స్వాతి తిరునాళ్

వికీపీడియా నుండి
ఇక్కడికి గెంతు: మార్గసూచీ, వెతుకు
Svāti Tirunāḷ‍ Rāma Varmaస్వాతి తిరునాళ్ రామ వర్మ
Maharaja of Travancore
దస్త్రం:SREE PADMANABHADASA SWATHI THIRUNAL.JPGశ్రీ పద్మనాభదాస స్వాతి తిరునాళ్ రామ వర్మ
పాలనాకాలం 1829-1846
పట్టాభిషేకం 1813
Investiture 1829
పూర్తి పేరు Śrī Padmanābhādāsa Śrī Vañcipāla Śrī Rāmavarma Kulaśēkhara Kirīṭapati Mannēy Suttā Rāja Rāmarāja Bahadūr Ṣanṣēr Jang, Tiruvitāṅkūḷ Mahārājāv శ్రీ పద్మనాభదాస శ్రీవంచిపాల శ్రీ రామవర్మ కులశేఖర కిరీటపతి మన్నేసుత్త రాజ రామరాజ బహదూర్ షంషీర్ జంగ్ తిరువాన్కూర్ మహారాజ
జననం (1813-04-16)ఏప్రిల్ 16, 1813
జనన స్థలం Travancore తిరువాన్కూరు
మరణం 1846(1846-12-27) (వయసు 33)
మరణ స్థలం Travancore/తిరువాన్కూరు
ముందు వారు Gowri Parvati Bayi గౌరి పార్వతి బాయి
Uthram Thirunal ఉత్రం తిరునాళ్
తర్వాత వారు Uthram Thirunalఉత్రం తిరునాళ్
Consort Thiruvattar Ammachi Aykutty Panapillai Amma Srimathi Narayani Pillai Kochamma తిరువత్తార్ అమ్మాచి అయుకుట్టి పనపిల్లై అమ్మ శ్రీమతి నారాయణి పిల్లై కొచమ్మ
Issue Thiruvattar Chithira Nal Ananthapadmanabhan Chempakaraman Thampi తిరువత్తార్ చిత్తిర నాల్ అనంత పద్మనాభన్ చెంపకరమన్ తంపి
రాజ మందిరం Travancore royal family తిరువాన్కూరు రాజ కుటుంబము
రాజ్యం Kulasekhara కులశేఖర
రాచరిక గీతం Vanji bhoomi వంజి భూమి
రాచరిక నినాదం Dharmoasmad Kuladaivatham ధర్మోసమద్ కులదైవతమ్
తండ్రి Changanassery Laxmipuram Palace Raja Raja Varma Koil Thampuran చంగనచెర్రి లక్ష్మీపురం పాలెస్ రాజ రాజ వర్మ కోయిల్ తంపురన్
తల్లి Gowri Lakshmi Bayi గౌరి లక్ష్మి బాయి
మత విశ్వాసాలు Hinduism హిందు
మహారాజ స్వాతీ తిరునాళ్ రామవర్మ

శ్రీ స్వాతి తిరునాళ్ రామవర్మ (ఏప్రిల్ 16, 1813 - డిసెంబరు 25, 1846) కేరళలోని తిరువంకూరు మహారాజు, గొప్ప భక్తుడు మరియు రచయిత. ఇతడు మహారాజా రామవర్మకు, మహారాణి గౌరీ లక్ష్మీబాయిలకు జన్మించాడు. స్వాతి నక్షత్రాన జన్మించినందు వలన కుమారునికి స్వాతి తిరునాళ్ అని నామకరణం చేశారు. యువరాజు జన్మించిన నాలుగు నెలలలోనే (29 జూలై, 1813న) రాజ్యానికి అధిపతిగా ప్రకటించారు. తిరువాన్కూరు సంస్థానాన్ని(కేరళ) పరిపాలించిన రాణి లక్ష్మీ బాయికి లేక లేక కలిగిన కుమారుడే స్వాతి తిరునాళ్ రామ వర్మ. అది బ్రిటిష్ వారు భారత దేశంలో రాజ్య విస్తరణ చేస్తున్న కాలం. బ్రిటిష్ వారి రాజ్య విస్తరణలో భాగంలో తెచ్చిన చట్ట ప్రకారం రాణిగారి మగ సంతానమే రాజ్యాధికారానికి అర్హులగుదురు. రాణిగారికి మగ సంతానం కొరకు రాజ్యమంతా ఎదురు చూస్తున్న సమయంలో రాణి గారికి కలిగిన మగ సంతానమే స్వాతి తిరునాళ్ రామ వర్మ.

