సన్ గ్లాసెస్ (చలువ అద్దాలు)

వికీపీడియా నుండి
ఇక్కడికి గెంతు: మార్గసూచీ, వెతుకు
సూటైన సూర్యకాంతిలో సన్ గ్లాసెస్ ధరించటం: పెద్ద కటకములు మంచి రక్షణను అందిస్తాయి, కానీ ప్రక్కల నుండి ప్రవేశించే "చెడ్డ కాంతి"ని అడ్డుకోవటానికి వెడల్పైన కణత కొమ్మలు కూడా అవసరం.

సన్ గ్లాసెస్ లేదా చలువ అద్దాలు అనేవి ప్రధానంగా తీవ్రమైన సూర్య కాంతి మరియు అతి శక్తివంతమైన దృశ్యకాంతి నుండి కళ్ళు దెబ్బతినకుండా లేదా అసౌకర్యానికి గురికాకుండా అడ్డుకోవటానికి రూపొందించిన రక్షణ కళ్ళజోడులు. రంగురంగుల, ధృవీకరణం చెందిన లేదా నల్లని లక్షణాలు గలిగి వివిధ రకాలుగా మలచబడిన కళ్ళజోడులు లేదా అద్దాలు లభిస్తుండటంతో, కొన్నిసార్లు అవి దృశ్య ఉపకరణములవలె పనిచేస్తున్నాయి. 20వ శతాబ్దపు ప్రారంభంలో అవి సన్ చీటర్స్ గా కూడా పేరుపొందినాయి (చీటర్స్ అనేది అమెరికా యాసలో అద్దాలు అనే పదం).[1]

చాలామంది ప్రజలకు నేరుగా పడే సూర్యకాంతి అతి ప్రకాశవంతంగా ఉండటంతో అసౌకర్యంగా ఉంటుంది. బహిరంగ కార్యకలాపముల సమయంలో, మానవ నేత్రం సాధారణంగా కన్నా ఎక్కువ కాంతిని గ్రహిస్తుంది. సూర్యకాంతి బయటకు వచ్చినప్పుడు[2] పలు ప్రమాదకరమైన కంటి సమస్యలను కలుగజేసే, అతినీలలోహిత వికరణం (UV) మరియు నీలికాంతి నుండి కళ్ళను కాపాడుకోవటానికి ఆరోగ్యరక్షణ వృత్తిగా కలిగినవారు కంటి సంరక్షణను సిఫార్సు చేస్తారు. చాలాకాలం నుండి ప్రముఖులు మరియు చలన చిత్ర నటులు ప్రధానంగా ఎవరూ వారిని గుర్తించకుండా ఉండాలనే కోరికతో సన్ గ్లాసెస్ ధరిస్తూ ఉన్నారు. 1940ల నుండి సన్ గ్లాసెస్ ఒక ఫ్యాషన్ హంగులుగా, ప్రత్యేకించి బీచ్లలో బాగా ప్రసిద్ధి చెందాయి.

విషయ సూచిక

చరిత్ర[మార్చు]

పూర్వగాములు[మార్చు]

ఇన్యుయిట్ మంచు కళ్ళద్దాలు సూర్యకాంతి తీవ్రతను తగ్గించటం ద్వారా కాకుండా, సూర్యకాంతికి ఎదురుపడటాన్ని తగ్గించటం ద్వారా పనిచేస్తాయి

చరిత్ర లిఖంచక పూర్వం మరియు చారిత్రిక సమయంలో, ఇన్యూయిట్ ప్రజలు వాల్రస్ దంతముతో చదును చేసి తయారుచేసిన "గ్లాసెస్" ధరించేవారు. వీరు సూర్యుని యొక్క ప్రమాదకరమైన పరావర్తన కిరణాలను అడ్డగించటానికి ఈ కళ్ళజోళ్ళలోని సన్నని చీలిక గుండా చూసేవారు.[3]

రోమన్ చక్రవర్తి నీరో గ్లాడియేటర్ యుద్ధములను ఎమరాల్డ్లతో వీక్షించటానికి ఇష్టపడేవాడని చెపుతారు. అయినప్పటికీ, ఇవి అద్దముల వలెనె పనిచేసినట్లు కనిపిస్తోంది.[4] పొగబారిన క్వార్ట్జ్లతో తయారైన చదరపు అద్దపు పలకలు చూపును సరిచేసే శక్తిని కలిగి ఉండనప్పటికీ, మిరుమిట్లు గొలుపు కాంతి నుండి కళ్ళను రక్షించుకోవటానికి చైనాలో 12వ శతాబ్దంలో లేదా అంతకన్నా ముందుగానే ఉపయోగించేవారు. చైనా న్యాయస్థానాలలో న్యాయాధికారులు సాక్షులను ప్రశ్నిస్తున్నప్పుడు వారి హావభావాలు కనబడకుండా ఇటువంటి స్ఫటికాలను వాడేవారని ఆ కాలంనాటి ప్రతులలో పేర్కొన్నారు.[5]

18వ శతాబ్దము మధ్యలో, సుమారు 1752లో జేమ్స్ ఐస్ ఖాఫ్ లేతరంగు కటకాలను కళ్ళజోళ్ళలో ఉంచి ప్రయోగం చేశాడు. ఇవి నిజానికి "సన్ గ్లాసెస్" కావు, కానీ నీలి లేదా ఆకుపచ్చ లేతరంగు అద్దాలు దృశ్య స్పష్టత లేని వారికి ఖచ్చితంగా ఉంటాయని ఐస్ కాఫ్ నమ్మాడు. సూర్య కిరణాల నుండి రక్షణ గురించి అతను ఆలోచించలేదు.

19వ శతాబ్దంలో[dubious ] మరియు 20వ శతాబ్దపు ప్రారంభంలో సిఫిలిస్ రోగగ్రస్తులకు సాధారణంగా పసుపుపచ్చ/లేత పసుపు మరియు గోధుమ రంగుల లేత రంగు కళ్ళజోళ్ళను సూచించే వారు ఎందుకంటే, ఎండకు ప్రభావితం కావటం అనేది ఈ రోగ లక్షణాలలో ఒకటి.

ఆధునిక అభివృద్ధులు[మార్చు]

1900 ప్రారంభంలో సన్ గ్లాసెస్ వాడకం ముఖ్యంగా మూకీ సినిమాల నటులలో బాగా వ్యాప్తి చెందింది. అభిమానులు గుర్తించకుండా తప్పించుకోవటానికి సాధారణంగా వాడేవారని నమ్మేవారు. నిజానికి అసలు కారణం, అతి నిదానంగా నడిచే ఫిలింస్టాక్ లు ఉపయోగించటం వల్ల ఆర్క్ దీపాల శక్తికి తరచుగా శాశ్వతంగా కళ్ళు ఎర్రగా మారటం.[citation needed] మూస పద్ధతిలో వాటిని ఎక్కువ కాలం ఉపయోగించిన తర్వాత చిత్ర నాణ్యతలో మెరుగుదల మరియు అతినీలలోహిత ఫిల్టర్ల వాడకం వల్ల ఈ సమస్య తొలగిపోయింది. 1929లో సాం ఫోస్టర్ అమెరికానందు చౌకైన ఎక్కువ మందికి అందుబాటులో ఉండే సన్ గ్లాసెస్ లను తయారు చేశాడు. అట్లాంటిక్ సిటీ, న్యూజెర్సీల యొక్క బీచ్ల యందు ఫోస్టర్ వీటికి విపణిని కనుగొన్నాడు మరియు ఫోస్టర్ గ్రాంట్ పేరు మీద ఊల్ వర్త్ నుండి బోర్డు వాక్లపై సన్ గ్లాసెస్ అమ్మకాలను ప్రారంభించాడు.

ఎడ్విన్ H. లాండ్ పేటెంట్ పొందిన తన పోలరాయిడ్ గలనితో కటకములు తయారుచేయటానికి ప్రయోగాలు చేస్తున్నప్పుడు, తలీకరించబడిన సన్ గ్లాసెస్ 1936లో మొదట అందుబాటులోకి వచ్చాయి.

విధులు[మార్చు]

దృష్టి స్పష్టత మరియు సౌకర్యం[మార్చు]

కండ్లు చెదిరే కాంతి నుండి కళ్ళను రక్షించటం ద్వారా సన్ గ్లాసెస్ వీక్షణ స్పష్టతను మరియు సౌకర్యాన్ని మెరుగుపరుస్తాయి.[6]

కంటి పరీక్షల సమయంలో మిడ్రియాటిక్ కంటి చుక్కలను వేసుకున్న తర్వాత వివిధ రకాల డిస్పోజబుల్ (ఒకసారి ఉపయోగించిన తర్వాత పారవేసే) సన్ గ్లాసెస్ రోగులకు పంచుతారు.

తలీకరణం చేయబడిన సన్ గ్లాసెస్ యొక్క కటకములు నీటి వంటి మెరిసే లోహేతర ఉపరితలముల నుండి కొన్ని కోణములలో ప్రతిబింబించే మిరుమిట్లుగొలుపు ప్రకాశమును తగ్గిస్తాయి. వాటిని జాలరులు ఎక్కువగా ఉపయోగిస్తారు ఎందుకనగా అవి ధరించినప్పుడు వారు నీటిలోనికి చూడగలుగుతారు. వాటిని ధరించనప్పుడు సాధారణంగా కేవలం కండ్లు చెదరే వెలుగు మాత్రమే కనిపిస్తుంది.

వెడల్పైన కణత కొమ్మలు పక్కల నుండి "విచ్చలవిడి కాంతి" ప్రవేశించకుండా అడ్డుకుంటాయి
సన్నని కణత కొమ్మలతో సన్ గ్లాసెస్

రక్షణ[మార్చు]

వెలుతురులో ఎక్కువ సేపు ఉండగలగనీయటం పాటు, దానిలో కనిపించే మరియు కనిపించని అంశముల నుండి కూడా సన్ గ్లాసెస్ రక్షణను అందిస్తాయి.

