అనారా గుప్తా
| అనారా గుప్తా | |
|---|---|
 | |
| జననం | అనారా గుప్తా 1989 August 29 జమ్మూ, భారతదేశం |
| కేశాల రంగు | నలుపు |
| కళ్ళ రంగు | గోధుమ రంగు |
అనారా గుప్తా (జననం 1989 ఆగస్టు 29), 2001 మిస్ జమ్మూ అందాల పోటీలో విజేతగా నిలిచిన భారతీయ మోడల్, సినిమా నటి. ఆమె మీడియా వ్యక్తిత్వం కూడా. ఆమె ప్రధానంగా భోజ్పురి చిత్రాలలో తన నటనకు ప్రసిద్ధి చెందింది. ఆమె హిందీ, తెలుగు, తమిళ చిత్రాలతో పాటు ఇతర భాషల చిత్రాలలో కూడా పనిచేసింది. ఆమె అత్యంత ప్రజాదరణ పొందిన భోజ్పురి నటీమణులలో ఒకరు. ఆమె అత్యధిక పారితోషికం తీసుకునే నటి కూడా. ఆమె అనేక అవార్డులను సైతం అందుకుంది.
ప్రారంభ జీవితం
[మార్చు]అనారా గుప్తా 1989 ఆగస్టు 29న రామ్ సింగ్, రాజ్ రాణి దంపతులకు జన్మించింది. ఆమె జమ్మూలోని డిబిఎన్ విద్యా మందిర్ పాఠశాలలో చదివింది. ఆమె బిఎల్సి పూర్తి చేసింది. ఆమె 2006లో మిస్ జమ్మూ టైటిల్ గెలుచుకుంది.[1]
కెరీర్
[మార్చు]అనేక చిత్రాలలో నటించిన ఆమె భోజ్పురి సినిమా రాణిగా వెలిగింది. ఆమె మహువా టీవీలో ప్రసారమైన భోజ్పురి డ్యాన్స్ రియాలిటీ షో నాచ్ నచియా దూమ్ మచియా లో పాల్గొన్నది. న్యాయమూర్తులుగా గణేష్ ఆచార్య, సుధా చంద్రన్, కను ముఖర్జీ వ్యవహరించారు. ఆమె ఈ కార్యక్రమంలో మొదటి రన్నరప్ గా నిలిచింది.
ఆమె మొదటి హిందీ చిత్రం మిస్ అనారా, ఆ తర్వాత ఆమె ఇతర చిత్రాలలో నటించింది.[2] ఆమె టీవీ సిరీస్ సులేగ్తీ రహేన్లో కూడా కనిపించింది. మార్చి 2006లో ఆమె కె. కె. యాదవ, ఆదిత్య కులశ్రేష్ఠ నిర్మించిన తన జీవితం గురించిన బాలీవుడ్ చిత్రంలో నటించడానికి ముంబై వెళ్లింది. ఈ చిత్రం జూన్ 2007లో విడుదలైంది.
వివాదం
[మార్చు]అనారా గుప్తా 2004లో ఒక అశ్లీల సీడికి సంబంధించి క్రిమినల్ కేసును ఎదుర్కొంది. అయితే, భారత జాతీయ మానవ హక్కుల కమిషన్ ఆమెకు జరిగిన అవమానానికి ద్రవ్య పరిహారం చెల్లించాలని సిఫార్సు చేసింది.[3] ఆమెపై అభియోగాలు మోపకుండా జమ్మూ కాశ్మీర్ హైకోర్టు డిసెంబరు 2005లో కేసును మూసివేసింది. అయితే, యువతుల, ఉన్నత స్థాయి రాజకీయ నాయకులతో కూడిన అశ్లీల చిత్రాల గురించి సాక్ష్యాలు అణచివేయబడుతున్నాయని ఆందోళన చెందుతూ సామాజిక కార్యకర్త అమిత్ చౌహాన్ కేసును తిరిగి తెరవాలని ఒత్తిడి చేశారు.[4] దీంతో, జమ్మూ కాశ్మీర్ హైకోర్టు ఆదేశాల మేరకు ఆగస్టు 2006లో ఈ కేసుపై దర్యాప్తు తిరిగి ప్రారంభించింది.[5]
మూలాలు
[మార్చు]- ↑ 'First he raped me, then played on my body and ambitions' Archived 24 అక్టోబరు 2006 at the Wayback Machine Hindustan Times, 10 November 2004.
- ↑ Anara Gupta hospitalised Archived 23 అక్టోబరు 2006 at the Wayback Machine, Hindustan Times, 4 August 2005.
- ↑ Miss Anara Archived 13 అక్టోబరు 2007 at the Wayback Machine, SmasHits.com movie review
- ↑ Reopen Anara case, demands social activist Archived 19 ఫిబ్రవరి 2007 at the Wayback Machine, The Tribune, 3 July 2006
- ↑ J&K govt orders fresh probe into Anara case Archived 4 ఏప్రిల్ 2007 at the Wayback Machine, Hindustan Times, 15 August 2006