్వం వహించారు, ఇవి రెండు ప్రారంభంలో విజయపథంలో నడిచినప్పటికీ, తరువాత విఫలమయ్యాయి. ఇదే సమయంలో, చల్తీ కా నామ్ అంత్యాక్షరీ వంటి హిందీ సంగీత కార్యక్రమాలు మరియు ఇతర కార్యక్రమాలు మరియు మరాఠీ చలనచిత్ర అవార్డు వేడుకలకు యాంకర్‌గా కూడా పనిచేశారు. 2006లో, ఆయన భార్య సుప్రియాతో కలిసి, హిందీ డ్యాన్స్ రియాల్టీ షో నాచ్ బలియే విజేతగా నిలిచారు, దీని ద్వారా సుమారుగా రూ.40 లక్షల (సుమారుగా $100,000) నగదు బహుమతి గెలుచుకున్నారు, ఈ కార్యక్రమంలో వీరితోపాటు మరో తొమ్మిది ప్రముఖ జంటలు పాల్గొన్నాయి. 2007లో, ఆయన జీ మరాఠీ ఛానల్ కోసం ఒక కొత్త కార్యక్రమాన్ని ప్రారంభించారు, దీని పేరు ఎకా పెక్షా ఎక్ , ఇది డాన్స్ పోటీల ఆధారంగా సాగుతుంది, భారతదేశంలోని మహారాష్ట్ర రాష్ట్రంలో మారుమూల ప్రదేశాల్లోని ప్రతిభావంతులను తెరపైకి తీసుకొచ్చేందుకు ఈ కార్యక్రమం ఉద్దేశించబడింది.

కలర్స్ TV ఛానల్‌లో ప్రసారమైన రియాల్టీ కామెడీ ట్యాలెంట్ షో చోటా మియాన్ (2009)లో ఆయన ఒక న్యాయనిర్ణేతగా కనిపించారు.[5]

దర్శకత్వం [మార్చు]

80వ దశకం నుంచి సచిన్ మరాఠీ చలనచిత్రాలకు దర్శకత్వం వహిస్తున్నారు. విమర్శకుల ప్రశంసలు అందుకున్న మై బాప్ (1982) చలనచిత్రంతో ఆయన దర్శకత్వం ప్రారంభించారు, అయితే కలెక్షన్‌లుపరంగా మొదటి విజయాన్ని మాత్రం 1984నాటి నవ్రీ మిలే నవర్యాలా తో దక్కించుకున్నారు, తరువాత ఆయన వివాహం చేసుకున్న సుప్రియా దీనిలో నటించారు. గమ్మత్ జమ్మత్ మరియు మజా పాటీ కరోడ్‌పతి వంటి చలనచిత్రాలు మరాఠీ చలనచిత్ర పరిశ్రమలో ఆయన స్థానాన్ని పదిలపరిచాయి. ఇదిలా ఉంటే 1988లో ఆషి హి బాన్వా బాన్వి చలనచిత్రంలో పెద్ద విజయాన్ని సొంతం చేసుకున్నారు, దీనిలో ఇద్దరు ప్రస్తుత మరాఠీ చలనచిత్ర రంగ సూపర్‌స్టార్‌లు అశోక్ సరఫ్ మరియు లక్ష్మీకాంత్ బెర్డేలతోపాటు ఆయన కూడా నటించారు. ఈ చలనచిత్రం భారీ విజయం సొంతం చేసుకుంది, దీంతో సచిన్ విజయానికి చిరునామాగా ప్రత్యేక గుర్తింపు పొందారు. ఆయన తరువాత ప్రయోగాత్మక చలనచిత్రాలవైపు దృష్టి సారించారు, తరువాతి రెండు చలనచిత్రాలలో దీనికి సంబంధించిన ప్రయోగాలు చేశారు, అయితే తిరిగి హాస్యప్రధాన అంచ్యాసర్కే ఆహిచ్ చలనచిత్రాన్ని రూపొందించారు, ఈ చిత్రం కూడా విజయవంతమైంది.[4]

వ్యక్తిగత జీవితం [మార్చు]

నటి సుప్రియా పిలగావ్‌కర్‌ను ఆయన వివాహం చేసుకున్నారు, ఆయన దర్శకత్వం వహించిన నవ్రీ మిలే నవర్యాలా (1984) ద్వారా ఆమె మరాఠీ చలనచిత్ర పరిశ్రమకు పరిచయమయ్యారు, తరువాత వీరు మరాఠీ చలనచిత్ర రంగంలో విజయవంతమైన జంటగా గుర్తింపు తెచ్చుకున్నారు. ఈ దంపతుల కుమార్తె పేరు శ్రేయ.[2]