అతినీలలోహిత కిరణముల ప్రసారం నుండి విస్తారమైన రక్షణ అందుతుంది. ఈ ప్రసారములు ఫోటోకెరటైటిస్, స్నో బ్లైండ్నెస్, శుక్లములు, టేరీజియం, మరియు వివిధ రకముల కంటి కాన్సర్ వంటి స్వల్ప-కాల మరియు దీర్ఘ-కాల కండ్ల సమస్యలను కలిగిస్తాయి.[7] వైద్య నిపుణులు UV నుండి కళ్ళను రక్షించుకోవటానికి సన్ గ్లాసెస్ ధరించటం యొక్క ప్రాముఖ్యత గురించి ప్రజలకు సలహా ఇస్తున్నారు;[7] చాలినంత రక్షణ కొరకు, నిపుణులు 400 nm తరంగదైర్ఘ్యం కలిగిన UVA మరియు UVB కాంతిలో 99-100 % కాంతిని పరావర్తనం చేసే లేక వడపోసే సన్ గ్లాసెస్ ను సిఫార్సు చేస్తారు. ఈ ప్రయోజనాన్ని అందించే సన్ గ్లాసెస్ ఎక్కువగా "UV 400" గా పేరు పెట్టబడతాయి. యూరోపియన్ యూనియన్ (క్రింద చూడండి) లో విసృతంగా ఉపయోగించే ప్రామాణికమైన వాటి కన్నా ఇవి కొంచెం ఎక్కువ రక్షణను ఇస్తాయి. ఇవి 95 % వికిరణాన్ని అనగా 380 nm వరకు మాత్రమే పరావర్తనం చెందిస్తుంది లేదా వడపోస్తుంది.[8] సూర్యుడిని నేరుగా చూసినప్పుడు, సూర్య గ్రహణ సమయంలో సైతం, సంభవించే శాశ్వత ప్రమాదం నుండి కళ్ళను రక్షించటానికి సన్ గ్లాసెస్ సరిపోవు.

ఇటీవలే, అధిక శక్తి వీక్షణ కాంతి (HEV) వయస్సు-సంబంధిత దృష్టి లోపములకు ఒక కారణంగా అనుకోబడింది;[9] మునుపు, "నీలి కాంతిని అడ్డుకునే" లేదా జేగురురంగు అద్దిన కటకములకు రక్షక ప్రభావం ఉంటుందా అనే విషయం పైన వాదోపవాదములు జరిగాయి.[10] కొంతమంది తయారీదారులు ఇప్పటికే నీలి కాంతిని అడ్డుకునే నమూనాలను తయారుచేసారు; అనేకమంది స్విస్ ఉద్యోగులను భీమా సౌకర్యం అందించిన, భీమా సంస్థ సువ, చార్లట్ రేమే (ETH జురిచ్) తో పనిచేస్తున్న నిపుణులను నీలి కాంతిని అడ్డుకునే విధానములను రూపొందించమని కోరింది. ఇది కనిష్టముగా 95% నీలి కాంతి సిఫార్సుకు దారి తీసింది.[8][11] వారి నేత్ర కటకములు పెద్దవారి (వయస్సుతో "పసుపు రంగు" కటకములు) కన్నా మరింత ఎక్కువ HEV కాంతిని ప్రసరిస్తాయని భావించటం మూలంగా సన్ గ్లాసెస్ ముఖ్యంగా పిల్లలకు ముఖ్యమైనవి.

సన్ గ్లాసెస్ నిజానికి చర్మ కాన్సర్ ను కలుగజేస్తాయని కొన్ని ఊహాగానాలు కూడా ఉన్నాయి.[12] శరీరంలో మెలనోసైట్ ను ప్రేరేపించే హార్మోన్ ను తక్కువగా ఉత్పత్తిచేసేలా కళ్ళను మభ్యపెట్టటం దీనికి కారణం.

సన్ గ్లాసెస్ యొక్క రక్షణను బేరీజు వేయటం[మార్చు]

సన్ గ్లాసెస్ యొక్క రక్షణను బేరీజు వేయటానికి ఉన్న ఏకైక మార్గం కటకములను కొలవటమే. తయారీదారుడు లేదా సరైన ఉపకరణములు కలిగిన నేత్ర వైద్య సహాయకుడు దీనిని కొలవగలరు. సన్ గ్లాసెస్ కొరకు పలు ప్రమాణములు (క్రింద చూడుము) UV రక్షణ (కానీ నీలి కాంతి రక్షణ కాదు) యొక్క సాధారణ వర్గీకరణకు వీలు కల్పిస్తున్నాయి, మరియు తయారీదారులు ఎక్కువగా ఖచ్చితమైన ప్రమాణములను వెల్లడించే బదులు ఆ సన్ గ్లాసెస్ ఒక ప్రత్యేక ప్రమాణము యొక్క అవసరాలను తీరుస్తాయని ఊరికే సూచిస్తారు.

సన్ గ్లాసెస్ కొరకు "కనిపించే" ఏకైక నాణ్యత పరీక్ష, వాటి అమరిక. ఆ కటకములు మొహానికి సరిగ్గా దగ్గరగా అమరాలి. ఏవిధంగా అంటే కేవలం కొద్ది "ప్రక్క నుంచి వచ్చే కాంతి" మాత్రమే ఆ కటకముల ప్రక్కల నుండి, లేదా పైనుండి లేదా క్రింద నుండి కళ్ళను చేరుకోగలదు, కానీ రెప్ప వెంట్రుకలు కటకములకు రుద్దుకునేంత దగ్గరగా కాదు. ప్రక్కల నుండి వచ్చే "అపసవ్య కాంతి" నుండి రక్షణ ఇవ్వటానికి, ఆ కటకములు కణతలకు దగ్గరగా అమర్చాలి మరియు/లేదా వెడల్పైన కణత కొమ్మలు లేదా తోలు కంతలలోనికి కలిసి పోయేటట్లు అమర్చాలి.

సన్ గ్లాసెస్ అందించే రక్షణను "చూడటానికి" వీలు లేదు. లేతరంగు కటకములతో పోల్చితే ముదురు రంగు కటకములు మరింత ప్రమాదకరమైన UV వికిరణాన్ని మరియు నీలి కాంతిని యాంత్రికంగా వడగట్టవు. సరిపడని ముదురురంగు కటకములు సరిపడని లేతరంగు కటకముల కన్నా (లేదా అసలు సన్ గ్లాసెస్ ధరించకపోవటం) మరింత ప్రమాదకరం, ఎందుకనగా అవి కంటి పాపను మరింత విచ్చుకునేటట్లు ప్రేరేపిస్తాయి. ఫలితంగా, మరింత వడకట్టబడని వికిరణం కంటిలోకి ప్రవేశిస్తుంది. తయారుచేసే సాంకేతికత ఆధారంగా, చాలినంత రక్షణ ఇచ్చే కటకములు ఎక్కువ లేదా తక్కువ కాంతిని అడ్డుకోగలవు. ఫలితంగా ముదురు లేదా లేత కటకములు వస్తాయి. అయితే కటకముల రంగుకు హామీ ఉండదు. వివిధ రంగుల కటకములు చాలినంత (లేదా చాలని) UV రక్షణను అందించగలవు. నీలి కాంతి విషయంలో, ఆ రంగు కనీసం మొదటి సూచనను అందిస్తుంది: నీలి రంగును అడ్డగించే కటకములు సాధారణంగా పసుపు లేదా కపిల వర్ణంలో ఉండగా నీలి మరియు బూడిద రంగు కటకములు అవసరమైన నీలి కాంతి రక్షణను అందించలేవు. అయినప్పటికీ, ప్రతి పసుపు లేదా కపిల వర్ణ కటకము చాలినంత నీలి కాంతిని అడ్డుకోలేవు. అరుదుగా, కటకములు అధికమైన నీలి కాంతిని (అనగా., 100 %) వడకట్టగలవు. ఇది వర్ణ వీక్షణపై ప్రభావం చూపుతుంది మరియు ట్రాఫిక్ లో రంగుల సిగ్నల్ (సూచీ) లను సరిగా గుర్తించలేనప్పుడు ప్రమాదకరం కావచ్చు.

అధిక ధరలకు మరియు మెరుగైన UV రక్షణ మధ్య సహసమన్వయం కనపడక పోవటంతో అధిక ధరలు చాలినంత రక్షణ భరోసాను అందించలేవు. "ఖరీదైన బ్రాండ్లు మరియు తలీకరించే సన్ గ్లాసెస్ అత్యుత్తమ UVA రక్షణకు భరోసా ఇవ్వలేవు" అని 1995లో చేసిన ఒక అధ్యయనం నివేదించింది.[13] ఆస్ట్రేలియన్ కాంపిటిషన్ మరియు వినియోగదారుల కమీషన్ కూడా ఈవిధంగా నివేదించింది "వినియోగదారులు నాణ్యతకు గుర్తుగా ధరపైన ఆధారపడలేరు".[14] $6.95 విలువ చేసే సామాన్య అద్దములు ఖరీదైన సాల్వటర్ ఫెర్రగామో కళ్ళజోళ్ళ కన్నా కొద్దిగా మెరుగైన రక్షణను అందిస్తాయని కూడా ఒక సర్వేలో కనుగొనబడింది.[15]

సన్ గ్లాసెస్ యొక్క మరిన్ని విధులు[మార్చు]

ఎక్సోఫ్తాల్మాస్ కారణంగా తన కళ్ళను కాపాడుకోవటానికి ఉపయోగించిన, సన్ గ్లాసెస్ జర్మన్ గాయకుడు హీనో కు ట్రేడ్ మార్క్ అయ్యాయి

రంగులద్దని కళ్ళద్దాలు కంటిచూపు సరి చేయటానికి లేదా ఒకరి కళ్ళను రక్షించే ఆచరణాత్మక ప్రయోజనం లేకుండా చాలా అరుదుగా ధరించబడగా, పలు ఇతర కారణముల వలన సన్ గ్లాసెస్ ప్రసిద్ధి పొందాయి. కొన్నిసార్లు వీటిని ఇంటిలోను లేదా రాత్రి వేళలలో కూడా ధరిస్తున్నారు.

సన్ గ్లాసెస్ ఒకరి కళ్ళను దాచుకోవటానికి ధరించవచ్చు. ఇవి చూపుల కలయికను అసంభవం చేయగలవు, ఇది సన్ గ్లాసెస్ ధరించని వారికి దిగులుపుట్టిస్తుంది; తప్పించుకున్న చూపుల కలయిక ధరించిన వారి నిర్లిప్తతను కూడా చూపిస్తుంది,[citation needed] ఇది కొంతమంది ఆంతరంగికులలో అవసరము ("ప్రశాంతత") అనిపిస్తుంది. చూపుల కలయికను దర్పణపు సన్ గ్లాసెస్ ను ఉపయోగించుట ద్వారా మరింత ప్రతిభావంతంగా తప్పించగలము. సన్ గ్లాసెస్ భావోద్వేగాలను దాచి ఉంచుటకు కూడా ఉపయోగపడతాయి; దీని వ్యాప్తి కళ్ళలోని మెరుపులు దాచటం నుంచి దుఃఖించుట దాచటం వరకు ఉంటుంది పర్యవసానంగా కళ్ళు ఎరుపెక్కుతాయి. అన్ని పరిస్థితులలో, కనులను దాచి ఉంచుట మూగభావాల సంసర్గమునకు దారితీస్తుంది.

కళాకారిణి M.I.A. అవుట్ సైడ్ లాండ్స్ మ్యూజిక్ అండ్ ఆర్ట్స్ ఫెస్టివల్ లో తన వస్త్రాలంకరణలో భాగంగా సన్ గ్లాసెస్ ధరించింది.