జననము[మార్చు]

తిరువాన్కూరు మహా రాణి లక్ష్మీబాయి చాలకాలం తర్వాత 1913, ఏప్రిల్ 16 వ తేదీన ఒక మగ సంతానానికి జన్మనిచ్చింది. ఆ శుభ ఘడియలకొరకు ఎదురు చూస్తున్న తిరువాన్కూరు ప్రజలంతా పండగ చేసుకున్నారు. అనాటి బ్రిటిష్ పాలకుడు లార్డ్ మింటో వారి ఆజ్ఞానుసారం రాజ్యాన్ని మగ పిల్లవాడిని రాజ్యానికి పట్టాభిషిక్తుణ్ణి చేయడమో లేక తిరువాన్కూరు రాజ్యాన్ని బ్రిటిష్ ఇండియాలో కలిపి వేయడమో చేయాల్సిన పరిస్తితి. ఆ పరిస్తితుల్లో నాలుగు నెలలు కూడ నిండని పసికందుకు స్వాతి తిరునాళ్ రామ వర్మ అని పేరు పెట్టి ఆ శిసువును ఆగస్టు 28 , 1813 లో రాజ్యానికి పట్టాభిషిక్తుణ్ణి చేశారు రాణి లక్ష్మీబాయి.

విద్యాభ్యాసం[మార్చు]

ఇతడు గొప్ప పండితుల వద్ద సంస్కృతంలో ఇతర భాషలెన్నో నేర్చుకున్నాడు. భాషలతో పాటు సంగీతంలో కూడా ప్రతిభ ప్రదర్శించాడు. తంజావూరు సుబ్బారావు ఇతని గురువుగా మరియు దివాన్ గా స్వాతి తిరునాళ్ అభ్యున్నతికి కారణభూతులైనాడు. ఇతడు 16 సంవత్సరాల వయసులో తిరువంకూరు మహారాజుగా (1829లో) అధిష్టించి, 1846లో మరణించే వరకు రాజ్యపాలన చేశారు. త్యాగరాజు స్వామి శిష్యుడైన కన్నయ్య భాగవతార్, మృదంగంలో ప్రవీణుడైన షట్కాల గోవిందమారర్, గాత్రశిఖామణి పరమేశ్వర భాగవతార్ మొదలైన వారు ఎందరో స్వాతి తిరునాళ్ ఆస్థానంలో నిలయ విద్వాంసులుగా ఉండేవారు.

స్వాతి తిరునాళ్ సంస్కృతంలో రచించిన గ్రంధాలు గొప్ప భక్తి ప్రబోధకాలు. వీటిలో తమ ఇలవేల్పు పద్మనాభస్వామిపై చెప్పిన 'భక్తి మంజరి' గొప్ప స్తోత్రం. నూరు పద్యాలు గల ఈ రచన పది భాగాలుగా విభజింపడినది. తొమ్మిది విధములైన భక్తి మార్గాలు మరియు పద్మనాభుని అపురూప సౌందర్యం ఇందులో మహత్తరంగా వర్ణించబడినవి. 'శ్యానందూరపుర వర్ణన' అనే మరొక సంస్కృత గ్రంధంలో తిరువనంతపురంలోని పద్మనాభ స్వామి ఆలయ చరిత్ర వివరించబడినది. ఇతని మరొక రచన 'పద్మనాభ శతకము'. ఇందలి పద్యాలు స్వామి సన్నిదానంలో ఈనాటికీ వల్లిస్తుంటారు.

స్వాతి తిరునాళ్ సంగీతాన్ని బాగా ప్రోత్సహించేవారు. ఇతడు కర్నాటక సంగీతంలో ఇంచుమించు 400 కృతులు రచించారు.[1] ఇందులో పద్మనాభ పాహి, దేవ దేవ, సరసిజనాభ మరియు శ్రీ రమణ విభో బాగా ప్రాచుర్యం పొందాయి. ఇతనికి సంస్కృతం, హిందీ, మళయాలం, మరాఠీ, తెలుగు, బెంగాలీ, తమిళం, ఒరియా, ఇంగ్లీషు మరియు కన్నడ భాషలలో ప్రావీణ్యం కలదు.[2][3] స్వాతి తిరునాళ్ తెలుగులో రచించిన కీర్తనలలో 'వలపు తాళ వశమా నా సామికి చలము సేయ న్యాయమా', 'ఇటు సాహసముల ఏల నాపై చక్కని స్వామీ' అనే జావళి మిక్కిలి ప్రసిద్ధమైనవి. తిరునాళ్ కుచేలోపాఖ్యానం, అజామీళోపాఖ్యానం సంస్కృతంలో రసవత్తరమైన హరికథగా రచించాడు.

తిరువనంతపురంలోని ఖగోళ దర్శిని, జంతు ప్రదర్శనశాల, మ్యూజియం, ప్రభుత్వ ముద్రణాలయం, ప్రధాన గ్రంథాలయం, Oriental Manuscript Library, మొదలైనవి స్వాతి తిరునాళ్ ప్రారంభించినవి.

పద్మనాభ దాస[మార్చు]

తిరువాన్కూరు సంస్థానాదీశులందరూ తాము శ్రీ పద్మనాభ స్వామి వారి దాసులమని ప్రకటించుకొని ఆ దేవ దేవుని తరుపున మాత్రమే రాజ్యాధికారం చేస్తారు. ఈ ఆచారము రాజా మార్థాండ వర్మ కాలంనుండి వస్తున్నది. ఆ ప్రకారం శ్రీ స్వాతి తిరునాళ్ రామ వర్మకు ..... శ్రీ పద్మనాభ దాస వంశీ బలరామ కుల శేఖర కిరీటి పతి స్వాతి రామ రాజ అని పొడవాటి పేరు పెట్టారు.

