అమృతకాదేశ్వరర్ ఆలయం, సక్కొట్టై

అమృతకడేశ్వరర్ ఆలయం
తమిళనాడులో స్థానం
భౌగోళికం
భౌగోళికాంశాలు	10°56′7.09″N 79°23′59.4″E
దేశం	భారతదేశం
రాష్ట్రం	తమిళనాడు
జిల్లా	తంజావూరు జిల్లా
ప్రదేశం	సక్కోటై
సంస్కృతి
దైవం	అమృతకడేశ్వరర్ (శివుడు), అమృతవల్లి (పార్వతి)
వాస్తుశైలి
నిర్మాణ శైలులు	ద్రావిడ శిల్పకళ

అమృతకడేశ్వరర్ ఆలయం అనేది భారతదేశంలోని తమిళనాడు రాష్ట్రం, తంజావూరు జిల్లాలోని సక్కోటైలో ఉన్న శివునికి అంకితమైన ఒక హిందూ దేవాలయం. ఇక్కడ శివుడు అమృతకడేశ్వరర్‌గా లింగరూపంలో పూజింపబడతాడు. ఆయన సహధర్మిణి పార్వతి అమ్మవారు అమృతవల్లి అమ్మన్‌గా కొలువై ఉన్నారు. ఈ ఆలయం 7వ శతాబ్దానికి చెందిన తమిళ శైవ సాహిత్య గ్రంథమైన తేవారంలో నయనారులచే స్తుతించబడింది. అందువల్ల ఇది పాడల్ పెట్ర స్థలంగా గుర్తించబడింది. హిందూ పురాణాల ప్రకారం, సృష్టి తత్త్వం ఒక కుండ (స్థానికంగా ‘‘కలయం’’ అని పిలుస్తారు)లో ఈ ప్రాంతానికి చేరింది. అందువల్ల ఈ ప్రదేశం కలయనల్లూరు అనే పేరుతో ప్రసిద్ధి చెందింది. ఈ ఆలయానికి శైవ మతానికి చెందిన 63 మంది నయనారులలో ఒకరైన శాక్య నయనార్‌తో సన్నిహిత సంబంధం ఉంది. ఈ ఆలయంలో ప్రతిరోజూ ఉదయం 7 గంటల నుండి రాత్రి 10 గంటల వరకు నాలుగు కాలాలలో పూజలు జరుగుతాయి. శివరాత్రి, మాసి మగం (ఫిబ్రవరి–మార్చి), మార్గళి తిరువాధిరై (డిసెంబర్–జనవరి) ముఖ్య పండుగలుగా జరుపబడతాయి. ఈ ఆలయ ప్రాంగణంలో మూడు అంతస్తుల రాజగోపురం ఉంది. ఆలయాన్ని చుట్టూ లోపల, బయట కాలువలు ఉన్నాయి. ప్రస్తుత రాతి నిర్మాణం 9వ శతాబ్దంలో చోళ వంశకాలంలో నిర్మించబడింది. తరువాతి విస్తరణలు తంజావూరు నాయకుల కాలానికి చెందుతాయి. ఈ ఆలయ పరిపాలన తమిళనాడు ప్రభుత్వ హిందూ మత, ధర్మాదాయ శాఖచే నిర్వహించబడుతోంది.

పురాణకథ

ఆలయ దృశ్యం

హిందూ పురాణాల ప్రకారం ప్రళయ సమయంలో సృష్టి సారము ఒక కుండలో ఈ ప్రాంతానికి వచ్చింది. కుండను ‘‘కలయం’’ అని పిలిచినందువల్ల ఈ ప్రదేశం కలయనల్లూరు అని పిలువబడింది. సాంబందర్ తన తేవారం కీర్తనల్లో ఈ ప్రాంతంలో బౌద్ధులు (చక్కియార్) నివసించేవారని పేర్కొన్నారు. అందువల్ల ఈ ప్రాంతానికి మొదట చక్కియార్‌కొట్టై అనే పేరు ఉండేది, అది కాలక్రమేణా సక్కోటైగా మారింది. మరొక కథనం ప్రకారం, శాక్య నయనార్ శివుని అతి భక్తుడిగా ఉండేవాడు. ఆయన శాక్య వేషధారణలో శివుని పూజించేవాడు. ఒకసారి ఆయన పూజ సమయంలో పువ్వుల బదులు రాళ్లతో శివలింగాన్ని అలంకరించాడని గమనించకుండా చేశాడు. ఆపై ఆయన పశ్చాత్తాపంతో ప్రార్థించగా, కైలాసం నుండి రాళ్లు వర్షించాయని, శివపార్వతులు ప్రత్యక్షమయ్యారని విశ్వసిస్తారు. అందువల్ల ఈ ప్రదేశానికి సక్కోటై అనే పేరు వచ్చింది.