సన్ గ్లాసెస్ ధరించటానికి, ముఖ్యంగా డిజైనర్ సన్ గ్లాసెస్ ధరించటానికి ఫ్యాషన్ పోకడలు మరొక కారణం కావచ్చు. ప్రత్యేక ఆకృతులలో ఉండే సన్ గ్లాసెస్ ఫ్యాషన్ వస్తువుగా వాడుకలో ఉన్నాయి. ఫ్యాషన్ పోకడలు సన్ గ్లాసెస్ యొక్క "అద్భుత" ప్రజాదరణను కూడా ఉపయోగించుకుంటాయి.

ప్రజలు వారి కళ్ళ యొక్క అసాధారణ ఆకృతిని కప్పిపుచ్చుకోవటానికి కూడా సన్ గ్లాసెస్ ధరిస్తారు. పలు కంటి అవకరములతో ఉన్న గ్రుడ్డి వారి విషయంలో ఇది వాస్తవము. వీరు ఇతరులకు ఇబ్బంది కలిగించకుండా ఉండటానికి సన్ గ్లాసెస్ ధరిస్తారు. అవకరంగా ఉన్న కళ్ళు లేదా అపసవ్య దిశలో చూస్తున్నట్లు ఉన్న కళ్ళను చూడటం కన్నా దాచి పెట్టిన కళ్ళను చూడకుండా ఉండటమే ఎదుటి వ్యక్తికి మరింత సౌఖ్యమనే భావన ఉంది. విప్పారిన లేదా సంకోచించిన కంటిపాపలు, మందులను ఉపయోగించటం మూలంగా జేవురించిన కళ్ళు, ఇటీవలి శారీరిక దూషణ (నలుపు కన్ను వంటి కమిలిన కళ్ళు), ఎక్సోఫ్తాల్మస్ (వాచిన కళ్ళు), శుక్లం, అదుపులేకుండా అదురుతున్న కళ్ళు (నిస్టాగ్మస్) మొదలైనవాటిని దాచిపెట్టటానికి కూడా ప్రజలు సన్ గ్లాసెస్ ధరిస్తారు.

సన్ గ్లాసెస్ కొరకు ప్రామాణికములు[మార్చు]

సన్ గ్లాస్ ప్రమాణములు ప్రధానముగా మూడు ఉన్నాయి. ఇవి UV వికరణం నుండి సన్ గ్లాస్ రక్షణ కొరకు ఎక్కువగా ప్రస్తావించబడతాయి; అయినప్పటికీ, ఈ ప్రమాణములలో మరిన్ని కాంక్షితాలు కూడా ఉంటాయి. ఒక ప్రపంచవ్యాప్త ISO ప్రమాణం ఇప్పటికీ లేదు, కానీ 2004 నాటికి, ఆ విధమైన ప్రమాణమును ప్రవేశపెట్టే ప్రయత్నములు తదనుబంధ ISO స్టాండర్డ్స్ కమిటీ, ఉప కమిటీ, సాంకేతిక కమిటీ, మరియు పలు క్రియాశీలక వర్గముల ఆవిర్భావానికి దారి తీసాయి.[16] ప్రమాణములు అన్నీ అయిచ్ఛికములు, కావున అన్ని సన్ గ్లాసెస్ వీటిని అనుసరించవు, లేదా తయారీదారులు వీటిని అనుసరించవలసిన అవసరం లేదు.

2009 నాటికి, యూరోపియన్ CE గుర్తు ఆ కళ్ళద్దాలు వాస్తవంగా ఒక సురక్షితమైన సూర్య రక్షణను అందిస్తాయని సూచిస్తుంది

ఆస్ట్రేలియన్ ప్రమాణం AS/NZ1067:2003. ఈ ప్రమాణం క్రింద ప్రసరణ (ఫిల్టర్) కొరకు 0 నుండి 4 వరకు ఉన్న ఐదు రేటింగులు గ్రహించబడిన కాంతి పరిమాణంపైన ఆధారపడతాయి. ఇందులో "0" UV వికరణం మరియు సూర్యుని అధిక ప్రకాశం నుండి కొంత రక్షణను అందిస్తాయి, మరియు "4" అధిక స్థాయి రక్షణను అందిస్తాయి, కానీ వీటిని వాహనాలు నడుపుతున్న సమయంలో ధరించకూడదు. 1971లో ఆస్ట్రేలియా సన్ గ్లాసెస్ కొరకు ప్రపంచపు మొదటి జాతీయ ప్రమాణములను ప్రవేశపెట్టింది. తదనంతరం ఇవి మరింత మెరుగై, అభివృద్ధి చెంది 1990 లో AS 1076.1-1990 సన్ గ్లాసెస్ మరియు ఫ్యాషన్ కళ్ళజోళ్ళ ఆవిర్భావానికి దారి తీసాయి (వీటిలో: పార్ట్ 1 రక్షణకు అవసరమైనవి మరియు పార్ట్ 2 పనిచేయటానికి అవసరమైనవి), 2003లో దీని తర్వాత AS/NZ1067:2003 వచ్చింది. 2003లో జరిగిన అప్డేట్ ఆస్ట్రేలియన్ ప్రమాణమును యూరోపియన్ ప్రమాణము వలెనే చేసింది. దీని మూలంగా ఆస్ట్రేలియాలో తయారైన సన్ గ్లాసెస్ యూరోపియన్ విపణిలోకి ప్రవేశించాయి, కానీ ఆ ప్రమాణము ఆస్ట్రేలియా వాతావరణమునకు ప్రత్యేకముగా అవసరమైన వాటిని కూడా కలిగి ఉంది.[17]

యూరోపియన్ ప్రమాణము EN 1836:2005 నాలుగు ప్రసరణ రేటింగులను కలిగి ఉంది: చాలనంత UV రక్షణ కొరకు "0", తగినంత UHV రక్షణ కొరకు "2", మేలైన UHV రక్షణ కొరకు "6" మరియు "పూర్తి" UHVV రక్షణ కొరకు "7". అనగా 380 nm కిరణములలో 5 % కన్నా ఎక్కువ ప్రసారం కావు. ఆ ప్రమాణమును సంతృప్తపరిచే ఉత్పత్తులకు ఒక CE గుర్తు లభిస్తుంది. ఇతర దేశములకు (యునైటెడ్ స్టేట్స్ తో సహా) అవసరమైనట్లుగా మరియు నిపుణులు సూచించినట్లుగా, 400 nm ("UV 400") వరకు ఉన్న వికిరణానికి ప్రసరణ రక్షణ కొరకు రేటింగు లేదు.[8] ప్రస్తుత ప్రమాణం EN 1836:2005 కి ముందు పాత ప్రమాణములైన EN 166:1995 (స్వీయ నేత్ర రక్షణ –వివరములు), EN167: 1995 (స్వీయ నేత్ర రక్షణ – నేత్ర పరీక్షా విధానములు), and EN168: 1995 (స్వీయ నేత్ర రక్షణ – దృష్టికి సంబంధించని పరీక్షా విధానములు) ఉండేవి. ఇవి 2002లో EN 1836:1997 (ఇందులో రెండు దిద్దుబాట్లు ఉంటాయి) పేరు క్రింద ఒక సవరించబడిన ప్రమాణముగా పునర్ముద్రించబడ్డాయి. వడపోతతో పాటు, ఈ ప్రమాణం కనిష్ట ధృడత్వము, ముద్రించబడిన వివరములు, ముడి సరుకులు (చర్మానికి తగిలినా ప్రమాదకరం కానివి మరియు మండే గుణం లేనివి) మరియు బయటకు పొడుచుకు రాకుండా ఉండటం (వాటిని ధరించేటప్పుడు హాని కలిగించకుండా ఉండటానికి) మొదలైన అవసరములను కూడా జాబితా చేస్తుంది.[16]

U.S. ప్రమాణము ANSI Z80.3-2001. ఇందులో మూడు ప్రసరణ వర్గములు ఉంటాయి. ANSI Z80.3-2001 ప్రమాణం ప్రకారం, ఆ కటకం ఒక శాతం కన్నా ఎక్కువ UVB (280 to 315 nm) ప్రసరణను కలిగి ఉండకూడదు మరియు వీక్షించగలిగే కాంతి ప్రసరణకు 0.3 రెట్ల కన్నా ఎక్కువ UVA (315 to 380 nm) ప్రసరణను కలిగి ఉండకూడదు. ANSI Z87.1-2003 ప్రమాణములో ప్రాధమిక అభిఘాతము మరియు అధిక అభిఘాతము ఉంటాయి. ప్రాధమిక అభిఘాత పరీక్షలో, ఒక 1 in (2.54 cm) ఇనుప బంతి 50 in (127 cm) ఎత్తు నుండి కటకం పైకి జారవిడవబడుతుంది. అధిక వడి పరీక్షలో, ఒక 1/4 అంగుళం (6.35 mm) ఇనుప బంతి 150 ft/s (45.72 m/s) వేగంతో కటకంపైకి విసరబడుతుంది. ఈ రెండు పరీక్షలలో నెగ్గటానికి, కటకంలో ఏ భాగమూ కంటికి తగలకూడదు.

ప్రత్యేక-ప్రయోజన సన్ గ్లాసెస్[మార్చు]

క్రీడలలో సన్ గ్లాసెస్[మార్చు]

సన్ గ్లాసెస్ ధరించిన ఒక సముద్ర కయకేర్

లోపాలను సరిదిద్దే కళ్ళ జోళ్ళు చేసినట్లుగా, క్రీడల కొరకు ధరించినప్పుడు సన్ గ్లాసెస్ ప్రత్యేక అవసరములను తీర్చగలగాలి. వాటికి పగలని మరియు తాకిడికి తట్టుకునే కటకములు అవసరము; క్రీడలలో పాల్గొనే సమయంలో అవి పడిపోకుండా ఉండటానికి ప్రత్యేకముగా ఒక వారు లేదా కట్టి ఉంచటానికి వేరే ఏదైనా ఉపయోగిస్తారు.

జల క్రీడల కొరకు, నీటి సన్ గ్లాసెస్ (ఇంకా: సర్ఫ్ కళ్ళద్దాలు లేదా నీటిలో ధరించే కళ్ళజోళ్ళు) అనబడేవి సర్ఫ్ లేదా నీటినురగ వంటి అలలతో కూడిన నీటిలో ఉపయోగించటం కొరకు ప్రత్యేకముగా రూపొందించబడినవి. క్రీడల కొరకు ఉపయోగించే కళ్ళజోళ్ళలో ఉండే లక్షణములతో పాటు, నీటి సన్ గ్లాసెస్ మునిగి పోకుండా ఉండటానికి మెరుగైన తేలే గుణం కలిగి ఉంటాయి, మరియు మసక బారకుండా ఉంచటానికి అవి ఒక బెజ్జమును లేదా ఇతర విధానములను కలిగి ఉంటాయి. ఈ సన్ గ్లాసెస్ సర్ఫింగ్, విండ్ సర్ఫింగ్, కైట్ బోర్డింగ్, వేక్ బోర్డింగ్, కాయకింగ్, జెట్ స్కీయింగ్, బాడీ బోర్డింగ్, మరియు వాటర్ స్కీయింగ్ వంటి జలక్రీడలలో ఉపయోగించబడతాయి.

