అశ్విన్ చితలే
అశ్విన్ చితలే | |
|---|---|
.jpg) 2024 లో అశ్విన్ | |
| జననం | 1996 ఏప్రిల్ 18 పూణే, మహారాష్ట్ర, భారతదేశం |
| జాతీయత | భారతీయుడు |
| వృత్తి | నటుడు, కవి |
| క్రియాశీలక సంవత్సరాలు | 2004–ప్రస్తుతం |
| Notable work | శ్వాస్ (2004)
ట్యాక్సీ నం. 9211 (2006) ఆశాయే (2010) |
| పురస్కారాలు | జాతీయ ఉత్తమ బాలనటుడు పురస్కారం |
అశ్విన్ చితలే భారతీయ కవి, రచయిత, కథకుడు, నటుడు.[1][2][3] ఇతన్ని అశ్విన్ అఫ్రాద్ అని కూడా అంటారు. అతను మరాఠీ భాషా చిత్రం శ్వాస్ (2004)లో తన నటనకు ఉత్తమ బాల నటుడిగా జాతీయ అవార్డును గెలుచుకున్నాడు.[4] నగేష్ కుకునూర్ దర్శకత్వం వహించిన హిందీ చిత్రం ఆశాయేలో గోవింద పాత్రను పోషించాడు.[5] అతను నటించిన ఇతర హిందీ చిత్రాలు జోర్ లగా కే... హైయా! (2009), ఆహిస్తా ఆహిస్తా (2006). టాక్సీ నంబర్ 9211 (2006)లో రాఘవ్ శాస్త్రి (నానా పటేకర్) కుమారుడు రిషబ్ శాస్త్రి పాత్రను పోషించాడు.
చితలే పూణేకు చెందినవాడు.[6] నూతన్ మరాఠీ విద్యాలయంలో పాఠశాల విద్యను పూర్తి చేశాడు.[6] ఇండాలజీ, తత్వశాస్త్రంలో మాస్టర్స్ డిగ్రీని పూర్తి చేశాడు.[7]
అశ్విన్ భారతదేశంలో చరిత్ర, వారసత్వం, కళ, సాంస్కృతిక అవగాహనకు అంకితమైన ఆశ్విన్ హెరిటేజ్ అనే సంస్థను స్థాపించారు. చరిత్రకు ప్రాణం పోసేలా కథ, కథనాలను మిళితం చేస్తూ ఆయన దేశవ్యాప్తంగా వారసత్వ నడకలు, పర్యటనలూ నిర్వహించాడు. పూణేలో ఉన్న ఈ సంస్థ, ముఖ్యంగా మహమ్మారి తర్వాత నగరంలోను, చుట్టుపక్కలా వారసత్వ నడకలను తరచుగా నిర్వహిస్తుంది.[8]
అశ్విన్కు పర్షియన్ భాషపై లోతైన ఆసక్తి ఉంది. రూమీ హై అనే ప్రదర్శనను సృష్టించాడు. ఇది రూమీ జీవితం, రచనలను చిత్రీకరిస్తుంది. తన రంగస్థల కలం పేరు అఫ్రాద్తో ప్రదర్శన ఇస్తూ అశ్విన్ చితలే, ఈ నిర్మాణానికి ప్రాణం పోశాడు.[9]
2024 లో, అశ్విన్కు సింధీ భాషపై ఆసక్తి పెరిగింది. సూఫీ కవి షా అబ్దుల్ లతీఫ్ భిట్టై రాసిన ఏడు సింధీ ప్రేమకథల ఆధారంగా షా జో రిసాలో అనే ప్రదర్శనను సృష్టించాడు.[3]
అశ్విన్ పర్షియన్, ఉర్దూ భాషలను కూడా బోధిస్తాడు. వారసత్వ పర్యటనలు నిర్వహిస్తాడు. పిల్లల కోసం కథ చెప్పే వర్క్షాప్లను నిర్వహిస్తాడు. రూమీ, సూఫీయిజం, ఒమర్ ఖయ్యామ్, పర్షియన్ సాహిత్య సంప్రదాయంపై ఆయన అనేక ఆన్లైన్, ఆఫ్లైన్ ఉపన్యాసాలు ఇచ్చాడు.
మూలాలు
[మార్చు]- ↑ "Ruminating over Rumi". punemirror.com (in ఇంగ్లీష్). 2021-11-08. Retrieved 2025-01-13.
- ↑ "Pune This Week: From searching for love on stage to exploring the poetry of Rumi and travelling to the valley of flowers". The Indian Express (in ఇంగ్లీష్). 2022-09-15. Retrieved 2025-01-13.
- ↑ 3.0 3.1 "National Award winner to bring Sindhi love sagas to Pune". The Indian Express (in ఇంగ్లీష్). 2024-03-31. Retrieved 2025-01-13.
- ↑ Rajadhyaksha, Mukta (2004-10-09). "Breath of hope". Frontline. Retrieved 4 May 2013.
- ↑ Paw. "Ashayein". filmytown.com. Archived from the original on 17 సెప్టెంబర్ 2012. Retrieved 4 May 2013.
{{cite web}}: Check date values in:|archive-date=(help) - ↑ 6.0 6.1 Nadar, Ganesh (2004-11-02). "At home with Shwaas star Ashwin Chitale". rediff.com. Retrieved 4 May 2013.
- ↑ "Ruminating over Rumi". punemirror.com (in ఇంగ్లీష్). 2021-11-08. Retrieved 2025-01-13.
- ↑ "Ruminating over Rumi". punemirror.com (in ఇంగ్లీష్). 2021-11-08. Retrieved 2025-01-13.
- ↑ "Ruminating over Rumi". punemirror.com (in ఇంగ్లీష్). 2021-11-08. Retrieved 2025-01-13.