ఆటపాక

ఆటపాక
—  రెవిన్యూ గ్రామం  —
ఆటపాక ఆంధ్రప్రదేశ్ పటంలో గ్రామ స్థానం
అక్షాంశరేఖాంశాలు:
రాష్ట్రం	ఆంధ్రప్రదేశ్
జిల్లా	ఏలూరు
మండలం	కైకలూరు
ప్రభుత్వం
- సర్పంచి	శ్రీమతి కొదమల శ్యామలత
జనాభా (2011)
- మొత్తం	5,460
- పురుషులు	2,698
- స్త్రీలు	2,762
- గృహాల సంఖ్య	1,496
పిన్ కోడ్	521333
ఎస్.టి.డి కోడ్	08677

అతపాక ఏలూరు జిల్లా, కైకలూరు మండలంలోని గ్రామం. ఇది మండల కేంద్రమైన కైకలూరు నుండి 2 కి. మీ. దూరం లోను, సమీప పట్టణమైన ఏలూరు నుండి 26 కి. మీ. దూరంలోనూ ఉంది.

గణాంకాలు

2001 వ.సంవత్సరం జనాభా లెక్కల ప్రకారం గ్రామ జనాభా 4883. ఇందులో పురుషుల సంఖ్య 2453, స్త్రీల సంఖ్య 2430, గ్రామంలో నివాసగృహాలు 1144 ఉన్నాయి.

2011 భారత జనగణన గణాంకాల ప్రకారం ఈ గ్రామం 1496 ఇళ్లతో, 5460 జనాభాతో 437 హెక్టార్లలో విస్తరించి ఉంది. గ్రామంలో మగవారి సంఖ్య 2698, ఆడవారి సంఖ్య 2762. షెడ్యూల్డ్ కులాల సంఖ్య 1224 కాగా షెడ్యూల్డ్ తెగల సంఖ్య 8. గ్రామం యొక్క జనగణన లొకేషన్ కోడ్ 589342.

విద్యా సౌకర్యాలు

గ్రామంలో ప్రభుత్వ ప్రాథమిక పాఠశాలలు రెండు, ప్రైవేటు ప్రాథమిక పాఠశాలలు నాలుగు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాలలు రెండు, ప్రైవేటు మాధ్యమిక పాఠశాలలు రెండు ఉన్నాయి. ఒక ప్రభుత్వ జూనియర్ కళాశాల ఉంది.సమీప బాలబడి కైకలూరులో ఉంది.సమీప ప్రభుత్వ ఆర్ట్స్ / సైన్స్ డిగ్రీ కళాశాల కైకలూరులోను, ఇంజనీరింగ్ కళాశాల ఏలూరులోనూ ఉన్నాయి. సమీప వైద్య కళాశాల, మేనేజిమెంటు కళాశాల ఏలూరులోను, పాలీటెక్నిక్ కలిదిండిలోనూ ఉన్నాయి.సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల ఏలూరులో ఉన్నాయి.

వైద్య సౌకర్యం

ప్రభుత్వ వైద్య సౌకర్యం

అతపాకలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు.

సమీప సామాజిక ఆరోగ్య కేంద్రం గ్రామం నుండి 5 కి.మీ. లోపు దూరంలో ఉంది. పశు వైద్యశాల గ్రామం నుండి 5 కి.మీ. లోపు దూరంలో ఉంది. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. సంచార వైద్య శాల గ్రామం నుండి 5 నుండి 10 కి.మీ. దూరంలో ఉంది. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం

గ్రామంలో3 ప్రైవేటు వైద్య సౌకర్యాలున్నాయి. ఎమ్బీబీయెస్ డాక్టర్లు ఇద్దరు, డిగ్రీ లేని డాక్టర్లు ఇద్దరు ఉన్నారు. ఒక మందుల దుకాణం ఉంది.

తాగు నీరు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. కాలువ/వాగు/నది ద్వారా, చెరువు ద్వారా కూడా గ్రామానికి తాగునీరు లభిస్తుంది.

పారిశుధ్యం

గ్రామంలో మురుగునీటి పారుదల వ్యవస్థ లేదు. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

అతపాకలో పోస్ట్ అండ్ టెలిగ్రాఫ్ ఆఫీసు ఉంది. సబ్ పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. పోస్టాఫీసు సౌకర్యం గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. రైల్వే స్టేషన్ ఉంది. ట్రాక్టరు సౌకర్యం గ్రామానికి 5 కి.మీ. లోపు దూరంలో ఉంది. ప్రైవేటు బస్సు సౌకర్యం గ్రామం నుండి 10 కి.మీ.కి పైబడిన దూరంలో ఉంది.

రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.కైకలూరు, మండవల్లి నుండి రోడ్దురవాణా సౌకర్యం ఉంది. రైల్వేస్టేషన్: విజయవాడ 71 కి.మీ

మార్కెటింగు, బ్యాంకింగు

గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు గ్రామం నుండి 5 కి.మీ. లోపు దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 కి.మీ. లోపు దూరంలో ఉన్నాయి.

ఆరోగ్యం, పోషణ, వినోద సౌకర్యాలు

గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. సమీకృత బాలల అభివృద్ధి పథకం, ఆటల మైదానం గ్రామం నుండి 5 కి.మీ. లోపు దూరంలో ఉన్నాయి.

విద్యుత్తు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

గ్రామ ప్రముఖులు

బందా కనకలింగేశ్వరరావు : సుప్రసిద్ధ రంగస్థల, సినిమా నటుడు, నాటక ప్రయోక్త, నాట్యకళా పోషకుడు.