పర్వతారోహణ లేదా హిమానీ నదములు లేదా మంచు ప్రాంతముల గుండా ప్రయాణములకు సగటు కన్నా ఎక్కువ కంటి రక్షణ అవసరం, ఎందుకనగా ఎత్తైన ప్రదేశములలో సూర్యరశ్మి (అతినీలలోహిత వికిరణంతో సహా) మరింత తీవ్రంగా ఉంటుంది, మరియు పొడి మంచు మరియు మంచు అదనపు కాంతిని వితర్కిస్తాయి. ఈ ప్రయోజనం కొరకు వాడే కళ్ళజోళ్ళు గ్లేసియర్ గ్లాసెస్ లేదా గ్లేసియర్ గాగుల్స్ అనబడే రకములు. అవి గుండ్రని దట్టమైన ముదురు రంగు కటకములను మరియు ప్రక్కలలో తోలు గంతలను కలిగి ఉంటాయి. ఈ గంతలు కటకముల చివర్ల చుట్టూ సూర్యుని కిరణములను అడ్డుకోవటం ద్వారా కళ్ళను రక్షిస్తాయి.

అంతరిక్షంలో సన్ గ్లాసెస్[మార్చు]

2006: స్వీడిష్ వ్యోమగామి క్రిస్టర్ ఫుగిల్సంగ్ ఇంటర్నేషనల్ స్పేస్ స్టేషన్ కొరకు ఒక నిర్మాణ కార్యక్రమ సమయంలో కళ్ళద్దాలు ధరించాడు

అంతరిక్షయానానికి ప్రత్యేక రక్షణ అవసరము ఎందుకనగా అక్కడ సూర్యరశ్మి భూమి మీద కన్నా మరింత తీవ్రంగా మరియు ప్రమాదకరంగా ఉంటుంది. భూమి మీద ఈ సూర్యరశ్మి ఎప్పుడూ వాతావరణము గుండా వడగట్టబడుతుంది. అంతరిక్ష నౌక లోపల మరియు బయట కూడా, అత్యధిక UV వికిరణం నుండి మరియు ప్రమాదకరమైన అదో లోహిత వికిరణం నుండి సూర్యుని నుండి రక్షణ అవసరము. అంతరిక్షనౌకలోనే, వ్యోమగాములు ముదురురంగు కటకములు మరియు ఒక పలుచని బంగారు రక్షణ కవచంతో కూడిన సన్ గ్లాసెస్ ధరిస్తారు. అంతరిక్ష గమనముల సమయంలో, అదనపు రక్షణ కొరకు పలుచని బంగారు పూతను కూడా కలిగి ఉండే, వ్యోమగాముల శిరస్త్రాణముల యొక్క కవచము, పటిష్టమైన సన్ గ్లాసెస్ గా పనిచేస్తాయి.[18][19][20] అంతరిక్షంలో కళ్ళజోళ్ళ ఫ్రేములు కూడా ప్రత్యేక కాంక్షితములను తృప్త పరచాలి. క్రీడా కళ్ళజోళ్ళ మాదిరిగానే, అవి వశ్యంగా మరియు స్థిరంగా ఉండాలి, మరియు సూన్య-ఆకర్షణ పరిస్థితులకు తట్టుకునే విశ్వసనీయ అమరిక కలిగి ఉండాలి. కొందరు వ్యోమగాములు బిగుతైన శిరస్త్రాణముల క్రింద మరియు వారి అంతరిక్ష దుస్తులలో కళ్ళజోళ్ళు ధరిస్తారు. దీనికి ప్రత్యేకముగా బాగా -అనుకూలమైన ఫ్రేము కావాలి: ఒకసారి ఆ అంతరిక్ష దుస్తులు ధరించిన తరువాత జారిపోయిన కళ్ళజోడును పైకి నేట్టుకోవటానికి వారు వారి తలను ముట్టుకోలేరు. నాస్తి గురుత్వంలో పనిచేసేటప్పుడు కొన్నిసార్లు 10 గంటల సమయం వరకు వారు అలానే ఉండవలసి వస్తుంది. ఇంకొక ప్రమాదం ఏమిటంటే ఆ కళ్ళజోడులోని చిన్న ముక్కలు (మరలు, గాజు ముక్కలు) ప్రక్కకు తొలగిపోయి వ్యోమగామి యొక్క శ్వాసవ్యవస్థలోకి తేలుతూ వెళతాయి. వీటిలో కొన్ని సవాళ్లు, ముఖ్యంగా సూర్యరశ్మి నుండి రక్షణ ఇచ్చే అంతరిక్ష దుస్తుల శిరస్త్రాణం లోపల కళ్ళజోళ్ళను ధరించటం, లోపాలను సరిచేసే కల్లజోల్లకు వర్తిస్తుంది కానీ సన్ గ్లాసెస్ కు వర్తించాల్సిన అవసరం లేదు. ఇప్పుడు NASA రెండు రకాల కళ్ళజోళ్ళ కొరకు ఒకే రకమైన ఫ్రేములను ఉపయోగిస్తోంది. దానిమూలంగా ఆ ఫ్రేములు అన్ని పరిస్థితులను తట్టుకోగలగాలి. దానికి సంబంధించిన ఒక సవాలు ఏమిటంటే భూమిపైన కళ్ళజోళ్ళు ధరించని వ్యోమగాములు సైతం అంతరిక్షంలో లోపాలు సరిచేసే కళ్ళజోళ్ళు ధరించాలి ఎందుకనగా నాస్తి గురుత్వం మరియు పీడన మార్పులు తాత్కాలికంగా వారి దృష్టిని ప్రభావితం చేస్తాయి; తత్ఫలితంగా భూమిమీద 70 % మంది కళ్ళజోళ్ళు ధరిస్తే, అంతరిక్షంలో 90 % వ్యోమగాములు కళ్ళజోళ్ళు ధరిస్తారు.[18]

చంద్రునిపై కాలుమోపినప్పుడు ఉపయోగించిన మొదటి సన్ గ్లాసెస్ అమెరికన్ ఆప్టికల్ ఉత్పత్తి చేసిన అసలైన పైలట్ సన్ గ్లాసెస్. 1969లో, అవి మానవసహితంగా చంద్రునిపై కాలుమోపిన మొదటి నౌక (అపోలో 11) యొక్క చంద్రయాన నౌక ఈగిల్ లో చేరాయి.[21] – జెట్ ప్రొపల్షన్ లాబరేటరీ (JPL) వద్ద ప్రధానంగా జేమ్స్ B. స్టీఫెన్స్ మరియు చార్లెస్ G. మిల్లర్ అనే శాస్త్రవేత్తలు నిర్వహించిన NASA పరిశోధన అంతరిక్షంలో కాంతి నుండి లేదా లేసర్ లేదా మాటువేసే (వెల్డింగ్) సమయంలో వెలువడే కాంతినుండి రక్షించే ప్రత్యేక కటకముల ఆవిర్భావానికి దారితీసింది. ఆ కటకములు అద్దకపు రంగులను మరియు చిన్న జింక్ ఆక్సైడ్ రేణువులను ఉపయోగించుకున్నాయి; జింక్ ఆక్సైడ్ అతినీలలోహిత కాంతిని పీల్చుకుంటుంది మరియు సన్ స్క్రీన్ లేపనములలో కూడా ఉపయోగించబడుతుంది. తరువాత ఈ పరిశోధన మరిన్ని భూసంబంధ అన్వయములకు విస్తరించింది, ఉదాహరణ , ఎడారులు, పర్వతములు, లేదా ప్రతిదీప్త-కాంతితో కూడిన కార్యాలయములు, మరియు ఒక U.S. వ్యాపార సంస్థ ఈ సాంకేతికతను వ్యాపారపరంగా ప్రచారం చేసింది.[22] 2002 నుండి, NASA ఆస్ట్రియన్ కంపెనీ సిల్హౌఎట్ యొక్క టైటాన్ మినిమల్ ఆర్ట్ డిజైనర్ నమూనా ఫ్రేమును ఉపయోగించుకుంటోంది. ఈ నమూనా ఆ వ్యాపార సంస్థ మరియు "ఆ" NASA కళ్ళద్దాల నిపుణుడు కీత్ మాన్యుఎల్ సంయుక్తంగా రూపొందించిన ప్రత్యేక నల్ల కటకములతో కలుస్తుంది. ఈ ఫ్రేము చాలా తేలికగా ఉండటానికి ప్రసిద్ధి చెందింది. దీని బరువు 10 mg లోపు ఉంటుంది, మరియు ఇందులో మరలు, కీళ్ళు ఉండవు. కావున చిన్న ముక్కలు ఏవీ విడిపోవు.[18]

నిర్మాణం[మార్చు]

కటకం[మార్చు]

మన్హట్టన్ లో అమ్మకానికి, వివిధ రంగుల కటకములతో ఉన్న సన్ గ్లాస్ నమూనాలు

స్టైల్ (తీరు), ఫ్యాషన్ మరియు ప్రయోజనం ఆధారంగా కటకం రంగు మారవచ్చు, కానీ వర్ణ వికారమును తప్పించుకోవటానికి లేదా తగ్గించటానికి, సాధారణ వాడుక కొరకు, ఎరుపు, ఊదా, పసుపు, లేదా కపిల వర్ణములు సిఫార్సు చేయబడతాయి. ఈ వర్ణ వికారము ఉదాహరణకు, ఒక కారు కానీ, స్కూలు బస్సు కానీ నడుపుతున్నప్పుడు రక్షణకు విఘాతం కలిగిస్తుంది.

  • ఊదా రంగు మరియు ఆకుపచ్చ రంగు కటకములు అసలైన రంగులను నిలుపుకోవటంతో తటస్థముగా పరిగణించబడతాయి.
  • కపిల వర్ణ కటకములు కొంత వర్ణ వికారమును కలిగిస్తాయి, కానీ బేధాన్ని కూడా పెంచుతాయి.
  • మధ్యస్థ మరియు అధిక కాంతి ఉన్న పరిస్థితులకు ఆకాశనీలపు కటకములు మంచివి, ఎందుకనగా బేధమును పెంచటంలో అవి బాగా పనిచేస్తాయి, కానీ గణనీయమైన వర్ణ వికారాన్ని కలిగించవు.
  • నారింజ మరియు పసుపు రంగు కటకములు బేధాన్ని మరియు లోతు గ్రాహ్యతను పెంచుతాయి. అవి వర్ణ వికారాన్ని కూడా పెంచుతాయి. పైలట్లు, పడవ నడిపేవారు, చేపలు పట్టేవారు, పిట్టలదొరలు, మరియు వేటగాళ్ళు వారి దృష్టి గ్రాహ్యతను పెంపొందించుకోవటానికి మరియు పరిధి గ్రాహ్యత లక్షణముల కొరకు పసుపు రంగు కటకములు వాడతారు.[10]
  • నీలి వర్ణపు మరియు ధూమ్ర వర్ణపు కటకములు ముఖ్యముగా పై మెరుగుల కొరకు.