శిల్పకళ

చుట్టూ గోడలు ఉన్నాయి. ఇక్కడ ఒకే పలకపై సప్తమాతృకల శిల్పం, తపస్వియమాన్ చిత్రం ఉన్నాయి. ఆలయంలోని దక్షిణామూర్తి శిల్పం ప్రత్యేకమైనది, ఎందుకంటే ఇది నాలుగు చేతులతో చిత్రీకరించబడింది - కుడి పైచేతిలో రుద్రాక్షలతో చేసిన పూస, ఎడమ పైచేతిలో అగ్ని, కుడి కిందిచేతిలో చిన్ముద్ర, ఎడమ కిందిచేతిలో తాళపత్రాలు పట్టుకుని ఉన్నట్లుగా ఉంటుంది. దీనికి అనుబంధంగా ఉన్న ఆలయ పుష్కరిణిని చతుర్వేద తీర్థం అని పిలుస్తారు, ఆలయానికి సంబంధించిన వృక్షం వన్ని చెట్టు. ప్రధాన దైవం శివుడు, ఆయన అమృతకలశనాథర్ లేదా అమృతకదేశ్వరర్ రూపంలో ఉంటారు. అమ్మవారు అమృతవల్లి. చాలా మందిరాలు మధ్యయుగ చోళులచే నిర్మించబడ్డాయి. ఇక్కడ మురుగన్, గణేశుడికి మందిరాలు ఉన్నాయి. తంజావూరు నాయకుల కాలం నాటి ఇటుక మండపాలు కూడా ఉన్నాయి. లింగోద్భవ విగ్రహం పచ్చరాయితో చేయబడింది, అయితే అర్ధనారీశ్వర విగ్రహంలో ఆయన కుడి కాలు విశ్రాంతి భంగిమలో చిత్రీకరించబడింది. దక్షిణ వైపున చిన్న పరిమాణంలో దండపాణి మురుగన్, నర్తన వినాయకుడికి చిన్న మందిరాలు ఉన్నాయి. ముందు మండపంలో నంది బలిపీఠం ఉంది.

ధార్మిక ప్రాముఖ్యత

సక్కోటై ఆలయ దృశ్యం

సక్కోట్టై, ఇక్కడ నివసించిన నాయన్మార్ అయిన శాక్య నాయనార్ జీవితంతో ముడిపడి ఉంది. ఇది బ్రహ్మ శివుడిని పూజించిన ప్రదేశం కూడా. ఈ ఆలయాన్ని కీర్తిస్తూ సుందరర్ స్తోత్రాలను రచించారు. సుందరర్ ఏడవ తిరుమురైగా సంకలనం చేయబడిన తేవారం గ్రంథంలో పది పద్యాలలో అమృతకటేశ్వరుడిని కీర్తించారు. ఈ ఆలయం తేవరంలో కీర్తించబడినందున, ఇది శైవ గ్రంథాలలో ప్రస్తావించబడిన 276 దేవాలయాలలో ఒకటైన పాడల్ పెట్ర స్థలంగా వర్గీకరించబడింది.

విశేషాలు

కుంభకోణంలో ప్రతి 12 సంవత్సరాలకు ఒకసారి జరిగే మహామహం ఉత్సవానికి సంబంధించి 12 శివాలయాలు ఉన్నాయి. అవి:

• కాశీ విశ్వనాథర్ ఆలయం,
• ఆది కుంభేశ్వరర్ ఆలయం,
• సోమేశ్వరర్ ఆలయం,
• నాగేశ్వరస్వామి ఆలయం,
• కాలహస్తీశ్వరర్ ఆలయం,
• గౌతమేశ్వరర్ ఆలయం,
• కోడీశ్వరర్ ఆలయం,
• అమృతకడేశ్వరర్ ఆలయం,
• బాణపురీశ్వరర్ ఆలయం,
• అభిముకేశ్వరర్ ఆలయం,
• కంబట్ట విశ్వనాథర్ ఆలయం,
• ఏకాంబరేశ్వరర్ ఆలయం.

