అహోబిలం

అహోబిలం
రెవెన్యూ గ్రామం
ఎగువ ఆహోబిలం ఆలయ గోపురం
అహోబిలం
అక్షాంశ రేఖాంశాలు: 15°7′52.0″N 78°40′29.9″E
దేశం	భారతదేశం
రాష్ట్రం	ఆంధ్రప్రదేశ్
జిల్లా	నంద్యాల
మండలం	ఆళ్లగడ్డ
విస్తీర్ణం	13.5 కి.మీ2 (5.2 చ. మై)
జనాభా  (2011)	3,732
• జనసాంద్రత	280/కి.మీ2 (720/చ. మై.)
అదనపు జనాభాగణాంకాలు
• పురుషులు	1,898
• స్త్రీలు	1,834
• లింగ నిష్పత్తి	966
• నివాసాలు	1,019
ప్రాంతపు కోడ్	+91 ( )
పిన్‌కోడ్	518543
2011 జనగణన కోడ్	594549

అహోబిలం, నంద్యాల జిల్లా, ఆళ్లగడ్డ మండలానికి చెందిన గ్రామం. ఇది మండల కేంద్రమైన ఆళ్లగడ్డ నుండి 22 కి. మీ. దూరం లోను, సమీప పట్టణమైన నంద్యాల నుండి 60 కి. మీ. దూరంలోనూ ఉంది. ఇక్కడ ప్రసిద్ధి చెందిన అహోబిల మఠ లక్ష్మీనరసింహ స్వామి ఆలయం కారణంగా ఇది ఒక పుణ్యక్షేత్రంగా పేరొందింది.

భౌగోళికం

ఇది మండల కేంద్రమైన ఆళ్లగడ్డ నుండి 22 కి. మీ. దూరం లోను, సమీప పట్టణమైన నంద్యాల నుండి 60 కి. మీ. దూరంలోనూ ఉంది.

దిగువ అహోబిలం ఆలయం, ఆహోబిలం

సమీప గ్రామాలు

ఆలమూరు 9 కి.మీ, ఆర్.కృష్ణాపురం 11 కి.మీ, టి.లింగందిన్నె 11 కి.మీ, నరసాపురం 11 కి.మీ, ముత్తలూరు 13 కి.మీ.

గణాంకాలు

2011 భారత జనగణన గణాంకాల ప్రకారం ఈ గ్రామం 1019 ఇళ్లతో, 3732 జనాభాతో 1350 హెక్టార్లలో విస్తరించి ఉంది. మగవారి సంఖ్య 1898, ఆడవారి సంఖ్య 1834..

2001 వ.సంవత్సరం జనాభా లెక్కల ప్రకారం గ్రామ జనాభా 3,280. ఇందులో పురుషుల సంఖ్య 1,641, మహిళల సంఖ్య 1,639, గ్రామంలో నివాస గృహాలు 771 ఉన్నాయి. గ్రామ విస్తీర్ణం 1,350 హెక్టారులు.

అహోబిల మఠం

ప్రధాన వ్యాసం: అహోబిల మఠం

భవనాశని జలపాతం

అహోబిలంలో ఉగ్రస్తంభానికి చేరుకునేందుకు వెళ్లాల్సిన మార్గం

అహోబిల మఠం (శ్రీ అహోబిల మఠం అని కూడా పిలుస్తారు) అనేది వడకలై శ్రీ వైష్ణవ మఠం సా.శ. 1400 లో ఆంధ్రప్రదేశ్‌ రాష్ట్రం, అవిభాజ్య కర్నూలు జిల్లా, ఆళ్లగడ్డ మండలం, అహోబిలంలో వేదాంత దేశిక వడకళై సంప్రదాయాన్ని అనుసరించి స్థాపించబడింది. ఇది ఆదివాన్ శతకోప స్వామి (వాస్తవానికి శ్రీనివాసాచార్య అని పిలుస్తారు)కి ఆపాదించబడింది.

రవాణా సౌకర్యాలు

• రోడ్డు మార్గం: హైదరాబాదు నుండి అహోబిలం వెళ్ళేందుకు రోడ్డు సౌకర్యం ఉంది.కడప,తిరుపతి నుండి వచ్చువారు, చాగలమర్రి నుంచి ముత్యాలపాడు, క్రిష్టాపురం, బాచేపల్లి మీదుగా కూడా అహోబిలం చేరుకోవచ్చు.
• రైలు మార్గం: అహోబిలం దగ్గరలోని రైలు నిలయం నంద్యాల. చెన్నై-బొంబాయి రైల్వేమార్గంలో గల కడప స్టేషన్‌లోదిగితే, ఆళ్లగడ్డ మీదుగా 115 కి.మీ. దూరంలో రహదారిమార్గంలో చేరవచ్చు.
• విమాన మార్గం: అహోబిలం దగ్గరలోని విమానాశ్రయం కర్నూలు

విద్యా సౌకర్యాలు

గ్రామంలో ప్రభుత్వ ప్రాథమిక పాఠశాలలు రెండు, ప్రైవేటు ప్రాథమిక పాఠశాల ఒకటి, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి. సమీప బాలబడి ఆళ్లగడ్డలో ఉంది. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల ఆళ్లగడ్డలోను, ఇంజనీరింగ్ కళాశాల కె. కందుకూరులోనూ ఉన్నాయి. సమీప వైద్య కళాశాల, మేనేజిమెంటు కళాశాల, పాలీటెక్నిక్ నంద్యాలలో ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం నంద్యాలలోను, దివ్యాంగుల ప్రత్యేక పాఠశాల కర్నూలు లోనూ ఉన్నాయి.

భూమి వినియోగం

అహోబిలంలో భూ వినియోగం కింది విధంగా ఉంది:

• అడవి: 368 హెక్టార్లు
• వ్యవసాయేతర వినియోగంలో ఉన్న భూమి: 204 హెక్టార్లు
• వ్యవసాయం సాగని, బంజరు భూమి: 59 హెక్టార్లు
• శాశ్వత పచ్చిక ప్రాంతాలు, ఇతర మేత భూమి: 183 హెక్టార్లు
• తోటలు మొదలైనవి సాగవుతున్న భూమి: 2 హెక్టార్లు
• వ్యవసాయం చేయదగ్గ బంజరు భూమి: 48 హెక్టార్లు
• సాగులో లేని భూముల్లో బీడు భూములు కానివి: 21 హెక్టార్లు
• బంజరు భూమి: 25 హెక్టార్లు
• నికరంగా విత్తిన భూమి: 440 హెక్టార్లు
• నీటి సౌకర్యం లేని భూమి: 423 హెక్టార్లు
• వివిధ వనరుల నుండి సాగునీరు లభిస్తున్న భూమి: 63 హెక్టార్లు

నీటిపారుదల సౌకర్యాలు

వ్యవసాయానికి నీటి సరఫరా కింది వనరుల ద్వారా జరుగుతోంది.

• కాలువలు: 31 హెక్టార్లు* బావులు/బోరు బావులు: 24 హెక్టార్లు* చెరువులు: 8 హెక్టార్లు

ఉత్పత్తి

ప్రధాన పంటలు

వరి, కందులు, మినుములు

ప్రధాన వృత్తులు

వ్యవసాయం, వ్యవసాయాధారిత వృత్తులు