అంకిత్ పల్లవి అండ్ ఫ్రెండ్స్
| అంకిత్ పల్లవి అండ్ ఫ్రెండ్స్ (2008 తెలుగు సినిమా) | |
 | |
|---|---|
| దర్శకత్వం | హరి యేలేటి |
| తారాగణం | నిఖిల్ సిద్ధార్థ్, నరేష్, గంగాధర్ పాండే |
| నిర్మాణ సంస్థ | ఇన్నోవిజన్ సినిమా |
| విడుదల తేదీ | 5 సెప్టెంబర్ 2008 |
| భాష | తెలుగు |
| పెట్టుబడి | 20 కోట్లు |
| ఐ.ఎమ్.డీ.బి పేజీ | |
అంకిత్, పల్లవి అండ్ ఫ్రెండ్స్ 2008 తెలుగు భాషా చలన చిత్రం. సమకాలీన కాలంలో ఇది ఐదుగురు స్నేహితుల జీవితాలను, కళాశాల అనంతరం వారి కలలను తెలియజేసే చిత్రం., వారి స్నేహాలను, ప్రేమ జీవితాలను, వృత్తిని ఈ సినిమాలో చిత్రీకరించారు.
ఈ చిత్రం ప్రధానంగా నిఖిల్ సిద్ధార్థ్ (హ్యాపీ డేస్ ఫేమ్), మేఘా (బ్రూ కమర్షియల్ ఫేమ్) మధ్య ఉన్న ప్రేమకథ ప్రధాన కథాంశం.[1]
కథ[మార్చు]
అంకిత్ (నిఖిల్) ఒక నిర్లక్ష్యంగా వ్యవహరించే యువకుడు. అతను తన ఇష్టప్రకారం జీవించటానికి ఇష్టపడతాడు. అతను సంగీతకారుడు కావాలని కోరుకుంటాడు. అతని తల్లిదండ్రులు అతనికి సహకరిస్తారు. పల్లవి (మేఘా బర్మన్) అంకిత్‌కు పూర్తిగా వ్యతిరేకం. ప్రపంచంలో సంబంధం లేకుండా అంకిత్ జీవితాన్ని పూర్తిస్థాయిలో అనుభవించాలని నమ్ముతుండగా, పల్లవి అన్ని సమయాలలో కష్టపడి పనిచేస్తున్నట్లు కనిపిస్తుంది. ఆమె ఒక పెద్ద బహుళజాతి సంస్థలో సాఫ్ట్‌వేర్ ఇంజనీర్.
వీరిద్దరు చిన్ననాటి స్నేహితులు. వారికి మరో ముగ్గురు సాధారణ స్నేహితులు ఉన్నారు. ఒకడు ఏ విధంగానైనా యుఎస్‌కు వెళ్లాలని కోరుకుంటాడు. వీసా కోసం యుఎస్ కాన్సులేట్‌కు వెళ్ళి ప్రయత్నిస్తుంటాడు. మరొకడు సామాజిక సేవ చేయాలనుకుంటున్నాడు. మూడవవాడు తన సొంత వ్యాపారాన్ని ప్రారంభించాలని కలలు కన్నాడు కాని ఏ వ్యాపారంలోకి ప్రవేశించాలో తెలియదు.
కొంతకాలం, అంకిత్, పల్లవిలు ప్రేమలో పడతారు. కానీ అంకిత్ యొక్క నిర్లక్ష్య వైఖరి, జీవితం పట్ల అతని సాధారణ విధానం పల్లవికి నచ్చలేదు. దీని కోసం ఆమె అతన్ని మందలించింది. అతను అతని జీవితాన్ని తీవ్రంగా పరిగణించకపోతే, ఆమె అతన్ని విడిచి పెడతానని అతనికి చెబుతుంది. వారు సినిమా విరామం సమయానికి విడిపోతారు.
యునిసెఫ్ ఒక అనాథాశ్రమం కోసం నిర్వహిస్తున్న ఒక కార్యక్రమానికి సంగీతాన్ని కంపోజ్ చేయడానికి ఆంకిత్ కు అవకాశం వస్తుంది. అతని స్నేహితుడు అదే అనాథాశ్రమంలో ఉద్యోగం చేస్తుంటాడు. అనాథాశ్రమాన్ని సీత నిర్వహిస్తుంది.
తన సంగీత ప్రదర్శన విజయవంతం అయిన తరువాత అంకిత్ పెద్ద స్టార్ అవుతాడు. అతను ఇప్పుడు ఒక గుర్తింపు పొందిన సంగీతకారుడు అవుతాడు. పల్లవి ఇంకా అంకిత్‌తో ఉండాలని చాలాకాలంగా కోరుకుంటుంది. కాని అతని విజయాన్ని చూసిన తర్వాతే తన వద్దకు వచ్చినందుకు అంకిత్ ఆమెను తప్పుగా అర్థం చేసుకుంటాడని ఆమె భావిస్తున్నందున అతన్ని కలవడానికి భయపడుతుంది. అంకిత్ కూడా పల్లవి ప్రేమను కోల్పోతాడు. అప్పుడు స్నేహితులు ఒక పార్టీని ప్లాన్ చేసి, వారిని ఒకచోట చేర్చి వారి ప్రేమ విజయవంతం కావాలనే ఆశతో అంకిత్, పల్లవి ఇద్దరినీ ఆహ్వానిస్తారు, .
ఈ చిత్రం ఆనందం ఒక ఎంపిక అని, మనం దానిని ఎంచుకుంటేనే అది మన చుట్టూనే ఉంటుందని తెలియజేస్తుంది. ఇది మంచి సమీక్షలకు తెరతీసింది.
ప్రొడక్షన్[మార్చు]
ఈ చిత్రానికి సంగీతాన్ని కొత్త సంగీత దర్శకుడు విను థామస్ స్వరపరిచాడు. ఈ చిత్రాన్ని మార్తాండ్ కె. వెంకటేష్ ఎడిట్ చేశాడు. మాలిని దాసరి ఛాయాగ్రహణం చేసింది.
నటీనటులు[మార్చు]
- నిఖిల్ సిద్ధార్థ్ - అంకిత్
- ప్రాచీ - పల్లవి
- రోహిత్ రాయపుట్
- భవర్త్ షా
- నీల్ షా
- జతిన్ పరేష్
పాటల జాబితా[మార్చు]
ప్రేమని, గానం: కారుణ్య, గాయత్రి
దోస్తు హేదోస్తు , గానం.రంజిత్, గీతామాధురి , బాలు తంకచన్
లేలేత పువ్వులే , గానం.కార్తీక్
టెల్ మీ ఎంకావాలో , గానం.రంజిత్ , గీతామాధురి , బాలు తంకచన్
అలగకే అల్లరి వయసా , గానం.ప్రణవి , బాలుతంకచన్.
మూలాలు[మార్చు]
- ↑ "అంకిత్, పల్లవి అండ్ ఫ్రెండ్స్". TeluguOne-TMDB-Movie News (in english). Retrieved 2020-08-01.
{{cite web}}: CS1 maint: unrecognized language (link)[permanent dead link]