ఆఫీసు కంప్యూటింగ్ ప్రవేశంతో, ఎర్గానమిస్ట్ (మానవ ఇంజనీరింగ్ నిపుణులు) కంప్యూటర్ల ముందు పనిచేసే వారికి, వర్ణ బేధమును గుర్తించే సామర్ధ్యాన్ని పెంచటం కొరకు, కొద్ది మోతాదులో రంగులద్దిన కళ్ళజోళ్ళను ఉపయోగించమని సూచిస్తున్నారు.[citation needed]

స్పష్టమైన కటకములు ప్రత్యేకముగా తాకిడి, శిధిలాలు, దుమ్ము, లేదా రసాయనముల నుండి కళ్ళను రక్షించటానికి ఉపయోగించబడతాయి. మార్చుకోగలిగిన కటకముతో కూడిన కొన్ని సన్ గ్లాసెస్ అల్ప కాంతి లేదా తొలి పొద్దు కార్యక్రమముల నుండి కళ్ళను రక్షించటానికి తడి కటకములను కలిగి ఉంటాయి.

నీలి కాంతిని అడ్డుకునే కొన్ని సన్ గ్లాసెస్ (పైన చూడుము) ప్రకాశవంతమైన సూర్యకాంతిని ఎదుర్కోవటానికి సాధారణ సన్ గ్లాసెస్ గా ఉత్పత్తి కాగా, ఇతరములు—ముఖ్యంగా కంటిచూపు మందగిస్తున్న రోగుల కొరకు ఉన్నవి—సాధారణ ఉదయ కాంతిలో మరియు మసకగా ఉన్న సూర్యకాంతిలో సైతం చక్కగా పనిచేయటానికి కాంతిని లేదా ఇతర రంగులను అడ్డుకోవు.[8] ఇతరములు మెలటోనిన్ హార్మోన్ ఉత్పత్తిని నిరోధించే కాంతిని అడ్డుకుంటూ, తగినంత కాంతి ప్రసారానికి వీలు కల్పిస్తాయి కావున సాధారణ సాయంకాయ కార్యకలాపములు కొనసాగవచ్చు.[citation needed] తక్కువ రంగుఅద్దిన నీలి కళ్ళజోళ్ళు కొన్నిసార్లు నిద్రలేమి చికిత్స కొరకు సిఫార్సు చేయబడతాయి; వాటిని చీకటి పడిన తర్వాత కృత్రిమ వెలుగులో, జీవ లయను పునః స్థాపితం చేయటానికి ధరిస్తారు.[citation needed]

కొన్ని నమూనాలు నీటి వంటి తలీకరించే ఉపరితలముల నుండి పరావర్తనం చెందిన కాంతి (ఇది ఏ విధంగా పని చేస్తుందో తెలుసుకోవాలంటే బ్రూస్టర్'స్ యాంగిల్ చూడుము) మూలంగా, అదేవిధంగా తలీకరించబడిన వెదజల్లబడిన ఆకాశ వికిరణం (ఆకాశకాంతి) మూలంగా వచ్చే అధిక ప్రకాశమును తగ్గించటానికి, పోలరాయిడ్ తలీకరించిన ప్లాస్టిక్ కప్పుతో తయారైన, తలీకరించబడిన కటకములను కలిగి ఉంటాయి. ఇది చేపలు పట్టే సమయంలో చాలా ఉపయోగకరం. ఈ సమయంలో నీటి ఉపరితలం క్రింద చూడగలగటం చాలా ముఖ్యం.

దర్పణపు పూత కూడా కటకమునకు పూయబడుతుంది. ఈ దర్పణపు పూత కాంతి కటకాన్ని తాకినప్పుడు, అది కటకము గుండా ప్రసరించకుండా కొంత కాంతిని పక్కకు జరుపుతుంది. దీనితో ప్రకాశవంతమైన పరిస్థితులలో ఇది చాలా ఉపయోగపడుతుంది; అయినప్పటికీ, ఇది UV వికిరణమును కూడా పరావర్తనం చేయవలసిన అవసరం లేదు. తయారీదారులు హంగు మరియు ఫ్యాషన్ ప్రయోజనముల కొరకు ప్రతిబింబ పూతలను ఏ రంగులో అయినా తయారుచేస్తున్నారు. ప్రతిబింబ ఉపరితల రంగుకి కటకపు రంగుతో సంబంధం లేదు. ఉదాహరణకు, ఒక ఊదారంగు కటకము నీలి అద్దపు పూతను, మరియు ఒక కపిల వర్ణపు కటకము వెండి పూతను కలిగి ఉండవచ్చు. ఈ రకమైన సన్ గ్లాసెస్ కొన్నిసార్లు మిర్రర్ షేడ్స్ అని పిలవబడతాయి. అద్దపు పూత సూర్యకాంతిలో వేడెక్కదు మరియు మందమైన కటకములో కిరణముల పరిక్షేపణను అడ్డుకుంటుంది.

సన్ గ్లాస్ కటకములు గాజుతో లేదా ప్లాస్టిక్ తో తయారవుతాయి. ప్లాస్టిక్ కటకములు ప్రత్యేకముగా అక్రైలిక్, పాలీకార్బోనేట్, CR-39 లేదా పాలీయురెతేన్ తో తయారవుతాయి. గాజు కటకములు ఉత్తమ ఆప్టికల్ స్పష్టతను మరియు గీతలకు నిరోధకత్వాన్ని కలిగి ఉంటాయి, కానీ ప్లాస్టిక్ కటకముల కన్నా బరువుగా ఉంటాయి. అవి తాకిడికి పగిలిపోతాయి లేదా విరిగిపోతాయి. ప్లాస్టిక్ కటకములు తేలికగా ఉంటాయి మరియు అవి త్వరగా పగలవు, కానీ వాటి పైన గీతలు ఎక్కువగా పడతాయి. పాలీకార్బోనేట్ ప్లాస్టిక్ కటకములు చాలా తేలికగా ఉంటాయి మరియు అవి దాదాపు పగలవు. దీనితో తాకిడి నుండి రక్షణకు అవి మంచివి. తక్కువ బరువు, గీతలు పడకుండా తట్టుకునే అధిక సామర్ధ్యం, అతినీలలోహిత మరియు అధోలోహిత వికిరణము కొరకు అత్యల్ప పారదర్శకత కారణంగా CR-39 సర్వ సాధారణముగా వాడే ప్లాస్టిక్ కటకము.

ఒక జత సన్ గ్లాసెస్ కొరకు పైన పేర్కొన్న లక్షణములలో ఏదైనా, రంగు, తలీకరణ, క్రమము, ప్రతిబింబింపజేయటం, మరియు ముడిసరుకులు కటకములో జత చేయవచ్చు. వాలు కళ్ళజోళ్ళు ఆకాశమును వీక్షించే కటకపు పై భాగంలో ముదురు రంగులో ఉంటాయి మరియు క్రింది భాగంలో పారదర్శకంగా ఉంటాయి. లోపాలు సరిచేసే కటకములు లేదా కళ్ళద్దాలు రంగులద్దటం లేదా ముదురు వర్ణంలోకి మార్చటం ద్వారా సన్ గ్లాసెస్ గా పనిచేస్తాయి. సాధారణ కల్లజోడుపైన సరిగ్గా అమరే భారీ సన్ గ్లాసెస్ వంటి రెండవ కటకములతో కూడిన లోపాలను సరిచేసే కళ్ళజోళ్ళను ఉపయోగించటం ఒక ప్రత్యామ్నాయం. కళ్ళజోళ్ళ ముందు ఉంచే క్లిప్-ఆన్ కటకము, మరియు ఫ్లిప్-అప్ అద్దములు, వీటిలో ఉపయోగములో లేనప్పుడు పైకి లేపగలిగే నల్లని కటకములను కలిగి ఉంటాయి (క్రింద చూడుము). ఫోటోక్రోమిక్ కటకములు ప్రకాశవంతమైన కాంతిలో నెమ్మదిగా ముదురు రంగులోకి మారుతాయి.

ఫ్రేములు(చట్రములు)[మార్చు]

ఈ సన్ గ్లాస్ కంటి కవచము ఒక నైలాన్ అర్ధ-ఫ్రేము మరియు మార్చుకోగలిగిన కటకములను ఉపయోగించుకుంటుంది
ఇంటి లోపల సన్ గ్లాసెస్ ధరించిన పాల్ న్యూమాన్

ఫ్రేములు సాధారణంగా ప్లాస్టిక్, నైలాన్, ఒక లోహం లేదా ఒక మిశ్రమ లోహంతో తయారుచేయబడతాయి. నైలాన్ ఫ్రేములు తేలికగా ఉండి ఎలా వంచితే అలా వంగటంతో వాటిని సాధారణంగా క్రీడలలో ఉపయోగిస్తారు. వాటి పైన ఒత్తిడి పెట్టినప్పుడు అవి విరిగి పోవటానికి బదులు అవి కొద్దిగా వంగి వాటి అసలు రూపానికి తిరిగి రాగలవు. ఈ వంపు తిరిగే గుణం కళ్ళద్దాలు ధరించినవారి మొహాన్ని చక్కగా పట్టుకుని ఉండటంలో కూడా సహాయం చేస్తాయి. లోహ ఫ్రేముల సాధారణంగా నైలాన్ ఫ్రేముల కన్నా మరింత ధృడంగా ఉంటాయి, దాని మూలంగా వాటిని ధరించిన వారు క్రీడా కార్యక్రములలో పాల్గొన్నప్పుడు అవి మరింత సులువుగా పాడుకావచ్చు, కానీ వాటిని క్రీడా కలాపములలో ఉపయోగించలేమని చెప్పలేము. లోహపు ఫ్రేములు మరింత ధృడంగా ఉండటం వలన, ధరించిన వారి మొహాన్ని మెరుగ్గా పట్టి ఉంచటంలో సహాయం చేయటానికి, కొన్ని మోడళ్ళు స్ప్రింగు ఎక్కించిన కీళ్ళను కలిగి ఉన్నాయి. విశ్రాంత కొక్కెం యొక్క కొన మరియు ముక్కు పైన ఉండే దూలము చదును చేయబడుతుంది లేదా దాని పట్టును మెరుగుపరచటానికి రబ్బర్ లేదా ప్లాస్టిక్ వస్తువును కలిగి ఉంటుంది. పైన ఉండే కొక్కెం యొక్క చివరలు చెవి చుట్టూ తిరగటానికి సాధారణముగా మెలితిరిగి ఉంటాయి; అయినప్పటికీ, కొన్ని రకములలో నిటారైన కొక్కెములు ఉంటాయి. ఉదాహరణకు, ఓక్లీ, వాటి అద్దముల అన్నింటి పైనా తిన్ననైన కొక్కెములు ఉంటాయి. వీటి మూలంగా అవి "చెవికాడలు"గా పిలవబడతాయి.