పూర్తి స్థాయి రాజు[మార్చు]

స్వాతి తిరునాళ్ రామ వర్మకు యుక్త వయస్సు వచ్చే సరికే అన్ని విద్యల్లోను ప్రావీణ్యం సాదించాడు. సంస్కృతము, హిందూస్తాని, మరాఠి, తెలుగు, కన్నడ, తమిళ , మళయాళ, పర్షియన్ భాషలలో కూడ పాండిత్యం సంపాదించాడు. అంతే గాక రాజా వారు సంగీతంలోనూ మంచి ప్రావీణ్యం సంపాదించారు. యువరాజవారికి 16 సంవత్సరాలు నిండిన సందర్భంలో 1929 ఏప్రిల్ 20 న పూర్తి స్థాయి పాలకుడుగా పట్టాభిషిక్తుడయ్యాడు.

చేపట్టిన సంస్కరణలు[మార్చు]

తిరువాన్కూరు సంస్థానాన్ని ఆదర్శమైన రాజ్యంగా అతీర్చిదిద్దాలని తలచి కొత్త చట్టాలు, సంస్కరణలు చేపట్టారు. ఆ సంస్కరణలలో భాగంగా..... తన రాజ్యంలో ఇంగ్లీషు భాషను ప్రవేశ పెట్టారు. ప్రభుత్వం తరుపున ఒక అచ్చు యంత్రాన్ని స్థాపించారు. గ్రంధాలయాలను స్తాపించారు., న్యాయ వ్వవస్తలో అనేక సంస్కరణలు ప్రవేశ పెట్టారు. ఆ రోజుల్లొ నేర నిరూపణకు నేరస్తుడి చేతులను సల సల కాగే నూనెలో పెట్టమనేవారు. చేతులు కాలితే నేర నిరూపణ అయినట్టు, కాలకపోతే నేర నిరూపణ కానట్టు భావించేవారు. అటు వంటి మూడ నమ్మకాలతో నేరస్తులను విపరీతమైన శిక్షలకు గురి చేయడాన్ని రద్దు చేశారు. కొత్త చట్టాలను ప్రవేశ పెట్టారు.

బహుబాషా కోవిదుడు[మార్చు]

తాళ పత్ర గ్రంధాలను సేకరించి పరిష్కరించి భద్ర పరిచారు. రాజా వారు స్వయంగా సంగీత విద్వాంశుడు అయినందున, అనేక భాషలలో పాండిత్యం వున్నందున తెలుగు, హిందూస్థాని, మరాఠి భాషలలో స్వంతంగా కీర్థనలు రచించారు. ఈ కీర్థనలు నాలుగు వందల పైగా వున్నాయి. ఆ కీర్థనలు ఈ నాటికి ప్రజల నోళ్ళనో ఆడుతూనే వున్నాయి. అదే విధంగా.. రాజావారు స్యయానంద పురవర్ణన అనే ప్రబంధాన్ని, పద్మనాభ శతకాన్ని, ముహాన అంత్య ప్రాస, కుచేలోపాఖ్యానం, ఉత్సవ వర్ణన ప్రబంధము మొదలగు గ్రంధాలను కూడ రచించారు. రాజావారు స్వయంగా గణిత శాస్త్ర ప్రవీణులైనందును తన రాజ్యంలో గణితశాస్త్రం, జ్యోతిషం, ఖగోళ శాస్త్రం వంటి శాస్త్రాలలో అనేక సంస్థలను స్థాపించారు. ఈ విధంగా రాజా వారు అన్నిరంగాలలో ప్రావీణ్యత కలిగి ఆయా రంగాలను తన ప్రజల వద్దకు కూడ తీసుకు పోవడానికి తగు కృషి చేసి తన రాజ్యంలో ప్రజలందరి మన్ననలను పొందారు.

బ్రిటిష్ వారి దాష్టీకం......[మార్చు]

రాజావారి పాలనలో తిరువాన్కూరు సంస్థానం ఆధునీకరించబడుతున్న వేళలో బ్రిటిష్ ఇండియా జనరల్ కులెన్ రాజా వారి అధికారాలన్నీ తీసుకున్నాడు. తన రాజ్యాన్ని ఉన్నత స్థాయికి తీసుకు పోవాలని కృషి చేస్తున్న రాజా వారు ఈ సంఘటన తో మానసిక వత్తిడికి గురై శారీరకంగా, మానసికంగా కూడ కృంగి పోయారు. అలా అదే మనో వ్యాదితో శ్రీ స్వాతి తిరునాళ్ రామ వర్మ 27-12-1846 లో పరమ పదించారు. ఆనాటికి అతని వయస్సు కేవలం 33 సంవత్సరాలే.......

ఇవి కూడా చూడండి[మార్చు]

మూలాలు[మార్చు]

బయటి లింకులు[మార్చు]

Commons-logo.svg
వికీమీడియా కామన్స్‌లో కి సంబంధించిన మీడియా ఉంది.