స్వర్గం (సినిమా)
అయోమయ నివృత్తి కొరకు చూడండి. పుణ్యాత్ముల కొరకు నిర్ధేశించబడిన ఒక లోకం స్వర్గం
| స్వర్గం (1981 తెలుగు సినిమా) | |
.jpg) సినిమా పోస్టర్ | |
|---|---|
| దర్శకత్వం | దుర్గా నాగేశ్వరరావు |
| తారాగణం | చంద్రమోహన్ , జయసుధ , సత్యనారాయణ, ఎస్.వరలక్ష్మి పిఆర్ వరలక్ష్మి |
| సంగీతం | చక్రవర్తి |
| నిర్మాణ సంస్థ | ఉదయం ప్రొడక్షన్స్ |
| భాష | తెలుగు |
కథ[మార్చు]
ఒక రిటైర్డ్ మిలటరీ ఆఫీసరు (సత్యనారాయణ) భార్య (ఎస్.వరలక్ష్మి) చండశాసనురాలు. ఆమెకు నలుగురు కొడుకులు. ఆమె అంటే కొడుకులకే కాదు ఆమె భర్తకు కూడా హడల్. ఆ ఇంటిని తన కట్టుబాటులో ఉంచడానికి ఆమె ఎప్పుడూ ప్రయత్నిస్తూ వుంటుంది. ఆమె రెండో కొడుకు భార్య ఉమ. ఆమె చెల్లెలు సుమ (జయసుధ) గడుగ్గాయి. అక్క ఇంటికి చుట్టపు చూపుగా వచ్చిన సుమ ఆంటీ దాష్టీకం చూసి ఆమెను ఓ ఆట పట్టించి దారిలోకి తేవాలని అనుకుంటుంది. ఆ ఇంటిలోని వారిని, రిటైర్డ్ మిలటరీ ఆఫీసరుతో సహా తన చిలిపి చేష్టలతో ఆకట్టుకుంటుంది. ఆ రిటైర్డ్ మిలటరీ ఆఫీసరు మూడో కొడుకు ఒక డాక్టరు. అతడు సుమను ప్రేమిస్తాడు. వీరిద్దరికీ పరిచయం కలహంతో ప్రారంభమై ప్రణయంగా పరిణమిస్తుంది. కాని వారి పరిణయానికి అడ్డుపడుతుంది రిటైర్డ్ మిలటరీ ఆఫీసరు భార్య. చివరకు ఆమె మనసు మార్చుకోవడం ఈ జంటకు పెళ్లి కావడం అనేది పతాక సన్నివేశం[1].
పాటలు[మార్చు]
- వెయ్యనా తాళం వెయ్యనా నోటికి వెయ్యనా
- కొండపల్లి బొమ్మలాగా కులికే అమ్మాయి
- ప్రియమోహనా అనురాగమయ జీవనా
- ఈ గిలిగింత ఈ పులకింత కదిలించెను ఊహలు
మూలాలు[మార్చు]
- ↑ గాంధీ (22 May 1981). "చిత్రసమీక్ష: స్వర్గం" (PDF). ఆంధ్రపత్రిక దినపత్రిక. No. సంపుటి 68, సంచిక 50. Archived (PDF) from the original on 11 సెప్టెంబరు 2022. Retrieved 11 సెప్టెంబరు 2022.