అనారి (1959)
| అనారి | |
|---|---|
 పోస్టర్ | |
| దర్శకత్వం | హృషికేశ్ ముఖర్జీ |
| రచన | ఇందర్ రాజ్ ఆనంద్ |
| నిర్మాత | ఎల్. బి. లచ్మన్ |
| తారాగణం | రాజ్ కపూర్ నూతన్ మోతీలాల్ రాజ్వంశ్ లలితా పవార్ |
| ఛాయాగ్రహణం | జయవంత్ పఠారే |
| కూర్పు | హృషికేశ్ ముఖర్జీ |
| సంగీతం | మన్నా డే శంకర్–జైకిషన్ |
విడుదల తేదీ | 1959 జనవరి 16 |
| దేశం | భారత దేశం |
| భాష | హిందీ |
| బాక్సాఫీసు | 3 కోట్లు |
అనారి 1959లో విడుదలైన హిందీ హాస్య చిత్రం. దీనికి హృషికేశ్ ముఖర్జీ దర్శకత్వం వహించారు. ఈ చిత్రంలో రాజ్ కపూర్, నూతన్, మోతిలాల్, లలితా పవార్ ప్రధాన పాత్రల్లో నటించారు. శంకర్–జైకిషన్ సంగీతాన్ని అందించగా, పాటల సాహిత్యాన్ని హస్రత్ జైపురి, శైలేంద్ర రాశారు. లలితా పవార్ సౌమ్యమైన పాత్రలో, అలాగే మోతిలాల్ గ్రే షేడ్స్ ఉన్న పాత్రలో నటించిన కొన్ని చిత్రాల్లో ఇది ఒకటి. ఈ చిత్రాన్ని తమిళంలో పాసముం నేసముం (1964) అనే పేరుతో , టర్కిష్లో డెర్బెడర్ (1960)గా, ఎనాయ్ [1974)గా మళ్లీ నిర్మించారు.[1]
1959లో విడుదలైన చిత్రాల్లో ఇది అత్యధిక వసూళ్లు సాధించింది. బాక్స్ ఆఫీస్ ఇండియా దీనిని “సూపర్ హిట్” అని ప్రకటించింది.
కథ
[మార్చు]రాజ్ కుమార్ ఒక నిజాయితీ గల తెలివైన యువకుడు. అందమైన వాడు. అతను స్వతంత్రంగా పనిచేసే వ్యాపారి. చిత్రకారుడిగా పనిచేస్తుండటంతో, జీవనోపాధికి తగినంత సంపాదించలేకపోతాడు. అతని ఇంటి యజమానురాలు మిసెస్ డి’సాకు అద్దె కూడా చెల్లించలేడు. ఒకరోజు రాజ్కు డబ్బు ఉన్న ఒక సంచి (వాలెట్) దొరుకుతుంది. దానిని యజమాని రామ్నాథ్కు తిరిగి ఇస్తాడు. రాజ్ నిజాయితీకి మెచ్చిన రామ్నాథ్, అతన్ని తన కార్యాలయంలో గుమస్తాగా ఉద్యోగంలో పెట్టుకుంటాడు. అక్కడ రాజ్, రామ్నాథ్ ఇంటిలో పనిచేసే ఆశాను కలుసుకుంటాడు. ఇద్దరూ ప్రేమలో పడతారు. కానీ ఆశా నిజానికి ఆర్తి అని, ఆమె తన పేదరికం గురించి అబద్ధం చెప్పి రాజ్ వద్ద నుంచి డబ్బు తీసుకోవాలనుకుందని రాజ్ తెలుసుకుంటాడు. ఇదిలా ఉండగా, రాజ్ ఇంటి యజమానురాలు మిసెస్ డి’సా, రామ్నాథ్ తయారు చేసిన మందు తీసుకోవడం వల్ల అకస్మాత్తుగా మరణిస్తుంది. పోలీసులు పోస్టుమార్టం చేసి, ఆమెకు విషం పెట్టారని తేల్చుతారు. ప్రధాన అనుమానితుడిగా రాజ్ను పోలీసులు ప్రశ్నించి బంధించి చెరసాలలో ఉంచుతారు. అయితే విచారణలో రామ్నాథ్ ఆ కలుషిత మందుకు పూర్తి బాధ్యత తనదేనని ఒప్పుకోవడంతో, రాజ్పై ఉన్న ఆరోపణలు తొలగిపోతాయి. ఆర్తి రాజ్ను తాను చూసుకుంటానని మిసెస్ డి’సాకు మాట ఇచ్చానని చెబుతుంది. దీని ద్వారా చివరికి వారు వివాహం చేసుకుంటారనే సంకేతం ప్రేక్షకులకు అర్ధమవుతుంది.[2]
