సాగిన చర్మపు గుర్తులు

వికీపీడియా నుండి
ఇక్కడికి గెంతు: మార్గసూచీ, వెతుకు
Striae atrophicae
వర్గీకరణ & బయటి వనరులు
Belly Strech Marks.jpg
m:en:ICD-10 {{{m:en:ICD10}}}
m:en:ICD-9 {{{m:en:ICD9}}}
DiseasesDB 30027
m:en:MedlinePlus 003287
m:en:eMedicine {{{m:en:eMedicineSubj}}}/{{{m:en:eMedicineTopic}}} 

చర్మరోగ విజ్ఞానంలో సాగిన గుర్తులు లేదా రేఖలు (ఏకవచనం రేఖ )గా పిలువబడే ఇవి, చర్మంపై, దాని వర్ణం కాని మిశ్రమవర్ణపు మచ్చల యొక్క ఒక రూపం. ఇవి అంతశ్చర్మం చీరుకుపోయి, కాలంతోపాటు తగ్గిపోయినప్పటికీ పూర్తిగా అదృశ్యంకాని కారణంగా ఏర్పడేవి.

సాగిన గుర్తులు తరచుగా, త్వరిత పెరుగుదల (యవ్వనారంభంలో సాధారణం) లేదా బరువు పెరగటం (ఉదా. గర్భధారణ, కండర నిర్మాణం, లేదా త్వరితంగా కొవ్వు చేరటం) లేదా కొన్ని సందర్భాలలో, అంతశ్చర్మం యొక్క స్థితిస్థాపకతను మించి చర్మంపై తీవ్రమైన సాగుడు బలం పనిచేసిన సందర్భాలలో చర్మం త్వరగా సాగటం ఫలితంగా ఏర్పడతాయి. యవ్వనారంభం, గర్భధారణ, కండర నిర్మాణం, లింగమార్పిడి కొరకు హార్మోన్ పునఃస్థాపక చికిత్సలు మొదలైన వాటి వలన కూడా సాగిన గుర్తులు ఏర్పడవచ్చు.[1] ఈ రకమైన గుర్తులకు వైద్య పదజాలంలో స్ట్రాయి అట్రోఫికే, వెర్గేట్యూర్స్, స్ట్రియా డిస్టెన్సె, స్ట్రాయి క్యుటిస్ డిస్టెన్సె, స్ట్రాయి గ్రావిడరుం (ఇది గర్భధారణ ఫలితంగా ఏర్పడితే), లినియే అట్రోఫికే, లినియే అల్బికెంటే, లేదా క్లుప్తంగా స్ట్రాయి వంటి పదాలు ఉన్నాయి.

లక్షణాలు మరియు సూచనలు[మార్చు]

అవి మొదట ఎరుపు లేదా ఊదావర్ణపు గీతలుగా కనబడతాయి, కానీ క్రమంగా లేత రంగులోకి మారతాయి. ప్రభావిత ప్రాంతాలు ఖాళీగా కనబడి, స్ప్రుశించినపుడు మృదువుగా ఉంటాయి.[2]

సాగిన గుర్తులు అంతశ్చర్మంలో ఏర్పడతాయి, ఇది చర్మం దాని ఆకృతిని నిలుపుకోవడానికి సహాయపడే సంకోచించే మధ్య పొర. అంతశ్చర్మంలో బలం ఉన్నంతవరకు సాగిన గుర్తులు ఏర్పడవు. గుర్తులు ఏ ప్రదేశంలో ఏర్పడతాయి మరియు ఏ విధంగా విస్తరిస్తాయి అనే దానిపై సాగటం యొక్క పాత్ర ఎక్కువగా ఉంటుంది. ఇందుకు సాగటం మాత్రమే కారణం కాదు.[3]


సాగిన గుర్తులు చర్మంపై ఏ ప్రదేశంలోనైనా ఏర్పడవచ్చు, అయితే అవి ఎక్కువగా కొవ్వు నిల్వ అధికంగా ఉండే భాగాలలో కనిపిస్తాయి. ఉదరం (ప్రత్యేకించి నాభి సమీపంలోని ప్రాంతం), రొమ్ములు, భుజముల పైన, భుజాల క్రింద, వీపు, తొడలు (లోపలి మరియు బయటి ప్రాంతాలు రెండూ), తొంటి, మరియు పిరుదులు అత్యంత సాధారణంగా వ్యాపించే ప్రదేశాలు. వాటి కారణంగా లేదా వాటితో ఆరోగ్యానికి ఏ విధమైన హాని ఉండదు, మరియు సాధారణంగా పనిచేసి, బాగుచేసుకొనే శరీర సామర్ధ్యానికి హాని కలిగించవు.[4]

కారణాలు[మార్చు]