కటకములను పలు విభిన్న రీతులలో పట్టి ఉంచటానికి ఫ్రేములు తయారుకావచ్చు. ఇక్కడ మూడు సాధారణ రీతులు ఉన్నాయి: పూర్తి ఫ్రేము, అర్ధ ఫ్రేము, మరియు ఫ్రేము లేనివి. పూర్తి ఫ్రేము కళ్ళజోళ్ళలో ఫ్రేము కటకముల చుట్టూ ఉంటుంది. అర్ధ ఫ్రేములు కేవలం కటకంలో సగ భాగం చుట్టూ మాత్రమే ఉంటాయి; విలక్షణంగా ఆ ఫ్రేములు కటకములకు పైన మరియు పై భాగానికి ప్రక్కన అతికించబడి ఉంటాయి. ఫ్రేము లేని కళ్ళజోళ్ళకు కటకముల చుట్టూ ఫ్రేము ఉండదు మరియు చెవికాడలు కటకములతో నేరుగా అతికించబడి ఉంటాయి. ఫ్రేము లేని కళ్ళజోళ్ళలో రెండు రకములు ఉంటాయి: రెండు కటకములను కలిపే ఫ్రేమును కలిగి ఉండేవి, మరియు రెండు వైపులా చెవి కాడలతో ఉన్న ఏక కటకములు.

క్రీడల కొరకు ప్రత్యేకంగా తయారుచేసిన కొన్ని సన్ గ్లాసెస్ మార్చుకోగలిగిన కటకములను కలిగి ఉంటాయి. సాధారణంగా భిన్నమైన రంగు కలిగిన, ఒక భిన్న కటకం కొరకు కటకములు సులువుగా తొలగించబడతాయి మరియు మార్చుకోబడతాయి. కాంతి పరిస్థితులు లేదా కార్యకలాపములు మారినప్పుడు ధరించినవారు సులువుగా కటకములను మార్చుకునేటట్లు చేయటమే దీని ప్రయోజనం. ఒక జత కటకముల ఖరీదు వేరే జత కళ్ళద్దాల ఖరీదు కన్నా తక్కువ ఉండటం, మరియు అదనపు కటకములను తీసుకు వెళ్ళటం పలు జతల కళ్ళద్దాలను తీసుకు వెళ్ళటం కన్నా సులువు అవటం దీనికి కారణములు. దీనితో ఒకవేళ కటకములు పాడయితే వాటిని మార్చుకోవటం కూడా సులభమవుతుంది. రెండు కళ్ళను కప్పే ఒక కటకం లేదా డాలును కలిగి ఉన్న మార్చుకోగలిగిన కటకములతో ఉన్న సన్ గ్లాసెస్ అత్యంత సాధారణ రకం. రెండు కటకములను ఉపయోగించే రకములు కూడా ఉంటాయి, కానీ అవి సాధారణంగా ఉండవు.

ముక్కు దూలము[మార్చు]

ముక్కు దూలములు కటకానికి మరియు మొహానికి మధ్య ఊతాన్ని అందిస్తాయి. అవి కటకము మరియు ఫ్రేము బరువు మూలంగా చెంపల పైన వచ్చే భారపు గుర్తులను కూడా నివారిస్తాయి. పెద్ద ముక్కు కలవారికి వారి సన్ గ్లాసెస్ పైన లఘు ముక్కు దూలములు అవసరమవుతాయి. మధ్యస్థ ముక్కు కలిగిన వారికి లఘు లేదా మధ్యస్థ ముక్కు దూలములు అవసరమవుతాయి. చిన్న ముక్కు కలవారికి స్పష్టత కొరకు ఎత్తయిన ముక్కు దూలములతో ఉన్న సన్ గ్లాసెస్ అవసరమవుతాయి.

ఫ్యాషన్ (అక్షరక్రమములో)[మార్చు]

ఏవియేటర్ సన్ గ్లాసెస్[మార్చు]

విమాన చోదక సన్ గ్లాసెస్

ఏవియేటర్ సన్ గ్లాసెస్ అసాధారణ పరిమాణంలో కన్నీటి చుక్క రూపులో ఉన్న పలుచని లోహ చట్రాన్ని కలిగి ఉంటాయి. రే-బాన్ కంపెనీ 1936లో U.S. సైనిక విమాన చోదకులకు అందజేయటానికి ఈ డిజైన్ ను ప్రవేశపెట్టింది. యునైటెడ్ స్టేట్స్ లో విమాన చోదకులు, సైనికులు మరియు చట్టాన్ని అమలు చేసే వ్యక్తులలో వాటికి ఉన్న ఆదరణ ఎప్పటికీ చెక్కుచెదరలేదు.[citation needed] ఒక ఫ్యాషన్ ప్రకటనగా, ఏవియేటర్ సన్ గ్లాసెస్ ఎక్కువగా అద్దములతో, రంగులద్దిన, మరియు చుట్టూ కట్టుకునే రీతులలో తయారవుతాయి. విమాన చోదకులతో పాటు, ఏవియేటర్-తరహా సన్ గ్లాసెస్ 1960ల చివరలో యువత ఆదరణను చూరగొని జనరంజకంగా ఉంటూ ఉన్నాయి. 1990లలో, వీటి జనాదరణ కొద్దిగా తగ్గింది.

క్లిప్-ఆన్ గ్లాసెస్[మార్చు]

క్లిప్-ఆన్ గ్లాసెస్ సూర్యుని నుండి రక్షణ కొరకు కళ్ళజోళ్ళకు పట్టి ఉంచగలిగే ఒక రకపు రంగులద్దిన అద్దములు. ఫ్లిప్-అప్ గ్లాసెస్ వీటి ప్రత్యామ్నాయములు.

వాలు కటకములు[మార్చు]

వాలు కటకములు పైన ఒక ముదురు రంగు నుండి క్రిందకు వచ్చేసరికి లేత రంగుకు మారుతాయి. కావున కటకము పై భాగము నుండి చూసినప్పుడు సూర్య కాంతి నుండి మరింత రక్షణ ఉంటుంది, కానీ కటకపు క్రింది భాగం గుండా చూసినప్పుడు, తక్కువ రక్షణ అందించబడుతుంది. దీని కున్న ఒక ఫ్యాషన్ ప్రయోజనం ఏమిటంటే ఎక్కడా తట్టుకుని పడిపోతామని భయంలేకుండా వీటిని ఇంటిలో కూడా ధరించవచ్చు. వీటి వలన చూపుకు కూడా ఏమీ ఇబ్బంది ఉండదు. నైట్ క్లబ్బులకు సన్ గ్లాసెస్ ధరించి వెళ్ళటం ఈ రోజులలో సర్వసాధారణం. ఇక్కడ వాలు కటకములు అందుబాటులో ఉంటాయి. వాలు కటకములు విమానములు మరియు వాహనములు నడపటం వంటి పనుల కొరకు కూడా ఉపయోగంగా ఉంటాయి. ఇవి ముందుఅద్దం నుండి వచ్చే ప్రకాశవంతమైన కాంతిని తగ్గిస్తూనే, వాహన చోదకుని వీక్షణ రేఖకు దిగువన, మరియు సాధారణంగా నీడలో దాక్కుని ఉన్న ఉపకరణ పలకను స్పష్టంగా చూడగలిగేటట్లు చేస్తాయి ది ఇండిపెండెంట్ (లండన్), కూడా ఈ తరహా సన్ గ్లాసెస్ ను మర్ఫీ లెన్స్ గా ప్రస్తావించింది.[23]

జంట వాలు కటకములు పైన ముదురు రంగులో, మధ్యలో లేతగా మరియు దిగువన ముదురు రంగులో ఉంటాయి.

ఫ్లిప్-అప్ సన్ గ్లాసెస్[మార్చు]

ఫ్లిప్-అప్ (పైకి తెరవగలిగే) సన్ గ్లాసెస్ లోపాలను సరిచేసే కళ్ళజోళ్ళకు సన్ గ్లాసెస్ యొక్క ప్రయోజనాలను జతచేస్తాయి. దీనిని ధరించిన వారు ఇంటి లోపల ఉపయోంచుకోవటానికి రంగులద్దిన కటకములను పైకి తెరవగలిగే వీలు ఉంటుంది. క్లిప్-ఆన్ గ్లాసెస్ వీటికి ప్రత్యామ్నాయములు.

దర్పణ సన్ గ్లాసెస్[మార్చు]

చుట్టూతిప్పి కట్టుకునే దర్పణ  సన్ గ్లాసెస్ రంగులద్దిన గాజు కటకములతో కలిపి, బయటి వైపు పాక్షికముగా పరావర్తనం చేసే లోహపు పూత కలిగిన దర్పణ కటకములు, UV రక్షణ కొరకు చేసే తలీకరణకు ఒక ప్రత్యామ్నాయం. ఇవి స్కీయింగ్ లేదా స్నోబోర్డింగ్ చేస్తున్న సమయంలో, లోతు గ్రాహ్యత అవసరమయిన మంచు దిబ్బలు మరియు మంచు వంటి వాటిని చూసేటప్పుడు వర్ణ బేధాన్ని గుర్తించే శక్తిని మెరుగుపరుస్తాయి. దర్పణ కటకములు కళ్ళను రక్షించటానికి అధిక కాంతిని పరావర్తనం చేస్తాయి, కానీ భిన్న వర్ణములను చూడగలిగే సామర్ధ్యాన్ని మెరుగుపరుస్తాయి. భిన్న రంగుల దర్పణ కటకములు ఫ్యాషన్ రీతుల శ్రేణిని విస్తరింప చేయగలవు. యునైటెడ్ స్టేట్స్ లో పోలీసు అధికారులలో వీటికి ఉన్న ఆదరణ వాటికి "కాప్ షేడ్స్"[citation needed] (పోలీసు కళ్ళజోళ్ళు) అనే మారుపేరు సంపాదించిపెట్టింది. లోహపు ఫ్రేములలో పెట్టిన ద్వంద్వ కటకములను (వీటిని ఎక్కువగా ఏవియేటర్స్ తో పొరబడతారు, పైన చూడుము) మరియు "రాప్అరౌండ్స్" (క్రింద చూడుము) అత్యంత ఆదరణ పొందిన రెండు రకములు.

భారీ సన్ గ్లాసెస్[మార్చు]

1980లలో ఫ్యాషన్ అయిన భారీ సన్ గ్లాసెస్, ప్రస్తుతం హాస్య ప్రయోజనముల కొరకు వినియోగించబడుతున్నాయి. అవి సాధారణముగా రంగుల కటకములతో ముదురు రంగులలో వస్తాయి. అవి చాలా చవకగా దొరుకుతాయి.

