స్టేట్ బ్యాంక్ ఆఫ్ ట్రావన్‌కోర్
స్టేట్ బ్యాంక్ ఆఫ్ ట్రావన్‌కోర్ భారతీయ స్టేట్ బ్యాంకుకు చెందిన 7 అనుబంధ బ్యాంకులలో ఒకటి. ఇది కేరళ రాష్ట్రపు ప్రధాన బ్యాంకు. 1945లో ట్రావన్‌కోర్ బ్యాంకు లిమిటెడ్ పేరుతో ఇది ప్రారంభించబడింది. దీని సంస్థాపకుడు ట్రావన్‌కోర్ సంస్థానపు మహారాజు. 1959లో పార్లమెంటు ఆమోదించిన భారత అనుబంధ బ్యాంకుల చట్టం ప్రకారం ఇది స్టేట్ బ్యాంక్ గ్రూపులో భాగమైంది. కేరళలో ఉన్న అనేక పూర్వపు ప్రైవేటు బ్యాంకులు అనేకం 1961, 1965 మధ్యలో ఈ బ్యాంకులో భాగమైనవి. వాటిలో ముఖమైన బ్యాంకులు ట్రావన్‌కోర్ ఫార్వర్డ్ బ్యాంక్, కొట్టాయం ఓరియంట్ బ్యాంక్, బ్యాంక్ ఆఫ్ న్యూ ఇండియా, కొచ్చిన్ నాయర్ బ్యాంక్, ది లాటిన్ క్రిస్ట్రియన్ బ్యాంక్ మొదలగునవి.
దేశం మొత్తం మీద 14 రాష్ట్రాలలో ఈ బ్యాంకుకు 670 కి పైగా శాఖలు ఉన్నాయి. వాటిలో అధికంగా 552 శాఖలు కేరళ రాష్ట్రములో ఉన్నాయి. 2005, సెప్టెంబర్ 12 న ఈ బ్యాంకు అన్ని శాఖలలో కంప్యూటరీకరణ కావించి కోర్ బ్యాంకింగ్ గా ఏర్పడింది. ఈ విధంగా కోర్ బ్యాంకింగ్ గా ఏర్పడిన స్టేట్ బ్యాంక్ గ్రూప్ బ్యాంకులలో ఇది రెండవది.
ఇవి కూడా చూడండి[మార్చు]
బయటి లింకులు[మార్చు]
