అనురాధ శ్రీరామ్
| అనురాధ శ్రీరామ్ | |
|---|---|
 |
|
| జననం | జూలై 9, 1970  చెన్నై, ఇండియా |
| వృత్తి | శాస్త్రీయ సంగీత విద్వాంసురాలు, సినీ నేపథ్య గాయని |
| భార్య / భర్త | శ్రీరాం పరశురాం |
| తండ్రి | మీనాక్షి సుందరం మోహన్ |
| తల్లి | రేణుకాదేవి |
ప్రేమకథ చిత్రంలో ‘దేవుడు కరుణిస్తాడనీ, వరములు కురుపిస్తాడనీ నమ్మలేదు’ అనే పాటను హమ్ చేయని వారుండరూ అంటే అతిశయం కాదు. గాయకుడు రాజేష్‌తోపాటు వినిపించిన మధుర స్వరం ‘అనురాధ శ్రీరామ్’ది. కర్నాటక, హిందుస్థానీ శాస్త్రీయ సంగీతంలో ప్రవేశం ఉన్న అనురాధ తెలుగు, తమిళం, కన్నడ, హిందీ వంటి అనేక దేశీయ భాషల్లో అనేక పాటలకు స్వరం అందించి సంగీతాభిమానులను అలరించారు..
విషయ సూచిక
వ్యక్తిగత జీవితం[మార్చు]
అనురాధ శ్రీరామ్ పరుశురామ్‌ 1970 జులై 9న చెన్నైలో రేణుకాదేవి మరియు మీనాక్షి సుందరం మోహన్ దంపతులకు జన్మించారు. ఆమె తల్లి రేణుక దేవి కూడా నేపథ్య గాయని కావడం విశేషం. అనురాధ చెన్నైలోని క్వీన్స్‌ మేరి కళాశాల నుంచి సంగీతంలో బ్యాచిలర్‌ డిగ్రి, మాస్టర్‌ డిగ్రీని సంపాదించారు. డిగ్రీ, పోస్ట్‌ గ్రాడ్యుయేషన్‌ లెవల్‌లో ఆమె గోల్డ్‌ మెడల్‌ను సాధించారు. అందుకే ఆమెకు ఉన్నత విద్యాభ్యాసం కోసం ఆమెరికాకు వెళ్లడానికి ప్రభుత్వం తరుఫునుంచి స్కాలర్‌షిప్‌ లభించింది. శాస్త్రీయ సంగీతంలో ఉద్దండులైన ఎస్‌.కళ్యాణరామన్‌ నుంచి ఆమె కర్నాటక శాస్త్రీయ సంగీతంలో, మాణిక్‌ బువా టాకుర్‌ దాస్‌ వద్ద హిందుస్తానీ సంగీతంలో ప్రావీణ్యం పొందారు.
అనురాధ శ్రీరామ్ తన స్వరమాధుర్యంతో లక్షలాది మంది అభిమానగణాన్ని సంపాదించారు. కాలీవుడ్‌, టాలీవుడ్‌లతో పాటు బాలీవుడ్‌లోనూ మంచి గుర్తింపు పొందిన నేపథ్యగాయని. తమిళం, తెలుగు,మళయాళం, కన్నడ, హిందీ చిత్రాలలో అనేక పాటలకు తన స్వరాన్నందించారు.
కెరీర్‌[మార్చు]
ఉద్దండుల వద్ద శాస్త్రీయ సంగీతం శిక్షణ పొందాక అనురాధ అనేక కచేరీలలో తన గాత్రాన్ని వినిపించి సంగీతాభిమానులను అలరించారు. తమిళ చిత్రం ‘గోపుర దీపం’ (1997) లో ‘ఉల్లామే ఉనకుతన్‌’ అనే పాట ఆమెకు మంచి గుర్తింపు లభించింది. ఏ.ఆర్‌. రెహ్మాన్‌ కోసం ఆమె తొలిసారి 1995లో ‘ఇందిరా’ అనే చిత్రంలో ‘ ఇని అచ్చం ఇళ్లై’ అనే పాటును సోలోగా పాడింది.
ప్రస్థానం[మార్చు]
కర్నాటక సంగీతంలో ప్రావీణ్యం గడించిన అనురాధ ప్రపంచ వ్యాప్తంగా దాపు వెయ్యికి పైగా కచేరీలలో తన గాత్రాన్ని వినిపించి శాస్త్రీయ సంగీతాభిమానులను అలరించారు. ఆమెకు జాన పదాలు పాడటం అంటే ఎంతో ఆసక్తి. తన భర్త విద్వాన్‌ శ్రీరామ్ పరుశురామ్‌తో కలిసి అనేక జుగల్బందీ ప్రదర్శనలను చేపట్టారు. పరుశురామ్‌ హిందుసాని సంగీతంలో విద్వాంసుడు. నేటి వరకు ఆమె వివిధ భాషల్లో దాదాపు 3 వేలక పైగా పాటలను పాడి శ్రోతలను అలరించారు.