చర్మంపై సాగినగుర్తులు కనబడటానికి అనేక కారణాలు ఉన్నాయి: ప్రసవించిన వెంటనే 324 మంది స్త్రీలపై జరిపిన అధ్యయనం, చిన్న వయసులో తల్లి కావడం, అధిక శరీర బరువు సూచిక, 15 కిలోగ్రాములు (31 పౌండ్ల) కంటే ఎక్కువ బరువు పెరగడం మరియు నవజాత శిశువు యొక్క బరువు అధికంగా ఉండటం గుర్తులు ఏర్పడటానికి విభిన్న స్వతంత్ర కారణాలుగా ఉన్నాయని సూచించింది. కౌమారదశలో ఉన్నవారు తీవ్రమైన గుర్తులు ఏర్పడే హానిని ఎక్కువగా కలిగిఉన్నారు.[5]

వేగంగా పెరిగే చర్మాన్ని నియంత్రణలో ఉంచడానికి అవసరమైన కొలాజెన్ మరియు ఎలాస్టిన్ తంతువులను ఏర్పరచకుండా సాగిన గుర్తులు పెరగడానికి కారణమయ్యే గ్లూకోకోర్టికాయిడ్ హార్మోన్లు చర్మం పైపొరను ప్రభావితం చేస్తాయి. చర్మం సాగుదలతో, ఇది అనుకూల పదార్ధ లేమిని సృష్టించి, దానితో అంతర మరియు బహిశ్చర్మ చిరుగుదలకు దారితీస్తుంది.

దాని శక్తికి మించి చర్మం అధిక సాగుదల బలానికి గురైనపుడు అది చీరుకుపోతుంది. ఆహారం మరియు [సాధ్యమైనంతవరకు] వ్యాయామం వలెనే, హార్మోన్ల మార్పులు మరియు జన్యువుల ప్రభావం గుర్తులు ఏర్పడటం నుండి చర్మం తట్టుకునే సామర్ధ్యాన్ని ప్రభావితం చేస్తాయి.[6]

నిరోధము మరియు తొలగింపు[మార్చు]

75% నుండి 90% స్త్రీలు గర్భధారణ సమయంలో కొంత మేరకు సాగిన గుర్తులను పొందుతారు. గర్భధారణ సమయంలో ఉండే నిలకడైన హార్మోన్ స్థాయిల ఫలితంగా ఆరు లేదా ఏడవ నెలలలో, ప్రధానంగా 3వ మూడునెలలకాలంలో, చర్మం అధిక స్థాయిలలో సాగతీతకు గురి అగుట వలన సాగిన గుర్తులు ఏర్పడవచ్చు.

ఒక జర్మన్ పరిశోధనా బృందం చర్మంపై మర్దన మరియు లేపన పూతను పరీక్షించి స్త్రీలలో కేవలం మూడింట-ఒక వంతు మాత్రమే ఈ చికిత్సతో సాగిన గుర్తులను పొందారని, కాగా చికిత్స చేయని నియంత్రిత సమూహంలో మూడింట-రెండు వంతులు సాగిన గుర్తులను పొందారని, అయితే ఈ అధ్యయనం ద్వి-పక్ష ప్రతికూలమైనదా అని స్పష్టత లేదు.[7]

ఒక యాదృచ్చిక నియంత్రిత అధ్యయనం నూనెలు లేదా లేపనములు సాగిన గుర్తులు ఏర్పడకుండా నిరోధించగలవేమో పరీక్షించింది. ఈ అధ్యయనం గర్భధారణ కాలంలో గోతు కొల కషాయం, విటమిన్ E, మరియు కొలాజెన్ హైడ్రోలిసెట్స్ కలిగిన లేపనం (ట్రోఫోలాస్టిన్)ను నిత్యం పూయడం వలన గర్భధారణ సమయంలో సాగిన గుర్తులు తగ్గుతాయని పేర్కొంది.[8][9] మరొక అధ్యయనం, సర్వరోగ నివారిణి కానప్పటికీ, విటమిన్ E, పాన్థేనాల్, హైలురోనిక్ ఆమ్లం, ఎలాస్టిన్ మరియు మెంథాల్ కలిగిన ఒక లేపనం(వీరం)ను పరీక్షించింది. ఇది ఏ విధమైన చికిత్స లేకుండానే తక్కువ సాగిన గుర్తులు కలిగిఉండటానికి కారణమైంది.[9]

