అతుల్ బోరా

అతుల్ బోరా
2025లో బోరా
అస్సాం కేబినెట్ మంత్రి
Incumbent
Assumed office 24 మే 2016
ముఖ్యమంత్రి	సర్బానంద సోనోవాల్ హిమంత బిశ్వ శర్మ
శాఖలు	వ్యవసాయం, ఉద్యానవనం పశుసంవర్థక, వెటర్నరీ (2016–24) పట్టణాభివృద్ధి (2016–20) టౌన్, కంట్రీ ప్లానింగ్ (2018–20) సరిహద్దు రక్షణ, అభివృద్ధి, అస్సాం ఒప్పంద అమలు (2021–ప్రస్తుతం)
అంతకు ముందు వారు	రాకిబుల్ హుస్సేన్ ఖోర్సింగ్ ఎంగ్టి సుమిత్ర పతిర్ సర్బానంద సోనోవాల్
తరువాత వారు	కృష్ణేందు పాల్ పిజుష్ హజారికా
అసోం గణ పరిషత్ అధ్యక్షుడు
Incumbent
Assumed office 15 జూలై 2014
కార్యనిర్వాహక అధ్యక్షుడు	కేశబ్ మహంత
అంతకు ముందు వారు	ప్రఫుల్ల కుమార్ మహంత
అస్సాం శాసనసభ సభ్యుడు
Incumbent
Assumed office 19 మే 2016
అంతకు ముందు వారు	అరుణ్ ఫుకాన్
నియోజకవర్గం	బోకాఖాట్
In office 10 మే 1996 – 14 మే 2001
అంతకు ముందు వారు	నగేన్ నియోగ్
తరువాత వారు	అజంతా నియోగ్
నియోజకవర్గం	గోలాఘాట్
వ్యక్తిగత వివరాలు
జననం	(1960-04-07) 1960 ఏప్రిల్ 7 బోరాహి గাঁও, గోలాఘాట్ జిల్లా, అస్సాం, భారత్
రాజకీయ పార్టీ	అసోం గణ పరిషత్
జీవిత భాగస్వామి	బుల్బులి బరువా
కళాశాల	గౌహతి విశ్వవిద్యాలయం
వృత్తి	రాజకీయ నాయకుడు

అతుల్ బోరా (జననం: 7 ఏప్రిల్ 1960) అస్సాం రాష్ట్రానికి చెందిన భారతీయ రాజకీయ నాయకుడు. ఆయన అసోం గణ పరిషత్ పార్టీకి చెందినవారు. 1996 నుండి 2001 వరకు గోలాఘాట్ నియోజకవర్గంను ప్రాతినిధ్యం వహించారు. 2016 నుండి బోకాఖాట్ నియోజకవర్గం నుండి అస్సాం శాసనసభ సభ్యుడిగా కొనసాగుతున్నారు.

ఆయన 2016 నుండి సోనోవాల్ మంత్రివర్గం, హిమంత బిశ్వ శర్మ మంత్రివర్గంలో వ్యవసాయం, ఉద్యానవనం, ఆహార ప్రాసెసింగ్, పశుసంవర్థక, వెటర్నరీ, పట్టణాభివృద్ధి, టౌన్, కంట్రీ ప్లానింగ్ వంటి శాఖలకు మంత్రిగా పనిచేశారు. అలాగే 2014 నుండి అసోం గణ పరిషత్ అధ్యక్షుడిగా, 2011 నుండి 2014 వరకు కార్యనిర్వాహక అధ్యక్షుడిగా ఉన్నారు.

ప్రారంభ జీవితం

బోరా అస్సాంలోని గోలాఘాట్ జిల్లాలో బోరాహి గাঁওలో జన్మించారు. ఆయన చుటియా సమాజానికి చెందినవారు. తండ్రి మెహురామ్ బోరా, తల్లి పుణ్య ప్రభా బోరా. ప్రాథమిక విద్యను స్థానిక పాఠశాలల్లో పూర్తి చేశారు.

తర్వాత కచారిహాట్ హై స్కూల్‌లో చదివి HSLC పరీక్ష ఉత్తీర్ణులయ్యారు. అనంతరం దేబ్రాజ్ రాయ్ కళాశాలలో చదివి, గౌహతి విశ్వవిద్యాలయంలో రాజకీయ శాస్త్రంలో మాస్టర్స్ డిగ్రీ పొందారు. అలాగే అదే విశ్వవిద్యాలయం నుండి న్యాయశాస్త్రంలో (LLB) పట్టా పొందారు.

రాజకీయ జీవితం

విద్యార్థి దశలోనే అస్సాం ఉద్యమంలో చురుకుగా పాల్గొన్నారు. ఆయన ఆల్ అస్సాం స్టూడెంట్స్ యూనియన్లో ఆర్గనైజింగ్ సెక్రటరీగా, తరువాత జనరల్ సెక్రటరీగా, అధ్యక్షుడిగా పనిచేశారు.

అలాగే ఉత్తర-తూర్పు రాష్ట్రాల విద్యార్థి సంఘాల సమన్వయ కమిటీకి స్థాపక అధ్యక్షుడిగా వ్యవహరించారు. ఈ పదవిలో విద్యా, సాంస్కృతిక, సామాజిక, క్రీడా కార్యక్రమాలను నిర్వహించారు.

1995లో అసోం గణ పరిషత్లో చేరి రాజకీయాల్లో ప్రవేశించారు. 1996లో గోలాఘాట్ నియోజకవర్గం నుండి ఎమ్మెల్యేగా ఎన్నికయ్యారు. పార్టీ లో జిల్లా అధ్యక్షుడు, సంయుక్త కార్యదర్శి, ప్రధాన కార్యదర్శి వంటి పదవులు నిర్వహించారు.

2011లో పార్టీ కార్యనిర్వాహక అధ్యక్షుడిగా, 2014లో అధ్యక్షుడిగా బాధ్యతలు స్వీకరించారు.

2016లో బోకాఖాట్ నియోజకవర్గం నుండి గెలిచి కేబినెట్ మంత్రిగా ప్రమాణ స్వీకారం చేశారు. వ్యవసాయం, పశుసంవర్థక, పట్టణాభివృద్ధి వంటి శాఖలను నిర్వహించారు.

2026 అస్సాం అసెంబ్లీ ఎన్నికల్లో బోకాఖాట్ నియోజకవర్గం నుండి వరుసగా మూడోసారి విజయం సాధించారు. ఆయన రైజోర్ దల్ పార్టీ అభ్యర్థి హరి ప్రసాద్ సైకియాను 60,537 ఓట్ల మెజారిటీతో ఓడించారు.