చిత్రాలలో[మార్చు]
కర్నాటక సంగీతంలో వివిధ రాగపై మంచి పట్టు ఉండటంతో ఆమెకు మంచి అవకాశాలు వచ్చాయి. ఈ సమయంలోనే ఆమె ప్రతిభను గుర్తించిన ఏ.ఆర్‌.రెహ్మాన్‌ తన చిత్రం ‘ఇందిర’ అనే చిత్రంలో ‘ఇని అచ్చం ఇళ్లే’ అనే పాటను పాడేందుకు అవకాశం ఇచ్చారు. తరువాత ఆమె దిల్‌సే వంటి అనేక చిత్రాలలో రెహ్మాన్‌తో కలిసి పనిచేశారు.
అవార్డులు[మార్చు]
- బెస్ట్‌ సెన్సేషనల్‌ సింగర్‌ అవార్డు - మలై కొట్టా (2007)
- సౌత్‌ స్క్రీన్‌ విడియోకాన్‌ అవార్డు- చెనై్న గాళ్‌
- ది ప్రెసిడెంట్‌ ఆఫ్‌ ఇండియా గోల్డ్‌ మెడల్‌ అవార్డు
- ఉత్తమ నేపథ్యగాయనీ అవార్డు- ఆశై (1995)
- డాజె.జయలలితా సినీ అవార్డు
- 3 సార్లు ఉత్తమ నేపథ్యగాయనీ అవార్డు
- కళైమామని అవార్డు
- అజంతా అవార్డు (1996)
- నాళం నాళం ( జాతీయ ఉత్తమ గాయనిగా నామినేషన్‌)
- ‘జెమిని’ చిత్రంలో పాటకు గాను ఐఐఎఫ్‌ఏ ఉత్తమ నేపథ్య గాయనీ
సంగీత దర్శకులు[మార్చు]
ఏ.ఆర్‌.రెహ్మాన్‌, తమన్‌, ఎస్‌.నారాయణ్‌, నదీమ్‌-శ్రవణ్‌, గంగై అమరాన్‌, విద్యా సాగర్‌, జి.వి.ప్రకాశ్‌ కుమార్‌, గోపి సుందర్‌, ధీనా, ఎమ్‌.ఎమ్‌. కీరవాణి, భరద్వాజ్‌, హారీస్‌ జయరాజ్‌, సందీప్‌ చౌతా, ఆర్పీ పట్నాయక్, అను మలిక్‌, దేవ, కోటి, ఇళయరాజా, ఆనంద్‌ రాజ్‌ ఆనంద్‌ మొదలైన సంగీత దర్శకులతో పనిచేశారు.
తెలుగులో[మార్చు]
మూలాలు[మార్చు]
సూర్య.కామ్ లో అనురాధ శ్రీరామ్ గురించిన వ్యాసం
| క్రమ సంఖ్య | సినిమా పేరు | పాట పేరు | సంవత్సరం | |
|---|---|---|---|---|
| 1 | రగడ | ఏంపిల్లో | 2011 | |
| 2 | విలన్‌ | కానల చిలకా | 2010 | |
| 3 | బంగారం | మస్తీ మారో | 2007 | |
| 4 | సీతయ్య | ఒక్క మగాడు | 2003 | |
| 5 | జెమిని | చెలి చెడుగుడు | 2003 | |
| 6 | శ్రీ మంజునాథ | ఆకాశమై ఆకారమై | 2002 | |
| 7 | నువ్వే కావాలి | అమ్మమ్మ తాతయ్యలు | 2001 | |
| 8 | ప్రేమకథ | దేవుడు కరుణిస్తాడని | 2000 | |
| 9 | కలిసుందాం రా | పసిఫిక్‌లో | 1999 | |
| 10 | వాలి | 1999 | ||
| 11 | ప్రేమకు వేళాయెరా | 1999 | ||
| 12 | మాంగల్య భాగ్యం | 1998 | ||
| 13 | మెరుపు కలలు | 1997 | ||
| 14 | సుస్వాగతం | మారో మారో | 1997 | |
| 15 | ప్రేమించుకుందాం రా | పెళ్ళి కళ | 1997 | |
| 16+ | పవిత్ర బంధం | 1996 | ||
| 17 | ప్రేమలేఖ | 1996 | ||
| 18 | భార్గవ్ | 1991 | ||
| 19 | పుట్టింటి పట్టు చీర | 1990 | ||
| 20 | ఆల్ రౌండర్ | 1984 |