మరొక యాదృచ్ఛిక, నియంత్రిత-సర్వరోగ నివారణ ద్వి-పక్ష ప్రతికూల అధ్యయనం 300 మంది స్త్రీలపై కోకోవా వెన్నతో పరీక్ష జరిపింది. కోకోవా వెన్న ఉపయోగించిన 44% మంది స్త్రీలకు గర్భధారణ తరువాత సాగిన గుర్తులు ఏర్పడగా, ఒక సర్వరోగ నివారిణి వాడిన వారిలో 55% మందికి ఏర్పడ్డాయని ఫలితాలు తెలిపాయి, అయితే ఇది గుర్తించదగినంత తృప్తికరమైన తేడా కాదు.[10]

సాగిన గుర్తుల జాడలు కనబడకుండా చేయడానికి అనేక చికిత్సలు లభ్యమవుతున్నాయి, వీటిలో లేజర్ చికిత్సలు, డెర్మాబ్రేజన్, మరియు సూచించబడిన రెటినాయిడ్స్ ఉన్నాయి.[citation needed] కొందరు లేపన తయారీదారులు తాజాగా ఏర్పడిన సాగిన గుర్తులపై ఉత్తమ ఫలితాలు సాధించవచ్చని తెలియచేస్తున్నారు; ఏదేమైనా, ఈ ఫలితాలను సమర్ధించే కొన్ని అధ్యయనాలు మాత్రమే ఉనికిలో ఉన్నాయి.

డెర్మటాలజిక్ సర్జరీ పత్రికలోని ఒక అధ్యయనం 585-nm పల్స్ద్ డై లేజర్ తో కూడిన రేడియోఫ్రీక్వెన్సీ చికిత్స 37 మంది రోగులలో 33 మందికి సాగిన గుర్తులను తొలగించటంలో "మేలైన మరియు బహు మేలైన" ఫలితాన్ని చూపింది, అయితే ఈ ఫలితాలపై మరింత అధ్యయనం అవసరమైఉంది. అదనంగా, పల్స్ద్ డై లేజర్ ను పదేపదే చికిత్సకు ఉపయోగించడం ముదురు వర్ణపు చర్మం కలిగిన వ్యక్తులలో వర్ణక విధానాన్ని పెంచతున్నట్లు తెలిసింది.[11]

బహిశ్చర్మం మరియు అంతశ్చర్మం చొచ్చుకుపోబడినట్లయితే, సాగిన గుర్తులను లేజర్ తొలగించలేదు.[12]

దిగువ ఉదరంపై సాగిన చిహ్నాలను తొలగించుటకు ఒక శస్త్ర చికిత్సా పధ్ధతి టమ్మీ టక్, ఇది సాగిన గుర్తులు తరచుగా ఏర్పడే నాభి దిగువ ప్రాంత చర్మాన్ని తొలగిస్తుంది.

ఫ్రాక్షనల్ లేజర్ రిసర్ఫేసింగ్ అనే ఒక నూతన విధానం, ఈ రేఖలను తొలగించడంలో ఒక వినూత్న పద్ధతిని అందించింది. కాంతి యొక్క వెదజల్లబడిన స్పందనలను ఉపయోగించి అనేక చికిత్సల కొనసాగింపుతో లేజేర్ చేత మచ్చలోని ఒక భాగాన్ని మాత్రమే తొలగించవచ్చు. ఇది అతిసూక్ష్మ గాయాలను కలిగిస్తుంది. నూతన కొలాజెన్ మరియు ఎపిథీలియంలను తయారుచేసుకోవడం ద్వారా శరీరం ప్రతి చికిత్సకూ ప్రతిస్పందిస్తుంది. 2007లో జరిగిన ఒక రోగచికిత్స ప్రయత్నంలో, 5-6 చికిత్సలు రేఖలు 75 శాతం వరకు తగ్గే విధంగా చేసాయి.[13] 2007 బ్రజీలియన్ రోగచికిత్స అధ్యయనం I-IV చర్మ రకాలలో ముదిరిన తెల్లటి రేఖల అమరిక మరియు రూపం ఫ్రాక్షనల్ లేజర్ రిసర్ఫేస్ ద్వారా మెరుగుపడిందని చూపింది. [14]

