సిరివెన్నెల

వికీపీడియా నుండి
ఇక్కడికి గెంతు: మార్గసూచీ, వెతుకు


సిరివెన్నెల (1986)
Sirivennela Movie.jpg
దర్శకత్వం కె . విశ్వనాథ్
నిర్మాణం ఏడిద నాగేశ్వరరావు
రచన కె.విశ్వనాథ్
తారాగణం సర్వదమన్ బెనర్జీ, సుహాసిని, మున్ మున్ సేన్, మీనా, సంయుక్త
సంగీతం కె.వి.మహదేవన్
నిర్మాణ సంస్థ పూర్ణోదయా మూవీ క్రియెషన్స్
విడుదల తేదీ 1986
నిడివి 181 నిమిషాలు
భాష తెలుగు
ఐ.ఎమ్.డీ.బి పేజీ

సిరివెన్నెల 1986లో విడుదలైన శాస్త్రీయ సంగీత ప్రాధాన్యమున్న తెలుగు చలన చిత్రం. భారతీయుల సంగీత కళ ని వెండితెరపై ప్రతిబింబించే చిత్రాలని అందించిన కళాతపస్వి కె.విశ్వనాథ్ దీనికి దర్శకత్వం వహించారు.

ఈ సినిమా కథ ఒక అంధుడైన వేణు విద్వాంసుడు హరిప్రసాద్ (సర్వదమన్ బెనర్జీ) మరియు మూగదైన చిత్రకారిణి (సుహాసిని) చుట్టూ తిరుగుతుంది. విశ్వనాథ్ దీనిని తన సినిమాలలో ఒక సవాలుగా భావించారు.

తెలుగు సినీ జగత్తులో కళాఖండంగా నిలిచిన ఈ చిత్రం లోని పాటలన్నీ చిరకాలం గుర్తుండిపోయే స్ధాయిలో ఉంటాయి. సీతారామశాస్త్రి ఈ సినిమాతో సినీరంగ ప్రవేశం చేసి, ఈ సినిమా పేరునే ఇంటి పేరు గా నిలుపుకున్నారు. కె.వి.మహదేవన్ సంగీతంతో పాటు ప్రఖ్యాత వేణువాద విద్వాంసుడు హరిప్రసాద్ చౌరాసియా తన వేణునాద సహకారాన్ని అందించారు. ముఖ్యంగా ఈ సినిమాలో ఓంకార సంబంధమున్న విధాత తలపున ప్రభవించినది... ( ఈ పాటను రాయడానికి సీతారామశాస్త్రికి వారం రోజులు పట్టింది) అనే గీతంలో సాహిత్యం పలువురి ప్రశంసలు పొందింది. ఈ సినిమాలోని ఇతర పాటలలో చందమామ రావే జాబిల్లి రావే ..., ఆది భిక్షువు వాడినేమి కోరేదీ, బూడదిచ్చే వాడినేమి అడిగేదీ, ఈ గాలి ఈ నేల ఈ ఊరు సెలయేరు, మెరిసే తారలదే రూపం తదితర గీతాలు విశేషంగా అలరించాయి. ముఖ్యంగా "చందమామ రావే" పాటలో అంధ బాలికకు చంద్రదర్శనం చేయించినట్లుగా చిత్రీకరించిన తీరు కళాతపస్వి దర్శకత్వ ప్రతిభకు నిలువెత్తు నిదర్శనం. ఆలాగే ప్రకృతి కాంతకు ఎన్నెన్ని హొయలు పాట చిత్రీకరణ కూడా అంతే స్ధాయిలో ఉంటుంది. ఒక సన్నివేశంలో మంట వేడి పెరుగు తరుగుదలల ఆధారంగా సంగీత స్వరాలను పలికించే ఒక పోటీ సందర్భంగా వేణువుతో పలికించిన సంగీతం అద్భుతం.

నటవర్గం[మార్చు]

సంగీతం[మార్చు]

All lyrics written by సిరివెన్నెల సీతారామశాస్త్రి, all music composed by కె.వి.మహదేవన్.

పాటలు
No. Title గానం Length
1. "ఆది భిక్షువు వాడినేమి కోరేదీ"   ఎస్.పీ.బాలసుబ్రహ్మణ్యం  
2. "ఈ గాలి ఈ నేల"   ఎస్.పీ.బాలసుబ్రహ్మణ్యం  
3. "చినుకు చినుకు"   ఎస్.పీ.బాలసుబ్రహ్మణ్యం  
4. "చందమామ రావే జాబిల్లి రావే"   ఎస్.పీ.బాలసుబ్రహ్మణ్యం  
5. "పాటల్లో"   ప్రకాశ రావు, పి.సుశీల  
6. "పొలిమేరు దాటిపోతున్న"   ఎస్.పీ.బాలసుబ్రహ్మణ్యం, బి. వసంత  
7. "ప్రకృతి కాంతకు ఎన్నెన్ని హొయలు"   ఎస్.పీ.బాలసుబ్రహ్మణ్యం  
8. "మెరిసే తారలదే రూపం"   ఎస్.పీ.బాలసుబ్రహ్మణ్యం  
9. "విధాత తలపున ప్రభవించినది"   ఎస్.పీ.బాలసుబ్రహ్మణ్యం, పి.సుశీల  

పురస్కారాలు[మార్చు]

Year Nominated work Award Result
1986 సిరివెన్నెల సీతారామశాస్త్రి
("విధాత తలపునకు ప్రభవించినది" రచనకు)
నంది ఉత్తమ గీత రచయితలు Won
ఎస్.పీ.బాలసుబ్రహ్మణ్యం
("విధాత తలపునకు ప్రభవించినది" గానమునకు)
నంది ఉత్తమ గాయకుడు Won
మూన్ మూన్ సేన్ నంది ఉత్తమ సహాయనటీమణులు Won
ఎం వి రఘు[1] నంది ఉత్తమ ఛాయాగ్రహకులు Won

వనరులు[మార్చు]

  1. "The saga of a lensman". The Hindu (Chennai, India). 9 June 2003. 

బయటి లింకులు[మార్చు]