అటునుండి నరుక్కు రా
| భాషా సింగారం |
|---|
| సామెతలు |
| జాతీయములు |
| పొడుపు కథలు |
| ఆశ్చర్యార్థకాలు |
| నీతివాక్యాలు |
వాసిరెడ్డి వేంకటాద్రి నాయుడు అమరావతిని పాలించే కాలంలో దోపిడీ దొంగల బెడద ఎక్కువగా ఉండేది. వారి బారి నుండి ప్రజలను కాపాడేందుకు ఆయన ఆ దోపిడీ దొంగలను పట్టి, బంధించి, వారందరినీ వరసగా నిలబెట్టి తలలు నరకమని తలారులను ఆజ్ఞాపించాడు. ప్రాణాలు కాపాడుకునే దారి లేక ఆ దొంగలు 'అటు నుండి నరుక్కు రా' అంటే 'కాదు అటు నుండే రా' అని ఆయనను ప్రాధేయ పడ్డారు. కొంత మందిని నరికిన తరువాతైనా ప్రభువుకు జాలి కలిగి మిగిలిన వాళ్ళను క్షమించక పోతాడా, ఆ విధంగా ప్రాణాలు దక్కక పోతాయా అని వారి ఆశ. ఆ విధంగా ఈ సామెత పుట్టింది.[1]
మెకంజీ కైఫీయత్తుల ప్రకారం వేంకటాద్రి నాయుడు చంపించిన దోపిడీ దొంగల సంఖ్య 150. వెంకటాద్రినాయుడు వారిని భోజనానికి పిలిచి చంపివేసినట్టు ఉంది.[1] సత్యం శంకరమంచి రచించిన అమరావతి కథలు పుస్తకంలో కూడా పై కథనం ఉంది.
ఒక పనిని ఒక పద్ధతిలో చెయ్యడం కుదరకపోతే వేరే విధంగా చెయ్యమని చెప్పే సందర్భంలో ఈ సామెతను ప్రస్తుతం వాడుతున్నారు.
ఇవి కూడా చూడండి[మార్చు]
మూలాలు[మార్చు]
- ↑ 1.0 1.1 "అట్నుంచి నరుక్కు రండి". m.andhrajyothy.com. Archived from the original on 2020-05-13. Retrieved 2020-05-13.