అశోక్ మెహతా

వికీపీడియా నుండి
Jump to navigation Jump to search
అశోక్ మెహతా
జననం1947
పంజాబ్, భారతదేశం
మరణం2012 ఆగస్టు 15 (వయస్సు 64)
ముంబై, భారతదేశం
వృత్తిఛాయాచిత్రకారుడు, డైరెక్టర్ ఆఫ్ ఫొటోగ్రఫీ
క్రియాశీలక సంవత్సరాలు1978-2011
ప్రసిద్ధులుజాతీయ చలనచిత్ర పురస్కారాలు పొందిన ఛాయాగ్రాహకుడు

అశోక్ మెహతా (1947-ఆగస్టు 15, 2012) సుప్రసిద్ధుడైన భారతీయ సినిమా ఛాయాగ్రాహకుడు. ఆయన జాతీయ చలనచిత్ర పురస్కారాల్లో ఉత్తమ ఛాయాగ్రహణం పురస్కారాన్ని అందుకున్నారు. బాండిట్ క్వీన్, ఉత్సవ్, మండీ, త్రికాల్, రామ్ లఖన్, 36 చౌరంగీ లేన్, గజగామిని వంటి సినిమాల్లో తన ఛాయాగ్రహణానికి గాను ప్రసిద్ధి చెందారు. శేఖర్ కపూర్, అపర్ణా సేన్, శశి కపూర్, శ్యాం బెనగళ్, సుభాష్ ఘాయ్ వంటి ప్రతిభావంతులైన దర్శకులు [1]

తొలినాళ్ళు[మార్చు]

అశోక్ 14 సంవత్సరాల వయసులో ఢిల్లీలోని తమ కుటుంబం నుంచి పారిపోయారు. అలా పారిపోయి బొంబాయి నగరం చేరుకుని పొట్టకూటి కోసం కోడిగుడ్లు అమ్మే చిరువ్యాపారికి సహాయకునిగా చేరారు. ఆ వ్యాపారి వద్ద కోడిగుడ్లను అమ్మే పనిచేసేవాడు. ఆయన తర్వాతికాలంలో కోసిన పుచ్చకాయ ముక్కలు అమ్ముకుంటూ బ్రతికేవారు. అలా కొన్నేళ్ళపాటు చిన్న చిన్న పనులు బ్రతుకు నడిపేందుకు చేస్తూవచ్చారు.

సినీ కెరీర్[మార్చు]

పుచ్చకాయ ముక్కలు అమ్ముకుంటున్న స్థితిలో ఓసారి సెలవురోజున దాద్రాలో జరిగిన సినిమా చిత్రీకరణ చూసి సినిమా తీసే పద్ధతి వైపు ఆకర్షితులైనారు. ఆపైన చెంబూర్ లోని ఆశా స్టూడియోలో కేంటీన్ బాయ్ గా పనిచేశారు. క్రమంగా ఆర్కే స్టూడియోలో ప్రొడక్షన్ బాయ్ గా పనిచేసే అవకాశం పొందారు. సెట్స్, కెమెరా, లైటింగ్ వంటి సినిమా నిర్మాణ వ్యవహారాలను అర్థంచేసుకునేందుకు సెట్స్ పై ఏ చిన్న పనివారు సెలవు పెట్టినా వారి పని తాను చేస్తూ వాటిపై అవగాహన ఏర్పరుచుకోవడం ప్రారంభించారు.

ఛాయాగ్రహణం[మార్చు]

తర్వాతి అడుగుగా ఆయన కెమెరా అటెండెంట్ గా పనిచేసి ఛాయాగ్రహణం గురించి, కెమెరా సాంకేతికత గురించి తెలుసుకున్నారు. శ్రీకృష్ణా స్టూడియోలో కెమెరా అసిస్టెంట్ గా పనిచేయడం ప్రారంభించి క్రమంగా ఛాయాగ్రాహకుడు అయ్యారు. రాజ్ మార్బ్రో తీసిన ద విట్ నెస్ సినిమా ఆయన కెరీర్ లో మలుపుగా నిలిచింది. ఆ సినిమా ఆర్థికంగా విజయవంతం కాకపోయినా అప్పటి సుప్రఖ్యాత హీరో శశికపూర్ దృష్టిలో పడేట్టు చేసింది.

మూలాలజాబితా[మార్చు]

  1. శిద్దారెడ్డి, వెంకట్. "సినిమాటోగ్రాఫర్ అశోక్ మెహతా-నివాళి". నవతరంగం. Retrieved 25 April 2016.

ఇతర లింకులు[మార్చు]