ఈ ఆలయం వాటిలో ఒకటి.

కుంభకోణం సప్తస్థాన ఆలయం

ఈ ఆలయం కుంభకోణంలోని సప్తస్థాన ఆలయాలలో ఒకటి. 2016 మహామహం సందర్భంగా 7 ఫిబ్రవరి 2016న పల్లకీ ఉత్సవం నిర్వహించబడింది. 21 ఏప్రిల్ 2016న మహామహం కుంటలో జరిగిన తీర్థవారిని అనంతరం, 23 ఏప్రిల్ 2016న సప్తస్థాన ఆలయాల పల్లకీ ఉత్సవం నిర్వహించబడింది. 23 ఏప్రిల్ 2016 సాయంత్రం 7.30 గంటలకు ఆది కుంభేశ్వరర్ ఆలయం నుండి ప్రారంభమైన ఉత్సవం, క్రింది ఆలయాలకు వెళ్లి 25 ఏప్రిల్ 2016 ఉదయం ముగిసింది.

• ఆది కుంభేశ్వరర్ ఆలయం
• అమృతకడేశ్వరర్ ఆలయం, సక్కోటై
• అవుదైనాథర్ ఆలయం, దరాసురం
• కబర్తీశ్వరర్ ఆలయం
• కోటైయూర్ కోడీశ్వరర్ ఆలయం
• కైలాసనాథర్ ఆలయం, మేళకావేరి
• స్వామినాథ స్వామి ఆలయం

ధార్మిక ఆచారాలు, పండుగలు

ఆలయ పూజారులు పండుగల సమయంలోను, ప్రతిరోజూ కూడా పూజలు నిర్వహిస్తారు. తమిళనాడులోని ఇతర శివాలయాల మాదిరిగానే, ఇక్కడి పూజారులు శైవ సంప్రదాయానికి చెందిన బ్రాహ్మణ ఉపవర్గానికి చెందుతారు. ఆలయంలో రోజుకు నాలుగు సార్లు పూజలు జరుగుతాయి; ఉదయం 8:00 గంటలకు కలశాంతి, ఉదయం 10:00 గంటలకు ఉచ్చికాలం, సాయంత్రం 6:00 గంటలకు సాయరక్షై, రాత్రి 10:00 గంటలకు అర్ధజామం. ప్రతి పూజలో నాలుగు దశలు ఉంటాయి: అభిషేకం (పవిత్ర స్నానం), అలంకారం, నైవేద్యం, దీపారాధన — ఇవన్నీ అన్నమలయ్యార్, ఉన్నములై అమ్మవారికి నిర్వహించబడతాయి. నాగస్వరం, తవిల్ వంటి వాయిద్యాల మధ్య పూజలు జరుగుతాయి. వేద మంత్రాల పఠనం, ధ్వజస్తంభం ఎదుట భక్తుల నమస్కారాలు జరుగుతాయి. సోమవారం, శుక్రవారం వంటి వారపు పూజలు, ప్రదోషం వంటి పక్ష పూజలు, అమావాస్య, కృత్తిక, పౌర్ణమి, చతుర్థి వంటి నెలవారీ పండుగలు నిర్వహించబడతాయి. మహాశివరాత్రి, మాసి మగం (ఫిబ్రవరి–మార్చి), మార్గళి తిరువాధిరై (డిసెంబర్–జనవరి) ప్రధాన పండుగలుగా జరుపబడతాయి.

కుంభాభిషేకం

ఈ ఆలయ కుంభాభిషేకం 22 అక్టోబర్ 2015న నిర్వహించబడింది.

కుంభాభిషేకం – 22 అక్టోబర్ 2015

• 
• 
• 
• 
• 
• 
• 

సూచనలు

• R., డా. విజయలక్ష్మి (2001). An introduction to religion and Philosophy - Tévarám and Tivviyappirapantam (1వ ఎడిషన్ ed.). చెన్నై: International Institute of Tamil Studies.
• శర్మ, శ్రీధర (2007). Kumbakonam Azhaikkirathu. New Horizon Media. ISBN 9788183682244.