సాగిన గుర్తులు గల పదిహేడుమంది స్త్రీలపై ఆరు వారాలపాటు జరిగిన చికిత్సలకు చెందిన ఒక నూతన పద్ధతి యొక్క ఇటీవలి అధ్యయనం జర్నల్ అఫ్ డెర్మటలాజికల్ ట్రీట్‌మెంట్‌లో ప్రచురింపబడింది. ఆఖరి (ఆరవ) చికిత్స జరిగిన ఒక వారం తరువాత రోగులలో వరుసగా 38.2% మరియు 11.8% మందిలో సాగిన గుర్తుల తొలగింపులో 25-50% మరియు 51-75% మెరుగుదల కనిపించినట్లు ఫలితాలు సూచించాయి. 6 వారాల చికిత్స కొనసాగింపు తరువాత దాని దీర్ఘకాల ప్రభావం అధిక శాతం రోగులలో వారి సాగతీత గుర్తుల తొలగింపులో పురోభివృద్ధి సాధించినట్లు చూపింది, వీరిలో వరుసగా 26.5% మరియు 5.9% మందికి 51-75% మరియు >75% మెరుగుదల కనిపించింది. సాగిన గుర్తుల తొలగింపులో మెరుగుదల లేదని రోగచికిత్సలో ఏ ఒక్క రోగి పేర్కొనలేదు. రోగి యొక్క సంతృప్తి కూడా నమోదు చేయబడింది, 65% మంది రోగులు తాము చికిత్సతో బాగా తృప్తిచెందామని చెప్పగా, 23% తృప్తిచెందామని మరియు 12% మంది స్వల్పంగా తృప్తి చెందామని పేర్కొన్నారు.[15]

వీటిని కూడా చూడండి[మార్చు]

  • చర్మ సంబంధమైన పరిస్థితుల జాబితా

సూచనలు[మార్చు]

  1. బెర్న్ స్టీన్, ఎరిక్. వాట్ కాజెస్ స్ట్రెచ్ మార్క్స్?. 15 డిసెంబర్ 2008. ది పేషంట్'స్ గైడ్ టు స్ట్రెచ్ మార్క్స్. 10 ఫిబ్రవరి 2009
  2. "Stretch Mark". Encyclopedia Britannica. Retrieved 2009-11-01. 
  3. "About Stretch Marks". All About Stretch Marks. AllAboutStretchMarks.com. Retrieved 2009-11-01. మూస:MEDRS
  4. "How to prevent and treat stretch marks". www.ivillage.co.uk. iVillage. Retrieved 2009-11-01. 
  5. Atwal, G.S.S.; Manku, L.K.; Griffiths, C.E.M.; Polson, D.W. (2006). "Striae gravidarum in primiparae". British Journal of Dermatology 155 (5): 965–9. doi:10.1111/j.1365-2133.2006.07427.x. PMID 17034526. 
  6. "Role of Hormones In the Development of Stretch Marks". Stretch Marks. nostrechmarks.com. Retrieved 2009-11-01. మూస:MEDRS
  7. Wierrani, F; Kozak, W; Schramm, W; Grünberger, W (1992). "Attempt of preventive treatment of striae gravidarum using preventive massage ointment administration". Wiener klinische Wochenschrift 104 (2): 42–4. PMID 1609525. 
  8. Mallol, J.; Belda, M.A.; Costa, D.; Noval, A.; Sola, M. (1991). "Prophylaxis of Striae gravidarum with a topical formulation. A double blind trial". International Journal of Cosmetic Science 13 (1): 51–57. doi:10.1111/j.1467-2494.1991.tb00547.x. PMID 19291041. 
  9. 9.0 9.1 Young, Gavin; Jewell, David; Young, Gavin (1996). "Creams for preventing stretch marks in pregnancy". Cochrane Database of Systematic Reviews. doi:10.1002/14651858.CD000066. 
  10. Buchanan, Keisha; Fletcher, Horace M.; Reid, Marvin (2010). "Prevention of striae gravidarum with cocoa butter cream". International Journal of Gynecology & Obstetrics 108 (1): 65–8. doi:10.1016/j.ijgo.2009.08.008. PMID 19793585. 
  11. Suh, Dong-HYE; Chang, KA-Yeun; Son, HO-Chan; Ryu, JI-HO; Lee, Sang-JUN; Song, KYE-Yong (2007). "Radiofrequency and 585-nm Pulsed Dye Laser Treatment of Striae Distensae: A Report of 37 Asian Patients". Dermatologic Surgery 33 (1): 29–34. doi:10.1111/j.1524-4725.2007.33004.x. PMID 17214676. 
  12. "Cell Therapy Targets Gum Disease, Stretch Marks". Sexual Health. sexualhealth.com. Retrieved 2009-11-01. 
  13. Petrou I (February 2007). "Fractional photothermolysis tackles striae distensae". Dermatology Times 28 (2): 94–106. Retrieved 2007-05-23. 
  14. "Fractional photothermolysis for the treatment of striae distensae". Journal of the American Academy of Dermatology 56 (2, Supplement 2): AB204. 2007. doi:10.1016/j.jaad.2006.10.931. 
  15. Manuskiatti, Woraphong; Boonthaweeyuwat, Einapak; Varothai, Supenya (2009). "Treatment of striae distensae with a TriPollar radiofrequency device: A pilot study". Journal of Dermatological Treatment 20 (6): 359–64. doi:10.1080/09546630903085278. PMID 19954393. 

మూస:Localized connective tissue diseases