తారాగణం
[మార్చు]- రాజ్ కపూర్ – రాజ్ కుమార్ పాత్రలో [3]
- నూతన్ – ఆర్తి సోహన్లాల్ / ఆశా పాత్రలో
- లలితా పవార్ – మిసెస్ ఎల్. డి’సా పాత్రలో
- శుభా ఖోటే – ఆశా పాత్రలో
- మోతీలాల్ - సేత్ రామ్నాథ్ సోహన్లాల్ పాత్రలో
- ముక్రి – కామ్దార్ పాత్రలో
- నానా పల్సికర్ – దుష్ట పూజారి పాత్రలో
- రూబీ మేయర్ – బాలికల కళాశాల నిర్వాహకురాలు
- కోకిల మోరే – ఆర్తి స్నేహితురాలిగా
సంగీతం
[మార్చు]| # | పాట | గానం | సంగీత దర్శకుడు | గీత రచయత | సమయం |
|---|---|---|---|---|---|
| 1 | "దిల్ కి నాజర్ సే"[4] | లతా మంగేష్కర్, ముఖేష్ | శంకర్ జైకిషన్ | శైలేంద్ర | 04:38 |
| 2 | "నైన్టీన్ ఫిఫ్టీ సిక్స్" | లతా మంగేష్కర్, మన్నా డే | మన్నాడే, శంకర్ జైకిషన్ | శైలేంద్ర | 04:59 |
| 3 | "వో చాంద్ ఖిలా వో తారే" | లతా మంగేష్కర్, ముఖేష్ | శంకర్ జైకిషన్ | హస్రత్ జైపురి | 04:13 |
| 4 | "సబ్ కుచ్ సీఖా హమ్ నే" | ముఖేష్ | శంకర్ జైకిషన్ | శైలేంద్ర | 03:40 |
| 5 | "బాన్ కే పంచీ గయే ప్యార్ కా తరానా" | లతా మంగేష్కర్ | శంకర్ జైకిషన్ | హస్రత్ జైపురి | 03:35 |
| 6 | "కిసీ కి ముస్కురాహాటన్ పే" | ముఖేష్ | శంకర్ జైకిషన్ | శైలేంద్ర | 04:31 |
| 7 | "తేరా జానా" | లతా మంగేష్కర్ | శంకర్ జైకిషన్ | శైలేంద్ర | 03:41 |
మూలాలు
[మార్చు]- ↑ ""Enge Thaan Povaai" – Pasamum Nesamum (1964) – Tamil Feature Film". thesouthernnightingale.net. May 31, 2017. Archived from the original on 14 October 2017. Retrieved 2019-08-27.
- ↑ 2:35:50 in the film, available e.g. at [1]https://www.youtube.com/watch?v=HujdhyUcfrw
- ↑ Hungama, Bollywood (1959-01-01). "Anari Cast List | Anari Movie Star Cast | Release Date | Movie Trailer | Review- Bollywood Hungama" (in ఇంగ్లీష్). Retrieved 2025-01-30.
- ↑ Hungama, Bollywood (1959-01-01). "Anari Movie Music | Anari Movie Songs | Download Latest Bollywood Songs Music - Bollywood Hungama" (in ఇంగ్లీష్). Retrieved 2025-01-30.