గాయకుడు ఎల్టన్ జాన్ 1970ల మధ్యలో రంగస్థలం పైన తన కాప్టెన్ ఫెంటాస్టిక్ నటనలో భాగంగా కొన్నిసార్లు భారీ సన్ గ్లాసెస్ ధరించేవాడు.

ఇరవై-ఒకటవ శతాబ్దం ప్రారంభంలో మధ్యస్తంగా భారీ పరిమాణంలో ఉన్న సన్ గ్లాసెస్ ఒక ఫ్యాషన్ పోకడ అయ్యాయి. క్రింద వివరించబడిన, "ఒనస్సిస్" మరియు డియోర్ వైట్ సన్ గ్లాసెస్ వంటి పలు వ్యత్యాసములు ఉన్నాయి.

ఒనస్సిస్ కళ్ళజోళ్ళు లేదా "జాకీ ఓ'స్" మహిళలు ధరించే అతి భారీ సన్ గ్లాసెస్. ఈ రకమైన సన్ గ్లాసెస్ 1960లలో జాక్వెలిన్ కెన్నెడీ ఒనస్సిస్ ప్రసిద్ధంగా ధరించిన వాటికి అనుకరణ అని చెప్తారు. ఈ కళ్ళజోళ్ళు మహిళల ఆదరణను చూరగొంటూ ఉన్నాయి, మరియు ప్రముఖులు పత్రికా విలేఖరుల నుండి తప్పించుకోవటానికి వీటిని ధరిస్తారు.

భారీ సన్ గ్లాసెస్ చర్మంలో ఎక్కువ భాగాన్ని కప్పి ఉంచటంతో మరింత రక్షణను అందిస్తాయి. అయినప్పటికీ సన్ బ్లాక్ (సూర్య కాంతి నుండి రక్షణ ఇచ్చేది) ఇంకా తప్పనిసరిగా వాడాలి.

షట్టర్ షేడ్స్[మార్చు]

1980ల ప్రారంభంలో షట్టర్ షేడ్స్ ఒక వేలంవెర్రి. రంగులద్దిన కటకముల బదులు, ఇవి ఒక జత సమాంతర, క్షితిజ తలుపుల (ఒక చిన్న కిటికీ తలుపు వంటివి) ద్వారా సూర్యుని ప్రతాపాన్ని కొద్దిగా తగ్గిస్తాయి. ఇనుఇట్ కళ్ళజోళ్ళ (పైన చూడుము) మాదిరిగానే, దీని సిద్దాంతం కాంతిని వడపోయటం కాదు, కానీ ధరించిన వారి కళ్ళల్లో పడే సూర్య కిరణముల పరిణామాన్ని తగ్గించటం. UV రక్షణను అందించటానికి, షట్టర్ షేడ్స్ కొన్నిసార్లు షట్టర్స్ (తలుపుల) బదులు కటకములను ఉపయోగిస్తాయి; కాకపోతే, అవి అతినీలలోహిత వికిరణం మరియు నీలి కాంతి నుండి చాలా తక్కువ రక్షణను అందిస్తాయి.

టీషేడ్స్[మార్చు]

టీషేడ్ సన్ గ్లాసెస్

"టీషేడ్స్" (కొన్నిసార్లు "జాన్ లెన్నాన్ గ్లాసెస్" లేదా ఓజ్జీ ఆస్బోర్న్ తర్వాత "ఓజ్జీ గ్లాసెస్", గా కూడా పిలవబడతాయి) ఒక రకమైన అనేక రంగులు రూపాల కళతో చుట్టూ వైరుతో రూపొందించిన సన్ గ్లాసెస్. వీటిని 1960ల మాదక ద్రవ్యముల ప్రత్యామ్నాయ సంస్కృతి సభ్యులు, అదేవిధంగా వేర్పాటువాద వ్యతిరేకులు సాధారణంగా అలంకరణార్ధం ఎక్కువగా ధరించేవారు.[citation needed] మిక్ జాగర్, రోజర్ డాల్ట్రే, జాన్ లెన్నాన్, జెర్రీ గార్సియా, లియం గల్లఘర్ మరియు ఒజ్జీ ఒస్బౌర్న్ వంటి రాక్ కళాకారులందరూ టీషేడ్స్ ధరించారు. మొట్టమొదటి టీషేడ్ నమూనా మధ్యస్థ-పరిమాణంలో, పూర్తిగా గుండ్రముగా ఉన్న కటకములతో తయారై, ముక్కు దూలం పైన చిన్న మెత్తల ఆసరాతో ఒక సన్నని వైరు ఫ్రేమును కలిగి ఉంటుంది. 1960ల చివరలో టీషేడ్లు బాగా ప్రజాదరణ పొందినప్పుడు, వాటికి అదనపు హంగులు చేకూరాయి: కటకములకు బాగా రంగులు అద్దబడ్డాయి, అద్దములు చేర్చబడ్డాయి, అతి భారీ పరిమాణంలో ఉత్పత్తి చేయబడ్డాయి మరియు వైరుతో చేయబడిన చెవి ముక్కలు విస్తారంగా చూపబడ్డాయి. విలక్షణమైన రంగుతో ఉన్న లేదా నల్లరంగద్దిన గాజు కటకమునకు సాధారణముగా ప్రాధాన్యత ఇవ్వబడుతుంది. పలు ఇతర సన్ గ్లాసెస్ వలెనే, ఆధునిక నమూనాలు ప్లాస్టిక్ కటకములను కలిగి ఉంటున్నాయి. టీషేడ్స్ ప్రస్తుతం దుకాణములలో దొరకటం లేదు; అయినప్పటికీ, అవి ఇప్పటికీ పలు వస్త్ర వెబ్ సైట్లలో మరియు కొన్ని దేశములలో దొరుకుతూనే ఉన్నాయి.

ఆ పదం ప్రస్తుతం వాడుకలో లేదు, అయినప్పటికీ దాని ప్రస్తావనలు కాలపు చరిత్రలో ఇంకా కనిపించవచ్చు. "టీషేడ్స్" అనేది గంజాయి ప్రభావములు (కండ్ల కలక) లేదా జేవురించిన కనులు లేదా హెరాయిన్ వంటి మాదక ద్రవ్యముల ప్రభావములు (కంటిపాపపై ఒత్తిడి) మొదలైన వాటి ప్రభావములను కప్పి పుచ్చుకోవటానికి ధరించే కళ్ళ జోళ్ళను వర్ణించటానికి కూడా వినియోగించబడుతుంది.

మాట్రిక్స్ చిత్రములలో సేరఫ్ ధరించిన కళ్ళ జోళ్ళు టీషేడ్స్. హంటర్ S. థాంప్సన్ నవల ఫియర్ అండ్ లోథింగ్ ఇన్ లాస్ వెగాస్ లో ఒక పోలీసు శిక్షణా సదస్సులో టీషేడ్స్ గురించిన సంక్షిప్త ప్రస్తావన ఉంది. నాచురల్ బార్న్ కిల్లర్స్ లో మిక్కీ నాకస్ ఎరుపు టీషేడ్స్ ధరిస్తాడు. టాంబ్ రైడర్ వీడియో-గేమ్ లో లారా క్రాఫ్ట్ టీషేడ్ సన్ గ్లాసెస్ ధరించి ఉంటాడు. వాష్ ది స్టాంపేడ్ (ట్రిగున్) పసుపు రంగు కటకములతో కూడిన టీషేడ్స్ ధరిస్తాడు. లియాన్(ది ప్రొఫెషనల్) చిత్రంలో జేన్ రెనో నలుపు రంగు టీషేడ్స్ ధరిస్తాడు. హెల్సింగ్ లో ప్రధాన పాత్ర అయిన, అలుకార్డ్, ఎరుపు రంగు టీషేడ్స్ ధరిస్తాడు. ఇటీవలే, నటీమణి మరియు ఫ్యాషన్ ఐకాన్ అయిన మేరీ-కేట్ ఆల్సెన్ మరియు పాప్ సంగీత గాయని లేడీ గాగా వివిధ రకముల టీషేడ్స్ ధరిస్తారు. 90ల ప్రారంభం నుండి మధ్య వరకు హోవార్డ్ స్టెర్న్ కూడా టీ షేడ్స్ ధరించటంలో ప్రసిద్ధి చెందాడు మరియు బహిరంగ ప్రదేశములలో ఎప్పుడూ వాటిని తీయడు.

అసలైన రే-బాన్ వేఫేరర్

వేఫేరర్స్[మార్చు]

రే-బాన్ వేఫేరర్ అనేది రే-బాన్ కంపెనీ సన్ గ్లాసెస్ కొరకు ఉత్పత్తి చేసిన ఒక ప్లాస్టిక్ ఫ్రేముతో కూడిన నమూనా. 1952లో ప్రవేశపెట్టబడిన, అర్ధ సమాంతర చతుర్భుజ కటకములు దిగువ కన్నా పై భాగాన వెడల్పుగా ఉంటాయి మరియు జేమ్స్ డేన్ మరియు ఇతర నటులు వీటిని ఎక్కువగా ధరించేవారు. అసలైన ఫ్రేములు నలుపు రంగులో ఉంటాయి; తరువాత పలు భిన్న రంగులలో ఉన్న ఫ్రేములు ప్రవేశపెట్టబడ్డాయి.

రాప్అరౌండ్ సన్ గ్లాసెస్[మార్చు]

రాప్అరౌండ్స్ సన్ గ్లాసెస్ యొక్క ప్రత్యేక డిజైన్లు. అవి రెండు కళ్ళను మరియు రక్షణ కళ్ళజోళ్ళతో మొహంలో ఎక్కువ భాగాన్ని కప్పే, ఏకైక, నున్నని, అర్ధ-చంద్రాకారపు కటకమును కలిగి ఉంటాయి. ఈ కటకము సాధారణముగా ఒక చిన్న ప్లాస్టిక్ ఫ్రేముతో మరియు ముక్కుకి సంబంధించిన భాగంగా పనిచేసే ఒక ప్లాస్టిక్ ముక్కతో కలుపబడి ఉంటుంది. ప్రత్యామ్నాయంగా, ఆ కళ్ళజోళ్ళు రెండు కటకములను కలిగి ఉదావచ్చు, కానీ ఆ నమూనా అదే అర్ధ చంద్రాకారములోనే వస్తుంది. రాప్ అరౌండ్ సన్ గ్లాసెస్ ప్రమాదకరమైన క్రీడా ప్రపంచములో కూడా బాగా ప్రసిద్ధి చెందాయి.[citation needed]

సన్ గ్లాసెస్ కు ఇతర పేర్లు[మార్చు]

రంగులద్దిన కటకములతో కూడిన కళ్ళజోళ్ళను ప్రస్తావించే వివిధ పదములు:

  • షేడ్స్ అనేది ఉత్తర అమెరికాలో సన్ గ్లాసెస్ కొరకు బహుశా చాలా ఎక్కువగా ఉపయోగించే పదము.
  • గ్లేర్స్ అనే పదము భారతదేశంలో ఆ కళ్ళజోడు ముదురు రంగులో ఉంటే ఎక్కువగా వాడే పదము. అది లేత రంగులో ఉంటే అప్పుడు "కూలర్స్" అనే పదం వాడబడుతుంది.
  • సన్ స్పెక్టకిల్స్ అనే పదాన్ని కొంతమంది కళ్ళద్దాలను తయారుచేసేవారు ఉపయోగిస్తారు.
  • స్పెక్కీస్ అనే పదము దక్షిణ ఆస్ట్రేలియాలో ఎక్కువగా ఉపయోగించబడుతుంది.
  • సన్ స్పెక్స్ (సంస్పెక్స్ కూడా) అనేది చలువ అద్దాలకు కుదించిన మరోపేరు.
  • సన్ గ్లాస్ ఒక ఏకకంటి రకము.[citation needed]
  • సన్-షేడ్స్ అనేది సన్-షేడింగ్ కళ్ళజోళ్ళ రకాన్ని కూడా సూచిస్తాయి, అయినప్పటికీ ఆ పదం వీటికి ప్రత్యేకం కాదు. ఉత్పాదక సంక్షిప్త రూపం, షేడ్స్ కూడా వాడుకలో ఉంది.
  • డార్క్ గ్లాసెస్ (ముందు ఒక జత అనే పదం వస్తుంది) — సాధారణ వాడుకలో వాడే సామాన్య పదం.
  • సన్నీస్ అనేది ఆస్ట్రేలియన్, UK మరియు న్యూజీలాండ్ గ్రామ్యభాష
  • స్మాక్డ్ స్పెక్టకిల్స్ సాధారణముగా గ్రుడ్డి వారు ధరించే నల్లని కళ్ళజోళ్ళను సూచిస్తుంది.
  • సోలార్ షీల్డ్స్ సాధారణముగా పెద్ద కటకములతో ఉన్న సన్ గ్లాసెస్ నమూనాలను ప్రస్తావిస్తాయి.
  • స్టన్నా షేడ్స్ హైఫీ ఉద్యమ సమయంలో ఉపయోగించిన యాస పదం. ఇది సాధారణముగా భారీ కటకములతో కూడిన సన్ గ్లాసెస్ ను సూచిస్తుంది.
  • గ్లెక్స్ అనేది కళ్ళజోళ్ళు లేదా సన్ గ్లాసెస్ కొరకు ఉపయోగించే స్కాటిష్ భాష.
  • కూలింగ్ గ్లాసెస్ అనేది భారతదేశమంతటా మరియు మధ్య తూర్పు ప్రాంతమంతటా సన్ గ్లాసెస్ కొరకు ఉపయోగించే పదం.

ప్రముఖ బ్రాండ్లు[మార్చు]

  • ఓక్లే, ఇంక్.
  • రే-బాన్
  • మాయి జిమ్
  • కోస్టా డెల్ మార్
  • పెర్సోల్
  • సేరెంగేటి

వీటిని కూడా చూడండి[మార్చు]

  • కళ్లజోళ్లు
  • పోలరాయిడ్ ఐవేర్

సూచనలు[మార్చు]

  1. Partridge, Eric (2006). The New Partridge Dictionary of Slang and Unconventional English. Tom Dalzell, Terry Victor. Routledge. p. 377. 
  2. Ellis, Rachel (2010-06-01). "How making your shild wear sunglasses could save their sight". Eye Care Trust Organization UK. Daily Mail. Retrieved 2010-10-19. 
  3. "Prehistoric Inuit Snow-Goggles, circa 1200". Canadian Museum of Civilization. 1997-10-03. Retrieved 2009-01-25. 
    Acton, Johnny; Adams, Tania; Packer, Matt (2006). Jo Swinnerton, ed. Origin of Everyday Things. Sterling Publishing Company, Inc. p. 254. ISBN 1-4027-4302-5. 
  4. "Pliny the Elder, The Natural History, Book XXXVII, Ch. 16". Perseus.tufts.edu. Retrieved 2010-05-13. 
  5. Ament, Phil (2006-12-04). "Sunglasses History - The Invention of Sunglasses". The Great Idea Finder. Vaunt Design Group. Retrieved 2007-06-28. 
  6. సకమోతో Y, ససకి K, కోజిమ M, ససకి H, సకమోతో A, సకై M, తతమి A. "థ ఇఫెక్ట్స్ ఆఫ్ ప్రొటెక్టివ్ ఐవేర్ ఆన్ హెయిర్ ఎండ్ క్రిస్టలయిన్ లెన్స్ ట్రాన్స్పరెన్సీ. డేవ్ ఆఫ్తల్మాల్. 2002;35:93-103. PMID 12061282.
  7. 7.0 7.1 "Cancer Council Australia; Centre for Eye Research Australia: Position Statement: Eye Protection. August 2006" (PDF). Retrieved 2010-05-13. 
  8. 8.0 8.1 8.2 8.3 Siegfried Hünig, ఆల్బర్ట్ జే. అగస్టిన్ తో (అక్టోబరు 2007)లో సంప్రదించినాక. Sehschaden im Alter vorbeugen und mildern. Informationen und Empfehlungen zur altersbedingten Makuladegeneration und zum grauen Star. [ప్రివెంటింగ్ ఎండ్ ఎలివియేటింగ్ విజన్ డామేజ్ ఎట్ హైయ్యర్ ఏజ్. వయస్సుకు సంబంధించిన కంటి సమస్యల కొరకు సమాచారం మరియు సిఫార్సులు]. క్లినికుం కర్ల్సృహే యొక్క వెబ్ సైట్ లో ఉంచబడిన చేవ్రాలు (21 సెప్టెంబర్ 2009 న తిరిగి పొందబడింది)
    Siegfried Hünig (2008). Optimierter Lichtschutz der Augen. Eine dringende Aufgabe und ihre Lösung. Teil 1: Beschaffenheit des Lichts, innere und äußere Abwehrmechanismen. [కాంతి మూలకంగా దెబ్బతిన్న కంటి నుండి తగినంత రక్షణ. ఇబ్బందిపెడుతున్న సమస్య మరియు ఒక సరళమైన పరిష్కారం]. Zeitschrift für praktische Augenheilkunde, 29, pp. 111-116.
    Siegfried Hünig (2008). Optimierter Lichtschutz der Augen. Teil 2: Sehprozess als Risikofaktor, Lichtschutz durch Brillen [కాంతి మూలకంగా దెబ్బతిన్న కంటి నుండి తగినంత రక్షణ. ఇబ్బందిపెడుతున్న సమస్య మరియు ఒక సరళమైన పరిష్కారం]. Zeitschrift für praktische Augenheilkunde, 29, pp. 197-205.
  9. Glazer-Hockstein C, Dunaief JL. "కాంతిని-అడ్డుకునే కటకములు వయస్సు సంబంధిత దృష్టి లోపాన్ని తగ్గించగలవా?" రెటినా. 2006 జనవరి;26(1):1-4. PMID 16395131
    మార్గ్రైన్ TH, బౌల్టాన్ M, మార్షల్ J, స్లినీ DH. "వయస్సుకు సంబంధించిన దృష్టి లోపాలకు నీలి కాంతి గలనలు రక్షణను అందించగలవా ?" Prog Retin Eye Res. 2004 Sep;23(5):523-31. PMID 15302349
  10. 10.0 10.1 అమెరికన్ అకాడెమి ఆఫ్ ఆఫ్తల్మాలజీ. "మీ కంటి M.D. నుండి సమాచారం: సన్ గ్లాసెస్." నవంబర్ 1993
  11. చార్లేట్ రేమే వ్యాసం, ఇతను స్విజర్లాండ్ కొరకు మార్గదర్శక సూత్రములు/ప్రమాణములు:
    రేమే, చార్లెట్ (1997). Lichtschutz der Augen. [కనులకు కాంతి నుండి రక్షణ] Der informierte Arzt – Gazette Medicale, 18, pp. 243-246
  12. "Sunglasses Raise Risk of Cancer". Express.co.uk. 2007-06-03. Retrieved 2010-05-13. 
  13. లియో YH, థం SN. " UVA ఉద్యోతన రక్షణ కొరకు UV-రక్షణ సన్ గ్లాసెస్." ఇంట్ J డెర్మటాల్. 1995 నవంబర్;34(11):808-10. PMID 8543419.
  14. "Sunglasses and fashion spectacles—April 2003". Accc.gov.au. Retrieved 2010-05-13. 
  15. - కొన్ని సన్ గ్లాసెస్ ధర విషయంలో మాత్రం చాలా చౌకగా ఉంటాయి
  16. 16.0 16.1 రచయిత లేడు (2004). సన్ గ్లాసెస్ కు సంబంధించిన యూరోపియన్ శాసనములు మరియు ప్రమాణముల యొక్క కాంక్షితములు. . సెప్టెంబరు 24 2006న తిరిగి పొందబడింది.
  17. ఏ రచయితా లేని (2002). ప్రజల కళ్ళు సన్ గ్లాసెస్ కి నూతన ప్రమాణముల కొరకు చూస్తున్నాయి (2002-01-20). స్టాండర్డ్స్ ఆస్ట్రేలియా యొక్క వెబ్ సైట్. సెప్టెంబరు 24 2006న తిరిగి పొందబడింది.
  18. 18.0 18.1 18.2 రచయిత లేడు (తేదీ లేదు ). స్పిన్ ఆఫ్ 2002. స్పేస్-ఏజ్ షేడ్స్. సైంటిఫిక్ అండ్ టెక్నికల్ ఇన్ఫర్మేషన్ (STI) NASA వెబ్ సైట్ లో (21 సెప్టెంబర్ 2009 న తిరిగి పొందబడింది)
  19. http://www.silhouette-international.com/silhouette/press/meilensteine_eng.doc
  20. Optikum, Unabhängiges Augenoptik-Panorama. "optikum, UNABHÄNGIGES AUGENOPTIK-PANORAMA - Silhouette Titan Minimal Art Space Edition – Die leichteste Brille des Universums". Optikum.at. Retrieved 2010-05-13. 
  21. "''no author'' (''no date''). American Optical Flight Gear Vintage Sunglasses. on ''AAA Pilot Supplies'' (retrieved on 21 September 2009)". Aaapilots.com. 1969-07-20. Retrieved 2010-05-13. 
  22. ఏ రచయితా లేని (2006). లుక్ షార్ప్ వైల్ సీఇంగ్ షార్ప్. (ఉద్భవిస్తున్న సాంకేతికత/NASA సహకారం). స్పిన్ ఆఫ్ 2006 , NASA సైంటిఫిక్ అండ్ టెక్నికల్ ఇన్ఫర్మేషన్ (STI) . 28 అక్టోబర్ 2009న పునరుద్ధరించబడింది.
  23. [1][dead link]

బాహ్య లింకులు[మార్చు]

Commons-logo.svg
వికీమీడియా కామన్స్‌లో కి సంబంధించిన మీడియా ఉంది.

మూస:Glasses మూస:Clothing