• బందా కనకలింగేశ్వరరావు : సుప్రసిద్ధ రంగస్థల, సినిమా నటుడు, నాటక ప్రయోక్త, నాట్యకళా పోషకుడు.ఇతను ఆటపాక గ్రామంలో జన్మించా[g. ఆటపాకలో ప్రాథమిక విద్యాభ్యాసం తర్వాత బందరు నోబుల్ కళాశాలలో చదివి, మద్రాసు లా కళాశాల నుండి 1932 లో బి.ఎల్. పట్టా పుచ్చుకున్నారు. 1934లో మొదట న్యాయవాదిగా పనిచేసి, తరువాతి కాలంలో నాటక ప్రదర్శనే వృత్తిగా చేసుకున్నారు.ఇతను నాటకాలలో అనేక పాత్రలు పోషించాడు. వాటిలో బాహుకుడు,

• ప్రముఖ వైద్యులు - రుద్రపాక కనకలింగేశ్వరరావుగారి జన్మస్థలం.

గ్రామ విశేషాలు

ప్రపంచ ప్రసిద్ధి గాంఛిన 2వ మంఛి నీరు కొల్లెరు సరస్సు గలదు. లంక గ్రామాలకు మంచి నీరు సరాఫరా అవుతుంది.

భూమి వినియోగం

అతపాకలో భూ వినియోగం కింది విధంగా ఉంది:

• వ్యవసాయేతర వినియోగంలో ఉన్న భూమి: 91 హెక్టార్లు
• వ్యవసాయం సాగని, బంజరు భూమి: 94 హెక్టార్లు

• నికరంగా విత్తిన భూమి: 251 హెక్టార్లు

• వివిధ వనరుల నుండి సాగునీరు లభిస్తున్న భూమి: 251 హెక్టార్లు

నీటిపారుదల సౌకర్యాలు

అతపాకలో వ్యవసాయానికి నీటి సరఫరా కింది వనరుల ద్వారా జరుగుతోంది.

• కాలువలు: 251 హెక్టార్లు

ఉత్పత్తి

అతపాకలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు

వరి

ప్రధాన వృత్తులు

ఈ గ్రామం, అన్ని రకాల వ్యాపార వృత్తులకు, చేపల పెంపకాలకు అనుకూలమైన ప్రదేశము.

గ్రామ పంచాయతీ

1. అటపాక అనేది చిన్న గ్రామం.
2. 2013 జూలైలో ఈ గ్రామ పంచాయతీకి జరిగిన ఎన్నికలలో కొదమల శ్యామలత, సర్పంచిగా ఎన్నికైంది. ఉపసర్పంచిగా వేలూరి శ్రీనివాసరావు ఎన్నికైనాడు.
3. కేంద్ర ప్రభుత్వ నిబంధనల మేరకు పరిపాలన చేయుచున్న తీరుపై ఈ గ్రామ పంచాయతీ, జిల్లాలోనే ఉత్తమ పంచాయతీగా ఎంపికైంది.

గ్రామంలోని దేవాలయాలు

శ్రీ సర్వమంగళ పార్వతీ సమేత శ్రీ కనకలింగేశ్వరస్వామివారి ఆలయం

ఈ ఆలయంలో పునఃప్రతిష్ఠా మహోత్సవాలు 2017, ఫిబ్రవరి-22వతేదీ బుధవారంనాడు ప్రారంభమైనవి. శ్రీ జంపన రామలింగరాజు దంపతుల ఆర్థిక సహకారంతో నిర్మించిన రాజగోపుర ప్రతిష్ఠను బుధవారం ఉదయం వైభవంగా నిర్వహించారు. ఈ సందర్భంగా గోపూజ, నగర సంకీర్తన, విఘ్నేశ్వరపూజ, దీక్షాధారణ, పుణ్యాహవచనం మొదలగు ప్రత్యేకపూజలు నిర్వహించారు. సాయంత్రం చతుర్వేద పారాయణం, ప్రవచనం, నీరాజన మంత్ర పుష్పం నిర్వహించారు. ఈ ఆలయ పునర్నిర్మాణానికి దాతలు, దేవాదాయ ధర్మాదాయ శాఖ అందించిన 70 లక్షల రూపాయలకు పైగా నిధులతో ఈ పనులు చేపట్టినారు. 23వతేదీ గురువారంనాడు వీరభద్ర పళ్ళెం గ్రామోత్సవం, 24వతేదీ శుక్రవారం సాయంత్రం స్వామివారి దివ్యకల్యాణం నిర్వహించెదరు.

గ్రామంలోని దర్శనీయ ప్రదేశాలు

పక్షి సంరక్షణా కేంద్రం, పరిశీలనా ప్రాంతం

అటపాక పక్షుల విహార స్థలం. ఇక్కడ పక్షుల పరిశీలనకు అనువుగా బర్డ్స్ వ్యూ పాయింట్ ఏర్పాటుచేయబడింది. ఇక్కడ సంరక్షణా కేంద్రం కొల్లేరు మద్యస్థంగా కైకలూరు అడవీ ప్రాంత పరిధిలో ఉంది. ఈ సంరక్షణా కేంద్రం 673 కిలోమీటర్ల పరిధిలో పశ్చిమగోదావరి జిల్లా, ఏలూరు జిల్లాలలో తడినేలల్లో విస్తరించుకొని ఉంది. ఇక్కడ వ్యూపాయింట్, పార్క్ ఉంది. పిల్లలు ఆడుకొనేటందుకు ఏర్పాట్లు చేసారు. కొల్లేటి పక్షులకు సంబంధించిన సమాచారము, వాటి చిత్రాల ప్రదర్శన ఉంది.

వెలుపలి లింకులు

• http://www.thehindu.com/todays-paper/tp-in-school/birds-die-at-atapaka-bird-sanctuary/article4436938.ece