ఆంధ్రప్రభ
 | |
| రకం | ప్రతిదినం |
|---|---|
| రూపం తీరు | బ్రాడ్షీట్ |
| యాజమాన్యం | ది న్యూ ఇండియన్ ఎక్స్‌ప్రెస్ |
| ప్రచురణకర్త | ది న్యూ ఇండియన్ ఎక్స్‌ప్రెస్ |
| స్థాపించినది | ఆగస్టు 15, 1938 మద్రాసు,[1] |
| ముద్రణ నిలిపివేసినది | 1958-59 |
| జాలస్థలి | http://www.prabhanews.com/home |
ఆంధ్రప్రభ ఒక తెలుగు దిన పత్రిక. దీనిని 1938 ఆగష్టు 15న ఇండియన్ ఎక్స్ ప్రెస్ యజమాని రామనాథ్ గోయంకా మద్రాసులో ప్రారంభించాడు.[1] అప్పుడు ఖాసా సుబ్బారావు సంపాదకుడిగా ఉన్నాడు. అతని తరువాత న్యాపతి నారాయణమూర్తి సంపాదకుడైనాడు. 1942లో నార్ల వెంకటేశ్వరరావు సంపాదకత్వ బాధ్యతలు స్వీకరించి సుమారు 16 సంవత్సరాలు పనిచేశాడు. కొంతకాలం విద్వాన్ విశ్వం సంపాదకునిగా వున్నాడు. 1958-59లో కార్మిక వివాదం కారణంగా పత్రిక యాజమాన్యం లాకౌట్ ప్రకటించింది. నార్ల వెంకటేశ్వర రావు సంపాదకత్వానికి రాజీనామా చేశాడు. యాజమాన్యం మారడానికి ముందు సుమారు దశాబ్దకాలం వి. వాసుదేవ దీక్షితులు సంపాదకుడిగా పనిచేశాడు. పొత్తూరి వేంకటేశ్వరరావు 1977 మే 5 న హైదరాబాదు సంచిక స్థానిక ముద్రణ ప్రారంభపు తొలి స్థానిక సంపాదకుడుగా చేరి 1980 వరకు పనిచేశాడు. ఆ తరువాత కొంతకాలం ఆంధ్రప్రభ సచిత్ర వారపత్రిక ఎడిటర్ గా పనిచేసి మరల 1983 లో మరల దినపత్రిక ఎడిటర్ పదవి చేపట్టి, 1991 జూన్ 6 న పదవీ విరమణ చేశాడు. [2]
ప్రస్తుత యజమాని ముత్తా గౌతమ్స్ గుప్తా.
మూలాలు
[మార్చు]- ↑ 1.0 1.1 బెందాళం, క్రిష్ణారావు (2006). "మేటి పత్రికలు-ఆంధ్రప్రభ", వార్తలు ఎలా రాయాలి. ఋషి ప్రచురణలు. pp. 418–419.
- ↑ పొత్తూరి, వేంకటేశ్వరరావు (2015). విధి నా సారథి. ఎమెస్కో. pp. 167–168. ISBN 978-93-85231-06-3.
బయటి లింకులు
[మార్చు]- ఇంటర్నెట్ లో ఆంధ్రప్రభ పేజీ. Archived 2014-09-12 at the Wayback Machine