ఫిల్మోగ్రఫీ [మార్చు]

నటుడు:

  1. అంహీ సాత్‌పుతే (2008) - సత్తే పి సత్తా స్ఫూర్తితో రూపొందించబడింది
  2. హీ పోర్గీ కునాచీ (2006) (అతిథి పాత్ర)
  3. నవ్రా మజా నవ్‌సచా (2004)
  4. ఐసి భీ క్యా జల్దీ హై (1996)
  5. ఆయత్యా ఘారత్ ఘరోబా (1991) - "చరణ్ దాస్" అనే హిందీ చిత్రం స్ఫూర్తితో రూపొందించబడింది
  6. అంచ్యాసర్ఖే ఆమీచ్ (1990) - పాత ఆంగ్ల చిత్రం "డబుల్ ట్రబుల్" ఆధారంగా రూపొందించబడింది
  7. ఏకా పెక్షా ఏక్ (1990)
  8. అభి తో మై జవాన్ హూన్ (1989) .... అమర్
  9. ఆత్మవిశ్వాస్ (1989)
  10. భూతాచా బాహు (1989) - గజబ్ అనే హిందీ చలనచిత్రం ఆధారంగా రూపొందించబడింది
  11. ఆషి హి బాన్వా బాన్వి (1988)
  12. మజా పతి కరోడ్‌పతి (1988)
  13. గమ్మత్ జమ్మత్ (1987)
  14. నవ్రీ మిలే నవర్యాలా (1984)
  15. సత్తే పి సత్తా (1982) .... సన్నీ
  16. నదియా కే పార్ (1982) - భారీ విజయం సాధించిన భోజ్‌పురీ చలనచిత్రం
  17. అష్ట వినాయక్ (1979)
  18. గోపాల్ కృష్ణ (1979)
  19. కాలేజ్ గర్ల్ (1978)
  20. ఆంఖియోన్ కే జరోఖోన్ సే (1978)
  21. " గీత్ గీతా చల్ " (1975)
  22. బాలికా బధు (1976)
  23. షోలే (1975) .... అన్వర్
  24. బ్రహ్మచారి - బాల నటుడు (1968)

దర్శకుడు:

  1. ఎకదండ (కన్నడ) (2007) - కన్నడ చలనచిత్రం (సాసహ సింహ లేట్. డాక్టర్

|| విష్ణువర్ధన్ కథానాయకుడిగా)

  1. ఆంహీ సాత్‌పుతే (2008)
  2. నవ్రా మజా నవ్‌సచా (2004)
  3. కుంకు (1994)
  4. అయాత్య ఘారత్ ఘరోబా (1991)
  5. ఎకా పేక్షా ఏక్ (1990)
  6. అంచ్యాసార్ఖే ఆమీచ్ (1990)
  7. ఆత్మవిశ్వాస్ (1989)
  8. భుతాచా బావు (1989)
  9. ఆషి హి బాన్వా బాన్వి (1988)
  10. మజా పతి కరోడ్‌పతి (1988)
  11. గమ్మత్ జమ్మత్ (1987)
  12. నవ్రి మిలే నవర్యాలా (1984)
  13. సవ్వాషేర్ (1984)
  14. మై బాబ్ (1982)

సుభాష్ ఘాయ్ యొక్క చలనచిత్రం "ప్రేమ్ దీవానే"కు సచిన్ దర్శకత్వం వహించారు.

సూచికలు [మార్చు]

  1. ↑ సచిన్ పిలగావ్‌కర్ ఇన్ భోజ్‌పూరి ఫిల్మ్ నదియా కే పార్
  2. ↑ 2.0 2.1 "Staying in step: For actor Sachin and wife Supriya Pilgaonkar, true romance lies in all the little things they share", The Telegraph, December 24, 2005. Retrieved on 1 April 2010.
  3. ↑ "A new innings", The Hindu, Oct 30, 2006. Retrieved on 1 April 2010.
  4. ↑ 4.0 4.1 "Midas Touch!". Screen. Apr 18, 2008. Retrieved 1 April 2010. 
  5. ↑ "Three new weekend shows on Colors", The Times of India, Jun 22, 2009. Retrieved on 1 April 2010.

ఎకదండ - అనే కన్నడ చలనచిత్రానికి దర్శకత్వం వహించారు (విష్ణువర్ధన్ కథానాయకుడు)

బాహ్య లింకులు [మార్చు]

"http://te.wikipedia.org/w/index.php?title=సచిన్_(నటుడు)&oldid=814476" నుండి వెలికితీశారు